6 ສັນຍານທີ່ບອກວ່າທ່ານເລີ່ມຮັກການຢູ່ຄົນດຽວ

6 ສັນຍານທີ່ບອກວ່າທ່ານເລີ່ມຮັກການຢູ່ຄົນດຽວ - 666 12 - 6 ສັນຍານທີ່ບອກວ່າທ່ານເລີ່ມຮັກການຢູ່ຄົນດຽວ
6 ສັນຍານທີ່ບອກວ່າທ່ານເລີ່ມຮັກການຢູ່ຄົນດຽວ - Untitled design - 6 ສັນຍານທີ່ບອກວ່າທ່ານເລີ່ມຮັກການຢູ່ຄົນດຽວ

ການຢູ່ຄົນດຽວບໍ່ແມ່ນເລື່ອງແປກ ແລະ ບໍ່ແມ່ນເລື່ອງທີ່ບໍ່ດີ ເພາະຍັງມີອີກຫລາຍຄົນທີ່ໄດ້ລອງຢູ່ໂຕຄົນດຽວ ແລະ ເລີ່ມຫລົງຮັກສະເໜ່ຂອງການມີຊີວິດແບບນີ້ ແລະ ຕໍ່ໄປນີ້ແມ່ນ 6 ສັນຍານທີ່ສື່ວ່າ ທ່ານເລີ່ມຮັກການຢູ່ຄົນດຽວເຂົ້າແລ້ວ.

  1. ອຶດອັດ ຫາກຕ້ອງມີໃຜໄປໃສມາໃສນຳ : ເລີ່ມເກີດຄວາມຮູ້ສຶກອຶດອັດ ຈົນບໍ່ສາມາດເຮັດຫຍັງແບບທີ່ຕົນເອງສະບາຍໃຈ ເມື່ອຕ້ອງໄປໃສມາໃສກັບຄົນອື່ນໆ ຮູ້ສຶກວ່າການໄປໃສມາໃສຄົນດຽວເປັນສິ່ງທີ່ຊ່ວຍສ້າງຄວາມສຸກ ສ້າງຄວາມສະບາຍໃຈໄດ້ຫລາຍກ່ວາ ເພາະຢ່າງໜ້ອຍໆກໍບໍ່ຕ້ອງເກງານໃຈໃຜ, ບໍ່ຕ້ອງເອົາໃຈໃສ່ດູແລໃຜ, ຢາກຍ່າງເຂົ້າອອກຫລາຍໆບ່ອນເປັນເວລາດົນໆກໍເຮັດໄດ້.
  2. ບໍ່ສົນໃຈກັບການມີຄົນຢູ່ຂ້າງໆ :ຫລາຍເທື່ອທີ່ຄວາມສະບາຍໃຈມັກເກີດຂຶ້ນໄດ້ດ້ວຍໂຕເຮົາເອງ, ແຕ່ກໍບໍ່ສາມາດປະຕິເສດໄດ້ວ່າ ການມີຄົນຢູ່ຂ້າງໆຈະເປັນສິ່ງທີ່ຊ່ວຍເຮັດໃຫ້ຄວາມສຸກທີ່ຂາດຫາຍໄປຖືກຕື່ມເຕັມໄດ້ຫລາຍຍິ່ງຂຶ້ນ ກໍບໍ່ແມ່ນວ່າຄົນທຸກຄົນຈະມີຄວາມຄິດແບບນັ້ນສະເໝີໄປ ກັບບາງຄົນແລ້ວ ການມີຄົນເຂົ້າມາຮ່ວມໃຊ້ຊີວິດຂ້າງໆອາດເຮັດໃຫ້ຄວາມສຸກທີ່ເຄີຍມີມັນຫາຍໄປ, ຄິດຫລາຍຂຶ້ນຕາມມາ ຫລັງຈາກການເລີ່ມຕົ້ນຄວາມສຳພັນ.
  3. ບໍ່ຄ່ອຍຊວນຄົນອື່ນ :ສ່ວນໜຶ່ງອາດເປັນຍ້ອນການຢ້ານຖືກປະຕິເສດທີ່ຈະຕ້ອງໝັ່ນຊວນຄົນອື່ນໃຫ້ອອກໄປໃສມາໃສນຳ ແລະ ບໍ່ມີໃຜໄປນຳ ຈຶ່ງເລືອກຫາທາງອອກໃຫ້ຕົນເອງໂດຍການບໍ່ຊວນຄົນອື່ນ ແລ້ວໄປໃສມາໃສດ້ວຍຕົນເອງ.
  4. ຫາເລື່ອງພາຕົນເອງໄປຢູ່ໃນຈຸດທີ່ສະບາຍໃຈ :ຜູ້ທີ່ຊື່ນຊົມການພາຕົນເອງໄປຢູ່ໃນຈຸດທີ່ສະບາຍໃຈ ແທນການສ້າງບັນຫາໃຫ້ກັບຄົນອື່ນໆ ຈະເລີ່ມຮູ້ຈັກຮັກຕົນເອງ ແລະ ຮຽນຮູ້ການຢູ່ຄົນດຽວໃຫ້ເປັນຫລາຍກ່ວາຄົນອື່ນໆ ເຊິ່ງກໍຄືກັບເປັນການສ້າງຄວາມແຂງແກ່ນທາງໃຈ ເພາະສຸດທ້າຍກໍຄົງບໍ່ມີໃຜສາມາດບຳບັດຕົນເອງໄດ້ດີໄປກ່ວາໂຕເຮົາເອງ.
  5. ເບິ່ງວ່າເປັນເລື່ອງທຳມະດາ : ຫລາຍຄົນອາດເບິ່ງວ່າ ຄົນທີ່ຊື່ນຊົມການຢູ່ຄົນດຽວເປັນດັ່ງພວກຄົນບໍ່ປົກກະຕິ ເພາະຄົນສ່ວນຫລາມັກຈະເປັນພວກທີ່ໂຫຍຫາຄົນມາຢູ່ຄຽງຂ້າງນຳສະເໝີ, ແຕ່ບໍ່ຮູ້ວ່າຄວາມຈິງນັ້ນ ຄົນທີ່ບໍ່ສາມາດຢູ່ໄດ້ດ້ວຍຕົນເອງໜ້າຈະເປັນຄົນທີ່ບໍ່ປົກກະຕິຫລາຍກ່ວາ.
  6. ກິນເຂົ້າຄົນດຽວໄດ້ ບໍ່ມີບັນຫາ : ສຳລັບບາງຄົນ ການນັ່ງກິນເຂົ້າຄົນດຽວຕາມຮ້ານອາຫານນັ້ນ ມັນເບິ່ງເປັນເລື່ອງໃຫຍ່ຫລາຍ ແລະ ບໍ່ສາມາດເຮັດໄດ້ ເພາະອາດເຮັດໃຫ້ເກີດຄວາມຮູ້ສຶກອາຍ ຄືກັບຄົນເຫງົາຫລາຍ ຖ້າຈະຕ້ອງນັ່ງຢູ່ຕາມລຳພັງ, ແຕ່ມີຄົນຢູ່ບາງປະເພດທີ່ມັກຈະຊື່ນຊົມ ແລະ ເລີ່ມຮູ້ສຶກເສີຍໆກັບການນັ່ງກິນເຂົ້າຄົນດຽວ ເຂົາຖືວ່າເປັນອີກໜຶ່ງທາງເລືອກທີ່ສາມາດຊ່ວຍຕັດບັນຫາໃນການຈະຕ້ອງມານັ່ງລໍຖ້າຄົນອື່ນໆສັ່ງອາຫານ.

 

6 ສັນຍານທີ່ບອກວ່າທ່ານເລີ່ມຮັກການຢູ່ຄົນດຽວ - Wave100S AD to Website 2020 0 - 6 ສັນຍານທີ່ບອກວ່າທ່ານເລີ່ມຮັກການຢູ່ຄົນດຽວ
6 ສັນຍານທີ່ບອກວ່າທ່ານເລີ່ມຮັກການຢູ່ຄົນດຽວ - WhatsApp Image 2020 05 27 at 5 - 6 ສັນຍານທີ່ບອກວ່າທ່ານເລີ່ມຮັກການຢູ່ຄົນດຽວ
6 ສັນຍານທີ່ບອກວ່າທ່ານເລີ່ມຮັກການຢູ່ຄົນດຽວ - WhatsApp Image 2020 05 27 at 5 - 6 ສັນຍານທີ່ບອກວ່າທ່ານເລີ່ມຮັກການຢູ່ຄົນດຽວ
error: Alert: ເນື້ອຫາຂ່າວມີລິຂະສິດ !!