ຍີ່ປຸ່ນກຽມຍ້າຍຖານຜະລິດຈາກຈີນມາອາຊຽນ

ຍີ່ປຸ່ນກຽມຍ້າຍຖານຜະລິດຈາກຈີນມາອາຊຽນ - 213 - ຍີ່ປຸ່ນກຽມຍ້າຍຖານຜະລິດຈາກຈີນມາອາຊຽນ
ຍີ່ປຸ່ນກຽມຍ້າຍຖານຜະລິດຈາກຈີນມາອາຊຽນ - Untitled design - ຍີ່ປຸ່ນກຽມຍ້າຍຖານຜະລິດຈາກຈີນມາອາຊຽນ

ຍີ່ປຸ່ນ​ເລີ່​ມຈ່າຍ​ເງິນ​ໃຫ້​ບໍລິສັດ​ຕ່າງໆ ​ເພື່ອ​ຊ່ວຍ​ເຫລືອ​ໃນ​ການ​ຍ້າຍ​ຖານ​ຜະລິດ ​ແລະ ຫລຸດ​ການ​ອາ​ໄສ​ໂຮງງານ​ຢູ່​ຈີນ.

ສຳນັກ​ຂ່າວ​ບລູມ​ເບິ​ກລາຍ​ງານ​ວ່າ: ລັດຖະບານ​ຍີ່ປຸ່ນ​ຈະ​ເລີ່​ມ​ໃຫ້​ເງິນ​ອຸດ​ໜູນ​ແກ່​ບໍລິສັດ​ບາງ​ແຫ່ງ ​ເພື່ອ​ລົງທຶນ​ໃນ​ໂຮງງານ​ຢູ່​ຍີ່ປຸ່ນ ​ແລະ ອາ​ຊີ​ຕາ​ເວັນ​ອອກສຽງ​ໃຕ້ ​ເຊິ່ງ​ເປັນ​ສ່ວນ​ໜຶ່ງ​ຂອງ​ຄວາມ​ພະຍາຍາມ​ໃນ​ການ​ຫລຸດອາ​ໄສ​ການ​ຜະລິດ​ຢູ່​ປະ​ເທດ​ຈີນ.

ກະຊວງ​ເສດຖະກິດ​ການ​ຄ້າ ​ແລະ ອຸດສາຫະກຳ (METI) ກ່າວ​ໃນ​ທ້າຍ​ອາທິດ​ຜ່ານ​ມາ​ວ່າ: ບໍລິສັດ 57 ​ແຫ່ງ ລວມທັງ​ຜູ້​ຜະລິດ​ຜ້າ​ປິດ​ປາກ-ດັງ​ເຊັ່ນ: Iris Ohyama Inc. ​ແລະ Sharp Corp ຈະ​ໄດ້​ຮັບ​ເງິນ​ອຸດ​ໜູນ​ລວມ 57.400 ລ້ານ​ເຢນ ຈາກ​ລັດຖະບານ ​ເພື່ອ​ລົງທຶນ​ໃນ​ການ​ຜະລິດຢູ່​ຍີ່ປຸ່ນ​.

ບໍລິສັດ​ອີກ 30 ​ແຫ່ງ​ຈະ​ໄດ້​ຮັບ​ເງິນ​ສຳລັບ​ການ​ລົງທຶນ​ຢູ່​​ໄທ, ຫວຽດນາມ, ມຽນມາ ​ແລະ ປະ​ເທດ​ອື່ນໆ ​ໃນ​ອາຊີ​ຕາ​ເວັນ​ອອກສຽງ​ໃຕ້ ​ແຕ່​ບໍ່​ໄດ້​ໃຫ້​ລາຍ​ລະອຽດ​ກ່ຽວ​ກັບ​ຈຳນວນ​ເງິນ.

ຍີ່ປຸ່ນກຽມຍ້າຍຖານຜະລິດຈາກຈີນມາອາຊຽນ - Wave100S AD to Website 2020 0 - ຍີ່ປຸ່ນກຽມຍ້າຍຖານຜະລິດຈາກຈີນມາອາຊຽນ

​ເຖິງ​ວ່າ​ໃນ​ຖະ​ແຫລ​ງການ​ຂອງ METI ບໍ່​ໄດ້​ລະບຸ​ຢ່າງ​ຈະ​ແຈ້ງວ່າ: ການ​ຊ່ວຍ​ເຫລືອ​ທາງ​ການ​ເງິນ​ຄື​ການ​ຊ່ວຍ​ຍ້າຍ​ການ​ຜະລິດ​ອອກ​ຈາກ​ປະ​ເທດ​ຈີນ, ​ແຕ່​ນາຍົກລັດຖະມົນຕີ ຊິນ​ໂຊ ອາ​ເບະ ກ່າວ​ໃນ​ເດືອນ​ມີນາ​ວ່າ​: ຍີ່ປຸ່ນ​ຈຳ​ເປັນ​ຕ້ອງ​​ເອົາ​ຂະ​ແໜງ​ການ​ຜະລິດ​ກັບ​ບ້ານ ຫລື ກະຈາຍ​ໄປ​ປະ​ເທດ​ອາ​ຊຽນ ​ແທນ​ທີ່​ຈະ​ອາ​ໄສ​ປະ​ເທດ​ດຽວ​ຄື​ຈີນ.

ໜັງສືພິມ​ນິກ​ເກ​ອິລາຍ​ງານ​ວ່າ: ລັດຖະບານ​ຈະ​ຈ່າຍ​ເງິນ​ລວມ 70.000 ລ້ານ​ເຢນ​ໃນ​ຮອບ​ນີ້ ​ໂດຍ​ງົບປະມານ​ພູດ​ນີ້​ມາ​ຈາກ​ງົບປະມານ 243.500 ລ້ານ​ເຢນ ທີ່​ລັດຖະບານ​ຈັດ​ສັນ​ໃນ​ເດືອນ​ເມສາ ​ເພື່ອ​ຫລຸດ​ການ​ອາ​ໄສ​ຕ່ອງ​ໂສ່ອຸປະ​ທານ​ຂອງ​ຈີນ ​ໂດຍ​ມີ​ຈຸດປະສົງ​ເພື່ອ​ຊ່ວຍ​ໃຫ້​ບໍລິສັດ​ຍ້າຍ​ໂຮງງານ​ກັບ​ບ້ານ ຫລື ​ໄປ​ປະ​ເທດ​ອື່ນໆ.

ຍີ່ປຸ່ນກຽມຍ້າຍຖານຜະລິດຈາກຈີນມາອາຊຽນ - WhatsApp Image 2020 05 27 at 5 - ຍີ່ປຸ່ນກຽມຍ້າຍຖານຜະລິດຈາກຈີນມາອາຊຽນ
ຍີ່ປຸ່ນກຽມຍ້າຍຖານຜະລິດຈາກຈີນມາອາຊຽນ - WhatsApp Image 2020 05 27 at 5 - ຍີ່ປຸ່ນກຽມຍ້າຍຖານຜະລິດຈາກຈີນມາອາຊຽນ
error: Alert: ເນື້ອຫາຂ່າວມີລິຂະສິດ !!