ມູນຄ່າການຄ້າລາວ-ຫວຽດນາມຫຼຸດລົງໃນ 6 ເດືອນຕົ້ນປີ 2020

ມູນຄ່າການຄ້າລາວ-ຫວຽດນາມຫຼຸດລົງໃນ 6 ເດືອນຕົ້ນປີ 2020 - Time fo an Adventure 5 - ມູນຄ່າການຄ້າລາວ-ຫວຽດນາມຫຼຸດລົງໃນ 6 ເດືອນຕົ້ນປີ 2020
ມູນຄ່າການຄ້າລາວ-ຫວຽດນາມຫຼຸດລົງໃນ 6 ເດືອນຕົ້ນປີ 2020 - 174233 - ມູນຄ່າການຄ້າລາວ-ຫວຽດນາມຫຼຸດລົງໃນ 6 ເດືອນຕົ້ນປີ 2020

ມູນຄ່າການຄ້າລາວ-ຫວຽດນາມຫຼຸດລົງ ມູນຄ່າການສົ່ງອອກ-ນຳເຂົ້າລະຫວ່າງຫວຽດນາມ ແລະ ລາວ ໃນ 6 ເດືອນຕົ້ນປີ 2020 ບັນລຸ 491,7 ລ້ານໂດລາສະຫະລັດ, ຫຼຸດລົງຖ້າທຽບໃສ່ໄລຍະດຽວກັນປີການ ຍ້ອນໄດ້ຮັບຜົນກະທົບຈາກພະຍາດໂຄວິດ-19. ທ່ານນາງ ເລທິເຟືອງຮວາ ທູດການຄ້າສະຖານທູດຫວຽດນາມ ປະຈຳ ລາວ ໃຫ້ຮູ້ວ່າ ບັນດາປະເພດສິນຄ້າສົ່ງອອກຕົ້ນຕໍຂອງຫວຽດນາມ ໄປລາວ ແມ່ນເຫຼັກ ແລະ ເຫຼັກກ້າປະເພດຕ່າງໆ, ບັນລຸ 39,7 ລ້ານໂດລາສະຫະລັດ; ບັນດາຜະລິດຕະພັນຈາກເຫຼັກ ແລະເຫຼັກກ້າ ບັນລຸ 21,2 ລ້ານໂດລາສະຫະລັດ; ຜັກ ແລະ ໝາກໄມ້ ບັນລຸ 23,6 ລ້ານໂດລາສະຫະລັດ; ນ້ຳມັນເຊື້ອໄຟ ບັນລຸ 13,65 ລ້ານໂດລາສະຫະລັດ. ບັນດາປະເພດສິນຄ້ານຳເຂົ້າຕົ້ນຕໍຈາກລາວ ລວມມີ: ຢາງພາລາ ບັນລຸ 35,18 ລ້ານໂດລາສະຫະລັດ; ໄມ້ ແລະບັນດາຜະລິດຕະພັນໄມ້ ບັນລຸ 25 ລ້ານໂດລາສະຫະລັດ; ຝຸ່ນປະເພດຕ່າງໆບັນລຸ 24 ລ້ານໂດລາສະຫະລັດ; ແຮ່ທາດ ບັນລຸ 11 ລ້ານໂດລາສະຫະລັດ. ມູນຄ່າການສົ່ງອອກ-ນຳເຂົ້າລະຫວ່າງຫວຽດນາມ ແລະລາວ ໃນ 6 ເດືອນຕົ້ນປີ 2020 ບັນລຸ 491,7 ລ້ານໂດລາສະຫະລັດ, ຫຼຸດລົງ 14,6% ເມື່ອທຽບໃສ່ໄລຍະດຽວກັນຂອງປີ 2019.

ເມື່ອບໍ່ດົນມານີ້, ທ່ານ ຄຳເຜີຍ ແກ້ວກິນນາລີ ຮອງປະທານຜູ້ປະຈຳການຄະນະກຳມະການຮ່ວມມື ລາວ-ຫວຽດນາມ ໄດ້ນຳພາຄະນະ ລົງຢ້ຽມຢາມ ແລະ ເຮັດວຽກ ເພື່ອກວດກາຕິດຕາມ ການຈັດຕັ້ງປະຕິບັດ ບັນດາກິດຈະການ, ໂຄງການນໍາໃຊ້ທຶນຊ່ວຍເຫລືອລ້າ ແລະ ໂຄງການລົງທຶນ ຈໍານວນໜຶ່ງຢູ່ ແຂວງຊຽງຂວາງ ແລະ ແຂວງຫົວພັນ. ໂອກາດນີ້, ຄະນະດັ່ງກ່າວ ໄດ້ເຂົ້າຢ້ຽມຂໍ່ານັບ ແລະ ພົບປະເຮັດວຽກກັບ ທ່ານ ບຸນຕົ້ນ ຈັນທະພອນ ເຈົ້າແຂວງຊຽງຂວາງ ແລະ ທ່ານ ພູໂຊນ ທຳມະວິໄຊ ຮອງເຈົ້າແຂວງຫົວພັນ, ເຊິ່ງການນໍາຂອງສອງແຂວງ ກໍໄດ້ແຈ້ງໃຫ້ຊາບກ່ຽວກັບ ສະພາບການພັດທະນາ ເສດຖະກິດ-ສັງຄົມ ແລະ ການພົວພັນຮ່ວມມືກັບຫວຽດນາມ ໂດຍສະເພາະແມ່ນ ການຊ່ວຍເຫລືອເຊິ່ງກັນ ແລະ ກັນ ຂອງບັນດາແຂວງແຮກສ່ຽວ ກໍຄືບັນດາແຂວງ ທີ່ມີຊາຍແດນຕິດຈອດ ກັບສອງແຂວງດັ່ງກ່າວ. ເນື່ອງຈາກການແຜ່ລະບາດ ຂອງພະຍາດໂຄວິດ-19 ໃນໄລຍະຜ່ານ ໄດ້ມາເຮັດໃຫ້ ການຈັດຕັ້ງປະຕິບັດບັນດາກິດຈະການ ແລະ ໂຄງການທີ່ນໍາໃຊ້ທຶນຊ່ວຍເຫລືອລ້າ ຈາກຫວຽດນາມເຊັ່ນ: ໂຄງການກໍ່ສ້າງໂຮງໝໍມິດຕະພາບ ແຂວງຊຽງຂວາງ ແລະ ຫົວພັນ ລວມທັງໂຄງການລົງທຶນກໍ່ສ້າງ ສະໜາມບິນໜອງຄ້າງ ຢູ່ແຂວງຫົວພັນ ບໍ່ສາມາດສໍາເລັດຕາມ ແຜນການທີ່ກຳນົດໄວ້. ເຖິງຢ່າງໃດກໍດີ, ການລົງທຶນຂອງບັນດາວິສາຫະກິດຫວຽດນາມ ຢູ່ແຂວງຊຽງຂວາງ ບັນລຸ 83 ລ້ານໂດລາສະຫະລັດ ນັບແຕ່ 2011 ຮອດປັດຈຸບັນ ແລະ ຢູ່ແຂວງຫົວພັນ ບັນລຸ 64 ລ້ານໂດລາສະຫະລັດ ນັບແຕ່ 2006 ຮອດປັດຈຸບັນ, ເຊິ່ງໄດ້ປະກອບສ່ວນອັນສໍາຄັນ ເຂົ້າໃນການພັດທະນາ ເສດຖະກິດ-ສັງຄົມ ຂອງສອງແຂວງຂອງລາວ.

ມູນຄ່າການຄ້າລາວ-ຫວຽດນາມຫຼຸດລົງໃນ 6 ເດືອນຕົ້ນປີ 2020 - Wave100S AD to Website 2020 0 - ມູນຄ່າການຄ້າລາວ-ຫວຽດນາມຫຼຸດລົງໃນ 6 ເດືອນຕົ້ນປີ 2020
ມູນຄ່າການຄ້າລາວ-ຫວຽດນາມຫຼຸດລົງໃນ 6 ເດືອນຕົ້ນປີ 2020 - WhatsApp Image 2020 05 27 at 5 - ມູນຄ່າການຄ້າລາວ-ຫວຽດນາມຫຼຸດລົງໃນ 6 ເດືອນຕົ້ນປີ 2020
ມູນຄ່າການຄ້າລາວ-ຫວຽດນາມຫຼຸດລົງໃນ 6 ເດືອນຕົ້ນປີ 2020 - WhatsApp Image 2020 05 27 at 5 - ມູນຄ່າການຄ້າລາວ-ຫວຽດນາມຫຼຸດລົງໃນ 6 ເດືອນຕົ້ນປີ 2020
ມູນຄ່າການຄ້າລາວ-ຫວຽດນາມຫຼຸດລົງໃນ 6 ເດືອນຕົ້ນປີ 2020 - WhatsApp Image 2020 05 27 at 5 - ມູນຄ່າການຄ້າລາວ-ຫວຽດນາມຫຼຸດລົງໃນ 6 ເດືອນຕົ້ນປີ 2020
ມູນຄ່າການຄ້າລາວ-ຫວຽດນາມຫຼຸດລົງໃນ 6 ເດືອນຕົ້ນປີ 2020 - WhatsApp Image 2020 05 27 at 5 - ມູນຄ່າການຄ້າລາວ-ຫວຽດນາມຫຼຸດລົງໃນ 6 ເດືອນຕົ້ນປີ 2020
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: Content is protected !!