ນາຍົກລັດຖະມົນຕີ ຫວຽດນາມ ຫງວຽນຊວັນຟຸກ ຊີ້ນຳການຕ້ານພະຍາດໂຄວິດ-19 ທີ່ລະບາດຢູ່ ນະຄອນ ດານັງ

ນາຍົກລັດຖະມົນຕີ ຫວຽດນາມ ຫງວຽນຊວັນຟຸກ ຊີ້ນຳການຕ້ານພະຍາດໂຄວິດ-19 ທີ່ລະບາດຢູ່ ນະຄອນ ດານັງ - 174233 - ນາຍົກລັດຖະມົນຕີ ຫວຽດນາມ ຫງວຽນຊວັນຟຸກ ຊີ້ນຳການຕ້ານພະຍາດໂຄວິດ-19 ທີ່ລະບາດຢູ່ ນະຄອນ ດານັງ

ຕໍ່ໜ້າສະພາບການລະບາດຂອງພະຍາດໂຄວິດ-19 ຢູ່ຫວຽດນາມໃນຂະນະນີ້, ທ່ານນາຍົກລັດຖະມົນຕີຫວຽດນາມເນັ້ນຊີ້ນຳບໍ່ໃຫ້ໂລກລະບາດໜັກ ແລະ ແຜ່ລາມເປັນວົງກວ້າງໄປກວ່ານີ້ ໃນ ນະຄອນດານັງ ແລະ ທ້ອງຖິ່ນຕ່າງໆຕື່ມອີກ.

ຕອນເຊົ້າວັນທີ 27 ກໍລະກົດ, ໃນຂະນະທີ່ກ່າວໄຂກອງປະຊຸມຄະນະສະເພາະກິດລະດັບຊາດເພື່ອປ້ອງກັນ, ສະກັດກັ້ນໂລກລະບາດໂຄວິດ – 19 ທີ່ພົບເຫັນຜູ້ຕິດເຊື້ອລາຍໃໝ່ກໍລະນີທີ 416 ຢູ່ທີ່ນະຄອນດ່ານັງນັ້ນ, ທ່ານນາຍົກລັດຖະມົນຕີຫວຽດນາມ ຫງວຽນຊວັນຟຸກ ໄດ້ຊີ້ນຳໃຫ້ກະຊວງສາທາລະນະສຸກ ແລະ ນະຄອນ ດານັງ ເປັນເຈົ້າການໃນການຈັດຕັ້ງຜັນຂະຫຍາຍມາດຕະການທີ່ຈຳເປັນເພື່ອສະກັດກັ້ນການແຜ່ລະບາດ, ເປັນເຈົ້າການຈໍາກັດ, ກໍານົດບໍລິເວນ, ເພີີ່ມທະວີພະນັກງານເຂົ້າປະຈໍາການຢູ່ນະຄອນດານັງ.

ໃນຕອນບ່າຍວັນທີ 26 ກໍລະກົດ, ຫ້ອງວ່າການລັດຖະບານ ໄດ້ມີແຈ້ງການດ່ວນເຖິງຄະນະກຳມະການປະຊາຊົນນະຄອນ ດານັງ, ກະຊວງຖະແຫຼງຂ່າວ, ການສື່ສານ, ກະຊວງວິທະຍາສາດ ແລະ ເຕັກໂນໂລຊີ, ກະຊວງສາທາລະນະສຸກ ເພີ່ມທະວີວຽກງານປ້ອງກັນ, ຕ້ານໂລກລະບາດໂຄວິດ-19. ທ່ານນາຍົກລັດຖະມົນຕີຫວຽດນາມ ຫງວຽນຊວັນຟຸກ ໄດ້ຮຽກຮ້ອງໃຫ້ຄະນະກຳມະການປະຊາຊົນນະຄອນດານັງ ເລັ່ງຜັນຂະຫຍາຍບັນດາຄຳສັ່ງຊີ້ນຳຂອງນາຍົກລັດຖະມົນຕີ ຫງວຽນຊວັນຟຸກ ກ່ຽວກັບວຽກງານປ້ອງກັນ ແລະ ຕ້ານໂລກລະບາດໂຄວິດ-19 ເມື່ອວັນທີ 25 ກໍລະກົດ ໃຫ້ເຂັ້ມງວດ.

ທ່ານນາຍົກລັດຖະມົນຕີໄດ້ຮຽກຮ້ອງໃຫ້ກະຊວງທີ່ກ່ຽວຂ້ອງ ໃຫ້ການຊ່ວຍເຫຼືອແກ່ນະຄອນດານັງ, ໂດຍສະເພາະແມ່ນຍູ້ແຮງການນຳໃຊ້ເຕັກໂນໂລຊີ, ຂໍ້ມູນຂ່າວສານເພື່ອຊອກຫາຜູ້ຕິດເຊື້ອໂຄວິດ-19 ໃຫ້ກວ້າງຂວາງຢູ່ນະຄອນດານັງ, ໂດຍສະເພາະແມ່ນບັນດາກໍລະນີມີຄວາມສ່ຽງຕິດຕໍ່, ນັບທັງນັກທ່ອງທ່ຽວ. ກະຊວງສາທາລະນະສຸກຕ້ອງໜູນກຳລັງໄປຊ່ວຍນະຄອນ ດານັງ, ເພີ່ມທະວີກຳລັງຄວາມສາມາດໃນການວິໄຈ, ປິ່ນປົວ; ສືບສວນ, ຕິດຕາມກວດກາໂລກລະບາດ, ໂດຍສະເພາະແມ່ນບັນດາເປົ້າໝາຍ ແລະ ເຂດທີ່ມີຄວາມສ່ຽງສູງ.

ນາຍົກລັດຖະມົນຕີ ຫວຽດນາມ ຫງວຽນຊວັນຟຸກ ຊີ້ນຳການຕ້ານພະຍາດໂຄວິດ-19 ທີ່ລະບາດຢູ່ ນະຄອນ ດານັງ - Wave100S AD to Website 2020 0 - ນາຍົກລັດຖະມົນຕີ ຫວຽດນາມ ຫງວຽນຊວັນຟຸກ ຊີ້ນຳການຕ້ານພະຍາດໂຄວິດ-19 ທີ່ລະບາດຢູ່ ນະຄອນ ດານັງ

ຕໍ່ໜ້າສະພາບການໂລກລະບາດມີການຜັນແປໄປຢ່າງສັບສົນ ແລະ ຍາກທີ່ຈະຄາດຄະເນລ່ວງໜ້າໄດ້ນັ້ນ, ວັນທີ 27 ກໍລະກົດ, ທ່ານນາຍົກລັດຖະມົນຕີຫວຽດນາມ ຫງວຽນຊວັນຟຸກ ໄດ້ຊີ້ນໍານະຄອນດານັງ ໝູນໃຊ້ມາດຕະການຮັກສາໄລຍະຫ່າງທາງສັງຄົມຕາມຄໍານສັ່ງເລກທີ 19, ລົງວັນທີ 24 ເມສາ 2020 ຂອງນາຍົກລັດຖະມົນຕີ ກ່ຽວກັບບັນດາມາດຕະການປ້ອງກັນ, ສະກັດກ້ັນໂລກລະບາດໂຄວິດ – 19 ໃນສະພາບການໃໝ່ຢູ່ທ້ອງຖິ່ນທີ່ມີຄວາມສ່ຽງສູງ. ມາດຕະການດັ່ງກ່າວ ຈະເລີ່ມປະຕິບັດແຕ່ເວລາ 00 ໂມງ 00 ນາທີ ຂອງວັນທີ 28 ກໍລະກົດເປັນຕົ້ນໄປ ແລະ ແກ່ຍາວຢ່າງໜ້ອຍ 14 ວັນ, ລວມທັງການໃສ່ຜ້າອັດປາກ – ອັດດັງຢູ່ສະຖານທີ່ສາທາລະນະ ແລະ ພາຫະນະສາທາລະນະ.

ຂ່າວ: ລູກເມືອງພວນ(ແຫຼ່ງຂ່າວ baothoidai)

ນາຍົກລັດຖະມົນຕີ ຫວຽດນາມ ຫງວຽນຊວັນຟຸກ ຊີ້ນຳການຕ້ານພະຍາດໂຄວິດ-19 ທີ່ລະບາດຢູ່ ນະຄອນ ດານັງ - WhatsApp Image 2020 05 27 at 5 - ນາຍົກລັດຖະມົນຕີ ຫວຽດນາມ ຫງວຽນຊວັນຟຸກ ຊີ້ນຳການຕ້ານພະຍາດໂຄວິດ-19 ທີ່ລະບາດຢູ່ ນະຄອນ ດານັງ
error: Alert: Content is protected !!