ເປີດແທ່ນສີລາຈາລຶກອະດີດກອງຮ້ອຍຫີນເພັດວິລະຊົນ

ເປີດແທ່ນສີລາຈາລຶກອະດີດກອງຮ້ອຍຫີນເພັດວິລະຊົນ - 179 - ເປີດແທ່ນສີລາຈາລຶກອະດີດກອງຮ້ອຍຫີນເພັດວິລະຊົນ
ເປີດແທ່ນສີລາຈາລຶກອະດີດກອງຮ້ອຍຫີນເພັດວິລະຊົນ - Untitled design - ເປີດແທ່ນສີລາຈາລຶກອະດີດກອງຮ້ອຍຫີນເພັດວິລະຊົນ

ພິທີມອບ-ຮັບ ແລະ ເປີດແທ່ນສີລາຈາລຶກ ອະ​ດີດກອງຮ້ອຍຫີນເພັດວິລະຊົນ ໄດ້ຈັດຂຶ້ນໃນບ່າຍວັນທີ 17 ກໍລະກົດນີ້ ທີ່ສູນກາງແນວລາວສ້າງຊາດ ໂດຍມີສະຫາຍ ໄຊສົມພອນ ພົມວິຫານ ກໍາມະການກົມການເມືອງສູນກາງພັກ, ປະທານສູນກາງແນວລາວສ້າງຊາດ, ສະຫາຍ ຈັນສະໝອນ ຈັນຍາລາດ ກໍາມະການກົມການເມືອງສູນກາງພັກ, ລັດຖະມົນຕີກະຊວງປ້ອງກັນປະເທດ.

ສະຫາຍ ຈັນສະໝອນ ຈັນຍາລາດ ​ໄດ້​ມີ​ຄຳ​ເຫັນ​ໃນ​ພິທີວ່າ: ນີ້ຄືສັນຍາລັກທີ່ມີຄວາມໝາຍສໍາຄັນທາງປະຫວັດສາດຂອງການປະຕິວັດຢູ່ປະເທດເຮົາ​ ໂດຍສະເພາະພາຍຫລັງສັນຍາເຊີແນວ​ເມື່ອວັນທີ 23 ກໍລະກົດ 1962 ກ່ຽວກັບລາວ ​ແລະ​ ໄດ້ຈັດຕັ້ງລັດຖະບານປະສົມ 3 ຝ່າຍ ຢູ່ລາວ ຊຶ່ງເປັນການລວມລາວເທື່ອທີ 2 ແລະ ຢູ່ໃນສັນຍາໄດ້ຮັບຮອງໃຫ້ຝ່າຍແນວລາວຮັກຊາດ ນໍາເອົາກອງທະຫານໜຶ່ງກອງຮ້ອຍ ພ້ອມອາວຸດຄົບຊຸດ ເພື່ອເຮັດໜ້າທີ່ປ້ອງກັນຜູ້ນໍາແນວລາວຮັກຊາດຢູ່ວຽງຈັນ. ຈາກນັ້ນ, ກອງບັນຊາການສູງສຸດກອງທັບປົດປ່ອຍປະຊາຊົນລາວ ຈຶ່ງຕົກລົງຊັບຊ້ອນເອົາພະນັກງານນັກຮົບໃນກອງພັນ 24 ຈໍານວນໜຶ່ງຈາກກອງຮ້ອຍ ຊຶ່ງເປັນກົມກອງທີ່ເຄີຍໄດ້ຜ່ານການເຄື່ອນໄຫວສູ້ຮົບມາປະຈໍາການຢູ່ວຽງຈັນ ແລະ ຕະຫລອດໄລຍະທີ່ກອງຮ້ອຍຫີນເພັດມາປະຈໍາການຢູ່ວຽງຈັນ ພວກສັດຕູປະຕິການຂວາຈັດ ໄດ້ດໍາເນີນການປິດລ້ອມຮອບດ້ານ ເ​ຮັດໃຫ້ການເຄື່ອນໄຫວຂອງອ້າຍນ້ອງຖືກຈໍາກັດຮັດແຄບ ແລະ ຖືກກົດດັນ, ຖືກກັ່ນແກ້ງ ທີ່ເຕັມໄປດ້ວຍຄວາມອັນຕະລາຍຢູ່ຕະຫລອດເວລາ, ພວກເຂົາໄດ້ໃຊ້ກໍາລັງປິດລ້ອມສໍານັກງານແນວລາວສ້າງຊາດ ຢູ່ຄຸ້ມຕະຫລາດເຊົ້າ, ຄຸ້ມທາດດໍາ ແລະ ເຮືອນພັກຂອງສະເດັດເຈົ້າສຸພານຸວົງ ແບບທາງໃນບໍ່ໃຫ້ອອກທາງນອກບໍ່ໃຫ້ເຂົ້າ, ການພົວພັນພາຍນອກ-ພາຍໃນຖືກຕັດຂາດ, ສະຖານະການເວລານັ້ນແມ່ນເຄັ່ງຕຶງ, ດຸເດືອດ, ຂ້ຽວຂາດທີ່ສຸດ, ແຕ່ອ້າຍນ້ອງກອງຮ້ອຍຫີນ​ເພັດກໍບໍ່ຫວາດຫວັ່ນ ຫລື ຢ້ານກົວແຕ່ຢ່າງໃດ, ດ້ວຍນໍ້າໃຈອັນເດັດດ່ຽວໜຽວແໜ້ນ ແລະ ພິລະອາດຫານຄືດັ່ງກ່າວ ຈຶ່ງມີຫລາຍສະຫາຍໄດ້ຮັບການຍ້ອງຍໍສັນລະເສີນຈາກສູນກາງດ້ວຍຫລຽນວິລະຊົນ, ນັກຮົບແຂ່ງຂັນ ແລະ ການຍ້ອງຍໍປະເພດຕ່າງໆ.

ເປີດແທ່ນສີລາຈາລຶກອະດີດກອງຮ້ອຍຫີນເພັດວິລະຊົນ - Wave100S AD to Website 2020 0 - ເປີດແທ່ນສີລາຈາລຶກອະດີດກອງຮ້ອຍຫີນເພັດວິລະຊົນ
ເປີດແທ່ນສີລາຈາລຶກອະດີດກອງຮ້ອຍຫີນເພັດວິລະຊົນ - WhatsApp Image 2020 05 27 at 5 - ເປີດແທ່ນສີລາຈາລຶກອະດີດກອງຮ້ອຍຫີນເພັດວິລະຊົນ
ເປີດແທ່ນສີລາຈາລຶກອະດີດກອງຮ້ອຍຫີນເພັດວິລະຊົນ - WhatsApp Image 2020 05 27 at 5 - ເປີດແທ່ນສີລາຈາລຶກອະດີດກອງຮ້ອຍຫີນເພັດວິລະຊົນ
error: Alert: ເນື້ອຫາຂ່າວມີລິຂະສິດ !!