ຄຊກລ ລະນຶກເຖິງວັນມີຜົນບັງຄັບໃຊ້ສົນທິສັນຍາຕ້ານລະເບີດລູກຫວ່ານ

- 13 - ຄຊກລ ລະນຶກເຖິງວັນມີຜົນບັງຄັບໃຊ້ສົນທິສັນຍາຕ້ານລະເບີດລູກຫວ່ານ
- AGL banner - ຄຊກລ ລະນຶກເຖິງວັນມີຜົນບັງຄັບໃຊ້ສົນທິສັນຍາຕ້ານລະເບີດລູກຫວ່ານ

ຄະນະກຳມະການຄຸ້ມຄອງແຫ່ງຊາດ ເພື່ອແກ້ໄຂບັນຫາລະເບີດບໍ່ທັນແຕກ ທີ່ຕົກຄ້າງຢູ່ ສປປ ລາວ (ຄຊກລ) ໄດ້ຖະແຫລ່ງຂ່າວ ເພື່ອລະນຶກເຖິງວັນມີຜົນບັງຄັບໃຊ້ສົນທິສັນຍາວ່າດ້ວຍການຕ້ານລະເບີດລູກຫວ່ານ ຄົບຮອບ 10 ປີ (01 ສິງຫາ 2010-01 ສິງຫາ 2020) ໃນວັນທີ 31 ກໍລະກົດ 2020 ຢູ່ນະຄອນຫລວງວຽງຈັນ, ໂດຍມີ ທ່ານ ຄໍາແພງ ໄຊສົມແພງ ລັດຖະມົນຕີ ກະຊວງແຮງງານ ແລະ ສະຫວັດດີການສັງຄົມ, ປະທານ ຄກຊລ, ທ່ານ ນາງ ລີຄາດາ ຣິກເຈີ ຜູ້ຕາງໜ້າອົງການ ສປຊ ເພື່ອການພັດທະນາ ປະຈຳລາວ ແລະ ພາກສ່ວນກ່ຽວຂ້ອງ ທັງພາຍໃນ ແລະ ຕ່າງປະເທດ ເຂົ້າຮ່ວມ.

ທ່ານ ຄຳແພງ ໄຊສົມແພງ ໄດ້ກ່າວວ່າ: ງານຖະແຫລງຂ່າວຄັ້ງນີ້, ເປັນການສະແດງເຖິງຄວາມສາມັກຄີ ແລະ ຄວາມເປັນຈິດໜຶ່ງໃຈດຽວ ໃນການປະຕິບັດພັນທະສາກົນຕໍ່ມວນມະນຸດໃນໂລກ ແນໃສ່ເຮັດໃຫ້ໂລກມີຄວາມປອດໄພຈາກລະເບີດລູກຫວ່ານ ເປັນພື້ນຖານໃຫ້ເກີດສັນຕິພາບ ແລະ ຍຸຕິຄວາມທໍ ລະມານຂອງປະຊາຊົນ ຈາກໄພຂົມຂູ່ຂອງລະເບີດລູກຫວ່ານ. ສປປ ລາວ ເປັນປະເທດທີສອງ ທີ່ໄດ້ລົງນາມໃນສົນທິສັນຍາດັ່ງກ່າວ, ຕະຫລອດຫລາຍທົດສະວັດຜ່ານມາ ສປປ ລາວ ກໍສາມາດຍາດໄດ້ຜົນສຳເລັດຫລາຍຢ່າງ ໃນການປະຕິບັດພັນທະສົນທິສັນຍາຕ້ານລະເບີດລູກຫວ່ານ ເປັນຕົ້ນ ແມ່ນໄດ້ພັດທະ ນາວິທີການສຳຫລວດຊອກຫາລະເບີດບໍ່ທັນແຕກຕົກຄ້າງ ໂດຍການປ່ຽນຈາກການກວດກູ້ທີ່ໄປຕາມການຮ້ອງຂໍຂອງປະຊາຊົນ ມາເປັນການກວດກູ້ ຕາມຈຸດຫລັກຖານຂອງລະເບີດຕົກຄ້າງ, ເຊິ່ງວິທີການດັ່ງກ່າວ ສາມາດພົບເຫັນຈຳນວນລະເບີດລູກຫວ່ານຕົກຄ້າງໄດ້ຫລາຍຂຶ້ນກວ່າເກົ່າ ເຮັດໃຫ້ການປະຕິບັດວຽກງານສຳຫລວດຊອກຫາລະເບີດຕົກຄ້າງມີປະສິດທິຜົນສູງຂຶ້ນ. ປັດຈຸບັນ  ຄຊກລ ກຳລັງຄົ້ນຄວ້າຮ່າງຄູ່ມືການກຳນົດບູລິມະສິດການສຳຫລວດ  ແລະ ກວດກູ້ລະເບີດບໍ່ທັນແຕກຂອງແຕ່ລະຂແໜງການ ເພື່ອເປັນບ່ອນອີງໃນການກຳນົດວາງແຜນສຳຫລວດ ແລະ ກວດກູ້ລະເບີດບໍ່ທັນແຕກໃນອະນາຄົດ. ນອກຈາກນັ້ນ, ຜົນສຳເລັດຕົ້ນຕໍອີກຢ່າງໜຶ່ງ ກໍແມ່ນການເຄື່ອນໄຫວໂຄສະນາທີ່ມາ ແລະ ຜົນຮ້າຍຂອງລະເບີດບໍ່ທັນແຕກ ເຮັດໃຫ້ຈຳນວນຜູ້ຖືກເຄາະຮ້າຍ ຈາກລະເບີດບໍ່ທັນແຕກຫລຸດລົງ ຈາກ 119 ຄົນ ໃນປີ 2010 ມາເປັນ 25 ຄົນ ໃນປີ 2019 ແລະ 18 ຄົນ ໃນປີ 2020.

- Wave100S AD to Website 2020 0 - ຄຊກລ ລະນຶກເຖິງວັນມີຜົນບັງຄັບໃຊ້ສົນທິສັນຍາຕ້ານລະເບີດລູກຫວ່ານ

ທ່ານ ນາງ ລີຄາດາ ຣິກເຈີ ໄດ້ກ່າວວ່າ:  ໃນຖານະທີ່ເປັນຄູ່ຮ່ວມງານທີ່ສຳຄັນຕົ້ນຕໍໃນຂະບວນການຈັດຕັ້ງປະຕິບັດສົນທິສັນຍາດັ່ງກ່າວ, ປັດຈຸບັນ ສປປ ລາວ ກຳລັງຄົ້ນຄວ້າຮ່າງແຜນພັດ ທະນາເສດຖະກິດ-ສົງຄົມສະບັບໃໝ່, ເຊິ່ງມີຄວາມຈຳເປັນທີ່ຈະຕ້ອງໄດ້ພິຈາລະນາ ເພື່ອເຊື່ອມສານເອົາວຽກງານແກ້ໄຂບັນຫາລະເບີດບໍ່ທັນແຕກ ເຂົ້າເປັນສ່ວນໜຶ່ງໃນແຜນດັ່ງກ່າວ, ແນໃສ່ເຮັດໃຫ້ການແກ້ໄຂບັນຫາລະເບີດບໍ່ທັນແຕກ ຕິດພັນກັບຍຸດທະສາດການພັດທະນາແບບຍືນຍົງ ເພື່ອຮັບປະກັນໃຫ້ຊີວິດຂອງປະຊາຊົນປອດໄພ ຈາກລະເບີດບໍ່ທັນແຕກ ແລະ ເພື່ອສິດໂອກາດສະເໝີພາບຂອງທຸກໆຄົນ.

- WhatsApp Image 2020 05 27 at 5 - ຄຊກລ ລະນຶກເຖິງວັນມີຜົນບັງຄັບໃຊ້ສົນທິສັນຍາຕ້ານລະເບີດລູກຫວ່ານ
- WhatsApp Image 2020 05 27 at 5 - ຄຊກລ ລະນຶກເຖິງວັນມີຜົນບັງຄັບໃຊ້ສົນທິສັນຍາຕ້ານລະເບີດລູກຫວ່ານ
- WhatsApp Image 2020 05 27 at 5 - ຄຊກລ ລະນຶກເຖິງວັນມີຜົນບັງຄັບໃຊ້ສົນທິສັນຍາຕ້ານລະເບີດລູກຫວ່ານ
- WhatsApp Image 2020 05 27 at 5 - ຄຊກລ ລະນຶກເຖິງວັນມີຜົນບັງຄັບໃຊ້ສົນທິສັນຍາຕ້ານລະເບີດລູກຫວ່ານ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: Content is protected !!