ສະພາບລ່າເນື້ອ-ຫາປາແບບດັບສູນຍັງມີແຜ່ຫລາຍ

- advert banner 728 90 728x90 - ສະພາບລ່າເນື້ອ-ຫາປາແບບດັບສູນຍັງມີແຜ່ຫລາຍ

- 1327042525 - ສະພາບລ່າເນື້ອ-ຫາປາແບບດັບສູນຍັງມີແຜ່ຫລາຍ

ເພື່ອນຜູ້ອ່ານທີ່ຮັກແພງ, ຍັງອີກບໍ່ດົນວັນອານຸລັກ ແລະ ປ່ອຍສັດປ່າ-ສັດນ້ຳແຫ່ງຊາດກໍຈະມາເຖິງແລ້ວ ນັ້ນຄືວັນທີ 13 ກໍລະ ກົດຂອງທຸກໆປີ ເພື່ອແນໃສ່ສົ່ງເສີມ ແລະ ອະນຸລັກສັດນ້ຳ-ສັດປ່າດັ່ງກ່າວໃຫ້ມີຄວາມຍືນຍົງຢູ່ຄູ່ປະເທດລາວຕະຫລອດໄປ, ແຕ່ ໜ້າເສຍດາຍໃນທຸກມື້ນີ້ ເບິ່ງຄືວ່າສະພາບການລ່າສັດດັ່ງກ່າວນັບມື້ຍິ່ງຮ້າຍແຮງ ແລະ ເປີດແປນ, ໄປທ້ອງຖິ່ນໃດ, ຕະຫລາດ ໃຫຍ່ ຫລື ນ້ອຍກໍມີການວາງຂາຍສັດປະເພດຫວງຫ້າມມີບໍ່ອັ້ນ ຂໍແຕ່ຜູ້ຕ້ອງການຢາກບໍລິໂພກສັດປະເພດໃດ, ບາງຄັ້ງເຫັນຮອດ ເສືອແມວ, ໝີດຳ, ກວາງຟານ, ໝູປ່າ ແລະ ນົກໜູຊະນິດຫາຍາກຕ່າງໆກໍມີໃຫ້ເລືອກ ໂດຍສະເພາະແມ່ນຢູ່ເຂດຊົນນະບົດບ່ອນ ຫ່າງໄກສອກຫລີກຍິ່ງມີຫລາຍ ເພາະນັບແຕ່ນາຍບ້ານ, ກອງຫລອນໃຜໆກໍມີພຶດຕິກຳດັ່ງກ່າວຢ່າງບໍ່ໄດ້ເອົາໃຈໃສ່ຕໍ່ລະບຽບການ ຄຸ້ມຄອງແຕ່ຢ່າງໃດ ຂໍແຕ່ວ່າມີອາຫານເພື່ອມາບໍລິໂພກລ້ຽງຊີວິດໄປແຕ່ລະມື້ກໍແລ້ວກັນ ແລະ ຮ້າຍແຮງໄປກວ່ານັ້ນ ແມ່ນການ ລ່າສັດ-ຫາປາແບບດັບສູນກໍມີນັບບໍ່ຖ້ວນ, ບາງບ່ອນໃຊ້ຢາບ້າໜູໄປເບືອກະຫອກ-ກະແຕ, ເບືອເອົາຄາງເອົາລີງມາເປັນສິນຄ້າ ຍັງມີຫລາຍ, ສ່ວນຜູ້ຫາປາກໍນຳໃຊ້ລູກແຕກ, ໄຟຟ້າຊັອດຫວ່ານໄປ, ຂ້າໄປຢ່າງບໍ່ເລືອກໜ້າວ່າແມ່ນປາຊະນິດໃດ, ຈະນອນຢູ່ໃນ ບັນຊີດຳບັນຊີແດງອັນໃດກໍຕາມ ແຕ່ຂໍພຽງໄດ້ອາຫານ ແລະ ຂາຍເປັນສິນຄ້າ ເພື່ອໄດ້ມາແລກເອົາໂສ້ງເອົາເສື້ອ, ເອົານ້ຳປາ ແລະ ເກືອກິນມາສູ່ລູກສູ່ເມຍກໍແລ້ວກັນ. ເວົ້າແລ້ວກໍຍັງມີຫລາຍວິທີລ່າເນື້ອຫາປາອື່ນໆຢ່າງດັບສູນ. ດັ່ງນັ້ນ ຖ້າອຳນາດການປົກຄອງ ແລະ ຂະແໜງມະຫາພາກພວກເຮົາບໍ່ເຂັ້ມງວດດ້ານລະບຽບກົດໝາຍແລ້ວ ບັນຫາດັ່ງກ່າວຍິ່ງນັບມື້ຈະຮ້າຍແຮງ ແລະ ອາດ ເຮັດໃຫ້ສັດປ່າ ແລະ ປູປາຫາຍາກ ແລະ ມີຄຸນຄ່າອື່ນໆກໍຈະຫາຍຈາກພວກເຮົາໄປໃນອີກບໍ່ຊ້ານານນີ້.

- 17 43 - ສະພາບລ່າເນື້ອ-ຫາປາແບບດັບສູນຍັງມີແຜ່ຫລາຍ

- lattana 1 - ສະພາບລ່າເນື້ອ-ຫາປາແບບດັບສູນຍັງມີແຜ່ຫລາຍ
- 1 1 - ສະພາບລ່າເນື້ອ-ຫາປາແບບດັບສູນຍັງມີແຜ່ຫລາຍ

- MhmpWn - ສະພາບລ່າເນື້ອ-ຫາປາແບບດັບສູນຍັງມີແຜ່ຫລາຍ

- S2GodZ - ສະພາບລ່າເນື້ອ-ຫາປາແບບດັບສູນຍັງມີແຜ່ຫລາຍ

error: Content is protected !!