ນາຍົກລັດຖະມົນຕີຢ້ຽມຢາມພື້ນຖານການຜະລິດ ຢູ່ນະຄອນຫລວງວຽງຈັນ ແລະແຂວງວຽງຈັນ

- advert banner 728 90 728x90 - ນາຍົກລັດຖະມົນຕີຢ້ຽມຢາມພື້ນຖານການຜະລິດ ຢູ່ນະຄອນຫລວງວຽງຈັນ ແລະແຂວງວຽງຈັນ

ໃນວັນທີ 20 ມິຖຸນາ 2017, ທ່ານ ທອງລຸນ ສີສຸລິດ ນາຍົກ ລັດຖະມົນຕີ ພ້ອມຄະນະໄດ້ລົງ ເຄື່ອນໄຫວຢ້ຽມຢາມ ແລະ ຊີ້ນຳ ວຽກງານຢູ່ພື້ນຖານການຜະລິດຫລາຍ ແຫ່ງເປັນ ຕົ້ນສູນຝຶກອົບຮົມເຕັກນິກກະສິກຳ ແລະ ພັດ ທະນາຊົນນະບົດ (ແຊມວນອຸນ ດົງ) ແລະ ສູນຂໍ້ມູນທີ່ນຳໃຊ້ພະລັງງານຢ່າງມີປະສິດທິພາບແຫ່ງ ສປປ ລາວ (ສູນຂໍ້ມູນ Data Center) ຢູ່ເຂດດົງ ໝາກຄາຍນະຄອນຫລວງວຽງຈັນ. ຈາກນັ້ນ, ໄດ້ສືບຕໍ່ຢ້ຽມຊົມ ສວນປູກພືດຜັກປອດສານພິດໃນເຮືອນຮົ່ມຢູ່ບ້ານຫາດໄຊ ເມືອງ ທຸລະຄົມ, ຢ້ຽມຊົມການທົດລອງລ້ຽງ ງົວຜູ້ທອມ ແລະ ງົວແມ່ປັບປຸງພັນຂອງຄອບຄົວຕົວແບບບ້ານຖິ່ນຍຸງ, ໂຮງງານຜະລິດຕະພັນຫວາຍເມືອງວຽງຄຳ, ພ້ອມທັງຢ້ຽມຢາມພົບປະກັບປະຊາຊົນບ້ານ ຫັດຖະກຳ ຈັກສານ ນາຍາງ ແລະ ປະຊາຊົນ ບ້ານແອກຊ້າງເມືອງໂພນໂຮງ ແຂວງວຽງຈັນ.

- new3 - ນາຍົກລັດຖະມົນຕີຢ້ຽມຢາມພື້ນຖານການຜະລິດ ຢູ່ນະຄອນຫລວງວຽງຈັນ ແລະແຂວງວຽງຈັນ

 

- DSC 6815 thonglun 4 300x200 - ນາຍົກລັດຖະມົນຕີຢ້ຽມຢາມພື້ນຖານການຜະລິດ ຢູ່ນະຄອນຫລວງວຽງຈັນ ແລະແຂວງວຽງຈັນ

 

+ ຮອງນາຍົກລັດຖະມົນຕີ ສອນໄຊ ສີພັນດອນ ໄຫວຢ້ຽມຢາມແຂວງຈຳປາສັກ

+ ລັດຖະມົນຕີຕ່າງປະເທດລາວສຳເລັດການຢ້ຽມຢາມສາທາລະນະລັດອາແຊັກໄບຊານ ຢ່າງເປັນທາງການ

 

ສູນຝຶກອົບຮົມເຕັກນິກກະສິກຳ ແລະ ພັດທະນາຊົນນະບົດ ແມ່ນນອນຢູ່ໃນໂຄງການພັດທະນາຊົນນະບົດແບບປະສົມປະ ສານ ຕາມແບບແຊມວນອຸນດົງ ເຊິ່ງໄດ້ຮັບການຊ່ວຍ ເຫລືອລ້າຈາກລັດຖະບານ ສ.ເກົາຫລີ ເລີ່ມແຕ່ປີ 2015-2019 ໃນມູນ ຄ່າ 14 ລ້ານກວ່າໂດລາສະຫະລັດ, ໂດຍມີເປົ້າໝາຍຈັດຕັ້ງປະຕິບັດວຽກງານຢູ່ 6 ເມືອງ, 30 ບ້ານເປົ້າໝາຍຂອງ ແຂວງ ວຽງຈັນ ແລະ ສະຫວັນນະເຂດ. ປັດຈຸບັນ ສູນດັ່ງກ່າວ ໄດ້ຮັບການກໍ່ສ້າງສຳເລັດແລ້ວ 90%, ຄາດວ່າຈະສຳເລັດສົມບູນ ແລະ ເປີດນຳໃຊ້ຢ່າງເປັນທາງການ ໃນທ້າຍປີນີ້ ໃນມູນຄ່າ 2,2 ລ້ານ ໂດລາສະຫະລັດ, ໃນໄລຍະດຳ ເນີນການກໍ່ສ້າງສູນ ຍັງໄດ້ມີການ ຝຶກອົບຮົມໃຫ້ແກ່ພະນັກງານສູນ, ການນຳບ້ານ, ການນຳແມ່ຍິງ, ລວມທັງການນຳແຊມວນອຸນ ດົງ ເກືອບ 200 ຄົນ.

- lattana 1 - ນາຍົກລັດຖະມົນຕີຢ້ຽມຢາມພື້ນຖານການຜະລິດ ຢູ່ນະຄອນຫລວງວຽງຈັນ ແລະແຂວງວຽງຈັນ

 

- DSC 6815 thonglun 5 300x200 - ນາຍົກລັດຖະມົນຕີຢ້ຽມຢາມພື້ນຖານການຜະລິດ ຢູ່ນະຄອນຫລວງວຽງຈັນ ແລະແຂວງວຽງຈັນ

 

 

ສຳລັບສູນຂໍ້ມູນ Data Center ແມ່ນໄດ້ຮັບການສະ ໜັບສະໜູນຊ່ວຍເຫລືອລ້າ ຈາກລັດຖະບານຍີ່ປຸ່ນ ຊຶ່ງປະ ກອບມີອຸປະກອນໄອທີຄົບຊຸດ ບັນຈຸໃນຕູ້ຄອນເທນເນີ, ມີ 340 Server, ຂະໜາດບັນຈຸຂໍ້ມູນໃນຮາດດິສ HDD:400 TB/40.000 GB, ອີງຕາມ ການປະເມີນເບື້ອງຕົ້ນ ແມ່ນຈະ ໄດ້ນຳໃຊ້ພຽງ 15-20% ເພື່ອບັນຈຸຂໍ້ມູນທີ່ມີໃນປັດຈຸບັນຢູ່ທົ່ວປະເທດ. ສູນຂໍ້ມູນ Data Center ມີຄວາມສາມາດສູງ ຊຶ່ງໄດ້ອອກແບບເພື່ອຮອງຮັບໃຫ້ແກ່ການນຳໃຊ້ດ້ວຍຫລາຍ ລະບົບໃນວຽກງານຄຸ້ມຄອງ-ບໍລິຫານລັດແບບທັນສະໄໝ ແລະ ຈະປະກອບ ສ່ວນສຳຄັນເຮັດໃຫ້ລະບົບບໍລິການປະຕູ ດຽວແຫ່ງຊາດໄດ້ຮັບຜົນເປັນຈິງ.

ການຢ້ຽມຢາມ ພື້ນຖານການຜະລິດໃນແຕ່ລະບ່ອນ, ທ່ານ ນາຍົກລັດຖະມົນຕີ ໄດ້ສະແດງ ຄວາມຊົມເຊີຍພ້ອມທັງຢ້ຳໃຫ້ ສືບຕໍ່ຈັດຕັ້ງປະຕິບັດທຸກໂຄງການ, ທຸກກິດຈະກຳໃຫ້ມີ ຜົນ ສຳເລັດໂດຍສະເພາະໂຄງການ ແຊມວນອຸນດົງ ຊຶ່ງໄດ້ມາສ້າງກອບນະໂຍບາຍຢູ່ປະເທດລາວ ເພື່ອເຊື່ອມໂຍງກັບວຽກງານສາມສ້າງ, ການສ້າງບ້ານທົດລອງ, ປັບປຸງຊີວິດການ ເປັນຢູ່ຂອງປະຊາຊົນເຂດຊົນນະບົດ, ສ້າງລາຍຮັບ ແລະ ອື່ນໆ ຊຶ່ງເຫັນວ່າຈະເປັນຜົນໃນການຫລຸດຜ່ອນຄວາມທຸກຍາກ ແລະ ພັດທະນາຊົນນະບົດໃຫ້ມີຄວາມຍືນຍົງໃນອະນາຄົດ.

error: Content is protected !!