ກອງປະຊຸມສຸດຍອດ EU ອາດຈະບໍ່ປະສົບຜົນສຳເລັດ

ກອງປະຊຸມສຸດຍອດ eu ອາດຈະບໍ່ປະສົບຜົນສຳເລັດ - Time fo an Adventure 2020 07 20T111150 - ກອງປະຊຸມສຸດຍອດ EU ອາດຈະບໍ່ປະສົບຜົນສຳເລັດ
ກອງປະຊຸມສຸດຍອດ eu ອາດຈະບໍ່ປະສົບຜົນສຳເລັດ - Untitled design - ກອງປະຊຸມສຸດຍອດ EU ອາດຈະບໍ່ປະສົບຜົນສຳເລັດ

ວັນທີ 19 ກໍລະກົດນີ້ ເປັນມື້ທີ 3 ຂອງກອງປະຊຸມສຸດຍອດ EU ໂດຍການເຂົ້າຮ່ວມຂອງປະມຸກລັດ 27 ປະເທດສະມາຊິກຂອງສະຫະພັນເອີຣົບ ເພື່ອສືບຕໍ່ສົນທະນາປຶກສາຫາລື ກ້ອນເງິນ 750 ຕື້ ເອີໂຣ ເພື່ອການຟື້ນຟູໃຫ້ບັນດາປະເທດສະມາຊິກ ຫຼັງໂຄວິດ-19. ແຕ່ປາກົດວ່າ ມີທັດສະນະທີ່ແຕກຕ່າງກັນ ຊຶ່ງບໍ່ສາມາດທີ່ຈະໂລ່ງລອຍກັນໄດ້. ນາຍົກລັດຖະມົນຕີ ເຢຍລະມັນ Angela Merkel ໃຫ້ຮູ້ວ່າ: “ເຖິງແມ່ນວ່າແຕ່ລະປະເທດລ້ວນແຕ່ຢາກໃຫ້ມີຜົນສຳເລັດ ແຕ່ກໍຍັງມີຫຼາຍທັດສະນະທີ່ຂັດແຍ່ງກັນ ຊຶ່ງຍາກທີ່ກອງປະຊຸມຄັ້ງນີ້ຈະມີຜົນສຳເລັດໄດ້”.

ອີງຕາມການສະເໜີເບື້ອງຕົ້ນ, ໃນຮ່ວງ 750 ຕື້ເອີໂຣນັ້ນ, ຈະແບ່ງອອກເປັນຮ່ວງ ຊ່ວຍເຫຼືອໃຫ້ບັນດາປະເທດສະມາຊິກ 500 ຕື້ ແລະ ຮ່ວງໃຫ້ກູ້ຢືມແມ່ນ 250 ຕື້, ແຕ່ມີຫຼາຍປະເທດຂັດຂ້ອງ. ປະທານສະພາເອີຣົບຈຶ່ງມີການສະເໜີໃໝ່ທີ່ມີລັກສະນະອ່ອນໂຍນກວ່າວ່າ: ຈະຕັດຮ່ວງຊ່ວຍເຫຼືອ 500 ຕື້ ລົງໃຫ້ຍັງເຫຼືອ 450 ຕື້ ແລະ ເພີ່ມຮ່ວງໃຫ້ກູ້ຢືມຈາກ 250 ຕື້ເອີໂຣ ເພີ່ມຂຶ້ນເປັນ 300 ຕື້. ພ້ອມດຽວກັນນັ້ນ, ປະທານສະພາຍັງໄດ້ສະເໜີໃຫ້ທຸກຊາດສະມາຊິກ ມີເວລາ 3 ວັນເພື່ອນຳສະເໜີວີທີການປັບປຸງຂອງຊາດອື່ນທີ່ເຫັນວ່າແຜນປັບປຸງນັ້ນບໍ່ເໝາະສົມທີ່ຈະໄດ້ຮັບການຊ່ວຍເຫຼືອມາສະເໜີຕໍ່ກອງປະຊຸມໄດ້.

ຂ່າວ: ລູກເມືອງພວນ(ແຫຼ່ງຂ່າວ vov.vn)

 

ກອງປະຊຸມສຸດຍອດ eu ອາດຈະບໍ່ປະສົບຜົນສຳເລັດ - Wave100S AD to Website 2020 0 - ກອງປະຊຸມສຸດຍອດ EU ອາດຈະບໍ່ປະສົບຜົນສຳເລັດ

 

ກອງປະຊຸມສຸດຍອດ eu ອາດຈະບໍ່ປະສົບຜົນສຳເລັດ - WhatsApp Image 2020 05 27 at 5 - ກອງປະຊຸມສຸດຍອດ EU ອາດຈະບໍ່ປະສົບຜົນສຳເລັດ
ກອງປະຊຸມສຸດຍອດ eu ອາດຈະບໍ່ປະສົບຜົນສຳເລັດ - WhatsApp Image 2020 05 27 at 5 - ກອງປະຊຸມສຸດຍອດ EU ອາດຈະບໍ່ປະສົບຜົນສຳເລັດ
error: Alert: ເນື້ອຫາຂ່າວມີລິຂະສິດ !!