ລັດຖະມົນຕີສາທາຢືນຢັນພະຍາດອັກເສບຕັບເອບໍ່ອັນຕະລາຍ

- advert banner 728 90 728x90 - ລັດຖະມົນຕີສາທາຢືນຢັນພະຍາດອັກເສບຕັບເອບໍ່ອັນຕະລາຍ

ໃນວັນທີ 20 ມິຖຸນານີ້, ທ່ານລັດຖະມົນຕີກະຊວງສາທາລະນະສຸກ ບຸນກອງ ສີຫາວົງ ໄດ້ຖະແຫລງຕໍ່ສື່ມວນຊົນກ່ຽວກັບພະຍາດເຫລືອງ ຫລື ອັກເສບຕັບເອ (A) ທີ່ພວມລະບາດຢູ່ແຂວງວຽງຈັນ ແລະ ເມືອງໄຊທານີ, ນະຄອນຫລວງວຽງຈັນໃນປັດຈຸບັນ, ໂດຍໄດ້ຢືນຢັນວ່າພະຍາດດັ່ງກ່າວແມ່ນບໍ່ມີຄວາມອັນຕະລາຍແຕ່ຢ່າງໃດ ແລະ ຜ່ານການເກັບກໍາຕົວເລກຜູ້ຕິດເຊື້ອພະຍາດດັ່ງກ່າວແຕ່ວັນທີ 30 ມີນາມາຮອດວັນທີ 20 ມິຖຸນາມີຈໍານວນ 213 ກໍລະນີ, ໃນນີ້ແຂວງວຽງຈັນມີ 153 ກໍລະນີ ແລະ ບໍ່ມີຜູ້ເສຍຊີວິດ.

- new3 - ລັດຖະມົນຕີສາທາຢືນຢັນພະຍາດອັກເສບຕັບເອບໍ່ອັນຕະລາຍ

ລັດຖະມົນຕີກະຊວງດັ່ງກ່າວ ໃຫ້ຮູ້ວ່າ: ພະຍາດດັ່ງກ່າວມີຢູ່ທົ່ວໄປນໍານໍ້າ, ດິນ, ອາກາດ ແລະ ຄົນ, ການເກີດຂຶ້ນຂອງພະຍາດດັ່ງກ່າວແມ່ນຕິດຕໍ່ຜ່ານການກິນອາຫານທາງປາກ, ຕິດຕໍ່ແບບກະທັນຫັນ ແລະ ແຕ່ບໍ່ອັນຕະລາຍຮ້າຍແຮງ, ພະຍາດດັ່ງກ່າວຈະບົ່ມຢູ່ໃນຮ່າງກາຍແຕ່ 2 ອາທິດຫາ 50 ມື້ກໍຈະດີເອງ, ພຽງແຕ່ຜູ້ຕິດເຊືອຕ້ອງພັກຜ່ອນໃຫ້ຫລາຍ ແລະ ກິນອາຫານໃຫ້ພຽງພໍ ແລະ ສໍາລັບການປ້ອງກັນບໍ່ໃຫ້ຕິດເຊື້ອພະຍາດນີ້ມີຄື: ການຖ່າຍໃສ່ວິດ ແລະ ລ້າງມື້ໃສ່ສະບູທຸກຄັ້ງຫລັງຈາກອອກຈາກຫ້ອງນໍ້າ ແລະ ກິນອາຫານ, ບໍ່ຄວນໃຊ້ບ່ວງ, ຊ້ອມ, ຈອກ, ໄມ້ຖູ່ຮ່ວມກັນ, ຄວນດື່ມນໍ້າທີ່ສະອາດ ແລະ ສຸກດີ ແລະ ບໍ່ຄວນສໍາພັດກັບຜູ້ຕິດເຊື້ອ ຫລື ຕ້ອງລ້າງມືໃຫ້ສະອາດທຸກຄັ້ງຫລັງຈາກສໍາພັດກັບຜູ້ຕິດເຊື້ອ ແລະ ໃນໂອກາດນີ້, ທ່ານລັດຖະມົນຕີກະຊວງສາທາລະນະສຸກ ກໍໄດ້ຮຽກຮ້ອງໃຫ້ອໍານາດການປົກຄອງ, ຊຸມຊົນ ແລະ ອົງການຈັດຕັ້ງທຸກພາກສ່ວນເພີ່ມທະວີຄວາມເປັນເຈົ້າການຮັກສາອານາໄມ 3 ສະອາດ ເພື່ອປ້ອງກັນບໍ່ໃຫ້ພະຍາດດັ່ງກ່າວເກີດລະບາດອີກ.

ພົບການລະບາດຄັ້ງໃໝ່ຂອງພະຍາດອັກເສບຕັບຊະນິດ A ຢູ່ແຂວງວຽງຈັນ ແລະ ນະຄອນຫລວງວຽງຈັນ

- lattana 1 - ລັດຖະມົນຕີສາທາຢືນຢັນພະຍາດອັກເສບຕັບເອບໍ່ອັນຕະລາຍ
error: Content is protected !!