ຢືດໄມ້ຜິດກົດໝາຍຈໍານວນຫລາຍຢູ່ດ່ານບໍ່ເຕັນ

- advert banner 728 90 728x90 - ຢືດໄມ້ຜິດກົດໝາຍຈໍານວນຫລາຍຢູ່ດ່ານບໍ່ເຕັນ

ເມື່ອບໍ່ດົນມານີ້, ເຈົ້າໜ້າທີ່ກອງບັນຊາການ ປກສ ເຂດເສດຖະກິດສະເພາະບໍ່ເຕັນແດນງາມ, ແຂວງຫລວງນ້ຳທາ, ສາມາດຈັບຜູ້ຂັບລົດບັນທຸກ 6 ຄັນທີ່ລັກລອບຂົນໄມ້ແປຮູບຜິດກົດໝາຍຫລາຍກວ່າ 96 ແມັດກ້ອນກຽມສົ່ງອອກໄປ ສປຈີນ ຜ່ານດ່ານບໍ່ເຕັນ.

- new3 - ຢືດໄມ້ຜິດກົດໝາຍຈໍານວນຫລາຍຢູ່ດ່ານບໍ່ເຕັນ

ເຈົ້າໜ້າທີ່ ໃຫ້ຮູ້ວ່າ: ພາຍຫລັງໄດ້ຮັບລາຍງານຈາກພົນລະເມືອງດີວ່າມີກຸ່ມຄົນຈຳນວນໜຶ່ງກຽມລັກລອບຂົນສົ່ງໄມ້ອອກໄປ ສປຈີນ ໂດຍຜ່ານດ່ານສາກົນບໍ່ເຕັນແດນງາມ ແລະ ຕໍ່ມາວັນທີ 16 ມິຖຸນາເຈົ້າໜ້າທີ່ຈຶ່ງພົບເຫັນຂະບວນລົດດັ່ງກ່າວຈຳນວນ 6 ຄັນ, ຈຶ່ງໄດ້ກວດຄົ້ນ ແລະ ພົບເຫັນໄມ້ດູ່ເປັນຕັບ, ເປັນທ່ອນ, ເປັນແຜ່ນໃຫຍ່ລວມມີບໍລິມາດຫລາຍກວ່າ 96 ແມັດກ້ອນ, ໂດຍບໍ່ມີເອກະສານໃດໆ. ຈຶ່ງໄດ້ກັກຕົວຄົນຂັບລົດບັນທຸກ ແລະ ໄມ້ດັ່ງກ່າວໄວ້ເປັນຫລັກຖານເພື່ອດໍາເນີນຄະດີຕາມລະບຽບກົດໝາຍ.

- lattana 1 - ຢືດໄມ້ຜິດກົດໝາຍຈໍານວນຫລາຍຢູ່ດ່ານບໍ່ເຕັນ

ທ້າວ ເກ ອາຍຸ 32 ປີຢູ່ບ້ານດອນໄຊ, ເມືອງໄຊ, ແຂວງອຸດົມໄຊ ແມ່ນ ໜຶ່ງໃນຜູ້ຂັບລົດບັນທຸກນີ້ໄດ້ໃຫ້ການຕໍ່ເຈົ້າໜ້າທີ່ວ່າ: ມີຄົນຈີນບໍ່ຮູ້ຊື່ ແລະ ທີ່ຢູ່ ມາຈ້າງພວກຕົນໃຫ້ຂົນໄມ້ດັ່ງກ່າວອອກໄປຈີນຜ່ານດ່ານສາກົນບໍ່ເຕັນ, ຊຶ່ງມີຄົນລາວຈໍານວນໜຶ່ງຈະໃຫ້ຄວາມສະດວກໃນການນໍາໄມ້ຜ່ານດ່ານດັ່ງກ່າວ,ໂດຍໄດ້ຮັບຄ່າຈ້າງ 3 ລ້ານກີບຕໍ່ຖ້ຽວ ແລະ ປັດຈຸບັນເຈົ້າໜ້າທີ່ພວມກໍາລັງສືບສວນຂະຫຍາຍຜົນຫາແຫລ່ງທີ່ມາຂອງໄມ້ ແລະ ຜູ້ທີ່ມີສ່ວນພົວພັນກັບການລັກລອບ ສົ່ງອອກໄມ້ດັ່ງກ່າວ, ເພື່ອນໍາຕົວມາດໍາເນີນຄະດີຕາມລະບຽບກົດໝາຍໂດຍໄວ.

error: Content is protected !!