ສະຫລຸບບັນຫາໜ້າສົນໃຈທົ່ວໂລກວັນທີ 1 ສິງຫາ 2020

- AGL banner - ສະຫລຸບບັນຫາໜ້າສົນໃຈທົ່ວໂລກວັນທີ 1 ສິງຫາ 2020
  1. ລັດຖະບານ​ອາ​ເມ​ລິ​ກາ ​ໄດ້​ປະກາດຂໍ້​ຕົກລົງ​ມູນ​ຄ່າ 2,1 ພັນ​ລ້ານ​ໂດ​ລາ​ກັບ 2 ບໍລິສັດ​ດ້ານ​ການ​ຢາ​ຄື Sanofi ຂອງຝຣັ່ງ ​ແລະ GSK ຂອງ​ອັງກິດ ​ເພື່ອ​ໃຫ້​ພວກ​ເຂົາ​ຊ່ວຍ​ພັດທະນາ​ວັກ​ແຊງ COVID-19.

ຂໍ້​ຕົກລົງ​ດັ່ງກ່າວ​ປະກອບ​ມີ​ວັກ​ແຊງ 100 ລ້ານ​ເຂັມ ​ແລະ ຕົວ​ເລກ​ທີ່​ພວກ​ເຂົາ​ຈະ​ສາມາດ​ສັ່ງ​ຊື້​ເພີ່ມ​ໄດ້​ອີກ​ເຖິງ 500 ລ້ານ​ເຂັມ ຖື​ເປັນ​ຂໍ້​ຕົກລົງ​​ໃຫຍ່​ທີ່​ສຸດ​ຂອງ​ອາ​ເມ​ລິ​ກາ. ຫລັງ​ຈາກ​ຕົວ​ເລກ​ຜູ້​ຕິດ​ເຊື້ອພາຍ​ໃນ​ປະ​ເທດ​ເພີ່ມ​ສູງ​ເຖິງ 4,5 ລ້ານ​ຄົນ.

​ເຖິງ​ຢ່າງ​ໃດ​ກໍ​ຕາມ, ​ເລື່ອງ​ນີ້​ກຳລັງ​ເປັນ​ຂໍ້​ກັງວົນ​ສຳລັບ​ຫລາຍໆ​ປະ​ເທດ​ໃນ​ທາງ​ຂອງ​ການ​ກັກ​ກັນ​ຕົວຢ່າງ​ຢາ​ປິ່ນປົວ​ພະຍາດ ​ໂດຍ​ສະ​ເພາະ​ປະ​ເທດ​ທຸກ​ຍາກ​ທີ່​ບໍ່​ສາມາດ​ຈ່າຍ​ເງິນ​ແພງໆ​ເພື່ອ​ຊື້ວັກ​ແຊງ​ໄດ້.

  1. ຝ່າຍ​ບໍລິຫານ​ຂອງ ທຣຳ ສັ່ງ​ຫ້າມ​ການ​ໃຊ້​ງານ TikTok ທັງ​ໝົດ​ພາຍ​ໃນ​ອາ​ເມ​ລິ​ກາ ​ເຊິ່ງ Application ດັ່ງກ່າວ​ກຳລັງ​ເປັນ 1 ​ໃນ​ແອັບ​ພລິ​ເຄຊັນ​ແຊ​ວີ​ດີ​ໂອ​ທີ່​ໄດ້​ຮັບ​ຄວາມ​ນິຍົມ​ສູງ​ສຸດ​ພາຍ​ໃນ​ປະ​ເທດ​ຂອງ​ພວກ​ເຂົາ.

ກ່ອນ​ໜ້າ​ນີ້ ມີ​ຂ່າວ​ອອກ​ມາ ທຣຳ ​ໄດ້​ສັ່ງ​ໃຫ້ ByteDance ປົດ​ຕົນ​ເອງ​ອອກ​ຈາກ​ການ​ເປັນ​ເຈົ້າຂອງ TikTok ຢູ່​ອາ​ເມ​ລິ​ກາ ​ເຊິ່ງ Microsoft ລະບຸ​ວ່າ​ຕົນ​ເອງ​ກຳລັງ​ເປັນ​ຜູ້​ທີ່​ສົນ​ໃຈ​ຊື້ກິດ​ຈະ​ການ​ນີ້.

​ແລະ ​ເມື່ອ​ບໍ່​ດົນ​ມາ​ນີ້ ​ໄດ້​ມີ​ຂ່າວ​ອອກ​ມາ​ວ່າ ທຣຳ ປ່ຽນ​ໃຈ​ເປັນ​ການ​ສັ່ງ​ຫ້າມ TikTok ທັງ​ໝົດ​ພາຍ​ໃນ​ອາ​ເມ​ລິ​ກາ​ແທນ.

TikTok ​ໄດ້​ຮັບ​ການກວດ​ສອບ​ຂໍ້​ມູນ​ຈິງ​ຢູ່​ວໍ​ຊິງ​ຕັນ ​ເນື່ອງ​ຈາກ​ຂໍ້​ກັງວົນ​ດ້ານ​ຄວາມ​ປອດ​ໄພ ​ແລະ ການ​ເປັນ​ສ່ວນ​ຕົວ​ຂອງ​ຊາວ​ອາ​ເມ​ລິ​ກາ ວ່າ​ບໍລິສັດ​ທີ່​ປະ​ເທດ​ຈີນ​ເປັນ​ເຈົ້າຂອງ​ໄດ້​ໃຊ້​ການ​ເຂົ້າ​ເຖິງ​ຂໍ້​ມູນ​ສ່ວນ​ຕົວ​ຂອງ​ພວກ​ເຂົາ ​ແລະ ກາຍ​ເປັນ​ສື່​ກະ​ແສ​ຫລັກ​ທີ່​ມີ​ອິດ​ທິພົນ​ຫລາຍ ​ໂດຍ​ສະ​ເພາະ​ໃນ​ໄວ​ໜຸ່ມ​ຊາວ​ອາ​ເມ​ລິ​ກາ.

  1. GDP ຂອງ​ປະ​ເທດ​ໃນ​ເຂດ​ສະຫະພາບ​ເອີຣົບຫລຸດ​ລົງ​ສະ​ເລ່ຍ 12,1% ​ເມື່ອ​ທຽບ​ໃສ່​ໄຕ​ມາດ (Q/Q) ​ໂດຍ​​ແອັສປາຍ​ໄດ້​ຮັບ​ຜົນ​ກະທົບ​ໜັກ​ທີ່​ສຸດ​ເຮັດ​ໃຫ້ GDP ຫລຸດ​ລົງ 18,5%. ຂະນະ​ທີ່ GDP ຂອງຝຣັ່ງ, ອິຕາ​ລີ, ​ເຢຍລະ​ມັນ ຫລຸດ​ລົງ 13,8%, 12,4% ​ແລະ 10,1% ຕາມ​ລຳດັບ.

ມາດ​ຕະການ Furlough schemes ​ເຊິ່ງລັດຖະບານ​ຈະ​ຈ່າຍ​ເງິນ​ເດືອນ 80% ຂອງ​ຈຳນວນ​ເງິນ​ເດືອນ​ປົກກະຕິ​ໃຫ້​ແກ່​ລູກຈ້າງ​ຂອງ​ບໍລິສັດ​ຕ່າງໆ​ໄດ້​ປ້ອງ​ກັນ​ບໍ່​ໃຫ້​ອັດຕາ​ວ່າງ​ງານ​ເພີ່ມ​ສູງ​ຂຶ້ນອີກ ​ໂດຍ Unemployment Rate ຂອງ​ພວກ​ເຂົາ​ຢູ່​ປະມານ 7,8% ​ເຊິ່ງ​ເພີ່ມ​ຂຶ້ນ​ເລັກ​ໜ້ອຍ​ເທົ່າ​ນັ້ນຈາກ​ປີ​ກ່ອນ.

​ເມື່ອ​ມາດ​ຕະການ​ເຫລົ່າ​ນີ້​ໝົດ​ລົງ ຜູ້​ຊ່ຽວຊານ ​ແລະ ນັກວິ​ເຄາະ​ຫລາຍ​ຄົນ​ກຳລັງ​ຊອກ​ຫາ​ກະ​ແສກ​ານ​ເລີກ​ຈ້າງ​ຄັ້ງ​ໃຫຍ່​ທີ່​ກຳລັງ​ຈະ​ຕາມ​ມາ.

  1. Carrie Lam ຜູ້​ບໍລິຫານ​ສູງ​ສຸດ​ຂອງ​ຮົງ​ກົງ​ໄດ້​ປະກາດ​ເລື່ອນ​ການ​ເລືອກ​ຕັ້ງສະພາ​ນິຕິບັນຍັດ​ຂອງ​ເມືອງ​ອອກ​ໄປ 1 ປີ ​ເຊິ່ງ​ເມື່ອ​ກ່ອນ​​ມີ​ກຳນົດ​ຈະ​ຈັດ​ຂຶ້ນ​ໃນ​ເດືອນ​ກັນຍາ​ປີ​ນີ້ ​ໂດຍ​ນາງ​ກ່າວ​ໂທດ​ການລະບາດ​ຂອງ COVID-19.

​ເຖິງ​ຢ່າງ​ໃດ​ກໍ​ຕາມ, ນັກ​ວິຈານ​ກ່າວ​ຫາ​ນາງ​ໃນ​ເລື່ອງ​ຂອງ​ການ​ຂັດຂວາງ​ການຈັດຕັ້ງກຸ່ມ​ສະໜັບສະໜູນ​ປະຊາທິປະ​ໄຕ​ພາຍ​ໃນ​ເມືອງ. ຂະນະ​ທີ່​ສື່​ຈີນ​ລາຍ​ງານ​ວ່າ: ລັດຖະບານ​ກາງຂອງ​ປັກ​ກິ່ງ​ກຳລັງ​ພິຈາລະນາ​ຈະ​ອອກ​ໝາຍ​ຈັບ​ນັກ​ເຄື່ອນ​ໄຫວ 6 ຄົນ ​ເຊິ່ງໜີ​ອອກ​ດິນ​ແດນ​ໄປ​ແລ້ວ.

- Wave100S AD to Website 2020 0 - ສະຫລຸບບັນຫາໜ້າສົນໃຈທົ່ວໂລກວັນທີ 1 ສິງຫາ 2020
  1. ສານ​ອຸທອນ​ອາ​ເມ​ລິ​ກາ ​ໄດ້​ກັບ​ຄຳ​ພິພາກສາ​ຂອງ​ພວກ​ເຂົາ​ຕໍ່ Dzhokhar Tsarnaev ຜູ້​ເຊິ່ງຖືກ​ຕັດສິນ​ໂທດ​ວ່າ​ເປັນ​ຜູ້​ວາງ​ລະ​ເບີດ​ໃນ​ງານ Boston Marathon ​ເມື່ອ 2 ປີ​ກ່ອນ ​ໂດຍ​ຄະນະ​ຜູ້​ຕັດສິນ 3 ຄົນ​ພົບ​ວ່າ​ຜູ້​ພິພາກສາ ​ເຊິ່ງ​ເປັນ​ປະທານ​ໃນ​ຄະດີບໍ່​ໄດ້​ຕັດສິນ​ລູກ​ຂຸນ​ຢ່າງ​ຖີ່​ຖ້ວນ.

​ເຫດການ​ລະ​ເບີດ​ຄັ້ງນັ້ນ​ໄດ້​ຂ້າ​ຊີວິດ​ຄົນ​ໄປ 3 ຄົນ ​ແລະ ບາດ​ເຈັບ​ອີກ​ຢ່າງ​ໜ້ອຍ 260 ຄົນ.

​ເຖິງ​ຢ່າງ​ໃດ​ກໍ​ຕາມ, ປັດຈຸບັນ Dzhokhar Tsarnaev ຍັງ​ຕ້ອງ​ໃຊ້​ຊີວິດ​ຢູ່​ຄຸກ ຈົນ​ກວ່າ​ຈະ​ມີ​ຄຳ​ຕັດສິນ​ຂອງ​ສານ​ດີກາ​ອອກ​ມາ.

  1. James Murdoch ຫລ້າ​ສຸດ​ຈາກ​ຄະນະ​ຜູ້​ບໍລິຫານ​ຂອງ News Corp ​ເຊິ່ງ​ເປັນ​ກຸ່ມ​ຂອງ​ອານາຈັກ​ສື່​ຍັກ​ໃຫຍ່​ລະດັບ​ໂລກ​ຄື Wall Street Journal ​ແລະ Fox News ​ໂດຍ​ໃຫ້​ເຫດຜົນ​ເຖິງ​ການ​ບໍ່​ເຫັນ​ພ້ອມ​ຂອງ​ທ່ານ​ຕໍ່​ເນື້ອ​ໃນ​ຂອງບັນນາທິການ.

(ຄວາມ​ຈິງ​ແລ້ວ​ເປັນ​ທີ່​ຮູ້​ກັນ​ດີ​ວ່າ​ລາວ​ບໍ່ພໍ​ໃຈ​ກ່ຽວ​ກັບ​ການ​ລາຍ​ງານ​ຂ່າວ​ທີ່​ສະໜັບສະໜູນ​ປະທານາທິບໍດີ ​ໂດ​ນັລ ທຣຳ ລວມທັງ​ຂ່າວ​ເລື່ອງ​ການ​ປ່ຽນ​ແປງ​ຂອງ​ສະພາບ​ອາກາດ).

Murdoch ຄັ້ງໜຶ່ງ​ເຄີຍ​ເປັນ​ຄົນ​ທີ່​ກຳລັງ​ຈະ​ຖືກ​ຄັດ​ເລືອກ​ໃຫ້​ເປັນ​ປະທານ​ຂອງ New Corp ​ເຊິ່ງສ້າງຕັ້ງ​ໂດຍ Rupert ພໍ່​ຂອງ​ລາວ.

  1. Nvidia ບໍລິສັດ​ເຕັກ​ໂນ​ໂລ​ຊີ​ຍັກ​ໃຫຍ່​​ແຫ່ງ​ໜຶ່ງ​ຂອງ​ອາ​ເມ​ລິ​ກາ ​ໄດ້​ລາຍ​ງານ​ວ່າ​ພວກ​ເຂົາ​ກຳລັງ​ເຈລະຈາ​ຂໍຊື້ກິດຈະການ​ຂອງ Arm ບໍລິສັດ​ຜູ້​ຜະລິດ​ຊິ​ບຂອງ​ອັງກິດ​ທີ່​ມີ​ອັດຕາ​ສ່ວນ​ຜູ້​ໃຊ້​ເຖິງ 70% ຂອງ​ປະຊາກອນ​ໂລກ ຕັ້ງຖິ່ນ​ຖານ​ຢູ່ Silicon Fen ປະ​ເທດ​ອັງກິດ ​ໂດຍ​ບໍລິ​ເວນ​ດັ່ງກ່າວ​ຢູ່​ອ້ອມ​ຮອບ​ເມືອງ Cambridge ​ເຊິ່ງ​ເປັນ​ທີ່ຕັ້ງຂອງກຸ່ມ​ບໍລິສັດ​ເຕັກ​ໂນ​ໂລ​ຊີ​ຫລາຍ​ແຫ່ງ.

ກ່ອນ​ໜ້າ​ນີ້​ໃນ​ປີ 2016 ບໍລິສັດ Arm ​ເຄີຍ​ຖືກຊື້ກິດຈະການ​ດ້ວຍ​ມູນ​ຄ່າ 3,2 ໝື່ນ​ລ້ານ​ໂດ​ລາ ​ໂດຍ SoftBank ​ເຊິ່ງ​ເປັນ​ບໍລິສັດ​ຂອງ​ຍີ່ປຸ່ນ​ທີ່​ເນັ້ນລົງທຶນ​ທາງ​ດ້ານ​ເຕັກ​ໂນ​ໂລ​ຊີ.

ຖ້າ​ການ​ເຈລະຈາ​ເພື່ອ​ລວມກິດຈະການ​ຄັ້ງນີ້​ປະສົບ​ຜົນສຳ​ເລັດ ຄາດ​ວ່າ​ຈະ​ຊ່ວຍ​ໃຫ້​ຖານະ​ຂອງ Nvidia ​ເຊິ່ງ​ເປັນ​ຜູ້​ຜະລິດ Semiconductors ​ໃຫຍ່​ທີ່​ສຸດ​ຂອງ​ອາ​ເມ​ລິ​ກາ​ແຂງ​ແກ່ນ​ຂຶ້ນ​ໄປ​ອີກ.

- WhatsApp Image 2020 05 27 at 5 - ສະຫລຸບບັນຫາໜ້າສົນໃຈທົ່ວໂລກວັນທີ 1 ສິງຫາ 2020
- WhatsApp Image 2020 05 27 at 5 - ສະຫລຸບບັນຫາໜ້າສົນໃຈທົ່ວໂລກວັນທີ 1 ສິງຫາ 2020
- WhatsApp Image 2020 05 27 at 5 - ສະຫລຸບບັນຫາໜ້າສົນໃຈທົ່ວໂລກວັນທີ 1 ສິງຫາ 2020
- WhatsApp Image 2020 05 27 at 5 - ສະຫລຸບບັນຫາໜ້າສົນໃຈທົ່ວໂລກວັນທີ 1 ສິງຫາ 2020
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: Content is protected !!