ເກີດເຫດໄຟໄໝ້ເຮືອນປະຊາຊົນ 1 ຫລັງຢູ່ບ້ານຊຽງຢືນ ເສຍຫາຍບາງສ່ວນ

- advert banner 728 90 728x90 - ເກີດເຫດໄຟໄໝ້ເຮືອນປະຊາຊົນ 1 ຫລັງຢູ່ບ້ານຊຽງຢືນ ເສຍຫາຍບາງສ່ວນ

ບ່າຍວັນທີ 21 ມີຖຸນານີ້, ໄດ້ເກີດເຫດໄຟໄໝ້ເຮືອນປະຊາຊົນ 1 ຫລັງຢູ່ບ້ານຊຽງຢືນ, ເມືອງຈັນທະບູລີ ນະຄອນຫລວງວຽງຈັນ, ເປັນເຮືອນໄມ້ 2 ຊັ້ນ (ຊົງເຮືອນເກົ່າ) ຂອງພະນັກງານບຳນານ ເສຍຫາຍບາງສ່ວນ.

- new3 - ເກີດເຫດໄຟໄໝ້ເຮືອນປະຊາຊົນ 1 ຫລັງຢູ່ບ້ານຊຽງຢືນ ເສຍຫາຍບາງສ່ວນ

ເຈົ້າຂອງບ້ານ ໃຫ້ຮູ້ວ່າ: ປະມານ 14:00 ໂມງ, ຕົນໄດ້ເຮັດວຽກເຮືອນຢູ່ຊັ້ນລຸ່ມພຽງຄົນດຽວຕາມປົກກະຕິໃນທຸກມື້, ບໍພໍເທົ່າໃດກໍໄດ້ກິ່ນຂິວໄຟໄໝ້ອອກມາ, ຈາກນັ້ນ ໄດ້ມີຂວັນສີດຳປິວໄປທົ່ວບໍລິເວນໄກ້ຄຽງ ແລະ ມີເພື່ອນບ້ານແລ່ນມາບອກ ຈຶ່ງຮູ້ວ່າເຮືອນຕົນຖືກໄຟໄໝ້ ແລະ ຊ່ວຍກັນຂົນເຄື່ອງຂອງທີ່ຈຳເປັນອອກນອກເຮືອນຊົ່ວຄາວ. ຂະນະດຽວກັນ ໄດ້ມີປະຊາຊົນທີ່ເຫັນເຫດການໂທແຈ້ງເຈົ້າໜ້າທີ່ດັບເພີງ, ຫລັງຈາກນັ້ນ ໄດ້ນຳເອົາລົດນ້ຳຈຳນວນຫລາຍຄັນລົງຈຸດເກີດເຫດ ເພື່ອສະກັດກັ້ນໄຟໃນທັນທີ, ໂດຍໃຊ້ເວລາເກືອບ 2 ຊົ່ວໂມງ ຈຶ່ງສາມາດຄວບຄຸມໄຟໄວ້ໄດ້ ແລະ ໂຊກດີບໍ່ມີຄົນໄດ້ຮັບບາດເຈັບ ແລະ ເສຍຊີວິດ, ສ່ວນສາເຫດ ແລະ ມູນຄ່າເສຍຫາຍຈາກເຫດໄຟໄໝ້ດັ່ງກ່າວ ພວມຢູ່ໃນການສືບສວນ-ສອບສວນຂອງເຈົ້າໜ້າທີ່.

- lattana 1 - ເກີດເຫດໄຟໄໝ້ເຮືອນປະຊາຊົນ 1 ຫລັງຢູ່ບ້ານຊຽງຢືນ ເສຍຫາຍບາງສ່ວນ
error: Content is protected !!