ສະຫລຸບບັນຫາໜ້າສົນໃຈທົ່ວໂລກວັນທີ 25 ກໍລະກົດ 2020

ສະຫລຸບບັນຫາໜ້າສົນໃຈທົ່ວໂລກວັນທີ 25 ກໍລະກົດ 2020 - Time fo an Adventure 2020 07 25T160824 - ສະຫລຸບບັນຫາໜ້າສົນໃຈທົ່ວໂລກວັນທີ 25 ກໍລະກົດ 2020
ສະຫລຸບບັນຫາໜ້າສົນໃຈທົ່ວໂລກວັນທີ 25 ກໍລະກົດ 2020 - Untitled design - ສະຫລຸບບັນຫາໜ້າສົນໃຈທົ່ວໂລກວັນທີ 25 ກໍລະກົດ 2020
  1. Bridgewater Associates ກອງ​ທຶນປ້ອງ​ກັນ​ຄວາມ​ສ່ຽງ​ໃຫຍ່​ທີ່​ສຸດ​ຂອງ​ໂລກ​ຂອງ Ray Dalio ​ໄດ້​ປະກາດ​ເຖິງ​ຄວາມ​ຕ້ອງການ​ຈະ​ປົດ​ພະນັກງານ​ອອກ​ເພີ່ມຕື່ມ ຫລັງ​ກ່ອນ​ໜ້າ​ນີ້​ໄດ້​ປົດ​ພະນັກງານ​ໄປ​ແລ້ວ​ຫລາຍ​ສິບ​ຄົນ​ຈາກ​ທັງ​ໝົດ 1.580 ຄົນ.

ສິນ​ຊັບ​ຂອງ​ບໍລິສັດ​ຫລຸດ​ລົງ 15% ​ໃນ​ໄລຍະ​ເດືອນ​ທຳ​ອິດ​ທີ່​ມີ​ການລະບາດ ພ້ອມໆ​ກັບ​ການ​ທີ່​ອະດີດ CEO ຮ່ວມ​ຂອງ​ບໍລິສັດ​ໄດ້​ເປີດ​ເຜີຍ​ເຖິງ​ຂໍ້​ຂັດ​ແຍ່ງ​ການ​ເລືອກ​ປະຕິບັດ​ທາງ​ເພດ​ພາຍ​ໃນ​ອົງ​ກອນ ຫລັງ​ຈາກ​ບໍລິສັດ​ຟ້ອງ​ຮ້ອງ​ຕໍ່​ນາງ ​ເພື່ອ​ໂຈະ​ການ​ຈ່າຍ​ຄ່າ​ຕອບ​ແທນ​ຖ້າ​ຕັດ​ບັນຊີ (Deferred compensation) 100 ລ້ານ​ກວ່າ​ໂດ​ລາ.

ມູນ​ຄ່າ​ຊັບ​ສິນ​ໂດຍ​ລວມຂອງ Bridegewater ຫລຸດ​ລົງ​ເຫລືອ 1,38 ​ແສນ​ລ້ານ​ໂດ​ລາ ​ໃນ​​ເດືອນ​ເມສາ​ຜ່ານ​ມາ ຈາກ​ລະດັບ 1,63 ​ແສນ​ລ້ານ​ໂດ​ລາ ​ໃນ​ເດືອນ​ກຸມພາ. ຂະນະ​ທີ່​ມູນ​ຄ່າ​ຂອງ​ກອງ​ທຶນ​ຍ່ອຍ Pure Alpha II ຫລຸດ​ລົງ 20,6% ​ໃນ​ເຄິ່ງທຳ​ອິດ​ຂອງ​ປີ.

Ray Dalio ​ໃຫ້​ເຫດຜົນ​ໃນ​ເລື່ອງ​ການ​ຫລຸດ​ພະນັກງານ​ວ່າ: “​ເຕັກ​ໂນ​ໂລ​ຊີ​ທີ່​ປ່ຽນ​ໄປ ​ແລະ ສະພາບ​ແວດ​ລ້ອມ​ທີ່​ຕ້ອງການ​ໃຫ້​ຄົນ​ເຮັດ​ວຽກ​ຈາກ​ຢູ່​ເຮືອນ​ຫລາຍ​ຂຶ້ນ ​ໄດ້​ປ່ຽນ​ແປງ​ຮູບ​ແບບ​ຂອງ​ຄົນ​ທີ່​ເຮົາ​ຕ້ອງການ​ໃນ​ການ​ບໍລິການ​ລູກ​ຄ້າ”.

  1. Florida ກາຍ​ເປັນ​ລັດ​ທີ 3 ຂອງ​ອາ​ເມ​ລິ​ກາ​ທີ່​ມີ​ຜູ້​ຕິດ​ເຊື້ອ COVID-19 ຫລາຍ​ກວ່າ 400.000 ຄົນ. ຂະນະ​ທີ່​ທົ່ວ​ປະ​ເທດ​ມີ​ຜູ້​ຕິດ​ເຊື້ອ​ເຖິງ 4 ລ້ານ​ຄົນ​ຮຽບຮ້ອຍ​ແລ້ວ ຖື​ເປັນ​ການ​ເພີ່ມ​ຂຶ້ນ 2 ​ເທົ່າ​ພາຍ​ໃນ​ເວລາ​ພຽງ 6 ອາທິດ​ຂອງ​ການລະບາດ ​ເນື່ອງ​ຈາກ​ຈຳນວນ​ຜູ້​ຕິດ​ເຊື້ອ​ເພີ່ມ​ຂຶ້ນ​ໃນ​ຫລາຍ​ລັດ​ຂອງ​ປະ​ເທດ ​ໂດຍ​ສະ​ເພາະ​ທາງ​ຕອນ​ໃຕ້ ​ແລະ ​ເບື້ອງຕາ​ເວັນ​ຕົກ.

​ໃນ​ວັນ​ທີ 24 ກໍລະກົດ​ຜ່ານ​ມາ ມີ​ຜູ້​ເສຍ​ຊີວິດ​ຈາກ COVID-19 ຫລາຍ​ກວ່າ 1.000 ຄົນ​ຕໍ່​ມື້ ​ເປັນ​ມື້ທີ 4 ຕິດ​ຕໍ່​ກັນ​ແລ້ວ ​ເຊິ່ງຖື​ເປັນຄັ້ງທຳ​ອິດ​ທີ່​ເກີດ​ຂຶ້ນນັບ​ແຕ່​ເດືອນ​ພຶດສະພາ.

​ເຖິງ​ຢ່າງ​ໃດ​ກໍ​ຕາມ, ຈຳນວນ​ຜູ້​ເສຍ​ຊີວິດ​ຕໍ່​ມື້​ໃນ​ປັດຈຸບັນ​ຍັງ​ຕໍ່າ​ກວ່າ​ລະດັບ​ໃນ​ເດືອນ​ເມສາ ສະ​ເລ່ຍຕໍ່​ມື້ມີ​ຜູ້​ເສຍ​ຊີວິດ​ປະມານ 2.000 ຄົນ.

  1. ທະນາຄານ​ກາງ​ແຫ່ງຣັດ​ເຊຍ ​ໄດ້​ຫລຸດ​ອັດຕາ​ດອກ​ເບ້ຍ​ລົງ​ສູ່​ລະດັບ​ຕໍ່າ​ສຸດ​ເປັນ​ປະຫວັດສາດ 4,25% ​ແລະ ຍັງ​ກ່າວ​ອີກ​ວ່າ ພວກ​ເຂົາ​ອາດ​ຫລຸດ​ດອກ​ເບ້ຍ​ເພີ່ມ​ຕື່ມ​ຕໍ່​ຈາກ​ນີ້ ​ເນື່ອງ​ຈາກ​ອັດຕາ​ເງິນ​ເຟີ້​ທີ່ຢູ່​ໃນ​ລະດັບ​ຕໍ່າ ​ແລະ ​ເສດຖະກິດ​ຫລຸດ​ລົງ.

ທະນາຄານ​ກາງ​ໄດ້​ຫລຸດ​ອັດຕາ​ດອກ​ເບ້ຍ​ເປັນຄັ້ງທີ 4 ​ແລ້ວ​ສຳລັບ​ປີ​ນີ້ ​ໂດຍ​ມີ​ເປົ້າໝາຍ​ຫລັກ​ເພື່ອ​ສະໜັບສະໜູນ​ເສດຖະກິດ​ທີ່​ອ່ອນ​ແອ​ຈາກ​ການລະບາດ​ຂອງ COVID-19 ​ແລະ ການ Lockdown ​ເພື່ອ​ຄວບ​ຄຸມ​ການ​ແຜ່ກະຈາຍ​ຂອງ​ພະຍາດ.

  1. Goldman Sachs ບັນລຸ​ຂໍ້​ຕົກລົງ​ທີ່​ຈະ​ຈ່າຍ​ເງິນ 3,9 ພັນ​ລ້ານ​ໂດ​ລາ ​ເພື່ອຢຸດ​ການ​ຕໍ່ສູ້​ທາງ​ກົດໝາຍ​ເລື່ອງ​ເງິນ​ສໍ້​ໂກງ​ຈາກ 1MDB ​ເຊິ່ງ​ເປັນ​ກອງ​ທຶນ​ຄວາມ​ໝັ້ນຄົງ​ແຫ່ງ​ຊາດ​ຂອງ​ມາ​ເລ​ເຊຍ.

ທະນາຄານ​ສະ​ເໜີ​ຈ່າຍ​ເງິນສົດ​ມູນ​ຄ່າ 2,5 ພັນ​ລ້ານ​ໂດ​ລາ ​ໃຫ້​ລັດຖະບານມາ​ເລ​ເຊຍ ​ແລະ ຮັບປາກ​ຈະ​ຈ່າຍ​ເພີ່ມ​ອີກ 1,4 ພັນ​ລ້ານ​ໂດ​ລາ ຈາກ​ການ​ຂາຍ​ສິນ​ຊັບ​ທີ່​ຖືກ​ຍຶດ ​ໂດຍ​ມີ​ຂໍ້​ແລກປ່ຽນ​ຄື ຂໍ້​ຫາ​ທາງ​ອາຍາ​ຕໍ່​ພະນັກງານ​ຂອງ Goldman Sachs ຫລາຍ​ຄົນ​ຈະ​ຖືກ​ຍົກ​ເລີກ​ທັງ​ໝົດ.

  1. ອາ​ເມ​ລິ​ກາ ​ແລະ ອັງກິດ ຕັ້ງຂໍ້​ກ່າວ​ຫາ​ຕໍ່ຣັດ​ເຊຍ​ໃນ​ເລື່ອງ​ຂອງ​ການ​ພັດທະນາ ​ແລະ ທົດ​ສອບ​ອາວຸດ​ຕໍ່ຕ້ານ​ດາວ​ທຽມ ​ເຊິ່​ງ​ເປັນ​ລັກສະນະ​ຂອງ​ອາວຸດ ​ເຊິ່ງຕັ້ງຖິ່ນ​ຖານ​ຢູ່​ໃນ​ອະວະກາດ (Space-Based).

ກອງ​ບັນຊາ​ການ​ອະວະກາດ​ຂອງ​ອາ​ເມ​ລິ​ກາ ອ້າງ​ວ່າ​ດາວ​ທຽມ​ຂອງຣັດ​ເຊຍ​ຊື່ Cosmos 2543 (ບາງ​ແຫ​ລ່ງຂ່າວ​ຂຽນ​ວ່າ Kosmos) ​ໄດ້​ຍິງ​ລູກ​ປືນ​ອອກ​ມາ ຂະນະ​ທີ່​ກະຊວງ​ປ້ອງ​ກັນ​ປະ​ເທດຣັດ​ເຊຍ​ກ່າວ​ວ່າ ພວກ​ເຂົາ​ພຽງ​ແຕ່​ທົດ​ສອບ​ອຸປະກອນ​ໃນ​ອະວະກາດ​ເທົ່າ​ນັ້ນ.

ສະຫລຸບບັນຫາໜ້າສົນໃຈທົ່ວໂລກວັນທີ 25 ກໍລະກົດ 2020 - Wave100S AD to Website 2020 0 - ສະຫລຸບບັນຫາໜ້າສົນໃຈທົ່ວໂລກວັນທີ 25 ກໍລະກົດ 2020

ການ​ຖື​ກຳ​ເນີ​ດຂອງ​ອາວຸດ​ຕໍ່ຕ້ານ​ດາວ​ທຽມ​ພາຍ​ໃນວົງ​ໂຄຈອນ ຈະ​ຖື​ເປັນ​ຍຸກ​ສະ​ໄໝ​ໃໝ່​ຂອງ​ການ​ເຮັດ​ສົງຄາມ​ໃນ​ອະວະກາດ.

ສັງ​ເກດ​ໄດ້​ວ່າ ​ເຕັກ​ໂນ​ໂລ​ຊີ​ທາງ​ການ​ທະຫານ​ໃນ​ປັດຈຸບັນ​ນີ້​ກຳລັງ​ກາຍ​ເປັນ​ການ​ສ້າງ​ກອງທັບ​ໃນ​ອະວະກາດ​ຫລາຍ​ຂຶ້ນ​ເລື້ອຍໆ ດ້ວຍ​ເຕັກ​ໂນ​ໂລ​ຊີ​ທີ່​ກ້າວໜ້າ​ຂຶ້ນ, ລະດັບ​ຄວາມ​ຮຸນ​ແຮງ ​ແລະ ຄວາມ​ເສຍ​ຫາຍ​ຈາກ​ອາວຸດ​ສົງຄາ​ມກໍ​ຈະ​ເພີ່ມ​ຂຶ້ນ​ເຊັ່ນກັນ.

ດັ່ງນັ້ນ ສິ່ງ​ທີ່​ມະນຸດ​ຄວນ​ພັດທະນາ​ຄຽງ​ຄູ່​ໄປ​ກັບ​ເຕັກ​ໂນ​ໂລ​ຊີ ກໍ​ຄື​ເລື່ອງ​ຂອງ​ສິນລະ​ທຳ​ໃນ​ການ​ຢູ່​ຮ່ວມ​ກັນ.

  1. ການ​ໂຕ້​ຕອບ​ກັນ​ໄປ​ມາ​ລະຫວ່າງ​ຄະນະ​ການ​ທູດ​ຂອງ​ຈີນ ​ແລະ ອາ​ເມ​ລິ​ກາ ​ໄດ້​ກ້າວ​ຂຶ້ນ​ໄປສູ່​ອີກ​ລະດັບ​ແລ້ວ ​ໂດຍ​ຫລ້າ​ສຸດ​ເຈົ້າໜ້າ​ທີ່ FBI ​ໄດ້​ກ່າວ​ຫາ​ຈີນ​ໃນ​ການ​ໃຫ້​ບ່ອນ​ລີ້​ຊ້ອນ​ແກ່ອະດີດ​ເຈົ້າໜ້າ​ທີ່​ທະຫານ​ໃນ​ສະຖານ​ກົງສຸນ​ຂອງ​ເມືອງ San Francisco ​ເຊິ່ງ​ເຈົ້າໜ້າ​ທີ່​ດັ່ງກ່າວ​ເປັນ​ບຸກຄົນ​ທີ່ອາ​ເມ​ລິ​ກາ​ຕ້ອງການ​ໃນ​ຄວາມ​ຜິດ​ເລື່ອງ​ວີ​ຊາ ​ແລະ ບໍ່​ດົນ​ຕໍ່​ຈາກ​ນັ້ນ ພວກ​ເຂົາ​ກໍ​ໄດ້​ປະກາດ​ຈັບ​ກຸມ​ນາງ.

ກ່ອນ​ໜ້າ​ນີ້​ເຄີຍ​ມີ​ການ​ຈັບ​ກຸມ​ທີ່​ຄ້າຍຄື​ກັນ ​ໂດຍ​ເປັນ​ຊາວ​ສິງກະ​ໂປ ​ເຊິ່ງຖືກ​ຈັບ​ກຸມ​ໃນ​ເດືອນ​ພະຈິກ​ປີຜ່ານມາ ​ເຊິ່ງອາ​ເມ​ລິ​ກາລະ​ບຸ​ວ່າ​ບຸກຄົນ​ດັ່ງກ່າວ​ມີ​ຄວາມ​ຜິດ​ໃນ​ຂໍ້​ຫາ​ສອດ​ແນມ​ໃຫ້​ປະ​ເທດ​ຈີນ.

  1. ສະມາຊິກ 70 ຄົນ​ຂອງ​ບຸກຄະລາ​ກອນ​ທາງ​ເວັບ​ໄຊ​ຂ່າວ​ທີ່​ສຳຄັນ​ທີ່​ສຸດ​ໃນ​ປະ​ເທດ​ຮົງ​ກາລີ ​ເຊິ່ງຖື​ເປັນ​ດັດຊະນີ​ທີ່​ຊີ້​ວັດ​ເຖິງ​ຄວາມ​ມີ​ອິດສະຫລະພາບ​ພາຍ​ໃນ​ປະ​ເທດ ​ໄດ້​ປະກາດ​ລາ​ອອກ​ພ້ອມ​ກັນ ຫລັງ​ຈາກ​ພວກ​ເຂົາ​ຮຽກຮ້ອງ​ໃຫ້ Szabolcs Dull ​ເຊິ່ງ​ເປັນ​ບັນນາທິການ​ຄົນ​ເກົ່າ ​ແລະ ຍັງ​ເປັນ​ຜູ້​ຖື​ຫຸ້ນ​ລາຍ​ໃຫຍ່​ທີ່​ສຸດ​ຂອງ​ບໍລິສັດ ຖືກ​ກູ້​ຄືນ​ກັບ​ມາ​ຮັບ​ຕຳ​ແໜ່​ງ.

Szabolcs Dull ຖືກ​ລັດຖະບານ​ໄລ່​ອອກ​ໃນ​ວັນ​ທີ 21 ກໍລະກົດ​ຜ່ານ​ມາ ພາຍ​ໃຕ້​ຄວາມ​ກົດ​ດັນ​ຕ່າງໆ​ນາໆ. ຂະນະ​ທີ່ Miklos Vaszily ຜູ້​ເຊິ່ງ​ເປັນ​ພັນທະ​ມິດ​ຂອງ​ປະທານາທິບໍດີ​ຝ່າຍ​ຜະ​ເດັດ​ການ Viltor Orban ​ໄດ້​ຫລຸດ​ອັດຕາ​ສ່ວນ​ການ​ຖື​ຄອງ​ຫຸ້ນ​ຂອງ​ບໍລິສັດ​ລົງ 50% ​ໃນ​ເດືອນ​ມີນາ​ຜ່ານ​ມາ.

ສະຫລຸບບັນຫາໜ້າສົນໃຈທົ່ວໂລກວັນທີ 25 ກໍລະກົດ 2020 - WhatsApp Image 2020 05 27 at 5 - ສະຫລຸບບັນຫາໜ້າສົນໃຈທົ່ວໂລກວັນທີ 25 ກໍລະກົດ 2020
ສະຫລຸບບັນຫາໜ້າສົນໃຈທົ່ວໂລກວັນທີ 25 ກໍລະກົດ 2020 - WhatsApp Image 2020 05 27 at 5 - ສະຫລຸບບັນຫາໜ້າສົນໃຈທົ່ວໂລກວັນທີ 25 ກໍລະກົດ 2020
error: Alert: ເນື້ອຫາຂ່າວມີລິຂະສິດ !!