ລາວສະຫລອງວັນໂອແລມປິກສາກົນ ຄົບຮອບ 126 ປີ ທີ່ແຂວງສະຫວັນນະເຂດ

ລາວສະຫລອງວັນໂອແລມປິກສາກົນ ຄົບຮອບ 126 ປີ ທີ່ແຂວງສະຫວັນນະເຂດ - 287 - ລາວສະຫລອງວັນໂອແລມປິກສາກົນ ຄົບຮອບ 126 ປີ ທີ່ແຂວງສະຫວັນນະເຂດ
ລາວສະຫລອງວັນໂອແລມປິກສາກົນ ຄົບຮອບ 126 ປີ ທີ່ແຂວງສະຫວັນນະເຂດ - AGL banner - ລາວສະຫລອງວັນໂອແລມປິກສາກົນ ຄົບຮອບ 126 ປີ ທີ່ແຂວງສະຫວັນນະເຂດ

ແຂວງສະຫວັນນະເຂດໄດ້ຮັບກຽດເປັນເຈົ້າພາບ ຈັດພິທີສະເຫຼີມສະຫຼອງວັນໂອແລມປິກສາກົນ ຄົບຮອບ 126 ປີຂຶ້ນໃນແລງວັນທີ 24 ກໍລະກົດນີ້ ທີ່ສວນສຸຂະພາບໜູຮັກພູມສະຫວັນ ນະຄອນໄກສອນພົມວິຫານ, ໂດຍການເຂົ້າຮ່ວມຂອງ ທ່ານ ພົນໂທ ແສງນວນ ໄຊຍະລາດ ຮອງປະທານສະພາແຫ່ງຊາດ, ທ່ານ ນາງ ແສງເດືອນ ຫຼັາຈັນທະບູນ ລັດຖະມົນຕີກະຊວງສຶກສາທິການ ແລະກິລາ, ປະທານຄະນະກໍາມະການໂອແລມປິກແຫ່ງຊາດ ແລະ  ທ່ານ ສັນຕິພາບ ພົມວິຫານ ເຈົ້າແຂວງສະຫວັນນະເຂດຕະຫຼອດຮອດພະນັກງານ-ລັດຖະກອນ, ທະຫານ-ຕໍາຫຼວດ, ນັກທຸລະກິດ ແລະ ມວນຊົຍເຂົ້າຮ່ວມເປັນຈຳນວນຫລາຍ.

ໃນພິທີ ທ່ານເຈົ້າແຂວງສະຫວັນນະເຂດ ໄດ້ກ່າວສະແດງຄວາມຕ້ອນຮັບຢ່າງອົບອຸ່ນ ຕໍ່ການນໍາພັກ-ລັດ ຂັ້ນສູນກາງ ພ້ອມຄະນະກໍາມະການໂອແລມປິກແຫ່ງຊາດ ທີ່ເລືອກເອົາແຂວງສະຫວັນນະເຂດ ເປັນບ່ອນຈັດງານສະເຫຼີມສະຫຼອງັນປະຫວັດສາດສຳຄັນດັ່ງກ່າວ ເຊິ່ງສະທ້ອນໃຫ້ເຫັນເຖິງຄວາມເຊື່ອໝັ້ນຕໍ່ແຂວງສະຫວັນນະເຂດ ທີ່ເປັນຖິ່ນກໍາເນີດຂອງ ປະທານ ໄກສອນ ພົມວິຫານ ວິລະບຸລຸດແຫ່ງຊາດລາວ ແລະບັນດາຜູ້ນໍາຮຸ່ນທໍາອິດເຊັ່ນ: ທ່ານ ໜູຮັກ ພູມສະຫວັນ ແລະທ່ານ ພູນສີປະເສີດ. ໂດຍສະເພາະແມ່ນການສົ່ງເສີມໃຫ້ມວນຊົນທຸກເພດ, ທຸກໄວ ເຂົ້າຮ່ວມອອກກໍາລັງກາຍ ແລະ ຫຼິ້ນກິລາກາຍະກໍາ ເພື່ອສຸຂະພາບ, ການເຕົ້າໂຮມຄວາມສາມັກຄີ ແລະສົ່ງເສີມໃຫ້ຊາວໜຸ່ມ-ເຍົາວະຊົນ ມີຈິດໃຈເບີກບານມ່ວນຊື່ນ ແລະ ຫ່າງໄກຈາກສິ່ງເສບຕິດ.

ໃນໂອກາດນີ້ ທ່ານ ສົມພູ ພົງສາ ຜູ້ຊ່ວຍລັດຖະມົນຕີກະຊວງສຶກສາທິການ ແລະກິລາ, ຮອງປະທານເລຂາທິການຄະນະກໍາມະການໂອແລມປິກແຫ່ງຊາດ ໄດ້ຍົກໃຫ້ເຫັນຄວາມໝາຍຄວາມສໍາຄັນຂອງກິລາໂອແລມປິກ ແລະການກະກຽມງານວ່າ: ເມື່ອເຖິງວັນທີ 23 ມິຖຸນາຂອງທຸກໆປີ ຫລາຍປະເທດສະມາຊິກ ຈະໄດ້ຈັດຕັ້ງສະເຫຼີມສະຫຼອງວັນດັ່ງກ່າວ ດ້ວຍກິດຈະກໍາຕ່າງໆຕາມຮູບແບບ ແລະ  ຄວາມເໝາະສົມຂອງໃຜລາວ, ສໍາລັບປະເທດລາວເຮົາ ໄດ້ຈັດສະເຫຼີມສະຫຼອງທຸກໆປີ ໂດຍຜັດປ່ຽນຈັດໄປແຕ່ລະແຂວງໝູນວຽນກັນ, ເຊິ່ງໃນປີຜ່ານມາຮູບແບບການຈັດແມ່ນໄດ້ເຊີນ ຄະນະໂອແລມປິກຈາກປະເທດໃກ້ຄຽງເຂົ້າຮ່ວມ, ແຕ່ປີນີ້ຍ້ອນສະພາບການການລະບາດຂອງ ໂຄວິດ- 19 ຈຶ່ງສະເໜີຈັດສະເພາະພາຍໃນ ແຕ່ຕ້ອງຮັກສາໄວ້ການອອກກໍາລັງກາຍ, ຮັກສາສຸຂະພາບ ເພື່ອສ້າງຄວາມສາມັກຄີ, ຄວາມເຂົ້າໃຈ, ຄວາມມ່ວນຊື່ນ, ມີການແລກປ່ຽນຄວາມຄິດເຫັນ, ແລກປ່ຽນວັດທະນະທໍາເຊິ່ງກັນ ແລະກັນ ແນໃສ່ການພັດທະນາວຽກງານດ້ານຕ່າງໆ.

ຈາກນັ້ນປະທານຄະນະກໍາມະການໂອແລມປິກແຫ່ງຊາດ ກໍໄດ້ກ່າວເປີດງານຊຶ່ງປະກອບດ້ວຍກິດຈະກໍາຕ່າງໆ ຢ່າງເບີກບານມ່ວນຊື່ນເຊັ່ນ: ຂະບວນແລ່ນ-ຍ່າງ, ຂະບວນຂີ່ລົດຖີບ, ກິລາດຶງເຊືອກ, ຂີ່ໄມ້ໂຢກເຢກ, ແລ່ນກະເປົາ ແລະ ຂະບວນສິລະປະຈາກບັນດານ້ອງນັກຮຽນພ້ອມດ້ວຍການເຕັ້ນແອວໂລບິກອື່ນໆອີກ.

ລາວສະຫລອງວັນໂອແລມປິກສາກົນ ຄົບຮອບ 126 ປີ ທີ່ແຂວງສະຫວັນນະເຂດ - Wave100S AD to Website 2020 0 - ລາວສະຫລອງວັນໂອແລມປິກສາກົນ ຄົບຮອບ 126 ປີ ທີ່ແຂວງສະຫວັນນະເຂດ
ລາວສະຫລອງວັນໂອແລມປິກສາກົນ ຄົບຮອບ 126 ປີ ທີ່ແຂວງສະຫວັນນະເຂດ - lattana banner 1 - ລາວສະຫລອງວັນໂອແລມປິກສາກົນ ຄົບຮອບ 126 ປີ ທີ່ແຂວງສະຫວັນນະເຂດ
ລາວສະຫລອງວັນໂອແລມປິກສາກົນ ຄົບຮອບ 126 ປີ ທີ່ແຂວງສະຫວັນນະເຂດ - lattana banner - ລາວສະຫລອງວັນໂອແລມປິກສາກົນ ຄົບຮອບ 126 ປີ ທີ່ແຂວງສະຫວັນນະເຂດ
ລາວສະຫລອງວັນໂອແລມປິກສາກົນ ຄົບຮອບ 126 ປີ ທີ່ແຂວງສະຫວັນນະເຂດ -    AD conten website - ລາວສະຫລອງວັນໂອແລມປິກສາກົນ ຄົບຮອບ 126 ປີ ທີ່ແຂວງສະຫວັນນະເຂດ
error: Alert: ເນື້ອຫາຂ່າວມີລິຂະສິດ !!