ເຈົ້າໜ້າທີ່ອາເມລິກາບຸກສະຖານກົງສຸນຈີນຢູ່ຮຸສຕັນ ຫລັງຄົບເສັ້ນຕາຍສັ່ງປິດ

ເຈົ້າໜ້າທີ່ອາເມລິກາບຸກສະຖານກົງສຸນຈີນຢູ່ຮຸສຕັນ ຫລັງຄົບເສັ້ນຕາຍສັ່ງປິດ - 253 - ເຈົ້າໜ້າທີ່ອາເມລິກາບຸກສະຖານກົງສຸນຈີນຢູ່ຮຸສຕັນ ຫລັງຄົບເສັ້ນຕາຍສັ່ງປິດ
ເຈົ້າໜ້າທີ່ອາເມລິກາບຸກສະຖານກົງສຸນຈີນຢູ່ຮຸສຕັນ ຫລັງຄົບເສັ້ນຕາຍສັ່ງປິດ - AGL banner - ເຈົ້າໜ້າທີ່ອາເມລິກາບຸກສະຖານກົງສຸນຈີນຢູ່ຮຸສຕັນ ຫລັງຄົບເສັ້ນຕາຍສັ່ງປິດ

ຫລັງ​ຄົບ​ກຳນົດ​ເສັ້ນຕາຍ 72 ຊົ່ວ​ໂມງທີ່​ອາ​ເມ​ລິ​ກາ​ສັ່ງ​ໃຫ້​ຈີນ​ປິດ​ສະຖານ​ກົງສຸນ​ຢູ່​ເມືອງ​ຮຸ​ສຕັນ, ​ເຈົ້າໜ້າ​ທີ່​ອາ​ເມ​ລິ​ກາ​ກໍ​ບຸກ​ເຂົ້າ​ໄປ​ທາງ​ໃນ​ທ່າມກາງ​ສາຍຕາ​ຊາວ​ອາ​ເມ​ລິ​ກາ.

ສຳນັກ​ຂ່າວ CNN ລາຍ​ງານ​ວ່າ: ​​ໃນ​ຕອນ​ບ່າຍວັນ​ທີ 24 ກໍລະກົດ ຕາມ​ເວລາ​ທ້ອງ​ຖິ່ນ ຫລື ຕອນ​ເຊົ້າວັນ​ທີ 25 ກໍລະກົດ ຕາມ​ເວລາ​ປະ​ເທດ​ລາວ, ​ເຈົ້າໜ້າ​ທີ່​ຈາກ​ລັດຖະບານ​ກາງ ​ແລະ ຕຳຫລວດ​ທ້ອງ​ຖິ່ນ​ຂອງ​ອາ​ເມ​ລິ​ກາ​ໄດ້​ເຂົ້າ​ໄປ​ໃນ​ສະຖານ​ກົງສຸນ​ຈີນ​ຢູ່​ເມືອງ​ຮຸ​ສຕັນ ຫລັງ​ຈາກ​ຄົບ​ກຳນົດ 72 ຊົ່ວ​ໂມງ ທີ່​ທາງ​ການ​ອາ​ເມ​ລິ​ກາ​ສັ່ງ​ໃຫ້​ທາງ​ສະຖານ​ກົງສຸນ​ປິດ​ເຮັດ​ວຽກ.

ລາຍ​ງານ​ລະບຸ​ວ່າ: ລົດ​ເອສຢູວີ​ຈຳນວນ​ໜຶ່ງ, ລົດ​ຕູ້ ​ແລະ ລົດ​ຂອງ​ຊ່າງ​ກຸນ​ແຈ ​ໄດ້​ຂັບ​ເຂົ້າ​ໄປ​ໃນ​ສະຖານ​ກົງສຸນ​ທ່າມກາງ​ສາຍຕາ​ຂອງ​ປະຊາຊົນ ​ແລະ ກ້ອງ​ຂອງນັກ​ຂ່າວ​ທີ່​ໄປ​ລໍຖ້າ​ຕິດຕາມ​ສະຖານະ​ການ​ຢູ່​ທາງ​ນອກ.

​ເຈົ້າໜ້າ​ທີ່​ຈາກ​ກະຊວງ​ຍຸຕິ​ທຳ​ອາ​ເມ​ລິ​ກາ​ຄົນ​ໜຶ່ງ​ກ່າວ​ກັບ​ນັກ​ຂ່າວ​ວ່າ: ສະຖານ​ກົງສຸນ​ຈີນ​ຢູ່​ເມືອງ​ຮຸ​ສຕັນ​ມີ​ສ່ວນ​ກ່ຽວຂ້ອງ​ກັບ​ການ​ສອບ​ສວນ​ຄະດີ​ສໍ້​ໂກງ ​ເຊິ່ງ​ເກີດ​ຂຶ້ນຢູ່​ສະ​ຖາ​ບັນ​ວິ​ໄຈ​ແຫ່ງ​ໜຶ່ງ​ໃນ​ລັດ​ເທັກ​ຊັສ ​ແລະ ມີ​ເຈົ້າໜ້າ​ທີ່​ຈາກ​ສະຖານ​ກົງສຸນ​ຈີນ​ຕິດ​ຕໍ່​ໂດຍ​ກົງ​ກັບ​ນັກວິ​ໄຈ​ຂອງ​ສະ​ຖາ​ບັນ​ດັ່ງກ່າວ ​ເພື່ອ​ສັ່ງ​ການ​ວ່າ​ຈະ​ເຈາະ​ຂໍ້​ມູນ​ໃດ​ແດ່.

ເຈົ້າໜ້າທີ່ອາເມລິກາບຸກສະຖານກົງສຸນຈີນຢູ່ຮຸສຕັນ ຫລັງຄົບເສັ້ນຕາຍສັ່ງປິດ - Wave100S AD to Website 2020 0 - ເຈົ້າໜ້າທີ່ອາເມລິກາບຸກສະຖານກົງສຸນຈີນຢູ່ຮຸສຕັນ ຫລັງຄົບເສັ້ນຕາຍສັ່ງປິດ

​ເຈົ້າໜ້າ​ທີ່​ຄົນ​ນີ້​ຍັງ​ກ່າວ​ອີກ​ວ່າ: ການ​ເຄື່ອນ​ໄຫວ​ຂອງ​ເຈົ້າໜ້າ​ທີ່ຢູ່​ສະຖານ​ກົງສຸນ​ຈີນ​​​ໃນ​ເມືອງ​ຮຸ​ສຕັນ​ເປັນ​ສ່ວນ​ໜຶ່ງ​ຂອງ​ເຄືອ​ຂ່າຍ​ກຸ່ມ​ບຸກຄົນ​ທີ່​ກະຈາຍ​ຕົວ​ຢູ່​ຕາມ​ເມືອງ​ຕ່າງໆ 25 ​ເມືອງ ​ໂດຍ​ມີ​ສະຖານ​ກົງສຸນ​ຈີນ​ຢູ່​ເມືອງ​ຮຸ​ສຕັນ​ໃຫ້ການ​ສະໜັບສະໜູນ.

ທັງ​ນີ້, ການ​ພົວພັນ​ຂອງ​ຈີນ ​ແລະ ອາ​ເມ​ລິ​ກາ​ເລີ່​ມ​ເຄັ່ງ​ຕຶງ​ຂຶ້ນ​ໃນ​ປີຜ່ານມາ ທັງ​ຈາກ​ສົງຄາມ​ການ​ຄ້າ, ການ​ແຜ່​ລະບາດ​ຂອງ​ເຊື້ອ​ໂຄ​ໂຣນາ​ໄວຣັສທີ່​ອາ​ເມ​ລິ​ກາ​ກ່າວ​ຫາ​ວ່າ​ຈີນ​​ແກ້​ໄຂ​ບໍ່​ດີ ​ແລະ ການ​ທີ່​ອາ​ເມ​ລິ​ກາ​ປະນາມ​ວ່າ​ຈີນ​ລະ​ເມີດ​ສິດທິ​ມະນຸດ​ຢູ່​ຮົງກົງ ​ແລະ ​ເຂດ​ປົກຄອງ​ຕົນ​ເອງ​ຊິນ​ຈຽງ.

ເຈົ້າໜ້າທີ່ອາເມລິກາບຸກສະຖານກົງສຸນຈີນຢູ່ຮຸສຕັນ ຫລັງຄົບເສັ້ນຕາຍສັ່ງປິດ - lattana banner - ເຈົ້າໜ້າທີ່ອາເມລິກາບຸກສະຖານກົງສຸນຈີນຢູ່ຮຸສຕັນ ຫລັງຄົບເສັ້ນຕາຍສັ່ງປິດ
ເຈົ້າໜ້າທີ່ອາເມລິກາບຸກສະຖານກົງສຸນຈີນຢູ່ຮຸສຕັນ ຫລັງຄົບເສັ້ນຕາຍສັ່ງປິດ - lattana banner 1 - ເຈົ້າໜ້າທີ່ອາເມລິກາບຸກສະຖານກົງສຸນຈີນຢູ່ຮຸສຕັນ ຫລັງຄົບເສັ້ນຕາຍສັ່ງປິດ
ເຈົ້າໜ້າທີ່ອາເມລິກາບຸກສະຖານກົງສຸນຈີນຢູ່ຮຸສຕັນ ຫລັງຄົບເສັ້ນຕາຍສັ່ງປິດ -    AD conten website - ເຈົ້າໜ້າທີ່ອາເມລິກາບຸກສະຖານກົງສຸນຈີນຢູ່ຮຸສຕັນ ຫລັງຄົບເສັ້ນຕາຍສັ່ງປິດ
error: Alert: ເນື້ອຫາຂ່າວມີລິຂະສິດ !!