102 ວັນກັບຄືນມາໃໝ່

102 ວັນກັບຄືນມາໃໝ່ - Time fo an Adventure 2020 07 24T172422 - 102 ວັນກັບຄືນມາໃໝ່
102 ວັນກັບຄືນມາໃໝ່ - Untitled design - 102 ວັນກັບຄືນມາໃໝ່

ໂດຍ: ລູກເມືອງພວນ

ການກວດພົບຜູ້ຕິດເຊື້ອໄວຣັດໂຄວິດ-19 ຜູ້ທີ່ 19 ຊຶ່ງເປັນຜູ້ສຸດທ້າຍໃນລາວແມ່ນວັນທີ 12 ເມສາ. ນັບແຕ່ນັ້ນມາເຖິງວັນທີ 23 ກໍລະກົດກໍພໍດີ 102 ວັນທີ່ລາວເຮົາບໍ່ມີຜູ້ຕິດເຊື້ອລາຍໃໝ່ເພີ່ມ. ຜູ້ຕິດເຊື້ອທັງ 19 ຄົນກໍໄດ້ຮັບການປິ່ນປົວດີ ແລະ ອອກໂຮງໝໍໝົກທຸກຄົນ. ຜູ້ອອກໂຮງໝໍຄົນສຸດທ້າຍແມ່ນວັນທີ 9 ມີຖຸນາ. ມາເຖິງວັນທີ 11 ມີຖຸນາ ທ່ານນາຍົກລັດຖະມົນຕີກໍໄດ້ປະກາດໄຊຊະນະເບື້ອງຕົ້ນໃນການຕ້ານພະຍາດໂຄວິດ-19.

ການປະກາດດັ່ງກ່າວໄດ້ເຮັດໃຫ້ປະຊາຊົນລາວມີຄວາມນິຍົມຊົມຊອບ ແລະ ໄດ້ຮັບການຍ້ອງຍໍສັນລະເສີນຈາກຕ່າງປະເທດຢ່າງຫຼວງຫຼາຍ. ແຕ່ເຖິງຢ່າງໃດກໍດີ ລັດຖະບານລາວກໍຍັງປະກາດບັງຄັບໃຊ້ມາດຕະການປ້ອງກັນທີ່ຈຳເປັນຢ່າງເຂັ້ມງວດຕະຫຼອດມາ ແຕ່ກໍມີການປົດລ໊ອກມາດຕະການເທື່ອລະກ້າວ ເພື່ອໃຫ້ສັງຄົມໄດ້ກັບຄືນມາສູ່ສະພາບປົກກະຕິແບບໃໝ່ ແລະ ປາກົດວ່າການດຳເນີນທຸລະກິດ ຊີວິດການເປັນຢູ່ກໍຄຶກຄັກຂຶ້ນມາ ແຕ່ກໍຍັງບໍ່ທັນເຕັມທີ່ ຈົນມາເຖິງມື້ນີ້ ວັນທີ 24 ກໍລະກົດຄະນະສະເພາະກິດຕ້ານ ແລະ ຄວບຄຸມພະຍາດລະບາດໂຄວິດ-19 ໄດ້ຖະແຫຼງຂ່າວຢ່າງເປັນທາງການວ່າ: ພົບເຫັນຜູ້ຕິດເຊື້ອລາຍໃໝ່ໃນປະເທດລາວ ຊຶ່ງເປັນມື້ດຽວກັນກັບຜູ້ຕິດເຊື້ອຄົນທຳອິດໃນລາວຄືວັນທີ 24 ມີນາ 2020.

ຜູ້ຕິດເຊື້ືອລາຍໃໝ່ຄົນນີ້ ແມ່ນຄົນເກົາຫຼີໃຕ້ ເພດຊາຍ ອາຍຸ 32 ປີ, ເດີນທາງເຂົ້າມາໃນລາວວັນທີ 18 ກໍລະກົດ ຊຶ່ງຜູ້ກ່ຽວເປັນວິຊາການໄຟຟ້າ ໂຄງການເຂື່ອນໄຟຟ້ານໍ້າງຽບ ແຕ່ຜູ້ກ່ຽວບໍ່ທັນໄດ້ໄປເຮັດວຽກຢູ່ໃນໂຄງການ ເພາະກຳລັງຢູ່ໃນໄລຍະກັກຕົວ 14 ວັນ. ປັດຈຸບັນຜູ້ກ່ຽວໄດ້ເຂົ້າມາປິ່ນປົວຢູ່ສູນປິ່ນປົວທີ່ໂຮງໝໍ 150 ຕຽງເປັນທີ່ຮຽບຮ້ອຍແລ້ວ.

102 ວັນກັບຄືນມາໃໝ່ - Wave100S AD to Website 2020 0 - 102 ວັນກັບຄືນມາໃໝ່

ສັດຕູໂຄວິດກັບຄືນມາໃໝ່, ພວກເຮົາຈະເອົາໄຊຊະນະມັນໄດ້ອີກຫຼືບໍ່, ນັ້ນມັນຂຶ້ນຢູ່ກັບປະຊາຊົນລາວທຸກຖ້ວນໜ້າ, ຈົ່ງສາມັກຄີກັນອີກຄັ້ງ ໂຮມພະລັງ ຢູ່ອ້ອມຂ້າງພັກ-ລັດຖະບານເພື່ອຕ້ານໂຄວິດອີກຄັ້ງໃໝ່. ຖ້າພວກເຮົາຫາກເປັນຈິດໜຶ່ງໃຈດຽວ, ພ້ອມກັນມີສະຕິລະວັງຕົວ ບໍ່ໃຫ້ກາດຕົກ ຈົນກວ່າພະຍາດໂຄວິດທົ່ວທັງໂລກຈະຢຸດຕິລົງ ຄິດວ່າຈະເອົາຊະນະໂຄວິດໄດ້ຢ່າງແນ່ນອນອີກຄັ້ງ.

102 ວັນກັບຄືນມາໃໝ່ - WhatsApp Image 2020 05 27 at 5 - 102 ວັນກັບຄືນມາໃໝ່
102 ວັນກັບຄືນມາໃໝ່ - WhatsApp Image 2020 05 27 at 5 - 102 ວັນກັບຄືນມາໃໝ່
error: Alert: ເນື້ອຫາຂ່າວມີລິຂະສິດ !!