ຝົນຍັງສືບຕໍ່ຕົກຢູ່ທົ່ວທຸກພາກຂອງລາວ

ຝົນຍັງສືບຕໍ່ຕົກຢູ່ທົ່ວທຸກພາກຂອງລາວ - 222 1 - ຝົນຍັງສືບຕໍ່ຕົກຢູ່ທົ່ວທຸກພາກຂອງລາວ
ຝົນຍັງສືບຕໍ່ຕົກຢູ່ທົ່ວທຸກພາກຂອງລາວ - Untitled design - ຝົນຍັງສືບຕໍ່ຕົກຢູ່ທົ່ວທຸກພາກຂອງລາວ

ກົມ​ອຸຕຸນິຍົມ ​ແລະ ອຸ​ທົກ​ກະສາ​ດ ​ໃຫ້​ຮູ້ວ່າ: ​ໃນ​ວັນ​ທີ 21-22 ກໍລະກົດ​ນີ້ ຄວາມ​ກົດ​ດັນ​ອາກາດ​ຕໍ່າ​ຂອງ​ອາກາດ​ຮ້ອນ​ຈະ​ມີ​ກຳລັງ​ອ່ອນ​ຫາ​ປານ​ກາງ​ປົກ​ຄຸມ​ຢູ່​ທົ່ວ​ທຸກ​ພາກ​ຂອງ​ປະ​ເທດ​ລາວ ສົມທົບ​ກັບ​ລົມ​ມໍ​ລະ​ສຸມ​ຕາ​ເວັນ​ຕົກ​ສຽງ​ໃຕ້​ທີ່​ມີ​ກຳລັງ​ແຮງ​ເພີ່ມ​ຂຶ້ນພັດ​ປົກ​ຄຸມ​​ເປັນ​ສ່ວນ​ໃຫຍ່ ​ເຊິ່ງຈະ​ມີ​ຝົນຕົກ​ຟ້າຮ້ອງ​ຟ້າ​ເຫລື້ອມ​ໃນ​ລະດັບ​ຄ່ອຍ​ເປັນ​ບໍລິ​ເວນ​ກວ້າງ​ໃນ​ແຕ່​ລະ​ພາກ ​ແລະ ຕົກ​ປານ​ກາງຫາ​ຕົກ​ໜັກ ພ້ອມ​ມີ​ລົມ​ພັດ​ແຮງ​ຢູ່​ບາງ​ທ້ອງ​ຖິ່ນ​ໃນ​ແຕ່​ລະ​ພາກ. ຈາກ​ນັ້ນວັນ​ທີ 23-27 ກໍລະກົດ ຄວາມ​ກົດ​ດັນ​ອາກາດ​ຕໍ່າ​ຂອງ​ອາກາດ​ຮ້ອນ​ຈະ​ມີ​ກຳລັງ​ປານ​ກາງຫາ​ແຮງ ພ້ອມ​ດຽວ​ກັບ​ລົມ​ມໍ​ລະ​ສຸມ​ຕາ​ເວັນ​ຕົກ​ສຽງ​ໃຕ້​ປົກ​ຄຸມ ​ເຊິ່ງຈະ​ເຮັດ​ໃຫ້​ມີ​ຝົນຕົກ​ຟ້າຮ້ອງ​ຟ້າ​ເຫລື້ອມ​ໃນ​ລະດັບ​ຄ່ອຍ​ຫາ​ປານ​ກາງ ພ້ອມ​ຈະ​ມີ​ລົມ​ພັດ​ແຮງ​ຢູ່​ບາງ​ທ້ອງ​ຖິ່ນ​ແຂວງ​ພາກ​ກາງ ​ແລະ ພາກ​ໃຕ້.

ສຳລັບ​ສະພາບ​ອາກາດ​ໃນ​ແຕ່​ລະ​ພາກ​ມີ​ດັ່ງ​ນີ້: ພາກ​ເໜືອ​ດ້ານ​ຕາ​ເວັນ​ອອກ ​ໃນ​ວັນ​ທີ 21-22 ກໍລະກົດ ມີ​ເຝື້ອປົກ​ຄຸມ​ເປັນ​ສ່ວນ​ຫລາຍ ​ແລະ ຍັງ​ຈະ​ມີ​ຝົນຕົກ​ຟ້າຮ້ອງ​ຟ້າ​​ເຫລື້ອມ​ໃນ​ລະດັບ​ຄ່ອຍ​ຢູ່​ເກືອບ​ທົ່ວ​ໄປ ​ແລະ ຕົກ​ປານ​ກາງຫາ​ຕົກ​ໜັກ ພ້ອມ​ມີ​ລົມ​ພັດ​ແຮງ​ຢູ່​ບາງ​ທ້ອງ​ຖິ່ນ​ແຂວງ​ຜົ້ງສາລີ, ຫົວພັນ ​ແລະ ຊຽງ​ຂວາງ. ຈາກ​ນັ້ນວັນ​ທີ 23-27 ກໍລະກົດ ຝົນ​ຍັງ​ຈະ​ສືບ​ຕໍ່​ຕົກ​ເປັນ​ບໍລິ​ເວນ​ກວ້າງ​ຕື່ມ​ອີກ. ອຸນຫະພູມ​ຕໍ່າ​ສຸດ 18-20 ອົງສາ ​ແລະ ສູງ​ສຸດ 28-32 ອົງສາ. ພາກ​ເໜືອ​ດ້ານ​ຕາ​ເວັນ​ຕົກ ວັນ​ທີ 21-22 ກໍລະກົດ ອາກາດ​ຮ້ອນ ມີ​ເຝື້ອປົກ​ຄຸມ​ເປັນ​ສ່ວນ​ຫລາຍ, ຈະ​ມີ​ຝົນຕົກ​ຟ້າຮ້ອງ​ຟ້າ​ເຫລື້ອມ​ໃນ​ລະດັບ​ຄ່ອຍ​ເປັນ​ບໍລິ​ເວນ​ກວ້າງ ​ແລະ ຕົກ​ປານ​ກາງຫາ​ຕົກ​ໜັກ ພ້ອມ​ມີ​ລົມ​ພັດ​ແຮງ​ຢູ່​ບາງ​ທ້ອງ​ຖິ່ນ​ເປັນ​ບາງ​ໂອກາດ​ຢູ່​ແຂວງ​ຫລວງ​ນ້ຳທາ, ບໍ່​ແກ້ວ, ອຸດົມ​ໄຊ, ຫລວງ​ພະ​ບາງ ​ແລະ ​ໄຊ​ຍະ​ບູລີ. ຈາກ​ນັ້ນວັນ​ທີ 23-27 ກໍລະກົດ ຝົນ​ຍັງ​ຈະ​ສືບ​ຕໍ່​ຕົກ​ຢູ່​ຕື່ມ​ອີກ. ອຸນຫະພູມ​ຕໍ່າ​ສຸດ 21-24 ອົງສາ ​ແລະ ສູງ​ສຸດ 33-35 ອົງສາ. ພາກ​ກາງ ​ໃນ​ວັນ​ທີ 21-22 ກໍລະກົດ ອາກາດ​ຮ້ອນ​ໃນ​ຕອນ​ບ່າຍ ​ແລະ ຈະ​ມີ​ຝົນຕົກ​ຟ້າຮ້ອງ​ຟ້າ​ເຫລື້ອມ​ໃນ​ລະດັບ​ຄ່ອຍ​ເປັນ​ບໍລິ​ເວນ​ກວ້າງ ​ແລະ ຕົກ​ປານ​ກາງ ພ້ອມ​ຈະ​ມີ​ລົມ​ພັດ​ແຮງ​ຢູ່​ບາງ​ທ້ອງ​ຖິ່ນ. ຈາກ​ນັ້ນວັນ​ທີ 23-27 ກໍລະກົດ ຈະ​ມີ​ຝົນຕົກ​ໃນ​ລະດັບ​ຄ່ອຍ​ຢູ່​ເປັນ​ບໍລິ​ເວນ​ກວ້າງ ​ແລະ ຕົກ​ປານ​ກາງຫາ​ຕົກ​ໜັກ ພ້ອມ​ຈະ​ມີ​ລົມ​ພັດ​ແຮງ​ຢູ່​ບາງ​ທ້ອງ​ຖິ່ນ​ແຂວງ​ວຽງ​ຈັນ​, ບໍລິ​ຄຳ​ໄຊ, ຄຳ​ມ່ວນ ​ແລະ ສະຫວັນ​ນະ​ເຂດ. ອຸນຫະພູມ​ຕໍ່າ​ສຸດ 23-24 ອົງສາ ​ແລະ ສູງ​ສຸດ 34-36 ອົງສາ. ສະ​ເພາະ​ແຂວງ​ໄຊ​ສົມບູນ, ​ເຂດ​ຫລັກ 20, ​ເມືອງ​ວຽງ​ທອງ ​ແລະ ​ເມືອງ​ນາ​ກາຍ ​ໃນ​ວັນ​ທີ 21-27 ກໍລະກົດ ມີ​ເຝື້ອປົກ​ຄຸມ​ເປັນ​ສ່ວນ​ຫລາຍ ​ແລະ ຈະ​ມີ​ຝົນຕົກ​ຟ້າຮ້ອງ​ຟ້າ​ເຫລື້ອມ​ໃນ​ລະດັບ​ຄ່ອຍ​ຫາ​ຕົກ​ປານ​ກາງ ພ້ອມ​ຈະ​ມີ​ລົມ​ພັດ​ແຮງ​ເປັນ​ບາງ​ໂອກາດ​ຢູ່​ບາງ​ບໍລິ​ເວນ. ອຸນຫະພູມ​ຕໍ່າ​ສຸດ 17-19 ອົງສາ ​ແລະ ສູງ​ສຸດ 24-26 ອົງສາ. ພາກ​ໃຕ້ ​ໃນ​ວັນ​ທີ 21-22 ກໍລະກົດ ອາກາດ​ຍັງ​ຈະ​ຮ້ອນ​ຂຶ້ນ​ໃນ​ຕອນ​ບ່າຍ ​ແລະ ຈະ​ມີ​ຝົນຕົກ​ຟ້າຮ້ອງ​ຟ້າ​ເຫລື້ອມ​ໃນ​ລະດັບ​ຄ່ອຍ​ຢູ່​ເກືອບ​ທົ່ວ​ໄປ. ຈາກ​ນັ້ນວັນ​ທີ 23-27 ກໍລະກົດ ຈະ​ມີ​ຝົນຕົກ​ປານ​ກາງ ພ້ອມ​ລົມ​ພັດ​ແຮງ​ເປັນ​ບາງ​ໂອກາດ​ຢູ່​ບາງ​ທ້ອງ​ຖິ່ນ​ແຂວງ​ສາລະ​ວັນ, ຈຳປາ​ສັກ, ​ເຊ​ກອງ ​ແລະ ອັດ​ຕະປື. ອຸນຫະພູມ​ຕໍ່າ​ສຸດ 24-25 ອົງສາ ​ແລະ ສູງ​ສຸດ 35-36 ອົງສາ. ສະ​ເພາະ​ເຂດ​ພູ​ພຽງ​ບໍລິ​ເວນ ມີ​ເຝື້ອກປົກ​ຄຸມ​ເປັນ​ສ່ວນ​ຫລາຍ, ຈະ​ມີ​ຝົນຕົກ​ຟ້າຮ້ອງ​ຟ້​​າ​ເຫລື້ອມ​ໃນ​ລະດັບ​ຄ່ອຍ ພ້ອມ​ຈະ​ມີ​ລົມ​ພັດ​ແຮງ​ເປັນ​ບາງ​ໂອກາດ​ຢູ່​ບາງ​ບໍລິ​ເວນ. ອຸນຫະພູມ​ຕໍ່າ​ສຸດ 13-15 ອົງສາ ​ແລະ ສູງສຸດ 25-27 ອົງສາ. ສຳລັບ​ນະຄອນຫລວງ​ວຽງ​ຈັນ ​ໃນ​ວັນ​ທີ 21-27 ກໍລະກົດ ມີ​ເຝື້ອຂະຫຍາຍຕົວ​ຫລາຍ​ຂຶ້ນ​ໃນ​ຕອນ​ບ່າຍ ​ແລະ ຈະ​ມີ​ຝົນຕົກ​ຟ້າຮ້ອງ​ຟ້າ​ເຫລື້ອມ​ໃນ​ລະດັບ​ຄ່ອຍ​ເປັນ​ບໍລິ​ເວນ​ກວ້າງ ​ແລະ ຕົກ​ປານ​ກາງ ພ້ອມ​ມີ​ລົມ​ພັດ​ແຮງ​ຢູ່​ບາງ​ບໍລິ​ເວນ​​ໃນ​ຕອນ​ບ່າຍ​ຫາ​ຕອນ​ກາງຄືນ. ອນຫະພູມ​ຕໍ່າ​ສຸດ 24-26 ອົງສາ ​ແລະ ສູງ​ສຸດ 33-35 ອົງສາ.

ຝົນຍັງສືບຕໍ່ຕົກຢູ່ທົ່ວທຸກພາກຂອງລາວ - Wave100S AD to Website 2020 0 - ຝົນຍັງສືບຕໍ່ຕົກຢູ່ທົ່ວທຸກພາກຂອງລາວ
ຝົນຍັງສືບຕໍ່ຕົກຢູ່ທົ່ວທຸກພາກຂອງລາວ - WhatsApp Image 2020 05 27 at 5 - ຝົນຍັງສືບຕໍ່ຕົກຢູ່ທົ່ວທຸກພາກຂອງລາວ
ຝົນຍັງສືບຕໍ່ຕົກຢູ່ທົ່ວທຸກພາກຂອງລາວ - WhatsApp Image 2020 05 27 at 5 - ຝົນຍັງສືບຕໍ່ຕົກຢູ່ທົ່ວທຸກພາກຂອງລາວ
error: Alert: ເນື້ອຫາຂ່າວມີລິຂະສິດ !!