ກົດຫມາຍໃຊ້ແຮງງານເດັກ

ກົດຫມາຍໃຊ້ແຮງງານເດັກ - Time fo an Adventure 2020 07 25T162852 - ກົດຫມາຍໃຊ້ແຮງງານເດັກ
ກົດຫມາຍໃຊ້ແຮງງານເດັກ - 174233 - ກົດຫມາຍໃຊ້ແຮງງານເດັກ

ຜູ້ທີ່ໄປຊອກວຽກເຮັດ ງານກໍານວນຫນຶ່ງກໍຍັງເປັນເດັກ ຍັງເປັນໄວຫນຸ່ມ ຍັງບໍ່ຮູ້ຮ້າຍຮູ້ດີ ບໍ່ຮູ້ອັນໃດຖືກອັນໃດຜິດ ອັນໃດເຮັດໄດ້ອັນໃດເຮັດບໍ່ໄດ້ ອັນໃດກົດຫມາຍອະນຸຍາດ ຫຼື ບໍ່ອະນຸຍາດ ຊຶ່ງກົດຫມາຍບາງວຽກ ບາງງານ ກົດຫມາຍກໍບໍ່ອະນຸຍາດໃຫ້ຜູ້ໃຊ້ແຮງງານນາໄຊ້ແຮງງານເດັກໄດ້ຕາມຈຸດປະສົງ ແລະ ຄວາມຕ້ອງການຂອງຕົນເອງໄດ້ທັງ ຫມົດ ໃນຄວາມເປັນຈິງ ກົດຫມາຍວ່າດ້ວຍແຮງງານ ກໍໄດ້ກໍານົດກ່ຽວກັບລະບອບການອອກແຮງງານ ການໃຊ້ແຮງງານ ສະຖານທີ່ການອອກແຮງງານ ວຽກງານທີ່ ອະນຸຍາດໃຫ້ເດັກສາມາດເຮັດໄດ້ ພ້ອມດຽວກັນນີ້ ກົດຫມາຍກໍໄດ້ໃຫ້ການປົກປ້ອງຄຸ້ມຄອງ ກໍາລັງແຮງງານຂອງສັງຄົມເຫຼົ່ານີ້ໄວ້ເປັນຢ່າງດີໃຜໃຊ້ແຮງງານເກີນ ຂອບເຂດ ໃຊ້ແຮງງານເກີນຄວາມສາມາດ ໃຊ້ແຮງງານເດັກທີ່ຍັງບໍ່ທັນເຖິງກະສຽນອາຍຸ ໃຊ້ແຮງງານເດັກເຮັດວຽກບ່ອນທີ່ມີຄວາມສ່ຽງ ມີຄວາມເປັນອັນອັນຕະລາຍ ບ່ອນທີ່ເຮັດກັບສານເຄມີ ເຮັດວຽກບ່ອນທີ່ບໍ່ມີມາດຕະການປ້ອງກັນ ເຮັດວຽກບ່ອນທີ່ມີການໃຊ້ກໍາລັງຫນັກຫນ່ວງ ສິ່ງເຫຼົ່ານີ້ ກົດຫມາຍຫ້າມ ພ້ອມທັງມີ ມາດຕະການປົກປ້ອງເປັນຢ່າງດີ ສະນັ້ນ ໃຜກໍຕາມຫາກໃຊ້ແຮງງານເດັກ ຫຼື ເວົ້າອີກຢ່າງຫນຶ່ງ ແມ່ນໃຊ້ແຮງງານໄວຫນຸ່ມ ກົດຫມາຍສາມາດເອົາຄວາມຜິດໄດ້ ການ ລະເມີດ ຫຼື ການໃຊ້ແຮງງານໂດຍບໍ່ຖືກຕ້ອງທີ່ວ່ານີ້ໄດ້ກໍານົດໄວ້ໃນມາດຕາ 176 ປະມວນກົດຫມາຍອາຍາ ຊຶ່ງເນື້ອໃນໄດ້ລະບຸໄວ້ຄືແນວນີ້: ບຸກຄົນຜູ້ໃດ ຫາກໄດ້ ຮັບເອົາເດັກອາຍຸແຕ່ ສິບສີ່ປີ ຫາຕໍ່ກວ່າ ສິບແປດປີ ເຂົ້າເຮັດວຽກ ໃຫ້ເຮັດວຽກຫນັກ ຫຼື ວຽກທີ່ເປັນອັນຕະລາຍ ຫຼື ວຽກຢູ່ສະຖານທີ່ ທີ່ເປັນອັນຕະລາຍ ໃຫ້ ເດັກເຮັດວຽກເກີນເວລາ ຕາມທີ່ໄດ້ກໍານົດໃນກົດຫມາຍແຮງງານ ແລະ ລະບຽບການທີ່ກ່ຽວຂ້ອງ ຫຼື ໃຊ້ເດັກໃນການສູ້ຮົບ ຈະຖືກລົງໂທດຕັດອິດສະລະພາບແຕ່ ສາມເດືອນຫາຫນຶ່ງປີ ແລະ ຈະຖືກປັບໃຫມແຕ່ 3.000.000 ກີບຫາ 15.000.000 ກີບ.

ໃນກໍລະນີການກະທໍາຜິດ ຫາກມາໃຫ້ມີຄົນບາດເຈັບສາຫັດ ບາດເຈັບຫຼາຍຄົນ ເສຍອົງຄະ ຫຼື ພິການ ຈະຖືກລົງໂທດຕັດອິດສະລະພາບແຕ່ ຫນຶ່ງປີ ຫາ ຫ້າປີ ແລະ ຈະຖືກປັບໃຫມ ແຕ່ 7.000.000 ກີບຫາ 30.000.000 ກີບ.

ໃນກໍລະນີການກະທໍາຜິດ ຫາກພາໃຫ້ມີຄົນເສຍຊີວິດ ຈະຖືກລົງໂທດຕັດອິດສະລະພາບແຕ່ ຫ້າປີ ຫາ ສິບປີ ແລະ ຈະຖືກປັບໄຫມ ແຕ່ 10.000.000 ກີບຫາ 50.000.000 ກີບ, ໃນກໍລະນີການກະທໍາຜິດ ຫາກພາໃຫ້ມີຄົນເສຍຊີວິດ ແຕ່ສອງຄົນຂຶ້ນໄປຈະຖືກລົງໂທດຕັດອິດສະລະພາບແຕ່ ແປດປີ ຫາ ສິບຫ້າປີ ແລະ ຈະຖືກປັບໃຫມ ແຕ່ 20.000.000 ກີບຫາ 100.000.000 ກີບ ດັ່ງນັ້ນ ຜູ້ທີ່ຈະຮັບເອົາສະຫມັກເຮັດວຽກ ສະຫມັກອອກແຮງງານ ເຖິງແມ່ນຈະເປັນຄວາມພໍໃຈຂອງເຂົາກໍຕາມ ແຕ່ຜູ້ທີ່ຈະອອກແຮງງານຍັງເປັນເດັກ ສະຖານທີ່ອອກແຮງງານບໍ່ເຫມາະສົມ ວຽກທີ່ຈະໃຫ້ເຂົາເຈົ້າເຮັດມີຄວາມສ່ຽງ ມີຄວາມເປັນອັນຕະລາຍ ແລະ ຈະກະທົບຕໍ່ ການຈະເລີນເຕີບໂຕຂອງຮ່າງກາຍ ຈະເປັນໄພຕໍ່ສຸຂະພາບ ຕໍ່ຊີວິດກໍບໍ່ຄວນຮັບເອົາ ຫຼື ຮັບເອົາກໍຕ້ອງໃຫ້ເຮັດວຽກທີ່ກົດຫມາຍອະນຸຍາດໃຫ້ເຂົ້າເຮັດໄດ້ ເທົ່ານັ້ນ.

ກົດຫມາຍໃຊ້ແຮງງານເດັກ - Wave100S AD to Website 2020 0 - ກົດຫມາຍໃຊ້ແຮງງານເດັກ

ໂດຍ: ໄມ້ງັດ Vientiane Mai

ກົດຫມາຍໃຊ້ແຮງງານເດັກ - WhatsApp Image 2020 05 27 at 5 - ກົດຫມາຍໃຊ້ແຮງງານເດັກ
error: Alert: Content is protected !!