TikTok ກຽມຈ້າງບຸກຄະລາກອນຢູ່ອາເມລິກາເພີ່ມ 10.000 ຄົນ

tiktok ກຽມຈ້າງບຸກຄະລາກອນຢູ່ອາເມລິກາເພີ່ມ 10.000 ຄົນ - 232 - TikTok ກຽມຈ້າງບຸກຄະລາກອນຢູ່ອາເມລິກາເພີ່ມ 10.000 ຄົນ
tiktok ກຽມຈ້າງບຸກຄະລາກອນຢູ່ອາເມລິກາເພີ່ມ 10.000 ຄົນ - Untitled design - TikTok ກຽມຈ້າງບຸກຄະລາກອນຢູ່ອາເມລິກາເພີ່ມ 10.000 ຄົນ

​ເຖິງ​ວ່າ​ບັນຫາທີ່ TikTok ​ແພ​ລກຟອມວິ​ດີ​ໂອ​ສັ້ນຈາກ​ຈີນ ກຳລັງ​ຜະ​ເຊີນ​ຢູ່​ໃນ​ປັດຈຸບັນ ຈະ​ຍັງ​ບໍ່​ໄດ້​ຮັບ​ການ​ແກ້​ໄຂ ທັງ​ການ​ຖືກ​ກ່າວ​ຫາ​ວ່າ​ເປັນ​ເຄື່ອງມື​ສອດ​ແນມ​ຈາກ​ລັດຖະບານ​ຈີນ, ​ເປັນ​ແພ​ລກຟອມທີ່​ສ່ຽງ​ຕໍ່​ຄວາມ​ປອດ​ໄພ​ຂໍ້​ມູນ​ສ່ວນ​ຕົວ​ຜູ້​ໃຊ້ ​ແລະ ການ​ເລີ່​ມຖືກ​ລັດຖະບານ​ໃນ​ຫລາຍ​ປະ​ເທດ ​ໂດຍ​ສະ​ເພາະ​ອາ​ເມ​ລິ​ກາ​ຕິດຕາມ, ​ເບິ່ງ​ຄື​ວ່າ TikTok ຈະ​ບໍ່​ຫວັ່ນ​ໄຫວ​ຕໍ່​ບັນຫາ​ທັງ​ໝົດ​ທີ່​ກ່າວ​ມາ.

​ໂດຍ​ຫລ້າ​ສຸດ ລາຍ​ງານ​ຂ່າວ​ຈາກ CNBC ​ເປີດ​ເຜີຍ​ວ່າ: TikTok ກຽມ​ຈະ​ດຳ​ເນີນ​ການ​ວ່າ​ຈ້າງ​ບຸກຄະລາ​ກອນ​ໃນ​ອາ​ເມ​ລິ​ກາ​ເພີ່ມ​ອີກ 10.000 ກວ່າ​ຄົນ ​ໃນ​ໄລຍະ​ເວລາ 3 ປີ​ຕໍ່​ຈາກນີ້, ສອດຄ່ອງ​ກັບ​ຄວາມ​ນິຍົມ​ຂອງ​ແພ​ລກຟອມທີ່​ເພີ່ມ​ຂຶ້ນຢ່າງ​ວ່ອງ​ໄວ​ໃນ​ໄລຍະ​ບໍ່​ເທົ່າ​ໃດ​ປີຜ່ານມາ.

ປັດຈຸບັນ TikTok ມີ​ຈຳນວນ​ພະນັກງານ​ປະມານ 1.400 ຄົນ ​ເພີ່ມ​ຂຶ້ນຈາກ​ຊ່ວງ​ຕົ້ນປີ​ທີ່​ມີ​ບຸກຄະລາ​ກອນ​ໃນ​ບໍລິສັດ​ທັງ​ໝົດ 500 ຄົນ ​ເຊິ່ງ​ໂຄສົກ​ຂອງ TikTok ຍັງ​ໄດ້​​ໃຫ້​ຂໍ້​ມູນ​ເພີ່ມ​ຕື່ມ​ກັບ CNBC ອີກ​ວ່າ: ການ​ເພີ່ມ​ຈຳນວນ​ພະນັກງານ 10.000 ຄົນ​ໃນ​ໄລຍະ 3 ປີ​ຕໍ່​ຈາກ​ນີ້ ຈະ​ຊ່ວຍ​ໃຫ້ TikTok ສາມາດ​ພັດທະນາ​ປະສົບ​ການ​ການ​ໃຊ້​ງານ​ແພ​ລກຟອມທີ່​ມ່ວນ, ປອດ​ໄພ ​ແລະ ປ້ອງ​ກັນ​ຄວາມ​ເປັນ​ສ່ວນ​ຕົວ​ຂອງ​ຊຸມ​ຊົນ​ຜູ້​ໃຊ້​ໃນ​ເວລາ​ດຽວ​ກັນ.

tiktok ກຽມຈ້າງບຸກຄະລາກອນຢູ່ອາເມລິກາເພີ່ມ 10.000 ຄົນ - Wave100S AD to Website 2020 0 - TikTok ກຽມຈ້າງບຸກຄະລາກອນຢູ່ອາເມລິກາເພີ່ມ 10.000 ຄົນ

ກ່ອນ​ໜ້າ​ນີ້​ໃນ​ເດືອນ​ມີນາ​ຜ່ານ​ມາ ByteDance ບໍລິສັດ​ແມ່​ຂອງ TikTok ຢູ່​ຈີນ ​ເຄີຍ​ຕັ້ງ​ເປົ້າ​ໄວ້​ວ່າ: ພວກ​ເຂົາ​ຈະ​ຕ້ອງ​ມີ​ຈຳນວນ​ບຸກຄະລາ​ກອນ​ໃນ​ບໍລິສັດ​ລວມ​ໃຫ້​ໄດ້​ຫລາຍ​ກວ່າ 1 ​ແສນ​ຄົນ​ພາຍ​ໃນ​ປີ 2020 ​ເພື່ອ​ຕອບ​ຮັບ​ການ​ເຕີບ​ໃຫຍ່​ຂອງ​ອົງ​ກອນ ​ເຊິ່ງ​ເມື່ອ​ປຽບທຽບ​ຈາກ​ພາບ​ລວມ ​ໃນ​ປີ 2019 ບໍລິສັດ​ເຕັກ​ໂນ​ໂລ​ຊີ​ຍັກ​ໃຫຍ່​ໃນ​ອຸດສາຫະກຳ​ຄື Facebook, Google ​ແລະ Alibaba ມີ​ຈຳນວນ​ບຸກຄະລາ​ກອນ​ລວມທັງ​ໝົດ 44.942, 118.899 ​ແລະ 116.519 ຄົນ​ຕາມ​ລຳດັບ.

tiktok ກຽມຈ້າງບຸກຄະລາກອນຢູ່ອາເມລິກາເພີ່ມ 10.000 ຄົນ - WhatsApp Image 2020 05 27 at 5 - TikTok ກຽມຈ້າງບຸກຄະລາກອນຢູ່ອາເມລິກາເພີ່ມ 10.000 ຄົນ
tiktok ກຽມຈ້າງບຸກຄະລາກອນຢູ່ອາເມລິກາເພີ່ມ 10.000 ຄົນ - WhatsApp Image 2020 05 27 at 5 - TikTok ກຽມຈ້າງບຸກຄະລາກອນຢູ່ອາເມລິກາເພີ່ມ 10.000 ຄົນ
error: Alert: ເນື້ອຫາຂ່າວມີລິຂະສິດ !!