ເປັນຫຍັງ ຄົນທຸກຈຶ່ງເຂົ້າຄຸກງ່າຍກວ່າຄົນລວຍ ?

- 16 - ເປັນຫຍັງ ຄົນທຸກຈຶ່ງເຂົ້າຄຸກງ່າຍກວ່າຄົນລວຍ ?
- AGL banner - ເປັນຫຍັງ ຄົນທຸກຈຶ່ງເຂົ້າຄຸກງ່າຍກວ່າຄົນລວຍ ?

​ເປັນ​ຫຍັງ​ຄຸກ​ຈຶ່ງ​ມີ​ແຕ່​ຄົນ​ທຸກ ​ເປັນ​ຫຍັງ​ຄົນ​ລວຍ​ຈຶ່ງ​ມັກ​ຈະ​ຫລຸດ​ພົ້ນຄວາມ​ຜິດ ​ແລະ ​ເປັນ​ຫຍັງ​ຂະ​ບວນການ​ຍຸຕິ​ທຳ​ບໍ່​ຍຸຕິ​ທຳ ?

  1. ຄຳ​ກ່າວ​ທີ່​ວ່າ: “ຄຸກ​ມີ​ໄວ້​ຂັງ​ຄົນ​ທຸກ” ບໍ່​ໄດ້​ຈຳກັດ​ຢູ່​ສະ​ເພາະ​ປະ​ເທດ​ໃດ​ປະ​ເທດ​ໜຶ່ງ ​ແຕ່​ເປັນ​ສິ່ງ​ທີ່​ເກີດ​ຂຶ້ນທົ່ວ​ໂລກ ​ເຖິງ​ວ່າ​ຈະ​ບໍ່​ເອີ້ນ​ວ່າ​ເປັນ​ຂໍ້​ມູນ​ຄວາມ​ຈິງ ​ແຕ່​ເປັນ​ເລື່ອງ​ທີ່​ເກີດ​ຂຶ້ນ​ແທ້ໆ​ທົ່ວ​ໂລກ.
  2. ບໍ່​ໄດ້​ໝາຍ​ຄວາມ​ວ່າ ຄົນ​ລວຍ​ເຮັດ​ຜິດ​ແລ້ວ​ລອດ​ຄຸກ ​ແຕ່​ເພາະ​ຄົນ​ລວຍ​ມີ​ໂອກາດ​ເຮັດ​ຄວາມ​ຜິດ​ໜ້ອຍ​ກວ່າ​ຄົນ​ທຸກ ຄວາມ​ຜິດ​ຕາມ​ກົດໝາຍ​ທີ່​ຄົນ​ທຸກ​ໄດ້​ກະທຳ ບໍ່​ແມ່ນ​ເພາະ​ພວກ​ເຂົາ​ເປັນ​ຄົນ​ບໍ່​ດີ ​ແຕ່​ເພາະ​ລະບົບ​ໃນ​ສັງຄົມ​ມັນ​ບໍ່​ດີ ນີ້​ຄື​ປາກົດການ​ທີ່​ເອີ້ນ​ວ່າ: criminalization of poverty ຫລື ການ​ເຮັດ​ໃຫ້​ຄົນ​ທຸກ​ເປັນ​ອາດຊະຍາ​ກຳ.
  3. ຕົວຢ່າງ​ຢູ່​ອາ​ເມ​ລິ​ກາ ມີ​ລາຍ​ງານ​ໂດຍ​ສະ​ຖາ​ບັນ Brokings Institution ພົບ​ວ່າ ​ເດັກ​ຜູ້​ຊາຍ​ທີ່​ເກີດ​ໃນ​ຄອບຄົວ​ທຸກ​ທີ່​ສຸດ 10% ມີ​ໂອກາດ​ຈະ​ຕິດ​ຄຸກ​ຫລາຍ​ກວ່າ​ເດັກ​ໃນ​ຄອບຄົວ​ລວຍ​ທີ່​ສຸດ 10% ສູງ​ເຖິງ 20 ​ເທົ່າ ​ໂດຍ​ຈະ​ຕິດ​ຄຸກ​ໃນ​ຊ່ວງ​ໃດ​ກໍ​ໄດ້​ກ່ອນ​ອາຍຸຮອດ 30 ປີ.
  4. ຈາກ​ຂໍ້​ມູນ​ຂອງ Prison Policy Initiative ພົບ​ວ່າ ຄົນ​ທີ່​ເຂົ້າຄຸກ​ມີ​ລາຍ​ໄດ້​ສະ​ເລ່ຍ 19,18 ​ໂດ​ລາ​ສະຫະລັດ​ຕໍ່​ປີ ​ຫລື -41% ໜ້ອຍ​ກວ່າ​ຄົນ​ໃນ​ກຸ່ມ​ອາຍຸ​ດຽວ​ກັນ. ໝາຍ​ຄວາມ​ວ່ານັກ​ໂທດ​ຄື​ກຸ່ມ​ຄົນ​ທີ່​ທຸກ​ທີ່​ສຸດ​ໃນ​ສັງຄົມ.
  5. ອົງ​ກອນ Equal justice under law ​ເຊິ່ງຕໍ່ສູ້​ເພື່ອ​ຄວາມ​ເທົ່າ​ທຽມ​ກັນ​ທາງ​ກົດໝາຍ​ຂອງ​ຄົນ​ຊົນຊັ້ນຕ່າງໆ ຈຶ່ງ​ກ່າວ​ວ່າ: “ຄົນ​ທີ່​ປະສົບ​ກັບ​ຄວາມທຸກ​ຍາກ​ມີ​ຄວາມ​ສ່ຽງ​ສູງ​ຈະ​ຖືກ​ຈັບ​ກຸມ ​ແລະ ຖືກ​ຈອງ​ຈຳ ​ເພາະ​ຄວາມ​ຜິດ​ເລັກ​ໜ້ອຍ ຫລາຍ​ກວ່າ​ຄົນ​ອາ​ເມ​ລິ​ກາ​ທີ່​ມີ​ຢູ່​ມີ​ກິນ​ຫລາຍ​ກວ່າ”.
  6. ບັນຫາ​ເລື່ອງ “ລວຍ​ກະ​ຈຸກ ຈົນ​ກະຈາຍ” ​ເປັນສາ​ເຫດ​ໜຶ່ງ​ທີ່​ບີບ​ໃຫ້​ຄົນ​ອາ​ເມ​ລິ​ກາ​ທີ່​ທຸກ​ຍາກ​ຕ້ອງ​ເຮັດ​ຜິດ​ກົດໝາຍ. ​ໃນ​ລາຍ​ງານ​ພິ​ເສດ​ແຫ່ງ​ສະຫະ​ປະຊາ​ຊາດ​ວ່າ​ດ້ວຍ​ຄວາມທຸກ​ຍາກ ​ແລະ ສິດທິ​ມະນຸດ​ໄດ້​ຂໍ້​ສະຫລຸບ​ໃນ​ລາຍ​ງານ​ຫລ້າ​ສຸດ​ວ່າ: ອາ​ເມ​ລິ​ກາ “​ເປັນ​ຜູ້ນຳ​ຂອງ​ໂລກ​ທີ່​ພັດທະນາ​ແລ້ວ​ໃນ​ເລື່ອງ​ຄວາມ​ບໍ່​ເທົ່າ​ທຽມ​ຂອງ​ລາຍ​ໄດ້ ​ແລະ ຄວາມ​ໝັ້ນຄົງ ​ແລະ ຕອນ​ນີ້​ ອາ​ເມ​ລິ​ກາ​ຍິ່ງ​ເຮັດ​ໃຫ້​ປະຊາຊົນ​ຕົນ​ເອງ​ເກີດ​ຄວາມ​ບໍ່​ເທົ່າ​ທຽມ​ກັນ​ໜັກ​ຂຶ້ນ”.
  7. ການ​ບັງຄັບ​ໃຊ້​ກົດໝາຍ​ທີ່​ເຂັ້ມງວດ​ເກີນ​ໄປ​ເປັນສາ​ເຫດ​ທີ່​ຕິດຕາມ​ມາ ຢູ່​ອາ​ເມ​ລິ​ກາ. ຍົກ​ຕົວຢ່າງ: ຄວາມ​ຜິດ​ຫຸ​ໂທດ (​ໂທດ​ເບົາ) ​ເຊັ່ນ: ​ເຈົ້າຂອງ​ລົດ​ທີ່​ເປັນ​ຄົນ​ທຸກ​ຕ້ອງ​ອາ​ໄສ​ລົດ​ໃນ​ການ​ເຮັດ​ຢູ່​ຫາ​ກິນ ຕໍ່​ມາ​ໄຟ​ຕາ​ທ້າຍ​ເພ ​ແຕ່​ລາວ​ບໍ່​ມີ​ເງິນ​ປ່ຽນ ​ເຮັດ​ໃຫ້​ລາວ​ຖືກ​ປັບ​ໄໝ (ດ້ວຍ​ຄ່າ​ປັບ​ທີ່​ເພີ່ມ​ຂຶ້ນ​ໃນ​ຫລາຍ​ລັດ) ​ແຕ່​ເພາະ​ລາວ​ທຸກ​ຈຶ່ງ​ບໍ່​ມີ​ເງິນ​ຈ່າຍ​ຄ່າ​ປັບ​ໄໝ ​ເຮັດ​ໃຫ້​ຕ້ອງ​ຖືກ​ຍຶດ​ໃບ​ຂັບ​ຂີ່.
  8. ຄົນ​ອາ​ເມ​ລິ​ກາ​ທີ່​ທຸກ​ຍາກ​ເມື່ອ​ຖືກ​ຍຶດ​ໃບ​ຂັບ​ຂີ່​ກໍ​ຫາ​ກິນ​ບໍ່​ໄດ້ ​ເຮັດ​ໃຫ້​ຖືກ​ບີບ​ໃຫ້​ຕ້ອງ​ເລືອກ​ວ່າ​ຈະ​ຕ້ອງ​ຫາ​ວຽກ​ໃໝ່ ຫລື ສ່ຽງ​ຂັບ​ລົດ​ຕໍ່​ໄປ​ໂດຍ​ບໍ່​ມີ​ໃບ​ຂັບ​ຂີ່ ​ແຕ່​ຖ້າ​ຖືກ​ຈັບ​ຈະ​ຕ້ອງ​ຕິດ​ຄຸກ. ນີ້​ຄື​ສະຖານະ​ການ​ທີ່​ກົດໝາຍ​ບີບ​ບັງຄັບ​ໃຫ້​ຄົນ​ທຸກ​ຕ້ອງ​ເຮັດ​ຜິດ​ກົດໝາຍ ​ແລະ ​ເປັນສາ​ເຫດ​ວ່າ​ເປັນ​ຫຍັງ ອາ​ເມ​ລິ​ກາ​ຈຶ່ງ​ມີ​ຕົວ​ເລກ​ນັກ​ໂທດ​ສູງ​ທີ່​ສຸດ​ໃນ​ໂລກ.
  9. ຢູ່​ອາ​ເມ​ລິ​ກາ​ຍັງ​ມີ​ຄວາມ​ຮ້າຍ​ແຮງ​ເລື່ອງ​ໜຶ່ງ ຄື​ການ​ຮ່ວມ​ມື​ກັນ​ລະຫວ່າງ​ນັກ​ການ​ເມືອງ ​ແລະ ທຸລະ​ກິດ​ດ້ານ​ຄວາມ​ປອດ​ໄພ​ຜ່ານ​ອົງ​ກອນ ALEC ກຸ່ມ​ນັກ​ການ​ເມືອງ​ຈະ​ອອກ​ກົດໝາຍ​ທີ່​ເອື້ອອຳນວຍ​ຕໍ່​ທຸລະ​ກິດ​ກຸ່ມ​ນີ້ ​ເຊິ່ງຮັບ​ສຳ​ປະທານ​ເບິ່ງ​ແຍງ​ຄຸກ. ກົດໝາຍ​ຢູ່​ອາ​ເມ​ລິ​ກາ​ສ້າງ​ອອກ​ມາ​ເພື່ອ​ຈັບ​ຄົນ​ເຮັດ​ຜິດ​ເຂົ້າຄຸກ​ໃຫ້​ຫລາຍ​ທີ່​ສຸດ ​ເຖິງ​ວ່າ​ຈະ​ເປັນ​ໂທດ​ເລັກໆ​ນ້ອຍໆ​ກໍ​ບໍ່​ເວັ້ນ.
  10. ຜົນ​ກໍ​ຄື ອາ​ເມ​ລິ​ກາ​ເຕັມ​ໄປ​ດ້ວຍ​ຄຸກ ​ແລະ ຄຸກ​ເຕັມ​ໄປ​ດ້ວຍ​ນັກ​ໂທດ ​ແລະ ສ່ວນ​ຫລາຍ​ຄື​ຄົນ​ທຸກ​ທີ່​ຖືກ​ບີບ​ໃຫ້​ເຮັດ​ຄວາມ​ຜິດ (​ແນ່ນອນ​ວ່າ​ມີ​ຄົນ​ເຮັດ​ຜິດ​ໂດຍ​ສັນດານ​ຢູ່​ນຳ) ​ແຕ່​ຜູ້​ທີ່​ໄດ້​ຮັບປະ​ໂຫຍ​ດຄື​ທຸລະ​ກິດ​ຄຸກ ​ແລະ ນັກ​ການ​ເມືອງ. ກໍລະນີ​ນີ້​ເອີ້ນ​ວ່າ Prison-industrial complex ຫລື ການ​ພົວພັນ​ລະຫວ່າງ​ຄຸກ ​ແລະ ອຸດສາຫະກຳ ທີ່​ຂະ​ແໜງ​ທຸລະ​ກິດ​ຫາ​ກິນ​ກັບ​ການ​ຈັບ​ຄົນ​ເຂົ້າຄຸກ​ຫລາຍໆ.
  11. ດັ່ງນັ້ນ ​ເຮົາ​ຈຶ່ງ​ເຫັນ​ຄວາມ​ພະຍາຍາມ​ທີ່​ຈະ​ໃຫ້​ລັດຖະບານ​ອາ​ເມ​ລິ​ກາ​ຫລຸດ​ງົບປະມານ​ດ້ານ​ຄຸກ​ລົງ ​ແລະ ຫລຸດ​ງົບປະມານ​ໃຫ້​ຕຳຫລວດ ​ເພາະ​ຕຳຫລວດ​ມີ​ທ່າ​ອ່ຽງທີ່​ຈະ​ລົງ​ໂທດ​ຄົນ​ທຸກ​ຢ່າງ​ຮຸນ​ແຮງ. ຈາກ​ນັ້ນ​ແກ້​ໄຂ​ກົດໝາຍ​ທີ່​ເປີດ​ຊ່ອງ​ວ່າ​ງທຳຮ້າຍ​ຄົນ​ທຸກ ​ແລ້ວ​ທຸ້ມງົບປະມານ​ເພື່ອ​ຍົກ​ລະດັບ​ຄຸນ​ນະພາ​ບຊີວິດ​ຄົນ​ທຸກ ​ໃຫ້ການ​ສຶກສາ ​ແລະ ​ໂອກາດ​ໃນ​ຊີວິດ ​ເພື່ອ​ຈະ​ເຮັດ​ໃຫ້​ພວກ​ເຂົາ​ປິດ​ໂອກາດ​ຈະ​ເຮັດ​ຄວາມ​ຜິດ​ເພາະ​ຄວາມ​ທຸກ​ບັງຄັບ.
- Wave100S AD to Website 2020 0 - ເປັນຫຍັງ ຄົນທຸກຈຶ່ງເຂົ້າຄຸກງ່າຍກວ່າຄົນລວຍ ?
- WhatsApp Image 2020 05 27 at 5 - ເປັນຫຍັງ ຄົນທຸກຈຶ່ງເຂົ້າຄຸກງ່າຍກວ່າຄົນລວຍ ?
- WhatsApp Image 2020 05 27 at 5 - ເປັນຫຍັງ ຄົນທຸກຈຶ່ງເຂົ້າຄຸກງ່າຍກວ່າຄົນລວຍ ?
- WhatsApp Image 2020 05 27 at 5 - ເປັນຫຍັງ ຄົນທຸກຈຶ່ງເຂົ້າຄຸກງ່າຍກວ່າຄົນລວຍ ?
- WhatsApp Image 2020 05 27 at 5 - ເປັນຫຍັງ ຄົນທຸກຈຶ່ງເຂົ້າຄຸກງ່າຍກວ່າຄົນລວຍ ?
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: Content is protected !!