4 ສິ່ງທີ່ຄວນຮູ້ ກ່ອນຈະເລີ່ມເຮັດທຸລະກິດສ່ວນໂຕ

4 ສິ່ງທີ່ຄວນຮູ້ ກ່ອນຈະເລີ່ມເຮັດທຸລະກິດສ່ວນໂຕ - 555 15 - 4 ສິ່ງທີ່ຄວນຮູ້ ກ່ອນຈະເລີ່ມເຮັດທຸລະກິດສ່ວນໂຕ
4 ສິ່ງທີ່ຄວນຮູ້ ກ່ອນຈະເລີ່ມເຮັດທຸລະກິດສ່ວນໂຕ - Untitled design - 4 ສິ່ງທີ່ຄວນຮູ້ ກ່ອນຈະເລີ່ມເຮັດທຸລະກິດສ່ວນໂຕ

ການເປັນນັກທຸລະກິດ ຫລື ເຈົ້າຂອງກິດຈະການ ໝາຍຄວາມວ່າທ່ານຈະຕ້ອງພົບທັງການເຕະສະດຸດລົ້ມ, ຄວາມຜິດພາດ ແລະ ຕ້ອງຮຽນຮູ້ຈາກມັນໃຫ້ໄດ້ ເຖິງວ່າປະສົບການຈະເປັນຄູທີ່ສອນເຮົາໄດ້ດີທີ່ສຸດກໍຕາມ, ແຕ່ກໍມີບົດຮຽນອີກຫລວງຫລາຍທີ່ທ່ານຮຽນຮູ້ໂດຍບໍ່ຕ້ອງລົ້ມເຫລວ ຫລື ເສຍໃຈດ້ວຍຕົນເອງໄດ້ ມາເບິ່ງກັນວ່າບົດຮຽນທີ່ເຈົ້າຂອງກິດຈະກຳຫລາຍຄົນໄດ້ຮຽນຮູ້ນັ້ນມີຫຍັງແດ່ ?

  1. ການລະດົມທຶນ ແລະ ບໍລິຫານເງິນ : ບາງຄົນອາດເບິ່ງເປັນເລື່ອງງ່າຍໆ, ແຕ່ກໍມີເຈົ້າຂອງກິດຈະການຈຳນວນຫລາຍທີ່ເລີ່ມເຮັດກິດຈະການໂດຍທີ່ບໍ່ຮູ້ວຶທີຈັດການຊັບພະຍາກອນທີ່ມີຢູ່ຢ່າງເໝາະສົມ ຍົກໂຕຢ່າງ ເຊັ່ນ : KamilFaiziນັກທຸລະກິດຊາວສິງກະໂປ ທີ່ບໍ່ຮູ້ວິທີການລະດົບທຶນໃນຕອນທີ່ເຂົາກໍ່ຕັ້ງບໍລິສັດ Challenge Coins 4 U ເຊິ່ງເປັນບໍລິສັດສັນຊາດສິງກະໂປທີ່ຈຳໜ່າຍຜະລິດຕະພັນສົ່ງເສີມການຂາຍ ເຂົາບອກວ່າ : “ໃນຕອນນັ້ນຂ້ອຍໜ້າຈະຮູ້ວິທີຫາເງິນທຶນເອົາໄວ້ ເພາະມັນບໍ່ແມ່ນເລື່ອງງ່າຍເລີຍ ເຮົາຈຶ່ງໃຊ້ວິທີຄ່ອຍໆສະສົມຈາກຍອດຂາຍທີ່ໄດ້ແທນ”.

Leticia Mooneyຜູ້ກໍ່ຕັ້ງ ແລະ ປະທານບໍລິສັດ Brutal Pixie ບໍລິສັດສັນຊາດອົດສະຕຣາລີ ທີ່ໃຫ້ບໍລິການທີ່ປຶກສາທາງດ້ານນະໂຍບາຍ ກ່າວເຊັ່ນກັນວ່າ : ນາງໜ້າຈະຮູ້ເລື່ອງບັນຊີໃຫ້ໄວກ່ວານີ້ ນາງຈຶ່ງໄດ້ຮັບບົດຮຽນນີ້ມາດ້ວຍຄວາມຍາກລຳບາກ ແລະ ຍັງຄົງຕ້ອງຮຽນຮູ້ຢ່າງຕໍ່ເນື່ອງຈົນເຖິງທຸກມື້ນີ້ ຍ້ອນບໍ່ເຄີຍມີປະສົບການເຮັດວຽກດ້ານການເງິນມາກ່ອນ ນາງແນະນຳວ່າ ຖ້າເຈົ້າຂອງກິດຈະການທຸກຄົນໃຫ້ຄວາມສົນໃຈສຶກສາດ້ານວິທີລະດົມທຶນ ແລະ ການຫາແຫລ່ງທຶນຕັ້ງແຕ່ທຳອິດ ທຸລະກິດຕ່າງໆໜ້າຈະປະສົບຄວາມສຳເລັດກັນຫລາຍກ່ວານີ້.

4 ສິ່ງທີ່ຄວນຮູ້ ກ່ອນຈະເລີ່ມເຮັດທຸລະກິດສ່ວນໂຕ - Wave100S AD to Website 2020 0 - 4 ສິ່ງທີ່ຄວນຮູ້ ກ່ອນຈະເລີ່ມເຮັດທຸລະກິດສ່ວນໂຕ
  1. ການເປັນຜູ້ນຳ ແລະ ເຮັດວຽກເປັນທີມ :Jason Acidreຜູ້ຮ່ວມກໍ່ຕັ້ງ ແລະ ປະທານບໍລິສັດ Xight Interactive ບໍລິສັດເອເຈັນຊີ່ດ້ານການຕະຫລາດດິຈິຕອລ ໃນນະຄອນຫລວງມະນິລາ ເຊິ່ງກໍ່ຕັ້ງຂຶ້ນເມື່ອ 6 ປີທີ່ຜ່ານມາ ກ່ອນໜ້ານັ້ນລາວເອງກໍມີຄວາມຮູ້ດ້ານການບໍລິຫານຈັດການເປັນທຶນເກົ່າຢູ່ແລ້ວ, ແຕ່ນັ້ນກໍມີຂໍ້ເສຍຢູ່ຢ່າງໜຶ່ງຄື ລາວເລືອກທີ່ຈະຮັບຂັດການດ້ວຍຕົນເອງເກືອບທຸກເລື່ອງ ເພາະບໍ່ຮູ້ວິທີມອບໝາຍວຽກຢ່າງມີປະສິດທິພາບ. “ໃນຖານະຜູ້ນຳອົງກອນ ທ່ານຕ້ອງຮູ້ຈັກໃຊ້ເວລາໃຫ້ເກີດປະໂຫຍດ” ລາວກ່າວ “ຈົ່ງຕັ້ງໃຈ ແລະ ທຸ້ມເທພະລັງເຮັດວຽກໃນດ້ານທີ່ຈະສົ່ງຜົນດີຕໍ່ທັງລູກຄ້າຜູ້ໃຊ້ບໍລິການ, ທີມຂອງທ່ານ ລວມໄປເຖິງໂຕທ່ານເອງໃຫ້ຫລາຍຂຶ້ນ ເພື່ອໃຫ້ທຸລະກິດເຕີບໃຫຍ່ ແລະ ຂະຫຍາຍໄດ້ຢ່າງແທ້ຈິງ ເຊິ່ງໝາຍຄວາມວ່າ ທ່ານຕ້ອງເຊື່ອທີ່ຈະມອບໝາຍວຽກທີ່ຕົນເອງບໍ່ມີເວລາເຮັດໃຫ້ພວກເຂົາຮັບຜິດຊອບໃຫ້ໄດ້ ແລະ ຕ້ອງໝັ້ນໃຈນຳວ່າສະມາຊິກແຕ່ລະຄົນໃນທີມຈະສາມາດເຮັດວຽກໄດ້ຢ່າງມີປະສິດທິພາບ”.
  2. ບໍ່ຍຶດຕິດກັບຫລັກການເກົ່າໆ :Liam McCanceເຮັດວຽກໃນອຸດສາຫະກຳດ້ານໂຄສະນາມາ 12 ປີ ເຊິ່ງສິ່ງທີ່ເຂົາໄດ້ຮຽນຮູ້ຈາກການເຮັດວຽກກໍຄື ການຕອກບັດໃນເວລາທີ່ກຳໜົດ, ມື້ເຮັດວຽກທີ່ແສນຍາວນານ ແລະ ການຄຳນວນມື້ພັກນັ້ນເອງ ໂດຍລາວໄດ້ເຜີຍວ່າ : “ຂ້ອຍຮູ້ສຶກວ່າກິດຈະວັດທີ່ເຄັ່ງຄັດແບບນີ້ເຮັດໃຫ້ເຮົາບໍ່ມີຄວາມຄິດສ້າງສັນ ແລະ ສະມາຊິກທີມກໍບໍ່ມີໂອກາດທີ່ຈະເຕີບໃຫຍ່ຫລາຍປານໃດ” ນີ້ຈຶ່ງເປັນເຫດຜົນວ່າເປັນຫຍັງເຂົາຈຶ່ງຢາກໃຫ້ບໍລິສັດຂອງຕົນເອງ ເຊິ່ງມີຊື່ວ່າ Subscribe to Foodມີບັນຍາກາດການເຮັດວຽກທີ່ໂຍະຍານກ່ວາເກົ່າ. “ເຮົາມີພື້ນທີ່ສຳນັກງານ ແຕ່ເຮົາກໍໂຍະຍານໃຫ້ພະນັກງານເຮັດວຽກຢູ່ເຮືອນໄດ້ ດ້ວຍນະໂຍບາຍລາພັກໄດ້ບໍ່ຈຳກັດເທື່ອ ລວມເຖິງສິດທິພິເສດເປັນການກິນອາຫານ ແລະ ເຫລົ້າແວັງຊັ້ນດີ ນະໂຍບາຍທີ່ໜ້າສົນໃຈນີ້ດຶງດູດຜູ້ຄົນຫລວງຫລາຍທີ່ມີພອນສະຫວັນ ເຕັມໃຈທີ່ຈະເຮັດວຽກໜັກ ແລະ ທົດລອງເຮັດໃນສິ່ງໃໝ່, ການເຮັດທຸລະກິດໃໝ່ໆ, ບໍ່ຈຳເປັນຕ້ອງຍຶດຕາມຫລັກການທີ່ເຮັດຕໍ່ໆກັນມາ ແຕ່ຈົ່ງສ້າງວັດທະນະທຳອົງກອນທີ່ສະທ້ອນໂຕຕົນຂອງບໍລິສັດຢ່າງແທ້ຈິງອອກມາ” – McCanceກ່າວ.
  3. ກຳໜົດວັດຖຸປະສົງໃນການເຮັດວຽກ :PragyaAgarwalເຊິ່ງເປັນເຈົ້າຂອງກິດຈະການຊາວອັງກິດເຈົ້າຂອງບໍລິສັດ Hedge and Hog Printsບໍ່ຄ່ອຍໄດ້ໃຫ້ຄວາມສຳຄັນທັງໃນການນຳສະເໜີຈຸດຂາຍ, ການແນມຫາຊ່ອງວ່າງໃນຕະຫລາດ ຫລື ແມ່ນແຕ່ຕະຫລາດເປົ້າໝາຍເລີຍ ໂດຍໃນຕອນທຳອິດ ຕັ້ງບໍລິສັດ ນາງມີວິທີຄິດທີ່ງ່າຍໆ ບໍ່ສັບຊ້ອນ ດັ່ງທີ່ເລົ່າໄວ້ໃນບລັອກຂອງນາງພາຍຫລັງວ່າ : “ຂ້ອຍຜະລິດຮູບພິມຢາງ ຈຶ່ງຄິດວ່າຄົນທີ່ຮັກສິລະປະ ແລະ ການພິມຮູບຈະຊື່ນຊົມຜົນງານຂອງຂ້ອຍ” ແຕ່ວ່າ ເມື່ອທຸລະກິດຂອງນາງເຕີບໃຫຍ່ ແລະ ຂະຫຍາຍໂຕ ມັນບີບບັງຄັບໃຫ້ນາງຕ້ອງກັບມາປະເມີນການເຮັດທຸລະກິດຂອງຕົນເອງໃໝ່ ແລະ ຈິງຈັງກັບທິດທາງຂອງທຸລະກິດໃຫ້ຫລາຍຂຶ້ນ ນາງກ່າວວ່າ : “ຈາກປະສົບການສ່ວນໂຕຂອງຂ້ອຍ ການເລີ່ມຕົ້ນທີ່ດີ ແມ່ນຕ້ອງກຳໜົດກຸ່ມເປົ້າໝາຍລູກຄ້າຂອງທ່ານໃຫ້ໄດ້ກ່ອນ ບໍ່ວ່າຈະເປັນອາຍຸ, ສະຖານະພາບທາງການເງິນ, ເພດ, ຄວາມສົນໃຈ ແລະ ສິ່ງສຳຄັນທີ່ສຸດ ອັນໃດແມ່ນສິ່ງທີ່ກະຕຸ້ນໃຫ້ພວກເຂົາເລືອກຊື້ຜະລິດຕະພັນຂອງທ່ານ”.
4 ສິ່ງທີ່ຄວນຮູ້ ກ່ອນຈະເລີ່ມເຮັດທຸລະກິດສ່ວນໂຕ - WhatsApp Image 2020 05 27 at 5 - 4 ສິ່ງທີ່ຄວນຮູ້ ກ່ອນຈະເລີ່ມເຮັດທຸລະກິດສ່ວນໂຕ
4 ສິ່ງທີ່ຄວນຮູ້ ກ່ອນຈະເລີ່ມເຮັດທຸລະກິດສ່ວນໂຕ - WhatsApp Image 2020 05 27 at 5 - 4 ສິ່ງທີ່ຄວນຮູ້ ກ່ອນຈະເລີ່ມເຮັດທຸລະກິດສ່ວນໂຕ
error: Alert: ເນື້ອຫາຂ່າວມີລິຂະສິດ !!