ມີຜູ້ເສຍຊີວິດເພີ່ມອີກ 1 ຄົນ ຈາກການຕິດເຊື້ອໄຂ້ຍຸງລາຍ

ມີຜູ້ເສຍຊີວິດເພີ່ມອີກ 1 ຄົນ ຈາກການຕິດເຊື້ອໄຂ້ຍຸງລາຍ - 275 - ມີຜູ້ເສຍຊີວິດເພີ່ມອີກ 1 ຄົນ ຈາກການຕິດເຊື້ອໄຂ້ຍຸງລາຍ
ມີຜູ້ເສຍຊີວິດເພີ່ມອີກ 1 ຄົນ ຈາກການຕິດເຊື້ອໄຂ້ຍຸງລາຍ - AGL banner - ມີຜູ້ເສຍຊີວິດເພີ່ມອີກ 1 ຄົນ ຈາກການຕິດເຊື້ອໄຂ້ຍຸງລາຍ

ກົມຄວບຄຸມພະຍາດຕິດຕໍ່ ກະຊວງສາທາລະນະສຸກ ​ໄດ້ລາຍງານ​ໃຫ້​ຮູ້ວ່າ: ພຽງວັນທີ 26 ກໍລະກົດນີ້  ທົ່ວປະເທດມີຜູ້ຕິດເຊື້ອ​ໄຂ້ຍຸງ​ລາຍເພີ່ມ 29 ກໍລະນີ ແລະ ມີຜູ້ເສຍຊີວິດຕື່ມ​ອີກ 1 ຄົນ. ໝາຍວ່ານັບແຕ່ວັນທີ 1 ມັງກອນ ຫາ 26 ກໍລະກົດນີ້ ທົ່ວ​ປະ​ເທດ​ມີຜູ້ຕິດເຊື້ອພະຍາດ​ດັ່ງ​ກ່າວທັງໝົດ 3.799 ຄົນ, ​ໃນ​ນັ້ນ ແຂວງທີ່ມີການລາຍງານຫລາຍກວ່າໝູ່ແມ່ນ ນະຄອນຫລວງວຽງຈັນມີເຖິງ 821 ຄົນ, ຖັດລົງມາແມ່ນ ແຂວງວຽງຈັນ 421 ກໍລະນີ, ບໍລິຄຳໄຊ 475 ກໍລະນີ ແລະ ແຂວງອັດຕະປື 364 ກໍລະນີ. ສ່ວນຈຳນວນຜູ້ເສຍຊີວິດທັງໝົດ 9 ຄົນ ສະ​ເພາະ​ຢູ່ນະຄອນຫລວງວຽງຈັນມີ 4 ຄົນ, ບໍລິຄຳໄຊ 2 ຄົນ, ຄຳມ່ວນ, ໄຊຍະບູລີ ແລະ ຊຽງຂວາງ​ ​ແຂວງ​ລະ 1 ຄົນ.

ຮອງຫົວໜ້າກົມຄວບຄຸມພະຍາດຕິດຕໍ່ ກະຊວງສາທາລະນະສຸກ ໃຫ້ຮູ້ວ່າ: ຕໍ່ສະພາບການດັ່ງກ່າວ, ພວກເຮົາຕ້ອງ​ເອົາ​ໃຈ​ໃສ່ປະຕິບັດຄຳຂວັນທີ່ວ່າ: “ບໍ່ມີໜອນນ້ຳຍຸງລາຍ ກໍບໍ່ມີຍຸງລາຍ ແລະ ບໍ່ມີໄຂ້ເລືອດອອກ” ​ໂດຍ​ສະ​ເພາະ​ແມ່ນຕ້ອງປະຕິບັດຫລັກການ 5ປ ຢ່າງເຄັ່ງຂັດໃຫ້ເປັນປະຈຳ ຈຶ່ງສາມາດທຳລາຍແຫລ່ງເພາະພັນຂອງຍຸງລາຍໄດ້ເຊັ່ນ: ປິດຝາພາຊະນະທີ່ເກັບນ້ຳໃນເຮືອນ ແລະ ນອກເຮືອນ ເພື່ອບໍ່ໃຫ້ຍຸງລາຍມາໄຂ່ໃສ່, ປ່ຽນນ້ຳໃນພາຊະນະເຊັ່ນ: ເຕົ້າດອກໄມ້, ນ້ຳຮອງຕີນຕູ້, ຖ້ານຮອງຈອກນ້ຳ, ປ່ອຍປາຫາງນົກຍຸງເພື່ອກິນໜອນນ້ຳ, ປັບປຸງການອະນາໄມສິ່ງແວດລ້ອມອ້ອມເຮືອນ ບໍ່ໃຫ້ມີກະໂປະກະປ໋ອງ, ຢາງຕີນລົດເກົ່າທີ່ມີນ້ຳຂັງ ແລະ ປະຕິບັດໃຫ້ເປັນນິໄສປະຈຳທຸກໆອາທິດ. ຖ້າເປັນໄຂ້ໃຫ້ຮີບຮ້ອນໄປພົບແພດໝໍດ່ວນ, ຫາກທຸກຄົນປະຕິບັດໄດ້ຕາມ 5ປ ຢ່າງເຂັ້ມງວດ ກໍຈະສາມາດຫລຸດຜ່ອນ ແລະ ສະກັດກັ້ນການແຜ່ລະບາດຂອງພະຍາດໄຂ້ຍຸງລາຍໃຫ້ຫລຸດລົງ​ໄດ້.

ມີຜູ້ເສຍຊີວິດເພີ່ມອີກ 1 ຄົນ ຈາກການຕິດເຊື້ອໄຂ້ຍຸງລາຍ - Wave100S AD to Website 2020 0 - ມີຜູ້ເສຍຊີວິດເພີ່ມອີກ 1 ຄົນ ຈາກການຕິດເຊື້ອໄຂ້ຍຸງລາຍ
ມີຜູ້ເສຍຊີວິດເພີ່ມອີກ 1 ຄົນ ຈາກການຕິດເຊື້ອໄຂ້ຍຸງລາຍ -    AD conten website - ມີຜູ້ເສຍຊີວິດເພີ່ມອີກ 1 ຄົນ ຈາກການຕິດເຊື້ອໄຂ້ຍຸງລາຍ
ມີຜູ້ເສຍຊີວິດເພີ່ມອີກ 1 ຄົນ ຈາກການຕິດເຊື້ອໄຂ້ຍຸງລາຍ - lattana banner - ມີຜູ້ເສຍຊີວິດເພີ່ມອີກ 1 ຄົນ ຈາກການຕິດເຊື້ອໄຂ້ຍຸງລາຍ
ມີຜູ້ເສຍຊີວິດເພີ່ມອີກ 1 ຄົນ ຈາກການຕິດເຊື້ອໄຂ້ຍຸງລາຍ - lattana banner 1 - ມີຜູ້ເສຍຊີວິດເພີ່ມອີກ 1 ຄົນ ຈາກການຕິດເຊື້ອໄຂ້ຍຸງລາຍ
error: Alert: ເນື້ອຫາຂ່າວມີລິຂະສິດ !!