ສະຫລຸບບັນຫາໜ້າສົນໃຈທົ່ວໂລກວັນທີ 21 ກໍລະກົດ 2020

ສະຫລຸບບັນຫາໜ້າສົນໃຈທົ່ວໂລກວັນທີ 21 ກໍລະກົດ 2020 - Time fo an Adventure 2020 07 21T155659 - ສະຫລຸບບັນຫາໜ້າສົນໃຈທົ່ວໂລກວັນທີ 21 ກໍລະກົດ 2020
ສະຫລຸບບັນຫາໜ້າສົນໃຈທົ່ວໂລກວັນທີ 21 ກໍລະກົດ 2020 - Untitled design - ສະຫລຸບບັນຫາໜ້າສົນໃຈທົ່ວໂລກວັນທີ 21 ກໍລະກົດ 2020
  1. AZD1222 ວັກ​ແຊງ​ Coronavirus ທີ່​ພັດທະນາ​ໂດຍ​ມະຫາວິທະຍາ​ໄລ Oxford ​ແລະ AstraZeneca ບໍລິສັດ​ດ້ານ​ການ​ຢາ ​ໄດ້​ໂຊ​ຜົນ​ການ​ທົດ​ລອງ​ທີ່​ສາມາດ​ສ້າງພູມ​ຄຸ້ມ​ກັນ​ໄດ້​ຢ່າງ​ແຂງ​ແຮງ (ທັງ Antibody ​ແລະ T-Cell) ​ແລະ ຍັງ​ໄດ້ຜົນ​ການ​ທົດ​ສອບ​ທີ່​ອອກ​ມາ​ໃນ​ລະດັບ​ປອດ​ໄພ​ນຳ​ອີກ.

ຜົນ​ການ​ທົດ​ລອງ​ໃນ​ເບື້ອງຕົ້ນນີ້​ເຊື່ອມ​ໂຍງ​ກັບ​ກຸ່ມ​ທົດ​ລອງ​ທັງ​ໝົດ 1.077 ຄົນ ​ແລະ ຖືກ​ເປີດ​ເຜີຍ​ໃນ​ວາລະສານ​ທາງ​ການ​ແພດ​ລະດັບ​ໂລກ​ຊື່ The Lancet. ຂະນະ​ທີ່ ລັດຖະບານ​ໄດ້​ມີ​ຄຳ​ສັ່ງ​ຊື້ວັກ​ແຊງ​ເຫລົ່າ​ນີ້​ແລ້ວ​ຈຳນວນ 100 ລ້ານ​ໂດ​ສ.

ນອກຈາກ​ນີ້ The Lancet ຍັງ​ໄດ້​ລາຍ​ງານ​ກ່ຽວ​ກັບ​ວັກ​ແຊງ​ທີ່​ມີ​ປະສິດທິພາບ​ດີ​ຈາກ​ປະ​ເທດ​ຈີນ ​ເຊິ່ງມີ​ຄຸນສົມບັດ​ຄື​ກັບ​ວັກ​ແຊງ​ຂອງ Oxford ​ເຊິ່ງປາກົດ​ຜົນ​ການ​ທົດ​ລອງ​ທີ່​ປອດ​ໄພ ​ແລະ ມີ​ປະສິດທິພາບ​ໃນ​ການ​ກະ​ຕຸ້ນ​ການ​ຕອບ​ສະໜອງ​ຂອງ​ພູມ​ຄຸ້ມ​ກັນ​ໄວຣັສ.

  1. ສະຫະພາບ​ເອີຣົບບັນລຸ​ຂໍ້​ຕົກລົງ​ໃນ​ການ​ປັບ​ໃຊ້​ມາດ​ຕະການ​ກະ​ຕຸ້ນ​ເສດຖະກິດ​ເພີ່ມ ຫລັງ​ຈາກ​ການ​ເຈລະຈາ​ທີ່​ຍາກ​ລຳບາກ​ຢ່າງ​ຕໍ່​ເນື່ອງ 5 ວັນ​ຜ່ານ​ມາ ​ໂດຍ 4 ປະ​ເທດ​ທີ່​ຂຶ້ນຊື່ວ່າ​ປະຢັດ​ທີ່​ສຸດ​ໄດ້​ຢືນຢັນ​ເຖິງ​ຈຳນວນ​ທີ່​ພວກ​ເຂົາ​ຕ້ອງການ ລວມທັງ​ເງື່ອນ​ໄຂ​ການ​ຊຳລະ​ໜີ້​ຕ່າງໆ.

​ເຖິງ​ຢ່າງ​ໃດ​ກໍ​ຕາມ ລາຍ​ງານ​ຊີ້​ໃຫ້​ເຫັນ​ວ່າ​ມາດ​ຕະການ​ກະ​ຕຸ້ນ​ຄັ້ງ​ໃໝ່ນີ້ ມີ​ພຽງ 50% ກັບ​ອີກ​ເລັກ​ໜ້ອຍ​ເທົ່າ​ນັ້ນທີ່​ເປັນ​ເງິນ​ອຸດ​ໜູນ​ຈາກ​ເງິນ​ທັງ​ໝົດ 859.000 ລ້ານ​ໂດ​ລາ ​ແລະ ສ່ວນ​ທີ່​ເຫລືອ​ຈະ​ເປັນ​ເງິນ​ເພື່ອ​ປ່ອຍ​ກູ້.

  1. Ant Group ​ເຊິ່ງ​ເປັນ​ໜ່ວຍ​ງານ​ດ້ານ​ການ​ຈ່າຍ​ເງິນ​ຂອງ Alibaba ​ໄດ້​ປະກາດ​ເຖິງ​ແຜນການ​ທີ່​ຈະ​ເຂົ້າຈົດ​ທະບຽນ​ໃນ​ຕະຫລາດ STAR Market ຂອງ Shaghai ​ແລະ ຕະຫລາດ Kong Kong Stock Exchange.

ການ​ເຄື່ອນ​ໄຫວ​ຄັ້ງນີ້​ຖື​ເປັນ​ສິ່ງ​ທີ່​ໜ້າ​ຕິດຕາມ​ທ່າມກາງ​ຄວາມ​ເຄັ່ງ​ຕຶງທາງ​ການ​ຄ້າ​ທີ່​ທະວີ​ຄວາມ​ຮຸນ​ແຮງ​ຂຶ້ນ ​ໂດຍ Ant Group ​ເລືອກ​ຈະ​ເບິ່ງ​ຂາມ​ຕະຫລາດ​ຫຸ້ນ New York ​ເຖິງ​ວ່າ​ພວກ​ເຂົາ​ອາດ​ກາຍ​ເປັນ​ຜູ້​ຊື້ລາຍ​ໃຫຍ່​ທີ່​ສຸດ​ຂອງ​ປີ ​ເນື່ອງ​ຈາກ​ມີ​ນັກ​ລົງທຶນ​ຫລາຍ​ຄົນ​ໃນ​ນັ້ນກຳລັງ​ເຝົ້າລໍ​ລາຄາ IPO ຢ່າງ​ໃຈ​ຈົດ​ໃຈ​ຈໍ.

ຫລັງ​ຈາກ​ການ​ເພີ່ມ​ງົບ​ດຸນ​ໃນ​ປີ 2018 ບໍລິສັດ​ສາມາດ​ເປີດ​ໃຫ້​ບໍລິການ​ຊ່ອງ​ທາງ​ການ​ຊຳລະ​ເງິນ​ຜ່ານ​ມື​ຖື​ທີ່​ໄດ້​ຮັບ​ຄວາມ​ນິຍົມ​ສູງ​ສຸດ ​ເຊິ່ງມີ​ມູນ​ຄ່າ​ເຖິງ 150.000 ລ້ານ​ໂດ​ລາ.

​ແນ່ນອນ​ວ່າ​ເລື່ອງ​ນີ້​ໄດ້​ໄປ​ສະໜັບສະໜູນ​ໃຫ້​ຄ່າ​ເງິນ​ໂດ​ລາ​ຮົງ​ກົງ​ແຂງ​ຄ່າ​ຂຶ້ນອີກ ​ເມື່ອ​ທຽບ​ໃສ່​ເງິນ​ໂດ​ລາ​ສະຫະລັດ.

  1. Chevron ​ໄດ້​ຕົກລົງ​ຈະ​ລວມກິດຈະການ​ກັບ Noble Energy ​ເຊິ່ງ​ເປັນ​ບໍລິສັດສຳ​ຫລວດ​ນ້ຳມັນ.

ຂໍ້​ຕົກລົງ​ຄັ້ງນີ້​ມີ​ມູນ​ຄ່າ 13.000 ລ້ານ​ໂດ​ລາ ​ໂດຍ Chevron ຈະ​ເຂົ້າຮັບ​ພາລະ​ໜີ້​ຂອງ Noble ຈຳນວນ 8.000 ລ້ານ​ໂດ​ລາ. ການ​ປະກາດ​ຄັ້ງນີ້​ຖື​ເປັນ Big Deal ຄັ້ງທຳ​ອິດ​ນັບ​ແຕ່​ມີ​ການລະບາດ​ເກີດ​ຂຶ້ນທົ່ວ​ໂລກ ​ແລະ ​ເຮັດ​ໃຫ້​ລາຄາ​ນ້ຳມັນ​ພັງ​ທະລາ​ຍລົງ.

Chevron ຫວັງ​ວ່າການ​ລວມກິດຈະການ​ຄັ້ງນີ້​ຈະ​ເພີ່ມ​ຄວາມ​ແຂງ​ແຮງ​ໃນ​ສ່ວນ​ຂອງ​ການ​ຂຸດ​ເຈາະ​ແກັສທຳ​ມະ​ຊາດ​ທົ່ວ​ໂລກ ​ແລະ ​ເຕັກ​ໂນ​ໂລ​ຊີ Shale Oil ຂອງ​ອາ​ເມ​ລິ​ກາ.

ສະຫລຸບບັນຫາໜ້າສົນໃຈທົ່ວໂລກວັນທີ 21 ກໍລະກົດ 2020 - Wave100S AD to Website 2020 0 - ສະຫລຸບບັນຫາໜ້າສົນໃຈທົ່ວໂລກວັນທີ 21 ກໍລະກົດ 2020
  1. Renault ບໍລິສັດ​ຜະລິດ​ລົດຍົນ​ຊັ້ນນຳ​ສັນຊາດ​ຝຣັ່ງ ​ໄດ້​ປະກາດ​ຍອດ​ຂາຍ​ຫລຸດ​ລົງ 35% ​ໃນ​ເຄິ່ງທຳ​ອິດ​ຂອງ​ປີ 2020 ​ເມື່ອ​ທຽບ​ໃສ່​ໄລຍະ​ດຽວ​ກັນ​ຂອງ​ປີກ່ອນ.

​ເຖິງ​ຢ່າງ​ໃດ​ກໍ​ຕາມ, ພວກ​ເຂົາ​ໄດ້​ລາຍ​ງານ​ການ​ຟື້ນຕົວຢ່າ​ງ​ແຂງ​ແຮງ​ໃນ​ເດືອນ​ມິຖຸນາ​ຜ່ານ​ມາ​ເຊັ່ນ​ກັນ ​ໂດຍ​ຍອດ​ຂາຍ​ລົດ​ໄຟຟ້າ​ທັງ​ໝົດ​ຂອງ​ພວກ​ເຂົາ​ທີ່​ມີ​ຊື່​ລຸ້ນວ່າ ZOE ​ເພີ່ມ​ຂຶ້ນ​ເຖິງ 38% ​ເຊິ່ງ​ເຮັດພວກ​ເຂົາ​ກາຍ​ເປັນ​ບໍລິສັດ​ທີ່​ສ້າງ​ຍອດ​ຂາຍ​ໄດ້​ດີ​ທີ່​ສຸດ​ຢູ່​ເອີຣົບ.

  1. ປະທານາທິບໍດີ ​ໂດ​ນັລ ທຣຳ ​ໄດ້​ຂູ່​ວ່າ​ທ່ານ​ຈະ​ສົ່ງ​ໜ່ວຍ​ງານ​ຈາກ​ລັດຖະບານ​ກາງ​ເຂົ້າ​ໄປ​ເມືອງ​ຕ່າງໆ ​ເພື່ອ​ຈະ​ຟື້ນຄືນ​ໃນ​ສິ່ງ​ທີ່​ທ່ານ​ເອີ້ນ​ວ່າ “Law and Order” (ຄຳ​ສັ່ງ ​ແລະ ກົດ​ລະບຽບ).

​ເມື່ອ​ບໍ່​ດົນ​ມາ​ນີ້, ໜ່ວຍ​ງານ​ຂອງ​ລັດຖະບານ​ກາງ​ຍັງ​ລາດຕະ​ເວນ​ຢູ່​ໃນ​ເມືອງ Portland ​ແລະ ພາຍ​ໃນ​ລັດ Oregon ​ແລະ ມີ​ການ​ໃສ່​ຊຸດ​ປ້ອງ​ກັນ​ເພື່ອ​ຍິງ​ແກັສນ້ຳຕາ​ເຂົ້າສູ່​ກຸ່ມ​ຜູ້​ປະ​ທ້ວງ.

​ໂດຍ​ຄາດ​ວ່າ​ລັດ Chicago ຈະ​ເປັນ​ສະຖານ​ທີ່​ຕໍ່​ໄປ​ທີ່​ທ່ານ ທຣຳ ຈະ​ສົ່ງ​ໜ່ວຍ​ງານ​ຈາກ​ລັດຖະບານ​ກາງ​ເຂົ້າປາບ​ປາມ ​ແລະ ນອກຈາກ​ນີ້ ທ່ານ​ຍັງ​ໄດ້​ເລັ່ງ​ໃສ່​ລັດ Detroit, New York ​ແລະ Philadelphia ​ເອົາ​ໄວ້​ນຳ​ອີກ.

ບັນທຶກ​ຂອງ​ທ່ານ​ທັງ​ໝົດ​ນີ້​ຖືກ​ເຜີຍ​ແຜ່​ໂດຍ​​ເຈົ້າຄອງ​ລັດ​ຂອງ​ຝ່າຍ Democrat.

  1. ລັດຖະບານ​ເມັກ​ຊິກ​ໄດ້​​ເປີດ​ເຜີຍ​ຂໍ້​ມູນ​ເບື້ອງຕົ້ນ ​ເຊິ່ງສະ​ແດງ​ໃຫ້​ເຫັນ​ວ່າ​ມີ​ການ​ຄາດ​ຕະກຳ​ເກີດ​ຂຶ້ນ​ເຖິງ 17.439 ຄັ້ງ​ໃນ​ໄລຍະ 6 ​ເດືອນ​ທຳອິດ​ຂອງ​ປີ ​ເຊິ່ງຖື​ເປັນ​ສະຖິຕິ​ສູງ​ສຸດ​ຕະຫລອດ​ການ ​ເຖິງ​ວ່າ​ໄລຍະ 3 ​ເດືອນ​ຫລັງ​ຂອງ​ເຄິ່ງປີ​ທຳ​ອິດ​ຈະ​ມີ​ອັດຕາ​ການຄາດ​ຕະກຳ​ຫລຸດ​ລົງ​ມາ.

ການ​ຄາດ​ຕະກຳ​ເພດ​ຍິງ​ເພີ່ມ​ຂຶ້ນສູງ ​ໂດຍ Andres Manuel Lopez Obrador ປະທານາທິບໍດີ​ຂອງ​ປະ​ເທດ ​ໄດ້​ອອກ​ມາ​ໃຫ້​ຄຳ​ໝັ້ນຈະ​ຫລຸດ​ຄະດີ​ຄາດ​ຕະກຳ​ພາຍ​ໃນ​ປະ​ເທດ​ລົງ ຫລັງ​ເຂົ້າຮັບ​ຕຳ​ແໜງ​ເມື່ອ​ປີ 2018.

ສະຫລຸບບັນຫາໜ້າສົນໃຈທົ່ວໂລກວັນທີ 21 ກໍລະກົດ 2020 - WhatsApp Image 2020 05 27 at 5 - ສະຫລຸບບັນຫາໜ້າສົນໃຈທົ່ວໂລກວັນທີ 21 ກໍລະກົດ 2020
ສະຫລຸບບັນຫາໜ້າສົນໃຈທົ່ວໂລກວັນທີ 21 ກໍລະກົດ 2020 - WhatsApp Image 2020 05 27 at 5 - ສະຫລຸບບັນຫາໜ້າສົນໃຈທົ່ວໂລກວັນທີ 21 ກໍລະກົດ 2020
error: Alert: ເນື້ອຫາຂ່າວມີລິຂະສິດ !!