7 ເຫດຜົນດີໆຈາກການທ່ອງທ່ຽວພຽງລຳພັງ

- advert banner 728 90 728x90 - 7 ເຫດຜົນດີໆຈາກການທ່ອງທ່ຽວພຽງລຳພັງ
  1. ທ່ານຈະໄດ້ພົບຜູ້ຄົນທີ່ໜ້າອັດສະຈັນໃຈ : ໄລຍະເວລາຂອງການເດີນທາງໄປຍັງສະຖານທີ່ຕ່າງໆພຽງຄົນດຽວ ເຮັດໃຫ້ທ່ານຖືກຈັບຈ້ອງ ແລະ ໄດ້ຮັບຄວາມສົນໃຈຈາກຜູ້ຄົນໃນທ້ອງຖິ່ນ ຫລື ນັກທ່ອງທ່ຽວດ້ວຍກັນ ເພາະບໍ່ຄ່ອຍຈະໄດ້ພົບໃຜຫິ້ວກະເປົ໋າເດີນທາງໃນແບບສາຍດ່ຽວ ແລະ ການບໍ່ມີໝູ່ຮ່ວມທາງເຮັດໃຫ້ທ່ານສົນໃຈໃນສິ່ງທີ່ຢູ່ອ້ອມໂຕຫລາຍຂຶ້ນ ຈົນສາມາດສ້າງຄວາມສຳພັນກັບບຸກຄົນອື່ນໆ ຈົນສຸດທ້າຍກໍເຂົ້າເຖິງຄວາມເປັນໄປໃນສັງຄົມທ້ອງຖິ່ນ ພົບທັດສະນະຄະຕິຫລາຍແງ່ມຸມຈາກຜູ້ຄົນ.
  2. ສຳຜັດໄດ້ເຖິງອິດສະຫລະພາບຢ່າງລົ້ນເຫລືອ : ການໄດ້ພົບໝູ່ໃໝ່ ສິ່ງທີ່ຕາມມາແມ່ນຂໍ້ມູນຫລາຍໆດ້ານທີ່ກ່ຽວກັບການເດີນທາງທີ່ທ່ານອາດຍັງບໍ່ຮູ້ ເຊັ່ນ : ມີນຳ້ຕົກແສນມະຫັດສະຈັນ ຫລື ສະຖານທີ່ລີ້ລັບ ແລະ ບໍ່ມີລະບຸໄວ້ໃນປື້ມທ່ອງທ່ຽວ ທ່ານຈະມີອິດສະຫລະໃນການຕັດສິນໃຈປ່ຽນຕາຕະລາງການເດີນທາງໂດຍບໍ່ຕ້ອງປຶກສາໃຜ ເອີ້ນໄດ້ວ່າມື່ນໄຫລໄປຕາມຈັງຫວະ.
  3. ທ້າທາຍຄວາມຢ້ານ ແລະ ຄວາມບໍ່ໝັ້ນຄົງໃນໂຕ : ເປັນເລື່ອງໃຫຍ່ກັບປະສົບການທ່ອງ ຽວ ຫລາຍເທື່ອກ່ອນອອກເດີນ ທາງທ່ານອາດຈະປັກຫລັກເລື່ອງຄວາມຍາກລຳບາກໄວ້ ຈົນອາດຕັດສິນໃຈຍຸດຕິມັນ, ແຕ່ຫາກໄດ້ລອງເລີ່ມກ້າວທຳອິດ ຄວາມຢ້ານ ຈະຄ່ອຍໆຫລຸດລົງ ເພາະທ່ານພະຍາຍາມແກ້ໄຂບັນຫາຕ່າງໆທີ່ເຂົ້າມາໂດຍບໍ່ຮູ້ວ່າມີຄວາມສາມາດນີ້ຢູ່ໃນໂຕ.
  4. ຫລົງຮັກ : ໃຜໆກໍຢາກຄົ້ນພົບອີກເຄິ່ງໜຶ່ງເພື່ອມາຕື່ມເຕັມຊີວິດ ແລະ ລະຫ່ວາງເດີນທາງທ່ານມີໂອກາດພົບໃຜຈັກຄົນທີ່ມີ ຄວາມຕັ້ງໃຈ, ມີແນວຄິດຄ້າຍຄືກັນ ກຳລັງອອກເດີນທາງພຽງລຳພັງຄືກັນ ເຊິ່ງສິ່ງນີ້ຕອບໂຈດໄດ້ຂໍ້ໜຶ່ງເລີຍວ່າເຂົາກໍໜ້າຈະກຳລັງບໍ່ມີຄູ່ຄືກັນກັບທ່ານ ແລະ ອາດຈະຕ້ອງການຄູ່ມາຢູ່ຄຽງຂ້າງ ທັງໃນລະຫ່ວາງການທ່ອງທ່ຽວ ຫລື ການໃຊ້ຊີວິດໃນອະນາຄົດກໍມີ.
  5. ໃຫ້ເວລາກັບການຝຶກຝົນໂຕເອງ : ເມື່ອທ່ານມີຄວາມເຄັ່ງຄຽດ ບໍ່ວ່າຈະມາຈາກການຮຽນ ຫລື ເຮັດວຽກທີ່ໜັກໜາ ການໜີໄປພັກຜ່ອນເຮັດໃຫ້ທ່ານໄດ້ໂອກາດຝຶກຝົນ ຫລື ຟື້ນຟູຕົນເອງຈາກອາການເຄັ່ງຄຽດທີ່ສະສົມມາດົນ, ມີເວລາມະຫາສານໃນ ການບຳລຸງຕົນເອງ ບໍ່ວ່າຈະດ້ວຍອາຫານທີ່ມັກ, ຮັບພະລັງງານຈາກແສງຕາເວັນອ່ອນໆຍາມໄປຍ່າງຫລິ້ນແບບບໍ່ຕ້ອງສົນໃຈນຳ ຄວາມຮູ້ສຶກຂອງໃຜ.
  6. ໂອກາດສ້າງໂຕເອງໃນຮູບແບບທີ່ຢາກເປັນ : ການທ່ອງທ່ຽວພຽງຄົນດຽວຖືເປັນໂອກາດທີ່ຈະໂຍນທ່ານຄົນເກົ່າຖິ້ມ ເພື່ອ ເລີ່ມຕົ້ນຊີວິດໃໝ່, ສຳຫລວດສິ່ງທີ່ບໍ່ພຶງພໍໃຈ ຫລື ບໍ່ລຶ້ງເຄີຍ ການເຮັດແບບນີ້ເຮັດໃຫ້ທ່ານໄດ້ພົບກັບເລື່ອງທ້າທາຍຢ່າງບໍ່ຄາດຄິດໄດ້ ແລະ ປະຕິກິລິຍາ ເຊິ່ງຕອບສະໜອງອອກໄປຈະເຮັດໃຫ້ທ່ານຮູ້ຈັກໂຕເອງຫລາຍຂຶ້ນ.
  7. ໂອກາດໃນການຖິ້ມທຸກສິ່ງໄວ້ເບື້ອງຫລັງ : ເລີ່ມຕົ້ນໂດຍການປິດໂທລະສັບມືຖື, ເຮັດທຳທ່າລືມກວດເບິ່ງອີເມວປະມານ 2 – 3 ມື້, ຢຸດຄິດເລື່ອງບິນຄ່າໃຊ້ຈ່າຍ ຫລື ຄວາມຮັບຜິດຊອບໃດໆ ເອີ້ນວ່າຖິ້ມທຸກຢ່າງໄວ້ເບື້ອງຫລັງ ຈົ່ງມີຄວາມສຸກຢູ່ກັບບັນຍາກາດຕໍ່ໜ້າ, ສ້າງພື້ນທີ່ຄວາມສຸກໃຫ້ຕົນເອງ ທ້າຍທີ່ສຸດຈະເຮັດໃຫ້ທ່ານຮູ້ສຶກສົດໃສ ເປັນຄົນໃໝ່ເມື່ອກັບໄປເຮັດວຽກອີກເທື່ອໜຶ່ງ.
- 1 1 - 7 ເຫດຜົນດີໆຈາກການທ່ອງທ່ຽວພຽງລຳພັງ
- Tiger Head 728x90 - 7 ເຫດຜົນດີໆຈາກການທ່ອງທ່ຽວພຽງລຳພັງ
error: Content is protected !!