ກອງປະຊຸມໃຫຍ່ຜູ້ແທນອົງຄະນະພັກແຂວງອຸດົມໄຊ ຄັ້ງທີ IX ໄຂຂຶ້ນຢ່າງເປັນທາງການ

ກອງປະຊຸມໃຫຍ່ຜູ້ແທນອົງຄະນະພັກແຂວງອຸດົມໄຊ  ຄັ້ງທີ ix ໄຂຂຶ້ນຢ່າງເປັນທາງການ - 241 - ກອງປະຊຸມໃຫຍ່ຜູ້ແທນອົງຄະນະພັກແຂວງອຸດົມໄຊ  ຄັ້ງທີ IX ໄຂຂຶ້ນຢ່າງເປັນທາງການ
ກອງປະຊຸມໃຫຍ່ຜູ້ແທນອົງຄະນະພັກແຂວງອຸດົມໄຊ  ຄັ້ງທີ ix ໄຂຂຶ້ນຢ່າງເປັນທາງການ - Untitled design - ກອງປະຊຸມໃຫຍ່ຜູ້ແທນອົງຄະນະພັກແຂວງອຸດົມໄຊ  ຄັ້ງທີ IX ໄຂຂຶ້ນຢ່າງເປັນທາງການ

ກອງປະຊຸມໃຫຍ່ຜູ້ແທນອົງຄະນະພັກແຂວງອຸດົມໄຊ ຄັ້ງທີ IX ໄດ້ໄຂຂຶ້ນຢ່າງເປັນທາງການ ໃນວັນທີ 24 ກໍລະກົດ ໂດຍກນ​ໃຫ້​ກຽດ​ເຂົ້າຮ່ວມ​ຂອງ ສະຫາຍ ພັນຄໍາ ວິພາວັນ ກໍາມະການກົມການເມືອງສູນກາງພັກ, ຜູ້ປະຈໍາການຄະນະເລຂາທິການສູນກາງພັກ, ຮອງປະທານປະເທດ, ມີຜູ້ແທນສົມບູນ 252 ສະຫາຍ ຈາກບັນດາເມືອງອ້ອມຂ້າງແຂວງເຂົ້າຮ່ວມ.

ກອງ​ປະຊຸມໄດ້ສັງເກດຕີລາຄາບັນດາຜົນສໍາເລັດຂອງການຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ VIII ຂອງອົງຄະນະພັກແຂວງ ແລະ ການພັດທະນາເສດຖະກິດ-ສັງຄົມ 5 ປີຜ່ານມາ ​ແລະ ຈະ​​ໄດ້ພິຈາລະນາ, ຮັບຮອງເອົາຮ່າງລາຍງານການເມືອງ, ແຜນພັດທະນາເສດຖະກິດ-ສັງຄົມ 5 ປີ (2021-2025) ຂອງຄະນະບໍລິຫານງານພັກແຂວງ ຄັ້ງທີ IX ແລະ ປ່ອນບັດເລືອກຕັ້ງເອົາຄະນະບໍລິຫານງານພັກແຂວງ ຄັ້ງທີ IX ເພື່ອເປັນຫລັກແຫລ່ງແກ່ນສານສືບຕໍ່ນໍາພາປະຕິບັດໜ້າທີ່ການເມືອງ ກໍຄືພາລະກິດແຫ່ງການປົກປັກຮັກສາ ແລະ ສ້າງສາພັດທະນາແຂວງອຸດົມໄຊໃນ 5 ປີຕໍ່ໜ້າ.

ສະຫາຍ ຄຳພັນ ເຜີຍຍະວົງ ກຳມະການ​ສູນ​ກາງ​ພັກ, ​ເລຂາ​ພັກ​ແຂວງ, ​ເຈົ້າແຂວງອຸດົມໄຊ ​ໄດ້​ຂຶ້ນ​ຜ່ານບົດລາຍງານການເມືອງຂອງແຂວງ ເຊິ່ງໄດ້ຍົກໃຫ້ເຫັນວ່າ: ໃນໄລຍະ 5 ປີຜ່ານມາ ແຂວງອຸດົມໄຊໄດ້ສຸມທຶນຮອນເຂົ້າໃນການປະຕິບັດບັນດາໂຄງການຕ່າງໆ ເປັນຕົ້ນແມ່ນສຸມໃສ່ແກ້ໄຂຄວາມທຸກຍາກຂອງປະຊາຊົນ,​ ຫັນປ່ຽນການຜະລິດແບບທໍາມະຊາດເຄິ່ງທໍາມະຊາດໄປສູ່ການຜະລິດເປັນສິນຄ້າເທື່ອລະກ້າວ, ສ້າງເງື່ອນໄຂອໍານວຍຄວາມສະດວກໃຫ້ນັກທຸລະກິດ, ຜູ້ປະກອບການທັງພາຍໃນ ແລະ ຕ່າງປະເທດມາລົງທຶນພັດທະນາແຂວງນັບ​ມື້ຫລາຍ​ຂຶ້ນ ​ເຊິ່ງ​ໄດ້ຊ່ວຍກະຕຸກຊຸກຍູ້ເສດຖະກິດຂອງແຂວງຂະຫຍາຍຕົວໃນລະດັບສະເລ່ຍ 7,35%​, ​ໃນ​ປີ 2020 ລວມຍອດມູນຄ່າຜະລິດຕະພັນພາຍໃນບັນລຸໄດ້ຫລາຍ​ກວ່າ 3.635 ຕື້ກີບ ແລະ ສະເລ່ຍລາຍຮັບຕໍ່ຫົວຄົນບັນລຸໄດ້ 1.210 ໂດລາສະຫະລັດ ​ເຮັດ​ໃຫ້ອັດຕາສ່ວນຂອງຄອບຄົວທຸກຍາກ ແລະ ບ້ານທຸກຍາກຫລຸດລົງຢ່າງຕໍ່ເນື່ອງ.

ກອງປະຊຸມໃຫຍ່ຜູ້ແທນອົງຄະນະພັກແຂວງອຸດົມໄຊ  ຄັ້ງທີ ix ໄຂຂຶ້ນຢ່າງເປັນທາງການ - Wave100S AD to Website 2020 0 - ກອງປະຊຸມໃຫຍ່ຜູ້ແທນອົງຄະນະພັກແຂວງອຸດົມໄຊ  ຄັ້ງທີ IX ໄຂຂຶ້ນຢ່າງເປັນທາງການ

ສຳລັບທິດທາງແຜນການ 5 ປີໃນຕໍ່ໜ້າ ແຂວງອຸດົມໄຊຈະສູ້ຊົນເຮັດໃຫ້ເສດຖະກິດຂະຫຍາຍຕົວໄປຕາມທິດພັດທະນາແບບຍືນຍົງຕໍ່ເນື່ອງ, ໝັ້ນທ່ຽງ ແລະ ໜັກແໜ້ນ ດ້ວຍຈັງຫວະບໍ່ຫລຸດ 7,5%/ປີ, ລວມຍອດຜະລິດຕະພັນພາຍໃນໃຫ້​ໄດ້​ຫລາຍ​ກວ່າ 5.442 ຕື້ກີບ/ປີ, ສະເລ່ຍລາຍຮັບຕໍ່ຫົວຄົນໃຫ້ໄດ້ 1.720 ໂດລາສາຫະລັດ/ຄົນ/ປີ, ສູ້ຊົນແກ້ໄຂຄວາມທຸກຍາກຂອງປະຊາຊົນໃຫ້ນັບມື້ນັບຫລຸດລົງ, ຮອດປີ 2025 ສ້າງເມືອງພົ້ນທຸກໃຫ້ໄດ້ 5 ເມືອງ, ເມືອງເຂັ້ມແຂງຮອບດ້ານໃຫ້ໄດ້ 3 ເມືອງ, ຈໍານວນບ້ານທຸກຍາກໃຫ້ຍັງເຫລືອຕໍ່າກວ່າ 42% ແລະ ຄົວເຮືອນທຸກຍາກໃຫ້ຍັງເຫລືອ 30%, ຮັບປະກັນສ້າງແຂວງໃຫ້ມີສະຖຽນລະພາບທາງດ້ານການເມືອງ ແລະ ສັງຄົມມີຄວາມສະຫງົບເປັນລະບຽບຮຽບຮ້ອຍຢ່າງໜັກແໜ້ນ ແລະ ມີຄວາມໝັ້ນຄົງ. ຮອດປີ 2035 ໃຫ້ກາຍເປັນແຂວງພັດທະນາລະດັບດີ.

ກອງປະຊຸມໃຫຍ່ຜູ້ແທນອົງຄະນະພັກແຂວງອຸດົມໄຊ  ຄັ້ງທີ ix ໄຂຂຶ້ນຢ່າງເປັນທາງການ - WhatsApp Image 2020 05 27 at 5 - ກອງປະຊຸມໃຫຍ່ຜູ້ແທນອົງຄະນະພັກແຂວງອຸດົມໄຊ  ຄັ້ງທີ IX ໄຂຂຶ້ນຢ່າງເປັນທາງການ
ກອງປະຊຸມໃຫຍ່ຜູ້ແທນອົງຄະນະພັກແຂວງອຸດົມໄຊ  ຄັ້ງທີ ix ໄຂຂຶ້ນຢ່າງເປັນທາງການ - WhatsApp Image 2020 05 27 at 5 - ກອງປະຊຸມໃຫຍ່ຜູ້ແທນອົງຄະນະພັກແຂວງອຸດົມໄຊ  ຄັ້ງທີ IX ໄຂຂຶ້ນຢ່າງເປັນທາງການ
error: Alert: ເນື້ອຫາຂ່າວມີລິຂະສິດ !!