ການລະເມີດກົດຈະລາຈອນມີແຜ່ຫລາຍ

- advert banner 728 90 728x90 - ການລະເມີດກົດຈະລາຈອນມີແຜ່ຫລາຍ

ປັດຈຸບັນສະພາບການລະເມີດລະບຽບກົດຈະລາຈອນຂອງນັກຂັບຂີ່ມີລັກສະນະເພີ່ມຂຶ້ນ ເຊັ່ນ: ລ່ວງໄຟອໍານາດ, ເມົາແລ້ວຂັບ, ຂັບລົດໄວ, ລ່ວງປ້າຍຫ້າມ, ລົດບໍ່ຮັບປະກັນດ້ານເຕັກນິກ ແລະ ອື່ນໆ, ອັນໄດ້ກໍ່ໃຫ້ເກີດຄວາມບໍ່ເປັນລະບຽບຮຽບຮ້ອຍໃນສັງຄົມ ແລະ ອຸປະຕິເຫດຕາມມາ, ດັ່ງກໍລະນີອຸປະຕິເຫດທີ່ເກີດຂຶ້ນເມື່ອຄໍ່າຄືນຂອງວັນທີ 20 ມິຖຸນາຜ່ານມາ, ໂດຍລົດໃຫຍ່ຄັນໜຶ່ງແລ່ນມາຕາມຖະໜົນໄກສອນ ພົມວິຫານ ແຕ່ທາງປະຕູໄຊເພື່ອມຸ້ງໜ້າໄປທາງໂພນເຄັງ, ເມື່ອມາຮອດສີ່ແຍກໄຟແດງບ້ານໂພນສະອາດຈຶ່ງໄດ້ຕໍາທ້າຍລົດຈັກຄັນໜຶ່ງທີ່ແລ່ນມາຕາມເສັ້ນທາງດຽວກັນຢ່າງແຮງ, ເຮັດໃຫ້ແມ່ລູກທີ່ຂັບຂີ່ລົດຈັກໄດ້ຮັບບາດເຈັບສາຫັດ ແລະ ລົດໃຫຍ່ຄູ່ກໍລະນີພະຍາຍາມເອົາຕົວລົບໜີ, ແຕ່ໂຊກດີມີພົນລະເມືອງດີໄດ້ຂີ່ລົດໄລ່ຕາມໄປ, ທັງບີບແກເຕືອນໃຫ້ຢຸດລົດ ແລະ ສຸດທ້າຍກໍໄປຮອດເຮືອນຜູ້ຂັບລົດໃຫຍ່ຄັນດັ່ງກ່າວຢູ່ບ້ານໂພນພະເນົາ, ເມືອງໄຊເສດຖາ, ເຊິ່ງຫ່າງຈາກຈຸດເກີດເຫດປະມານ 3-4 ກິໂລແມັດ ແລະ ພາຍຫລັງເຈົ້າໜ້າທີ່ລົງກວດກາຈຸດເກີດເຫດ ຮູ້ວ່າ: ຜູ້ຂັບລົດໃຫຍ່ຊື່ທ້າວ ວົງຕາວັນ ອາຍຸ 65 ປີອາຊີບພະນັກງານ, ຢູ່ບ້ານໂພນພະເນົາ ແລະ ມີອາການມືນເມົາແຮງແລ້ວຂັບລົດຈົນເຮັດໃຫ້ເກີດອຸປະຕິເຫດດັ່ງກ່າວ. ຊຶ່ງນັບເປັນອຸທາຫອນເຕືອນສັງຄົມໃຫ້ມີສະຕິໃນການໃຊ້ລົດໃຊ້ຖະໜົນ, ອັນສໍາຄັນຕ້ອງເອົາໃຈໃສ່ເຄົາລົບລະບຽບຈະລາຈອນໃຫ້ເຂັ້ມງວດ ເພື່ອບໍ່ໃຫ້ເກີດອຸປະຕິເຫດຕາມມາ.

- new3 - ການລະເມີດກົດຈະລາຈອນມີແຜ່ຫລາຍ
- lattana 1 - ການລະເມີດກົດຈະລາຈອນມີແຜ່ຫລາຍ
error: Content is protected !!