ບໍ່ຢາກໃຫ້ສັງຄົມຕົກເຂົ້າສູ່ຂະບວນການຄ້າມະນຸດ ຕ້ອງໃຫ້ຄວາມສຳຄັນສື່ມວນຊົນ

ບໍ່ຢາກໃຫ້ສັງຄົມຕົກເຂົ້າສູ່ຂະບວນການຄ້າມະນຸດ ຕ້ອງໃຫ້ຄວາມສຳຄັນສື່ມວນຊົນ - 555 17 - ບໍ່ຢາກໃຫ້ສັງຄົມຕົກເຂົ້າສູ່ຂະບວນການຄ້າມະນຸດ ຕ້ອງໃຫ້ຄວາມສຳຄັນສື່ມວນຊົນ
ບໍ່ຢາກໃຫ້ສັງຄົມຕົກເຂົ້າສູ່ຂະບວນການຄ້າມະນຸດ ຕ້ອງໃຫ້ຄວາມສຳຄັນສື່ມວນຊົນ - Untitled design - ບໍ່ຢາກໃຫ້ສັງຄົມຕົກເຂົ້າສູ່ຂະບວນການຄ້າມະນຸດ ຕ້ອງໃຫ້ຄວາມສຳຄັນສື່ມວນຊົນ

ທ່ານ ອິນປອນ ນະຄອນສີ ຮອງຫົວໜ້າກົມສື່ມວນຊົນ ກ່າວໃນກອງປະຊຸມກ່ຽວກັບບົດບາດຂອງສື່ມວນຊົນໃນການສະກັດກັ້ນ ແລະ ຕ້ານການຄ້າມະນຸດ ເມື່ອທ້າຍອາທິດຜ່ານມານີ້ວ່າ: ບັນດາສື່ມວນຊົນສາມາດປ້ອງກັນປະຊາຊົນຜູ້ມີຄວາມສ່ຽງ ບໍ່ໃຫ້ຕົກເຂົ້າສູ່ຂະບວນການຄ້າມະນຸດ ແລະ ປົກປ້ອງຜູ້ຖືກເຄາະຮ້າຍຈາກການຄ້າມະນຸດໄດ້. ເຖິງວ່າການຄ້າມະນຸດຈະເປັນຫົວຂໍ້ທີ່ລະອຽດອ່ອນໃນການສື່ສານ, ແຕ່ມັນກະມີຫລາຍວິທີ ທີ່ສື່ມວນຊົນ, ນັກຂ່າວພວກເຮົາສາມາດເຂົ້າເຖິງແຫລ່ງຂໍ້ມູນ, ເຜີຍແຜ່ຂໍ້ມູນຂ່າວສານ ທີ່ຖືກຕ້ອງໃຫ້ກັບປະຊາຊົນ, ໂດຍຍຶດຖືຫລັກການໃນການເຮັດວຽກ ແລະ ຈັນຍາບັນຂອງສື່ມວນຊົນ. ພວກເຮົາມີກົດໝາຍສື່ມວນຊົນ ທີ່ອໍານວຍຄວາມສະດວກໃຫ້ສື່ມວນຊົນ, ນັກຂ່າວ ແລະ ສາທາລະນະຊົນ ໄດ້ເຜີຍແຜ່ຂໍ້ມູນຂ່າວສານ ແລະ ສະແດງຄວາມຄິດເຫັນແບບສ້າງສັນ.

ທ່ານ ອິນປອນ ນະຄອນສີ ກ່າວຕື່ມວ່າ: ການຄ້າມະນຸດຍັງເປັນບັນຫາ ແລະ ປະກົດການຫຍໍ້ ທໍ້ ທີ່ສົ່ງຜົນກະທົບຕໍ່ການພັດທະນາເສດຖະກິດສັງຄົມ ຂອງ ສປປ ລາວ ແລະ ປະເທດອື່ນໆ ໃນອະ ນຸພາກພື້ນລຸ່ມແມ່ນ້ຳຂອງ. ສາເຫດຕົ້ນຕໍ ທີ່ປະຊາຊົນເຮົາຈຳນວນໜຶ່ງ ຖືກຕົວະຍົວະຫລອກລວງໃຫ້ເຂົ້າສູ່ຂະບວນການຄ້າມະນຸດ ກໍ່ຍັງແມ່ນຄວາມທຸກຍາກ, ຄວາມແຕກໂຕນທາງດ້ານເສດຖະກິດ ແລະ ໂອກາດໃນການເຮັດວຽກຂອງປະເທດເຮົາ ກັບບັນດາປະເທດທີ່ພັດທະນາແລ້ວ.  ເຖິງຢ່າງໃດກໍຕາມ, ປັດໄຈຕົ້ນຕໍ ທີ່ເຮັດໃຫ້ບັນຫານີ້ຮ້າຍແຮງຂຶ້ນກວ່າເກົ່າ ແມ່ນການຂາດຄວາມຮູ້ ກ່ຽວກັບຮູບແບບ, ວິທີການທີ່ນາຍໜ້າ ແລະ ນັກຄ້າມະນຸດນໍາໃຊ້ເພື່ອຊັກຈູງ, ຊວນເຊື່ອ ແລະ ຕົວະຍົວຫລອກລວງປະຊາ ຊົນ ຜູ້ມີຄວາມສ່ຽງໃຫ້ຕົກເຂົ້າສູຂະບວນຄ້າມະນຸດ. ນອກຈາກນັ້ນ, ນາຍໜ້າ ແລະ ນັກຄ້າມະນຸດ ກໍ່ມີການປັບປ່ຽນວິທີການເປັນປະຈໍາ ຈຶ່ງເຮັດໃຫ້ເຫຍື່ອມີຄວາມສ່ຽງຫລົງເຊື່ອ ແລະ ປະຕິບັດຕາມ.

ນອກຈາກນັ້ນ, ການຂາດຄວາມຮູ້ ກ່ຽວກັບການເຄື່ອນຍ້າຍແຮງງານທີ່ຖືກຕ້ອງ ແລະ ການເຮັດວຽກທີ່ປອດໄພ, ຂໍ້ຈໍາກັດໃນເຂົ້າເຖິງການເຄື່ອນຍ້າຍແຮງງານທີ່ຖືກຕ້ອງ ແລະ ການເຮັດວຽກທີ່ປອດໄພ ແລະ ຄ່າໃຊ້ຈ່າຍ ທີ່ກ່ຽວຂ້ອງກັບການເຄື່ອນຍ້າຍແຮງງານທີ່ປອດໄພ ບວກກັບການຂາດໂອກາດໃນການສຶກສາ, ການຮຽນຕໍ່ວິຊາຊີບ, ການປະກອບອາຊີບ ແລະ ເຮັດວຽກພາຍໃນປະເທດ ກໍ່ຍັງເປັນປັດໄຈສຳຄັນ ທີ່ເຮັດໃຫ້ປະຊາຊົນກຸ່ມເປົ້າໝາຍ ໂດຍສະເພາະໄວໜຸ່ມ ຍອມຮັບເອົາຄວາມສ່ຽງ ເຄື່ອນຍ້າຍແຮງງານທີ່ບໍ່ປອດໄພ, ເຊິ່ງເຮັດໃຫ້ມີຄວາມສ່ຽງສູງໃນການຖືກຕົວະຍົວະ ເຂົ້າສູ່ຂະບວນການຄ້າມະນຸດ ແລະ ການສະແຫວງຫາຜົນປະໂຫຍດດ້ານແຮງງານ. ຖ້າພົບເຫັນພຶດຕິກຳການຄ້າມະນຸດ ໂທສາຍດ່ວນ 1300 ແລະ 1362

ບໍ່ຢາກໃຫ້ສັງຄົມຕົກເຂົ້າສູ່ຂະບວນການຄ້າມະນຸດ ຕ້ອງໃຫ້ຄວາມສຳຄັນສື່ມວນຊົນ - Wave100S AD to Website 2020 0 - ບໍ່ຢາກໃຫ້ສັງຄົມຕົກເຂົ້າສູ່ຂະບວນການຄ້າມະນຸດ ຕ້ອງໃຫ້ຄວາມສຳຄັນສື່ມວນຊົນ

 

ບໍ່ຢາກໃຫ້ສັງຄົມຕົກເຂົ້າສູ່ຂະບວນການຄ້າມະນຸດ ຕ້ອງໃຫ້ຄວາມສຳຄັນສື່ມວນຊົນ - WhatsApp Image 2020 05 27 at 5 - ບໍ່ຢາກໃຫ້ສັງຄົມຕົກເຂົ້າສູ່ຂະບວນການຄ້າມະນຸດ ຕ້ອງໃຫ້ຄວາມສຳຄັນສື່ມວນຊົນ
ບໍ່ຢາກໃຫ້ສັງຄົມຕົກເຂົ້າສູ່ຂະບວນການຄ້າມະນຸດ ຕ້ອງໃຫ້ຄວາມສຳຄັນສື່ມວນຊົນ - WhatsApp Image 2020 05 27 at 5 - ບໍ່ຢາກໃຫ້ສັງຄົມຕົກເຂົ້າສູ່ຂະບວນການຄ້າມະນຸດ ຕ້ອງໃຫ້ຄວາມສຳຄັນສື່ມວນຊົນ
error: Alert: ເນື້ອຫາຂ່າວມີລິຂະສິດ !!