10 ກົນລະຍຸດປະຢັດເງິນເວລາຊື້ເຄື່ອງເຂົ້າເຮືອນ

- advert banner 728 90 728x90 - 10 ກົນລະຍຸດປະຢັດເງິນເວລາຊື້ເຄື່ອງເຂົ້າເຮືອນ
  1. ເຮັດລາຍການເຄື່ອງທີ່ຕ້ອງຊື້ : ຈະເຮັດໃຫ້ທ່ານຮູ້ວ່າຈະວາງແຜນການເດີນທາງແນວໃດຈຶ່ງຈະບໍ່ເສຍເວລາ ຫລື ເສຍອາ ລົມ, ບໍ່ລືມຊື້ສິ່ງຂອງບາງຢ່າງຈົນເຮັດໃຫ້ຕ້ອງກັບໄປຊື້ອີກ ຈຶ່ງເຮັດໃຫ້ການວາງແຜນຊື້ເຄື່ອງມີປະສິດທິພາບສູງສຸດ ເຊິ່ງເປັນຂັ້ນ ຕອນທຳອິດທີ່ຫລີກເວັ້ນບໍ່ໄດ້.
  2. ມີງົບປະມານຢູ່ໃນໃຈ : ທ່ານຕ້ອງມີລາຄາສິ່ງຂອງທີ່ຕ້ອງຊື້ຢູ່ໃນໃຈ ເວລາທ່ານໄປຊື້ຈະເຫັນສິ່ງຂອງຫລາກຫລາຍໃຫ້ເລືອກໃນລາຄາຕ່າງກັນຈົນສັບສົນເລືອກ ແລະ ມັກຈະລົງທ້າຍໂດຍການຊື້ເຄື່ອງທີ່ມີລາຄາແພງກ່ວາ ຈົນຈ່າຍເກີນງົບປະມານທີ່ຕັ້ງໄວ້.
  3. ບໍ່ເອົາລູກໄປນຳ : ເດັກນ້ອຍມັກຈະຢາກໄປຊື້ເຄື່ອງກັບພໍ່ແມ່ສະເໝີ ແລະ ຄາດຫວັງວ່າຈະໄດ້ເຄື່ອງຫລິ້ນ ຫລື ເຄື່ອງກິນຕິດມືມານຳທຸກເທື່ອ ໂດຍສະເພາະໃນຫ້າງສັບພະສິນຄ້າທີ່ມີສິ່ງຂອງລໍ້ຕາລໍ້ໃຈຫລວງຫລາຍ ບໍ່ວ່າຈະແມ່ນເຄື່ອງຫລິ້ນລາຄາແພງທີ່ມີສີງາມ ຫລື ເຂົ້າໜົມທີ່ຢູ່ໃນຫໍ່ງາມໆ ເດັກນ້ອຍຈະຕື່ນເຕັ້ນສົ່ງສຽງດັງ ຫລື ແລ່ນໄປທົ່ວ ແລະ ມັກຈະຈັບສິ່ງຂອງທີ່ຕ້ອງການຕິດມືມາໂດຍທີ່ທ່ານບໍ່ທັນເຫັນ ທ່ານຈະວຸ້ນວາຍກັບລູກຈົນບໍ່ມີສະມາທິໃນການເລືອກສິ່ງຂອງທີ່ເໝາະສົມກັບຄວາມຕ້ອງການຂອງທ່ານ.
  4. ແລ້ວຈະເຮັດແນວໃດຫາກຕ້ອງພາລູກໄປນຳ : ຄວນມີຜູ້ຊ່ວຍທີ່ທ່ານວາງໃຈໄດ້ ເປັນຕົ້ມແມ່ນພໍ່ ຫລື ຄົນໃນຄອບຄົວໄປຊ່ວຍດູແລລູກ ບໍ່ໃຫ້ມາລົບກວນສະມາທິຈຶ່ງຈະເຮັດໃຫ້ເລືອກຊື້ເຄື່ອງຢ່າງສະບາຍໃຈ.
  5. ເລືອກຮ້ານທີ່ທ່ານລຶ້ງ : ຮູ້ວ່າສິ່ງຂອງທີ່ທ່ານຕ້ອງການຢູ່ບ່ອນໃດ, ຮູ້ວ່າລາຄາສົມເຫດຜົນ ແລະ ມີບໍລິການໄວ, ຄິວບໍ່ຍາວ. ການຊື້ເຄື່ອງໃນຮ້ານທີ່ລຶ້ງຈະເຮັດໃຫ້ປະຢັດເວລາທີ່ມີຄ່າໄດ້ ແລະ ໄດ້ເຄື່ອງຄົບໃນລາຄາທີ່ພໍໃຈ.
  6. ແບ່ງໜ້າທີ່ຊື້ເຄື່ອງ : ບາງຄອບຄົວພໍ່ກັບແມ່ຈະຊ່ວຍກັນເລືອກເຄື່ອງຂອງຢູ່ເປັນປະຈຳ ດັ່ງນັ້ນຖ້າທັງພໍ່ແລະແມ່ພາກັນແບ່ງ ໜ້າທີ່ກັນໄປຊື້ເຄື່ອງໃຊ້ຕ່າງໆທີ່ຕົກລົງກັນລ່ວງໜ້າວ່າໃຜຈະໄປຊື້ຫຍັງແດ່ ຈະຊ່ວຍປະຢັດເງິນ ແລະ ເວລາໄດ້ດີ ຍ້ອນທັງສອງຮູ້ຢູ່ແລ້ວວ່າຢູ່ເຮືອນໃຊ້ຫຍັງແດ່, ຍີ່ຫໍ້ໃດ, ລາຄາເທົ່າໃດ ເປັນຕົ້ນ.
  7. ຊັ່ງນຳ້ໜັກເຄື່ອງ ແລະ ເບິ່ງໃຫ້ໝັ້ນໃຈວ່າມີປ້າຍລາຄາຕິດມານຳ : ອາຫານສົດ, ຜັກ, ໝາກໄມ້ ຫລື ຊີ້ນສັດເປັນສິນຄ້າທີ່ຕ້ອງຊັ່ງນຳ້ໜັກ ແລະ ຕິດລາຄາໃຫ້ຮູ້ ເວລາຄິດໄລ່ເງິນຈະຕ້ອງກວດເບິ່ງໃຫ້ໝັ້ນໃຈ ຈຶ່ງຈະບໍ່ເສຍເວລາທັງທ່ານເອງ ແລະ ຜູ້ອື່ນ.
  8. ຟ້າວຊື້ເຄື່ອງໃຫ້ແລ້ວໄວໆ : ຢ່າເສຍເວລາເປັນຊົ່ວໂມງໃນການຊື້ເຄື່ອງໃຊ້ເຂົ້າເຮືອນ ເພາະເມື່ອທ່ານເຮັດລາຍການຊື້ ແລະ ເຮັດຕາມຂັ້ນຕອນທີ່ກ່າວມາຂ້າງເທິງນັ້ນ ຢ່າເສຍເວລາຊື້ດົນ.
  9. ເຮັດແນວໃດໃຫ້ອອກຈາກຮ້ານໄວທີ່ສຸດ : ກວດເບິ່ງເຄື່ອງວ່າຄົບບໍ່ ກ່ອນຈະໄປຈ່າຍເງິນ.
  10. ເຄັດລັບສຸດທ້າຍແມ່ນຈັດລະບຽບເຄື່ອງທີ່ຊື້ມາ : ຖ້າທ່ານຈັດວາງສິ່ງຂອງໄດ້ດີ ເວລາຍົກລົງຈາກລໍ້ຍູ້ກໍງ່າຍ ແລະ ປະຢັດເວລາ, ແຍກເຄື່ອງແຫ້ງ ແລະ ເຄື່ອງສົດອອກຈາກກັນ ຖ້າຈະມີນຳ້ໄຫລຍ້ອຍກໍຈະບໍ່ເຮັດໃຫ້ເຄື່ອງແຫ້ງນັ້ນປຽກ.
- new3 - 10 ກົນລະຍຸດປະຢັດເງິນເວລາຊື້ເຄື່ອງເຂົ້າເຮືອນ
- lattana 1 - 10 ກົນລະຍຸດປະຢັດເງິນເວລາຊື້ເຄື່ອງເຂົ້າເຮືອນ
error: Content is protected !!