ກະບົດບັງຊາໂມໂຣຈັບຕົວປະກັນຢູ່ເກາະມິນດາເນົາ

- advert banner 728 90 728x90 - ກະບົດບັງຊາໂມໂຣຈັບຕົວປະກັນຢູ່ເກາະມິນດາເນົາ

 

- new3 - ກະບົດບັງຊາໂມໂຣຈັບຕົວປະກັນຢູ່ເກາະມິນດາເນົາ

- 4 7 - ກະບົດບັງຊາໂມໂຣຈັບຕົວປະກັນຢູ່ເກາະມິນດາເນົາ

ກອງທັບຟີລິບປິນຕໍ່ສູ້ກັບກຸ່ມກະບົດບັງຊາໂມໂຣ ເຊິ່ງໂຈມຕີເມືອງຂະໜາດໃຫຍ່ຢູ່ເກາະມິນດາເນົາ ແລະ ພະຍາຍາມຢຶດໂຮງ ຮຽນປະຖົມແຫ່ງໜຶ່ງ, ພ້ອມທັງລັກພາຕົວພົນລະເຮືອນຢ່າງໜ້ອຍ 5 ຄົນ. ຂະນະທີ່ປະທານາທິບໍດີ ດູເຕີເຕ ຂໍໂທດຊາວເມືອງມາ ລາວີຕໍ່ການສູ້ຮົບທີ່ເກີດຂຶ້ນ ແລະ ໃຫ້ຄຳໝັ້ນຟື້ນຟູບ້ານເມືອງ.

- 2 8 - ກະບົດບັງຊາໂມໂຣຈັບຕົວປະກັນຢູ່ເກາະມິນດາເນົາ

ສຳນັກຂ່າວຕ່າງປະເທດລາຍງານຈາກນະຄອນຫລວງມະນິລາ ປະເທດຟີລິບປິນ ໃນວັນທີ 21 ມິຖຸນາວ່າ: ພົນຈັດຕະວາ ເຣສຕິ ຕູໂຕ ປາດິວລາ ໂຄສົກກອງທັບຟີລິບປິນ ຖະແຫລງກ່ຽວກັບຄວາມຄືບໜ້າຂອງປະຕິບັດການດ້ານຄວາມໝັ້ນຄົງຢູ່ເມືອງປິກ ຄາວາຍັນ ເຊິ່ງເປັນທ້ອງຖິ່ນຂອງແຂວງໂກຕາບາໂຕເໜືອ ເກາະມິນດາເນົາ ທາງຕອນໃຕ້ຂອງປະເທດ ວ່າກຸ່ມຕິດອາວຸດປະມານ 300 ຄົນ ທີ່ລວມທັງກຸ່ມກະບົດນັກຮົບເສລີພາບອິສລາມິກບັງຊາໂມໂຣ (BIFF) ເຊິ່ງເປັນແນວຮ່ວມຂອງກຸ່ມ IS ກໍ່ເຫດບຸກໂຈມ ຕີເມືອງປິກກາວາຍັນ ແລະ ພະຍາຍາມຢຶດໂຮງຮຽນ ໃນຕອນເຊົ້າວັນທີ 21 ມິຖຸນານີ້ຕາມເວລາທ້ອງຖິ່ນ ກ່ອນຖອຍອອກໄປຈາກ ໂຮງຮຽນ ຫລັງຕໍ່ສູ້ກັບເຈົ້າໜ້າທີ່ຫລາຍຊົ່ວໂມງ.

- 3 6 - ກະບົດບັງຊາໂມໂຣຈັບຕົວປະກັນຢູ່ເກາະມິນດາເນົາ

ທັງນີ້, ພົນຈັດຕະວາ ປາດິວລາ ປະຕິເສດລາຍງານວ່າມີການຄວບຄຸມຕົວນັກຮຽນໃນໂຮງຮຽນໄວ້ເປັນຕົວປະກັນ, ແຕ່ເປີດ ເຜີຍວ່າກຸ່ມຄົນຮ້າຍລັກພາຕົວພົນລະເຮືອນຢ່າງໜ້ອຍ 5 ຄົນ ເພື່ອໃຫ້ເປັນເກາະຄຸ້ມກັນ ໂດຍກອງທັບຢືນຢັນວ່າຕົວປະກັນບໍ່ ແມ່ນຄູ ແລະ ນັກຮຽນ. ຂະນະທີ່ຈຳນວນຜູ້ເສຍຊີວິດ ແລະ ໄດ້ຮັບບາດເຈັບຈາກເຫດການຄັ້ງນີ້ຍັງບໍ່ຮູ້ແນ່ນອນ ເຊິ່ງພົນຈັດຕະວາ ປາດິວລາ ກ່າວວ່າຢູ່ລະຫວ່າງຕີລາຄາສະຖານະການ.

- lattana 1 - ກະບົດບັງຊາໂມໂຣຈັບຕົວປະກັນຢູ່ເກາະມິນດາເນົາ

- 1 9 - ກະບົດບັງຊາໂມໂຣຈັບຕົວປະກັນຢູ່ເກາະມິນດາເນົາ

ເຖິງຢ່າງໃດກໍຕາມ, ຫ່າງຈາກເມືອງປິກຄາວາຍັນຂຶ້ນໄປທາງຕອນເໜືອປະມານ 190 ກິໂລແມັດ ເປັນສະຖານທີ່ຕັ້ງຂອງເມືອງ ມາລາວີ ເຊິ່ງຍັງເປັນສະໝໍລະພູມລະຫວ່າງກອງທັບຟີລິບປິນກັບກຸ່ມກະບົດເມົາເຕທີ່ເປັນແນວຮ່ວມຂອງກຸ່ມ IS ໂດຍການສູ້ຮົບ ທີ່ດຸເດືອດ ແລະ ຍືດເຍື້ອແຕ່ທ້າຍເດືອນພຶດສະພາຜ່ານມາ ສົ່ງຜົນໃຫ້ມີຜູ້ເສຍຊີວິດຫລາຍກວ່າ 350 ຄົນ ໃນຈຳນວນນີ້ປະມານ 270 ຄົນເປັນກຸ່ມຄົນຮ້າຍ ແລະ ພົນລະເຮືອນເສຍຊີວິດຢ່າງໜ້ອຍ 45 ຄົນ.

- 5 6 - ກະບົດບັງຊາໂມໂຣຈັບຕົວປະກັນຢູ່ເກາະມິນດາເນົາ

ສ່ວນປະທານາທິບໍດີ ໂຣດຣິໂກ ດູເຕີເຕ ກ່າວລະຫວ່າງລົງຢ້ຽມຢາມ ແລະ ໃຫ້ກຳລັງໃຈຊາວເມືອງມາລາວີ ຕາມຄ້າຍຜູ້ອົບພະ ຍົບທີ່ຢູ່ນອກເມືອງ ກ່າວຂໍໂທດປະຊາຊົນ ທີ່ປະຕິບັດການຂອງເຈົ້າໜ້າທີ່ເປັນເຫດໃຫ້ເມືອງມາລາວີເສຍຫາຍ ແລະ ພົນລະເຮືອນ ຫລາຍກວ່າ 300.000 ຄົນຕ້ອງອົບພະຍົບ, ແຕ່ຢືນຢັນວ່າເປັນຄວາມຈຳເປັນ ເນື່ອງຈາກຕ້ອງກຳຈັດຜູ້ຮຸກຮານໃຫ້ອອກໄປ ຈາກພື້ນທີ່ໂດຍໄວທີ່ສຸດ ເຖິງຍອມຮັບວ່າກຸ່ມຄົນຮ້າຍຍັງພະຍາຍາມກໍ່ເຫດຢ່າງຕໍ່ເນື່ອງ. ນອກຈາກນີ້ ຜູ້ນຳຟີລິບປິນໃຫ້ຄຳໝັ້ນ ວ່າ ລັດຖະບານຈະຮັບຜິດຊອບແຕ່ພຽງຜູ້ດຽວໃນການບູລະນະສ້ອມແປງເມືອງມາລາວີຂຶ້ນມາໃໝ່, ພ້ອມທັງຢືນຢັນວ່າທຸກຝ່າຍ ທີ່ກ່ຽວຂ້ອງກຳລັງພະຍາຍາມຢ່າງສຸດຄວາມສາມາດໃນການເຮັດໃຫ້ການສູ້ຮົບຢຸດຕິກ່ອນທ້າຍເດືອນລໍມາດອນ ຫລື ພາຍໃນວັນ ທີ 24 ມິຖຸນານີ້.

- 6 6 - ກະບົດບັງຊາໂມໂຣຈັບຕົວປະກັນຢູ່ເກາະມິນດາເນົາ

error: Content is protected !!