ທ້າຍອາທິດນີ້ຝົນຍັງສືບຕໍ່ຕົກຢູ່ທົ່ວທຸກພາກຂອງລາວ

ທ້າຍອາທິດນີ້ຝົນຍັງສືບຕໍ່ຕົກຢູ່ທົ່ວທຸກພາກຂອງລາວ - 302 1 - ທ້າຍອາທິດນີ້ຝົນຍັງສືບຕໍ່ຕົກຢູ່ທົ່ວທຸກພາກຂອງລາວ
ທ້າຍອາທິດນີ້ຝົນຍັງສືບຕໍ່ຕົກຢູ່ທົ່ວທຸກພາກຂອງລາວ - Untitled design - ທ້າຍອາທິດນີ້ຝົນຍັງສືບຕໍ່ຕົກຢູ່ທົ່ວທຸກພາກຂອງລາວ

ກົມ​ອຸຕຸນິຍົມ ​ແລະ ອຸ​ທົກ​ກະສາ​ດ ​ໃຫ້​ຮູ້​ວ່າ: ​ໃນ​ວັນ​ທີ 27-29 ກໍລະກົດ​ນີ້ ຄວາມ​ກົດ​ດັນ​ອາກາດ​ຕໍ່າ​ຂອງ​ອາກາດ​ຮ້ອນ​ຈະ​ມີ​ກຳລັງ​ອ່ອນ​ຫາ​ປານ​ກາງ​ປົກ​ຄຸມ​ຢູ່​ທົ່ວ​ທຸກ​ພາກ​ຂອງ​ປະ​ເທດ​​ເຮົາ, ສົມທົບ​ກັບ​ລົມ​ມໍ​ລະ​ສຸມ​ຕ​​າ​ເວັນ​ຕົກ​ສຽງ​ໃຕ້​ພັດ​ປົກ​ຄຸມ​ເປັນ​ສ່ວນ​ໃຫຍ່ ​ເຊິ່ງຈະ​ເຮັດ​ໃຫ້​ອາກາດ​ຮ້ອນ ​ແລະ ມີ​ຝົນຕົກ​ຟ້າຮ້ອງ​ຟ້າ​ເຫລື້ອມ​ໃນ​ລະດັບ​ຄ່ອຍ​ຢູ່​ແຕ່​ລະ​ພາກ. ຈາກ​ນັ້ນວັນ​ທີ 30 ກໍລະກົດ ຫາ 2 ສິງຫາ ລົມ​ມໍ​ລະ​ສຸມ​ຕາ​ເວັນ​ຕົກ​ສຽງ​ໃຕ້​ຈະ​ມີ​ກຳລັງ​ປານ​ກາງຫາ​ແຮງ​ພັດ​ປົກ​ຄຸມ​ເປັນ​ສ່ວນ​ໃຫຍ່ ​ເຊິ່ງຈະ​ເຮັດ​ໃຫ້​ມີ​ຝົນຕົກ​ຟ້າຮ້ອງ​ຟ້າ​ເຫລື້ອມ​ໃນ​ລະດັບ​ຄ່ອຍ​ເປັນ​ບໍລິ​ເວນ​ກວ້າງ ​ແລະ ຕົກ​ປານ​ກາງຫາ​ຕົກ​ໜັກ​ຢູ່​ບາງ​ທ້ອງ​ຖິ່ນ​ແຂວງ​ພາກ​ເໜືອ​ລົງ​ຫາ​ພາກ​ກາງ ​ແລະ ພາກ​ໃຕ້ ພ້ອມ​ຈະ​ມີ​ລົມ​ພັດ​ແຮງ​ເປັນ​ບາງ​ໂອກາດ.

ສຳລັບ​ສະພາບ​ອາກາດ​ໃນ​ແຕ່​ລະ​ພາກ: ພາກ​ເໜືອ​ດ້ານ​ຕາ​ເວັນ​ອອກ ​ໃນ​ວັນ​ທີ 27-29 ກໍລະກົດ ມີ​ຝົນຕົກ​ຟ້າຮ້ອງ​ຟ້າ​​ເຫລື້ອມ​ໃນ​ລະດັບ​ຄ່ອຍ​ຢູ່​ເກືອບ​ທົ່ວ​ໄປ ​ແລະ ຕົກ​ປານ​ກາງ ພ້ອມ​ມີ​ລົມ​ພັດ​ແຮງ​ຢູ່​ບາງ​ທ້ອງ​ຖິ່ນ​ແຂວງ​ຜົ້ງສາລີ, ຫົວພັນ ​ແລະ ຊຽງ​ຂວາງ. ຈາກ​ນັ້ນວັນ​ທີ 30 ກໍລະກົດ ຫາ 2 ສິງຫາ ຝົນ​ຍັງ​ຈະ​ສືບ​ຕໍ່​ຕົກ​ເປັນ​ບໍລິ​ເວນ​ກວ້າງຕື່ມ​ອີກ. ອຸນຫະພູມ​ຕໍ່າ​ສຸດ 19-21 ອົງສາ ​ແລະ ສູງ​ສຸດ 31-33 ອົງສາ. ພາກ​ເໜືອ​ດ້ານ​ຕາ​ເວັນ​ຕົກ ​ໃນ​ວັນ​ທີ 27-30 ກໍລະກົດ ອາກາດ​ຮ້ອນ ​ແລະ ມີ​ຝົນຕົກ​ຟ້າຮ້ອງ​ຟ້າ​ເຫລື້ອມ​ໃນ​ລະດັບ​ຄ່ອຍ​ເປັນ​ບໍລິ​ເວນ​ກວ້າງ ​ແລະ ຕົກ​ປານ​ກາງ ພ້ອມ​ມີ​ລົມ​ພັດ​ແຮງ​ຢູ່​ບາງ​ທ້ອງ​ຖິ່ນ​ເປັນ​ບາງ​ໂອກາດ​ຢູ່​ແຂວງ​ຫລວງ​ນ້ຳທາ, ບໍ່​ແກ້ວ, ອຸດົມ​ໄຊ, ຫລວງ​ພະ​ບາງ ​ແລະ ​ໄຊ​ຍະ​ບູລີ. ຈາກ​ນັ້ນວັນ​ທີ 31 ກໍລະກົດ – 2 ສິງຫາ ຈະ​ມີ​ຝົນຕົກ​ຫລາຍ​ຂຶ້ນ. ອຸນຫະພູມ​ຕໍ່າ​ສຸດ 21-24 ອົງສາ ​ແລະ ສູງ​ສຸດ 36-38 ອົງສາ. ພາກ​ກາງ ​ໃນ​ວັນ​ທີ 27-29 ກໍລະກົດ ອາກາດ​ຮ້ອນ ​ແລະ ຈະ​ມີ​ຝົນຕົກ​ຟ້າຮ້ອງ​ຟ້າ​ເຫລື້ອມ​ໃນ​ລະດັບ​ຄ່ອຍ. ຈາກ​ນັ້ນວັນ​ທີ 30 ກໍລະກົດ – 2 ສິງຫາ ຈະ​ມີ​ຝົນຕົກ​ໃນ​ລະດັບ​ຄ່ອຍ​ເປັນ​ບໍລິ​ເວນ​ກວ້າງ ​ແລະ ຕົກ​ປານ​ກາງຫາ​ຕົກ​ໜັກ ພ້ອມ​ຈະ​ມີ​ລົມ​ພັດ​ແຮງ​ຢູ່​ບາງ​ທ້ອງ​ຖິ່ນ​ແຂວງ​ວຽງ​ຈັນ, ບໍລິ​ຄຳ​ໄຊ, ຄຳ​ມ່ວນ ​ແລະ ສະຫວັນ​ນະ​ເຂດ. ອຸນຫະພູມ​ຕໍ່າ​ສຸດ 25-27 ອົງສາ ​ແລະ ສູງ​ສຸດ 34-36 ອົງສາ. ສະ​ເພາະ​ແຂວງ​ໄຊ​ສົມບູນ, ​ເຂດ​ຫລັກ 20, ​ເມືອງ​ວຽງ​ທອງ ​ແລະ ​ເມືອງ​ນາ​ກາຍ ​ໃນ​ວັນ​ທີ 27 ກໍລະກົດ – 2 ສິງຫາ ຈະ​ມີ​ເຝື້ອປົກ​ຄຸມ​ເປັນ​ສ່ວນ​ຫລາຍ ​ແລະ ຈະ​ມີ​ຝົນຕົກ​ຟ້າຮ້ອງ​ຟ້າ​ເຫລື້ອມ​ໃນ​ລະດັບ​ຄ່ອຍ​ຫາ​ຕົກ​ປານ​ກາງ​ຢູ່​ທົ່ວ​ໄປ ​ແລະ ຕົກ​ໜັກ ພ້ອມ​ຈະ​ມີ​ລົມ​ພັດ​ແຮງ​ເປັນ​ບາງ​ໂອກາດ​ຢູ່​ບາງ​ບໍລິ​ເວນ. ອຸນຫະພູມ​ຕໍ່າ​ສຸດ 17-19 ອົງສາ ​ແລະ ສູງ​ສຸດ 27-29 ອົງສາ. ພາກ​ໃຕ້ ​ໃນ​ວັນ​ທີ 27-29 ກໍລະກົດ ອາກາດ​ຮ້ອນ ​ແລະ ຈະ​ມີ​ຝົນຕົກ​ຟ້າຮ້ອງ​ຟ້າ​ເຫລື້ອມ​ໃນ​ລະດັບ​ຄ່ອຍ​ຢູ່​​ເກືອບ​ທົ່ວ​ໄປ. ຈາ​ກນັ້ນວັນ​ທີ 30 ກໍລະກົດ – 2 ສິງຫາ ຈະ​ມີ​ຝົນຕົກ​ໃນ​ລະດັບ​ຄ່ອຍ​ຫາ​ປານ​ກາງ ​ແລະ ຕົກ​ໜັກ ພ້ອມ​ມີ​ລົມ​ພັດ​ແຮງ​ເປັນ​ບາງ​ໂອກາດ​ຢູ່​ບາງ​ທ້ອງ​ຖິ່ນ​ແຂວງ​ສາລະ​ວັນ, ຈຳປາ​ສັກ, ​ເຊ​ກອງ ​ແລະ ອັດ​ຕະປື. ອຸນຫະພູມ​ຕໍ່າ​ສຸດ 24-25 ອົງສາ ​ແລະ ສູງ​ສຸດ 35-36 ອົງສາ. ສະ​ເພາະ​ເຂດ​ພູ​ພຽງ​ບໍລະ​ເວນ ຈະ​ມີ​​ເຝື້ອປົກ​ຄຸມ​ເປັນ​ສ່ວນ​ຫລາຍ, ຈະ​ມີ​ຝົນຕົກ​ຟ້າຮ້ອງ​ຟ້າ​ເຫລື້ອມ​ໃນ​ລະດັບ​ຄ່ອຍ​ຫາ​ປານ​ກາງ ​ແລະ ຕົກ​ໜັກ ພ້ອມ​ຈະ​ມີ​ລົມ​ພັດ​ແຮງ​ເປັນ​ບາງ​ໂອກາດ​ຢູ່​ບາງ​ບໍລິ​ເວນ. ອຸນຫະພູມຕໍ່າ​ສຸດ 13-15 ອົງສາ ​ແລະ ສູງ​ສຸດ 25-27 ອົງສາ. ສຳລັບ​ຢູ່​ນະຄອນຫລວງ​ວຽງ​ຈັນ ​ໃນ​ວັນ​ທີ 27-30 ກໍລະກົດ ອາ​ກາດ​ຮ້ອນ​, ມີ​ເຝື້ອຂະຫຍາຍຕົວ​ຫລາຍ​ຂຶ້ນ​ໃນ​ຕອນ​ບ່າຍ ​ແລະ ຈະ​ມີ​ຝົນຕົກ​ຟ້າຮ້ອງ​ຟ້າ​ເຫລື້ອມ​ໃນ​ລະດັບ​ຄ່ອຍ​ເປັນ​ບໍລິ​ເວນ​ກວ້າງ. ຈາກນັ້ນວັນ​ທີ 30 ກໍລະກົດ – 2 ສິງຫາ ຈະ​ມີ​ຝົນຕົກ​ປານ​ກາງຫາ​ຕົກ​ໜັກ ພ້ອມ​ມີ​ລົມ​ພັດ​ແຮງ​ຢູ່​ບາງ​ບໍລິ​ເວນ​ໃນ​ຕອນ​ບ່າຍ​ຫາ​ຕອນ​ກາງຄືນ. ອຸນຫະພູມ​ຕໍ່າ​ສຸດ 24-26 ອົງສາ ​ແລະ ສູງ​ສຸດ 33-36 ອົງສາ.

ທ້າຍອາທິດນີ້ຝົນຍັງສືບຕໍ່ຕົກຢູ່ທົ່ວທຸກພາກຂອງລາວ - Wave100S AD to Website 2020 0 - ທ້າຍອາທິດນີ້ຝົນຍັງສືບຕໍ່ຕົກຢູ່ທົ່ວທຸກພາກຂອງລາວ

ກົມ​ອຸຕຸນິຍົມ ​ແລະ ອຸ​ທົກ​ກະສາດ ຍັງ​​ເຕືອນ​ວ່າ: ​ໃນ​ວັນ​ທີ 29 ກໍລະກົດ – 2 ສິງຫາ ລົມ​ມໍ​ລະ​ສຸມ​ຕາ​ເວັນ​ຕົກ​ສຽງ​ໃຕ້​ຈະ​ມີ​ກຳລັງ​ແຮງ​ເພີ່ມ​ຂຶ້ນພັດ​ປົກ​ຄຸມ​ເປັນ​ສ່ວນ​ໃຫຍ່ ​ເຊິ່ງຈະ​ເຮັດ​ໃຫ້​ເກີດ​ມີ​ຝົນຕົກ​ຟ້າຮ້ອງ​ຟ້າ​ເຫລື້ອມ​ໃນ​ລະດັບ​ຄ່ອຍ​ເປັນ​ບໍລິ​ເວນ​ກວ້າງ ​ແລະ ຕົກ​ປານ​ກາງຫາ​ຕົກ​ໜັກ ​ແລະ ມີ​ລົມ​ພັດ​ແຮງ​ຢູ່​ບາງ​ທ້ອງ​ຖິ່ນ​ແຂວງ​ພາກ​ເໜືອ​ລົງ​ຫາ​ພາກ​ກາງ ​ແລະ ພາກ​ໃຕ້. ດັ່ງນັ້ນ ຈຶ່ງ​ແຈ້ງ​ເຕືອນ​ໃຫ້​ປະຊາຊົນ​ບັນດາ​ເຜົ່າ ​ແລະ ອົງການ​ປົກຄອງ​ທຸກ​ຂັ້ນຈົ່ງ​ມີ​ສະຕິ​ຕໍ່​ສະພາບ​ຝົນຕົກ​ໜັກ, ຝົນຕົກ​ສະ​ສົມ ​ແລະ ຈະ​ມີ​ລົມ​ພັດ​ແຮງ​ທີ່​ອາດ​ຈະ​ເກີດ​ນ້ຳຖ້ວມ​ຊຸ ​ແລະ ດິນ​ເຈື່ອນ​ເກີດ​ຂຶ້ນ​ໄດ້ ພ້ອມ​ໃຫ້​ຕິດຕາມ​ຂ່າວ​ພະຍາກອນ​ອາກາດ​ຈາກ​ກົມ​ອຸຕຸນິຍົມ ​ແລະ ອຸ​ທົກ​ກະສາ​ດຢ່າງ​ຕໍ່​ເນື່ອງ.

ທ້າຍອາທິດນີ້ຝົນຍັງສືບຕໍ່ຕົກຢູ່ທົ່ວທຸກພາກຂອງລາວ - WhatsApp Image 2020 05 27 at 5 - ທ້າຍອາທິດນີ້ຝົນຍັງສືບຕໍ່ຕົກຢູ່ທົ່ວທຸກພາກຂອງລາວ
ທ້າຍອາທິດນີ້ຝົນຍັງສືບຕໍ່ຕົກຢູ່ທົ່ວທຸກພາກຂອງລາວ - WhatsApp Image 2020 05 27 at 5 - ທ້າຍອາທິດນີ້ຝົນຍັງສືບຕໍ່ຕົກຢູ່ທົ່ວທຸກພາກຂອງລາວ
error: Alert: ເນື້ອຫາຂ່າວມີລິຂະສິດ !!