ລາວສະຫລອງວັນຜະດຸງຄັນສາກົນ

ລາວສະຫລອງວັນຜະດຸງຄັນສາກົນ - 243 - ລາວສະຫລອງວັນຜະດຸງຄັນສາກົນ
ລາວສະຫລອງວັນຜະດຸງຄັນສາກົນ - Untitled design - ລາວສະຫລອງວັນຜະດຸງຄັນສາກົນ

ໃນວັນທີ 24 ກໍລະກົດນີ້ ກະຊວງ​ສາທາລະນະ​ສຸກ ​ແລະ ອົງການ​ສະຫະ​ປະຊາ​ຊາດ ກອງ​ທຶນ​ສຳລັບ​ປະຊາກອນ (UNFPA) ​ໄດ້​ຮ່ວມ​ກັນ​ຈັດພິທີສະເຫລີມສະຫລອງວັນຜະດຸງຄັນສາກົນຂຶ້ນທີ່​ນະຄອນຫລວງ​ວຽງ​ຈັນ ພາຍໃຕ້ຄໍາຂວັນ ຜະດຸງຄັນປົກປ້ອງແມ່ ແລະ ເດັກ ໃນໄລຍະການລະບາດພະຍາດໂຄວິດ-19 ໂດຍມີ ທ່ານ ດຣ. ບຸນແຝງ ພູມມະໄລສິດ ຮອງລັດຖະມົນຕີ ກະຊວງສາທາລະນະສຸກ, ທ່ານ ດຣ. ປອນເມກ ດາລາລອນ ປະທານສະພາຄຸ້ມຄອງວິຊາຊີບປິ່ນປົວ ແລະ ທ່ານ ວິເຕີ ວໍດີເວຍໂຊ ຕາງໜ້າອົງການສະຫະປະຊາຊາດ ກອງທຶນສຳລັບປະຊາກອນ ຫລື UNFPA ປະຈຳ ສປປ ລາວເຂົ້າຮ່ວມ.

​       ໃນ​ພິທີ​ຍັງເປັນການແລກປ່ຽນຄວາມຮູ້ ແລະ ປະສົບການໃນການປະຕິບັດວຽກງານຜະດຸງຄັນ, ເປັນການສະເຫລີມສະຫລອງຜົນງານການປະຕິບັດວຽກງານຜະດຸງຄັນທົ່ວປະເທດ, ທັງເປັນການປູກຈິດສຳນຶກ, ຍົກສູງວິຊາຊີບການຜະດຸງຄັນ ແລະ ລະນຶກເຖິງຄຸນງາມ ຄວາມດີຂອງພະນັກງານຜະດຸງຄັນ ທີ່ໄດ້ສຸມຈິດສຸມໃຈ ເຂົ້າໃນການປະຕິບັດໜ້າທີ່ວຽກງານຜະດຸງຄັນ.

ທ່ານຮອງ​ລັດຖະມົນຕີ​ກະຊວງ​ສາທາລະນະ​ສຸກ ກ່າວວ່າ: ການຈັດງານສະເຫລີມສະຫລອງວັນດັ່ງກ່າວໃນມື້ນີ້ ແມ່ນເຫດການໜຶ່ງທີ່ສຳຄັນ ແລະ ມີຄວາມໝາຍ ເຊິ່ງເປັນການສະແດງເຖິງຄວາມເປັນຫ່ວງເປັນໄຍຂອງພັກ ແລະ ລັດຖະບານ ໃນການເພີ່ມທະວີຄວາມເອົາໃຈໃສ່ໃນການບໍລິການເບິ່ງແຍງສຸຂະພາບໃຫ້ແກ່ປະຊາຊົນລາວບັນດາເຜົ່າ ໂດຍສະເພາະຕໍ່ສຸຂະພາບຂອງແມ່ຍິງ, ເດັກເກີດໃໝ່, ເດັກນ້ອຍ, ເຍົາວະຊົນ ແລະ ໄວໜຸ່ມ ທັງເປັນການປຸກລະດົມບຸກຄົນ, ຄອບຄົວ ແລະ ຊຸມຊົນ ເພື່ອສ້າງຄວາມເຂົ້າໃຈ ແລະ ເຫັນໄດ້ຄວາມສຳຄັນຂອງການຮັກສາສຸຂະພາບຂອງແມ່ຍິງ-ເດັກເກີດໃໝ່, ເດັກນ້ອຍ, ເຍົາວະຊົນ ແລະ ໄວໜຸ່ມ ລວມທັງສ້າງຄວາມເຂົ້າໃຈໃຫ້ຜູ້ຊາຍ (ສາມີ) ແລະ ຍາດພີ່ນ້ອງໃຫ້ມີສ່ວນຮ່ວມ ແລະ ຍອມ ຮັບການຕັດສິນໃຈຂອງແມ່ຍິງໃນກໍລະນີທີ່ເຂົາເຈົ້າມີຄວາມຕ້ອງການໃນການຮັກສາສຸຂະພາບຂອງຕົນເອງ ລວມທັງການວາງແຜນຄອບຄົວ.

ລາວສະຫລອງວັນຜະດຸງຄັນສາກົນ - Wave100S AD to Website 2020 0 - ລາວສະຫລອງວັນຜະດຸງຄັນສາກົນ

ທ່ານຮອງລັດຖະມົນຕີ ກ່າວວ່າ: ໃນໄລຍະຜ່ານມາການເຂົ້າເຖິງການບໍລິການສຸຂະພາບແມ່ ແລະ ເດັກຍັງຈຳກັດ ໂດຍສະເພາະແມ່ນປະຊາຊົນບັນດາເຜົ່າທີ່ຢູ່ເຂດຫ່າງໄກສອກຫລີກ ເພາະບໍ່ມີພະນັກງານຊໍານານໃນການຊ່ວຍເກີດປະຈໍາຢູ່ໃນຂົງເຂດນັ້ນ. ສະນັ້ນ, ໃນໄລຍະການຖືພາ, ໄລຍະເກີດລູກ ແລະ ຫລັງເກີດລູກ ແລະ ການແກ້ໄຂທັດສະນະຄວາມບໍ່ເຂົ້າໃຈຕໍ່ຄວາມຫຍຸ້ງຍາກຕ່າງໆ ທີ່ກ່ຽວຂ້ອງກັບການຮັກສາສຸຂະພາບຂອງຊຸມຊົນ ຈຶ່ງຕ້ອງເປັນບູລິມະສິດໃນການແກ້ໄຂບັນຫາ ​ແລະ ກໍຕ້ອງໄດ້ພັດທະນາຄວາມສາມາດຂອງຊຸມຊົນໃນການຕັດສິນໃຈທີ່ຖືກຕ້ອງ, ທັນເວລາ ແລະ ສ້າງຄວາມເຊື່ອມໂຍງລະຫວ່າງຊຸມຊົນ ແລະ ສະຖານທີ່ບໍລິການດ້ານການຮັກສາສຸຂະພາບແມ່ ແລະ ເດັກ, ຖ້າເຮັດໄດ້ຄືແນວນີ້ກໍຈະເປັນການຊ່ວຍໃຫ້ແມ່ຍິງ ແລະ ເດັກນ້ອຍມີສຸຂະພາບດີຂຶ້ນ.

ລາວສະຫລອງວັນຜະດຸງຄັນສາກົນ - WhatsApp Image 2020 05 27 at 5 - ລາວສະຫລອງວັນຜະດຸງຄັນສາກົນ
ລາວສະຫລອງວັນຜະດຸງຄັນສາກົນ - WhatsApp Image 2020 05 27 at 5 - ລາວສະຫລອງວັນຜະດຸງຄັນສາກົນ
error: Alert: ເນື້ອຫາຂ່າວມີລິຂະສິດ !!