ເມືອງວິລະບູລີກຽມສ້າງສວນສຸຂະພາບວິລະບູລີແດນຄຳ

ເມືອງວິລະບູລີກຽມສ້າງສວນສຸຂະພາບວິລະບູລີແດນຄຳ - 218 - ເມືອງວິລະບູລີກຽມສ້າງສວນສຸຂະພາບວິລະບູລີແດນຄຳ
ເມືອງວິລະບູລີກຽມສ້າງສວນສຸຂະພາບວິລະບູລີແດນຄຳ - AGL banner - ເມືອງວິລະບູລີກຽມສ້າງສວນສຸຂະພາບວິລະບູລີແດນຄຳ

​ໃນ​ລະຫວ່າງ​ວັນ​ທີ 17-18 ກໍລະກົດ​ນີ້, ທ່ານ ສັນຕິພາບ ພົມວິຫານ ​ເຈົ້າ​ແຂວງ​ສະຫວັນ​ນະ​ເຂດ ພ້ອມ​ດ້ວຍ​ພະ​ແນ​ກການ​ທີ່​ກ່ຽວຂ້ອງ​ຂອງ​ແຂວງ ​ໄດ້​ລົງ​ຕິດຕາມ​ຊຸກຍູ້​ການ​ກະກຽມ​ວາງ​ແຜນ​ກໍ່ສ້າງ​ສວນ​ສຸຂະພາບ​ວິລະ​ບູລີ​ແດນ​ຄຳ ຢູ່​ເມືອງ​ວິລະ​ບູລີ ພາຍ​ໃນ​ແຂວງ​ຂອງ​ຕົນ. ຈາກ​ນັ້ນ ຄະນະ​ການ​ນຳ​ຂອງ​ເມືອງ​ກໍ​ໄດ້​ນຳພາ​ຄະນະ​ລົງ​ສຳ​ຫລວດ​ເບິ່ງ​ສະພາບ​ພື້ນທີ່​ຕົວ​ຈິງ​ທີ່​ທາງ​ເມືອງ​ໄດ້​ກຳນົດ​ເປັນ​ເຂດ​ພັດທະນາ​ເປັນ​ບ່ອນ​ທ່ອງ​ທ່ຽວ. ພ້ອມ​ນີ້ ທ່ານ​ເຈົ້າ​ແຂວງ​ກໍ​ໄດ້​ໃຫ້​ທິດ​ຊີ້​ນຳ​ໃຫ້​ແກ່​ການຈັດ​ຕັ້ງປະຕິບັດ​ໂຄງການ​ກໍ່ສ້າງ​ສວນ​ສຸຂະພາບ​ດັ່ງກ່າວ ​ໂດຍ​ທ່ານ​ໄດ້​ເນັ້ນ​ໃຫ້​ຄະນະ​ນຳ​ຂອງ​ເມືອງ​ສືບ​ຕໍ່​ຊຸກຍູ້​ໂຄງການ​ດັ່ງກ່າວ​ໃຫ້​ໄດ້​ຮັບ​ຜົນສຳ​ເລັດ​ຕາມ​ແຜນການ​ທີ່​ວາງ​ໄວ້ ​ເນື່ອງ​ຈາກ​ເມືອງ​ວິລະ​ບູລີ​ເປັນ​ເມືອງ​ທີ່​ມີ​ທ່າ​ແຮງ​ຫລາຍ​ດ້ານ. ສະນັ້ນ ຈຶ່ງ​ມີ​ຄວາມ​ເໝາະ​ສົມ​ທີ່​ຈະ​ສ້າງ​ເປັນ​ແຫ​ລ່ງທ່ອງ​ທ່ຽວ. ສໍາລັບ​ງົບປະມານ​ໃນ​ການຈັດຕັ້ງປະຕິບັດ​ໂຄ​ງການ​ດັ່ງກ່າວ​ກໍ​ໃຫ້​ບິ​ແບ່ງ​ໃນ​ຮ່ວງ​ພັດທະນາ​ຂອງ​ເມືອງ ພ້ອມ​ລະດົມ​ພາກ​ທຸລະ​ກິດ​ທີ່​ມີ​ທ່າ​ແຮງ​ເຂົ້າມາ​ສຳ​ປະທານ ​ແລະ ລົງທຶນ ​ເພື່ອ​ແນ​ໃສ່​ເຮັດ​ໃຫ້​ເມືອງ​ວິລະ​ບູລີ​ມີ​ໃບ​​ໃໝ່ ​ແລະ ກາຍ​ເປັນ​ແຫ​ລ່ງທ່ອງ​ທ່ຽວ​ອີກ​ແຫ່ງ​ໜຶ່ງ​ຂອງ​ແຂວງ.

ທ່ານ​ເຈົ້​າ​ເມືອງ​ໃຫ້​ຮູ້​ວ່າ: ຄາດ​ວ່າ​ໃນ​ປີ 2020 ນີ້ ຈະ​ເລີ່​ມລົງມື​ຈັດຕັ້ງປະຕິບັດ​ໂຄງການ​ດັ່ງກ່າວ ​ໂດຍ​ຈະ​ດຳ​ເນີນ​​ເປັນ​ໄລຍະໆ​ຄື: ​ໄລຍະ​ທີ 1 ​ແມ່ນ​ຈະ​ໄດ້​ຈັດ​ສັນ ​ແລະ ບຸກ​ເບີກ​ເນື້ອທີ່, ​ເຮັດ​ທາງ​ຍ່າງ​ອ້ອມ​ໜອງ ພ້ອມ​ໃສ່​ໄຟ​ເຍືອງ​ທາງ; ສ່ວນ​ໄລຍະ​ທີ 2 ​ແມ່ນ​ຈັດ​ສັນ​ລານ​ຈອດ​ລົດ, ສະຖານ​ທີ່​ຄ້າ-ຂາຍ, ຕະຫລາດ​ກາງຄືນ, ບ່ອນ​ທ່ອງ​ທ່ຽວ ​ໂດຍ​ໄດ້​ເປີດ​ໂອກາດ​ໃຫ້​ພາກ​ທຸລະ​ກິດ​ທີ່​ມີ​ຄວາມ​ສາມາດ​ເຂົ້າມາ​ມີ​ສ່ວນ​ຮ່ວມ ​ເພື່ອ​ສ້າງ​ໃຫ້​ກາຍ​ເປັນ​ສວນ​ພັດທະນາ​ສຸຂະພາບ​ຂອງ​ເມືອງ ​ເຊິ່ງມາ​ຮອດ​ປັດຈຸບັນ​ໄດ້​ສຳ​ເລັດ​ການ​ສຳ​ຫລວດ​ເກັບ​ກຳ​ຂໍ້​ມູນ​​ເນື້ອທີ່​ດັ່ງກ່າວ​ສຳ​ເລັດ​ແລ້ວ ​ແລະ ກຳລັງ​ກະກຽມ​ການຈັດ​ສັນ ​ແລະ ວາງ​ແຜນ​ພັດທະນາ ​ເພື່ອ​ຈະ​ດຶງ​ດູດ​ການ​ລົງທຶນ ​ເຊິ່ງ​ເປັນ​ໄລຍະ​ທີ 2 ຕາມ​ທິດ​ທາງ​ແຜນການ​ຂອງ​ເມືອງ​ວາງ​ໄວ້.

ເມືອງວິລະບູລີກຽມສ້າງສວນສຸຂະພາບວິລະບູລີແດນຄຳ - lattana banner - ເມືອງວິລະບູລີກຽມສ້າງສວນສຸຂະພາບວິລະບູລີແດນຄຳ
ເມືອງວິລະບູລີກຽມສ້າງສວນສຸຂະພາບວິລະບູລີແດນຄຳ - lattana banner 1 - ເມືອງວິລະບູລີກຽມສ້າງສວນສຸຂະພາບວິລະບູລີແດນຄຳ
ເມືອງວິລະບູລີກຽມສ້າງສວນສຸຂະພາບວິລະບູລີແດນຄຳ -    AD conten website - ເມືອງວິລະບູລີກຽມສ້າງສວນສຸຂະພາບວິລະບູລີແດນຄຳ
error: Alert: ເນື້ອຫາຂ່າວມີລິຂະສິດ !!