ກອງປະຊຸມສະໄໝສາມັນເທື່ອທີ 9 ຂອງສະພາປະຊາຊົນແຂວງສະຫວັນນະເຂດ ຊຸດທີ 1 ໄຂຂຶ້ນຢ່າງເປັນທາງການ

ກອງປະຊຸມສະໄໝສາມັນເທື່ອທີ 9 ຂອງສະພາປະຊາຊົນແຂວງສະຫວັນນະເຂດ ຊຸດທີ 1 ໄຂຂຶ້ນຢ່າງເປັນທາງການ - 224 - ກອງປະຊຸມສະໄໝສາມັນເທື່ອທີ 9 ຂອງສະພາປະຊາຊົນແຂວງສະຫວັນນະເຂດ ຊຸດທີ 1 ໄຂຂຶ້ນຢ່າງເປັນທາງການ
ກອງປະຊຸມສະໄໝສາມັນເທື່ອທີ 9 ຂອງສະພາປະຊາຊົນແຂວງສະຫວັນນະເຂດ ຊຸດທີ 1 ໄຂຂຶ້ນຢ່າງເປັນທາງການ - Untitled design - ກອງປະຊຸມສະໄໝສາມັນເທື່ອທີ 9 ຂອງສະພາປະຊາຊົນແຂວງສະຫວັນນະເຂດ ຊຸດທີ 1 ໄຂຂຶ້ນຢ່າງເປັນທາງການ

ກອງປະຊຸມສະໄໝສາມັນເທື່ອທີ 9 ຂອງສະພາປະຊາຊົນແຂວງສະຫວັນນະເຂດຊຸດທີ 1 ໄຂຂຶ້ນໃນວັນທີ 22 – 24  ກໍລະກົດນີ້ ທີ່ຫໍວັດທະນະທໍາໄກສອນ ພົມວິຫານ,ໂດຍການເປັນປະທານຂອງທ່ານ  ຄໍາເຜີຍ ຜັນທະຈອນ ປະທານສະພາປະຊາຊົນແຂວງ. ເຂົ້າຮ່ວມມີທ່ານ ພົນໂທ ແສງນວນ ໄຊຍະລາດ ເລຂາທິການສູນກາງພັກ, ຮອງປະທານສະພາແຫ່ງຊາດທັງເປັນສະມາຊິກສະພາແຫ່ງຊາດຊຸດທີ 8 ປະຈຳເຂດເລືອກຕັ້ງທີ 13.

ທ່ານ ປະທານສະພາປະຊາຊົນແຂວງ ໄດ້ກ່າວສູນທອນພົດໄຂກອງປະຊຸມຢ່າງເປັນທາງການວ່າ: ກອງປະຊຸມສະໄໝສາມັນເທື່ອທີ 9 ຂອງສະພາປະຊາຊົນແຂວງສະຫວັນນະເຂດຄັ້ງນີ້ ຈະໄດ້ພິຈາລະນາ ແລະຕົກລົງບັນຫາສໍາຄັນຕ່າງໆຂອງແຂວງຄື: ພິຈາລະນາ ແລະຮັບຮອງເອົາການລາຍງານຂອງທ່ານເຈົ້າແຂວງສະຫວັນນະເຂດ ກ່ຽວກັບ ສະພາບການພັດທະນາເສດຖະກິດ-ສັງຄົມ 6 ເດືອນຕົ້ນປີ ແລະ ທິດທາງແຜນການ  6 ເດືອນທ້າຍປີ 2020, ຮັບຟັງການລາຍງານຈາກທ່ານຫົວໜ້າພະແນກແຜນການ ແລະການລົງທືນແຂວງ ກ່ຽວກັບ ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມຂອງແຂວງ, ຮັບຟັງການລາຍງານ ກ່ຽວກັບ ການຈັດຕັ້ງປະຕິບັດແຜນງົບປະມານແຫ່ງລັດຂອງແຂວງ,ຮັບຟັງການລາຍງານຂອງຜູ້ຮັກສາການຫົວໜ້າອົງການໄອຍະການປະຊາຊົນແຂວງ ກ່ຽວກັບ ການຕິດຕາມກວດກາການປະຕິບັດກົດໝາຍຂອງອົງການສືບສວນ-ສອບສວນ ກ່ຽວກັບ ການກວດຄົ້ນເຄຫະສະຖານ, ການກັກຕົວ, ການຈັບຕົວ, ການກັກຂັງພາງ ແລະການປ່ອຍຕົວພາງຜູ້ຖືກຫາ ຂອງອົງການໄອຍະການປະຊາຊົນແຂວງ,ຮັບຟັງການລາຍງານຂອງປະທານສານປະຊາຊົນແຂວງ ກ່ຽວກັບ ການພິຈາລະນາຕັດສິນຄະດີຢາເສບຕິດຢູ່ສານຂັ້ນຕົ້ນ ແລະຂັ້ນອຸທອນ, ຮັບຟັງການການລາຍງານ ກ່ຽວກັບ ການເຄື່ອນໄຫວວຽກງານ ຂອງຄະນະປະຈໍາສະພາປະຊາຊົນແຂວງ ໃນໄລຍະຜ່ານມາ,ພິຈາລະນາ ແລະຮັບຮອງເອົາຂໍ້ຕົກລົງຂອງທ່ານເຈົ້າແຂວງສະຫວັນນະເຂດ ວ່າດ້ວຍ ການຄຸ້ມຄອງຮ້ານອາຫານ, ຮ້ານກິນດື່ມ ແລະຮ້ານບັນເທິງພາຍໃນແຂວງສະຫວັນນະເຂດ ແລະຂໍ້ຕົກລົງຂອງທ່ານເຈົ້າແຂວງສະຫວັນນະເຂດ ວ່າດ້ວຍ ການກໍານົດເຂດປະເມີນລາຄາທີ່ດິນ ແລະສິ່ງປຸກສ້າງ ໃນທົ່ວແຂວງສະຫວັນນະເຂດ ສະບັບປັບປຸງ,ພິຈາລະນາ ແລະຮັບຮອງເອົາການສະເໜີ ຂອງທ່ານເຈົ້າແຂວງສະຫວັນນະເຂດ ກ່ຽວກັບ ການຮັບຮອງເອົາການແຕ່ງຕັ້ງຫົວໜ້າພະແນກການ, ກົມກອງຕ່າງໆ ຂອງອົງການປົກຄອງແຂວງ.

ພ້ອມນີ້, ກອງປະຊຸມຍັງຈະໄດ້ຮັບຟັງການລາຍງານ ແລະການຊີ້ແຈງບັນຫາຕ່າງໆ ຂອງພະແນກການຈໍານວນໜຶ່ງ, ປະເດັນທີ່ບັນດາທ່ານສະມາຊິກສະພາແຫ່ງຊາດ, ສະມາຊິກສະພາປະຊາຊົນແຂວງ ມີຄວາມສົນໃຈ ແລະເພື່ອຮັບປະກັນໃນການນຳເດີນກອງປະຊຸມຄັ້ງນີ້ ໃຫ້ບັນລຸຕາມຄາດໝາຍ ແລະມີຄຸນະພາບນັ້ນ,ທ່ານ  ປະທານສະພາປະຊາຊົນແຂວງຍັງໄດ້ຮຽກຮ້ອງໃຫ້ທຸກພາກສ່ວນທີ່ກ່ຽວຂ້ອງ ສືບຕໍ່ສະ ໜອງຂໍ້ມູນ ແລະ ບັນດາເນື້ອໃນທີ່ຈະນຳເຂົ້າພິຈາລະນາໃນກອງປະຊຸມເທື່ອນີ້ໃຫ້ເລິກເຊິ່ງ ແລະ ພ້ອມກັນເຊີດຊູຄວາມຮັບຜິດຊອບໜ້າທີ່ການເມືອງຂອງຕົນ ເຂົ້າໃນການຄົ້ນຄວ້າ, ປະກອບຄຳຄິດຄຳເຫັນຕ່າງໆ ຢ່າງຖີ່ຖ້ວນ, ພາວະວິໄສ ບົນພື້ນຖານລະບຽບ- ກົດໝາຍ, ສະພາບຄວາມເປັນຈິງທາງດ້ານເສດຖະກິດ-ສັງຄົມ, ເພື່ອເຮັດໃຫ້ເນື້ອໃນທີ່ນຳເຂົ້າພິຈາລະນາ, ຮັບຮອງໃນຄັ້ງນີ້ມີຄຸນະພາບ ແລະສາມາດນຳໄປຈັດຕັ້ງປະຕິບັດຢ່າງມີຜົນສັກສິດ.

ກອງປະຊຸມສະໄໝສາມັນເທື່ອທີ 9 ຂອງສະພາປະຊາຊົນແຂວງສະຫວັນນະເຂດ ຊຸດທີ 1 ໄຂຂຶ້ນຢ່າງເປັນທາງການ - Wave100S AD to Website 2020 0 - ກອງປະຊຸມສະໄໝສາມັນເທື່ອທີ 9 ຂອງສະພາປະຊາຊົນແຂວງສະຫວັນນະເຂດ ຊຸດທີ 1 ໄຂຂຶ້ນຢ່າງເປັນທາງການ
ກອງປະຊຸມສະໄໝສາມັນເທື່ອທີ 9 ຂອງສະພາປະຊາຊົນແຂວງສະຫວັນນະເຂດ ຊຸດທີ 1 ໄຂຂຶ້ນຢ່າງເປັນທາງການ - WhatsApp Image 2020 05 27 at 5 - ກອງປະຊຸມສະໄໝສາມັນເທື່ອທີ 9 ຂອງສະພາປະຊາຊົນແຂວງສະຫວັນນະເຂດ ຊຸດທີ 1 ໄຂຂຶ້ນຢ່າງເປັນທາງການ
ກອງປະຊຸມສະໄໝສາມັນເທື່ອທີ 9 ຂອງສະພາປະຊາຊົນແຂວງສະຫວັນນະເຂດ ຊຸດທີ 1 ໄຂຂຶ້ນຢ່າງເປັນທາງການ - WhatsApp Image 2020 05 27 at 5 - ກອງປະຊຸມສະໄໝສາມັນເທື່ອທີ 9 ຂອງສະພາປະຊາຊົນແຂວງສະຫວັນນະເຂດ ຊຸດທີ 1 ໄຂຂຶ້ນຢ່າງເປັນທາງການ
error: Alert: ເນື້ອຫາຂ່າວມີລິຂະສິດ !!