ລາວເພີ່ມຄວາມເຂັ້ມແຂງປະຕິບັດກົດໝາຍຕ້ານການຄ້າມະນຸດ

- advert banner 728 90 728x90 - ລາວເພີ່ມຄວາມເຂັ້ມແຂງປະຕິບັດກົດໝາຍຕ້ານການຄ້າມະນຸດ

 

- new3 - ລາວເພີ່ມຄວາມເຂັ້ມແຂງປະຕິບັດກົດໝາຍຕ້ານການຄ້າມະນຸດ

ໃນວັນທີ 19 ມິຖຸນານີ້, ກອງເລຂາຄະນະກຳມະການຕ້ານການຄ້າມະນຸດລະດັບຊາດຮ່ວມກັບໂຄງການພັດທະນາອົດສະຕຣາລີ-ອາຊີເພື່ອຕ້ານການຄ້າມະນຸດ, ໄດ້ຈັດຝຶກອົບຮົມວຽກງານທາງດ້ານກົດໝາຍຕ້ານການຄ້າມະນຸດໃຫ້ຂະແໜງການກ່ຽວຂ້ອງຄື: ສູນໃຫ້ຄຳປຶກສາປົກປ້ອງແມ່ຍິງ ແລະ ເດັກນ້ອຍ, ອົງການໄອຍະການປະຊາຊົນສູງສຸດ, ສານປະຊາຊົນສູງສຸດ, ກະຊວງຍຸຕິທຳ, ກະຊວງການຕ່າງປະເທດ, ກົມຕຳຫລວດສະກັດກັ້ນ ແລະ ຕ້ານການຄ້າມະນຸດ, ສະຫະພັນແມ່ຍິງນະຄອນຫລວງ ແລະ ພະແນກຍຸຕິທຳນະຄອນຫລວງວຽງຈັນ, ໂດຍການເປັນປະທານຂອງທ່ານພັນເອກ ເພັງສະຫວັນ ທິບພະວົງໄຊ ຫົວໜ້າກອງເລຂາຄະນະກຳມະການຕ້ານການຄ້າມະນຸດລະດັບຊາດ ແລະ ທ່ານນາງ ຈີນາ ນ໋ອດ (Miss Gina Nott) ປຶກສາດ້ານກົດໝາຍສາກົນໂຄງການພັດທະນາອົດສະຕຣາລີ-ອາຊີເພື່ອຕ້ານການຄ້າມະນຸດ.

ຊຸດອົບຮົມດັ່ງກ່າວແນ່ໃສ່ເພື່ອເພີ່ມຄວາມຮູ້ກ່ຽວກັບກົດໝາຍວ່າດ້ວຍການຕ້ານການຄ້າມະນຸດ, ອົງປະກອບການກະທຳຜິດທາງອາຍາ, ຄວາມແຕກຕ່າງລະຫວ່າງການຄ້າມະນຸດກັບການກະທຳຜິດອື່ນໆ, ການປົກປ້ອງ ແລະ ຊ່ວຍເຫລືອຜູ້ຖືກເຄາະຮ້າຍຈາກການຄ້າມະນຸດ, ການສົ່ງຜູ້ຮ້າຍຂ້າມແດນ, ຂັ້ນຕອນທາງອາຍາລະຫວ່າງປະເທດ ແລະ ສະເໜີກ່ຽວກັບສົນທິສັນຍາພາກພື້ນອາຊຽນ ແລະ ສາກົນ ເພື່ອແນໃສ່ເຮັດໃຫ້ທຸກຂະແໜງການກ່ຽວຂ້ອງມີຄວາມເປັນເອກະພາບໃນການຈັດຕັ້ງປະຕິບັດວຽກງານໃຫ້ຖືກຕ້ອງຕາມລະບຽບກົດໝາຍ ແລະ ນິຕິກໍາຕ່າງໆ ເປັນຕົ້ນ: ການດຳເນີນຄະດີ, ການປົກປ້ອງ ແລະ ຊ່ວຍເຫລືອຜູ້ຖືກເຄາະຮ້າຍຈາກການຄ້າມະນຸດໃຫ້ມີປະສິດທິຜົນສູງກວ່າເກົ່າ.

- lattana 1 - ລາວເພີ່ມຄວາມເຂັ້ມແຂງປະຕິບັດກົດໝາຍຕ້ານການຄ້າມະນຸດ
error: Content is protected !!