ລາວຕົກລົງຮ່ວມມືພັດທະນານໍ້າມັນເຊື້ອໄຟຊີວະພາບ

ລາວຕົກລົງຮ່ວມມືພັດທະນານໍ້າມັນເຊື້ອໄຟຊີວະພາບ - 237 - ລາວຕົກລົງຮ່ວມມືພັດທະນານໍ້າມັນເຊື້ອໄຟຊີວະພາບ
ລາວຕົກລົງຮ່ວມມືພັດທະນານໍ້າມັນເຊື້ອໄຟຊີວະພາບ - Untitled design - ລາວຕົກລົງຮ່ວມມືພັດທະນານໍ້າມັນເຊື້ອໄຟຊີວະພາບ

ໃນ​ວັນ​ທີ 22 ກໍລະກົດນີ້ ສະຖາບັນສົ່ງເສີມພະລັງງານທົດແທນ ກະຊວງພະລັງງານ ແລະ ບໍ່ແຮ່ ແລະ ບໍລິສັດ ເປໂຕຣເຄມີລາວ ຈໍາກັດ ​ໄດ້ຮ່ວມລົງ​ນາມ​ເຊັນບົດບັນທຶກການຮ່ວມມືທາງດ້ານວິຊາການ (MOC) ​ເພື່ອສຶກສາຍຸດທະສາດການພັດທະນາໂຄງການນໍ້າມັນເຊື້ອໄຟຊີວະພາບໃນ ສປປ ລາວ ໂດຍ​ມີ​ທ່ານ ສີ​ນາວາ ສຸພາ​ນຸວົງ ຮອງ​ລັດຖະມົນຕີກະຊວງ​ພະລັງ​ງານ ​ແລະ ບໍ່​ແຮ່​ເຂົ້າ​ຮ່ວມ​ເປັນ​ສັກຂີ​ພິຍານ ​ເພື່ອ​ສຶກສາ​ຄົ້ນຄວ້າ ​ແລະ ກຳນົດ​ນະ​ໂຍບາຍ​ທີ່​ກ່ຽວຂ້ອງກ່ຽວ​ກັບ​ການພັດທະນາ​ຂະ​ແໜງນໍ້າມັນ​ເຊື້ອ​ໄຟ​ຊີວະ​ພາບ​ເຊັ່ນ: ພັດທະນາ​ໂຮງງານ​ຜະລິດ​ນໍ້າມັນ​ເຊື້ອ​ໄຟ​ຊີວະ​ພາບ; ສຶກສາຄົ້ນຄວ້າ, ສົ່ງ​ເສີມ​ວຽກງານ​ວິ​​ໄຈ ​ແລະ ສ້າງ​ໂຄງການ​ສາທິດກ່ຽວກັບການ​ສົ່​ງ​ເສີມ​ການ​ຜະລິດ, ຈຳໜ່າຍ ​ແລະ ຊົມ​ໃຊ້​ນໍ້າມັນ​ເຊື້ອ​ໄຟ​ຊີວະ​ພາບພາຍ​ໃນ​ປະ​ເທດ; ການ​ສ້າງ​ຄວາມ​ອາດ​ສະມາດ ​ແລະ ການ​​ແລກປ່ຽນຄວາມ​ຮູ້​ທາງ​ດ້ານ​ວິຊາ​ການ, ການ​ພັດທະນາ​ໂຮງງານ​ຜະລິດ​ນໍ້າມັນ​ເຊື້ອ​ໄຟ​ຊີ​ວະພາ​ບ.

​      ໃນໂອກາດນີ, ທ່ານ ​ເຊິນ ຫ້າວ ປະທານ​ບໍລິສັດ​ ເປ​ໂຕຣ​ເຄມີ​ລາວ ຈຳກັດ ​ໄດ້​ກ່າວ​ວ່າ: ນໍ້າມັນ​ເຊື້ອ​ໄຟ​ຊີວະ​ພາບ​ແມ່ນ​ພະລັງງານ​ທີ່​ສະອາດ​ ​ແລະ ຜະລິດ​ຄືນ​ໃໝ່​ໄດ້ ​ເຊິ່ງປັດຈຸບັນໄດ້​ຮັບ​ການ​ສົ່ງ​ເສີມ​ຈາກ​ທຸກໆປະ​ເທດ​ໃນ​ທົ່ວ​ໂລກ, ​ໂຄງການ​ດັ່ງກ່າວ​ແມ່ນ​ໄດ້​ຕິດ​ພັນ​ກັບ​ແຜນ​ຍຸດ​ທະ​ສາດການ​ພັດທະນາ​ພະລັງງານ​ທົດ​​ແທນ​ແຫ່ງ​ຊາດ​ຂອງ​ລາວ ​ເຊິ່ງຈະ​ນຳ​ໃຊ້​ວັດຖຸ​ດິບ​ທີ່​ອຸດົມສົມບູນບົ່ມ​ຊ້ອນ​ພາຍ​ໃນ​ປະ​ເທດ ສົ່ງ​ເສີມ​ການ​ປູກ​ມັນ​ຕົ້ນ, ປາມ​ນໍ້າມັນ ສ້າງ​ໂຮງງານ​ຜະລິດ​ນໍ້າມັນ​ເອທາ​ໂນນ ​ແລະ ນໍ້າມັນ​ກາ​ຊວນ​ຊີວະ​ພາບ, ສ້າງ​ສູນ​ປະສົມ, ປຸງ​ແຕ່ງ ​ແລະ ສູນ​ຈຳໝ່າຍນໍ້າມັນ​ເຊື້ອ​ໄຟ​ຊີວະ​ພາບ​ແບບ​ຄົບ​ວົງ​ຈອນ, ຜັກ​ດັນ​ໃຫ້​ມີ​ການ​ຊົມ​​ໃຊ້​ນໍ້າມັນ​ເຊື້ອ​ໄຟ​ຊີວະ​ພາບ, ສົ່ງ​ເສີມ​ການ​ພັດທະນາ​ພະລັງງານ​ທົດ​ແທນ ​ເຊິ່ງຈະ​ຊ່ວຍ​ເພີ່ມ​ທະວີ​ຍົກ​ສູງ​ລະດັບ​ຄັງ​ແຮ​ພະລັງງານ​ແຫ່ງ​ຊາດ​ລາວ ​ແລະ ຄວາມໝັ້ນຄົງ​ດ້ານ​ຍຸດ​ທະ​ຍາດ, ຕອບ​ສະໜອງຄວາມ​ຕ້ອງການ​ພະລັງງານພາຍ​ໃນປະ​ເທດທີ່​ນັບ​ມື້​ນັບ​ຫລາຍ​ຂຶ້ນ ທັງ​ປະກອບສ່ວນ​ຢ່າງ​ຕັ້ງໜ້າ​ເຂົ້າ​ໃນ​ວຽກງານ​ການ​ພັດທະນາ​ເສດຖະກິດ-ສັງຄົມ​ຂອງ​ຊາດ​ນຳ​ດ້ວຍ.

ລາວຕົກລົງຮ່ວມມືພັດທະນານໍ້າມັນເຊື້ອໄຟຊີວະພາບ - Wave100S AD to Website 2020 0 - ລາວຕົກລົງຮ່ວມມືພັດທະນານໍ້າມັນເຊື້ອໄຟຊີວະພາບ
ລາວຕົກລົງຮ່ວມມືພັດທະນານໍ້າມັນເຊື້ອໄຟຊີວະພາບ - WhatsApp Image 2020 05 27 at 5 - ລາວຕົກລົງຮ່ວມມືພັດທະນານໍ້າມັນເຊື້ອໄຟຊີວະພາບ
ລາວຕົກລົງຮ່ວມມືພັດທະນານໍ້າມັນເຊື້ອໄຟຊີວະພາບ - WhatsApp Image 2020 05 27 at 5 - ລາວຕົກລົງຮ່ວມມືພັດທະນານໍ້າມັນເຊື້ອໄຟຊີວະພາບ
error: Alert: ເນື້ອຫາຂ່າວມີລິຂະສິດ !!