ຄົນລາວຕ້ອງເຊີດຊູປະຫວັດສາດລາວໃຫ້ຍິ່ງໃຫ່ຍ

ຄົນລາວຕ້ອງເຊີດຊູປະຫວັດສາດລາວໃຫ້ຍິ່ງໃຫ່ຍ - Time fo an Adventure 6 - ຄົນລາວຕ້ອງເຊີດຊູປະຫວັດສາດລາວໃຫ້ຍິ່ງໃຫ່ຍ
ຄົນລາວຕ້ອງເຊີດຊູປະຫວັດສາດລາວໃຫ້ຍິ່ງໃຫ່ຍ - 174233 - ຄົນລາວຕ້ອງເຊີດຊູປະຫວັດສາດລາວໃຫ້ຍິ່ງໃຫ່ຍ

ໂດຍ: ລູກເມືອງພວນ

ການເຄື່ອນຍ້າຍພຣະບໍຣົມມະຮູບ ສົມເດັດພຣະໄຊຍະເຊດຖາທຳມິກະຣາດເຈົ້າ ໄປປະດິດສະຖານ ຢູ່ທີ່ເມືອງໄຊເຊດຖາ ແຂວງອັດຕະປື ນັບວ່າເປັນການເຊີດຊູປະຫວັດສາດລາວໃຫ້ຍິ່ງໃຫ່ຍ ແລະ ມີຄວາມໝາຍສຳຄັນໃນການສຶກສາອົບຮົມຈິດໃຈຊາດ, ຄວາມເປັນຊາດ ແລະ ຄວາມຮັກຊາດຂອງຄົນລາວທັງປວງ.

1. ກ່ອນອື່ນໝົດ ແມ່ນເປັນການສະແດງອອກຄວາມຮູ້ບຸນຄຸນຂອງປະຊາຊົນລາວທັງຊາດ ຕໍ່ຄຸນງາມຄວາມດີ ຂອງພະເຈົ້າໄຊຍະເຊດຖາທິຣາດ ທີ່ໄດ້ຕີຕ້ານສັດຕູຜູ້ຮຸກຮານ ເພື່ອປົກປັກຮັກສາ ແລະ ສ້າງສາພັດທະນາປະເທດຊາດໃຫ້ຮຸ່ງເຮືອງຈະເລີນສະໄໝໜຶ່ງໃນອະດີດ.

2. ເພື່ອໃຫ້ຄວາມຫວັງອັນແຮງກ້າຂອງປະຊາຊົນລາວທັງຊາດເວົ້າລວມ ແລະ ປະຊາຊົນຊາວອັດຕະປືເວົ້າສະເພາະ ຢາກໃຫ້ຮ່າງກາຍ ແລະ ວິນຍາຍຂອງທ່ານໄດ້ຢູ່ຄົບກັນ ໃນສະຖານທີ່ ທີ່ພະເຈົ້າທ່ານ ມໍຣະນະກຳ ທີ່ຫ້ວຍຫາດຊາຍຂາວ ເມືອງໄຊເຊດຖາ ແຂວງອັດຕະປື, ຊຶ່ງເປັນເມືອງໜຶ່ງທີ່ມີຊື່ເອີ້ນເໝືອນກັນກັບເມືອງໄຊເຊດຖາທີ່ນະຄອນຫຼວງວຽງຈັນ. ຊຶ່ງທັງສອງເມືອງນີ້ລ້ວນແຕ່ເອົາຊື່ຂອງພະທ່ານເຈົ້າມາເປັນຊື່ເມືອງຂອງຕົນ. ແຕ່ເມືອງໄຊເຊດຖາໃນນະຄອນຫຼວງວຽງຈັນເປັນບ່ອນທີ່ເພີ່ນສ້າງສາພັດທະນາ ແລະ ປະດິດສະຖານມາກ່ອນ, ສ່ວນເມືອງໄຊເຊດຖາ ແຂວງອັດຕະປື ແມ່ນເມືອງທີ່ທ່ານໄດ້ມໍຣະນະກຳ. ແຕ່ທັງສອງເມືອງນີ້ລ້ວນແຕ່ລະນຶກເຖິງບຸນຄຸນພະທ່ານເຈົ້ານັ້ນເອງ.

ຄົນລາວຕ້ອງເຊີດຊູປະຫວັດສາດລາວໃຫ້ຍິ່ງໃຫ່ຍ - Wave100S AD to Website 2020 0 - ຄົນລາວຕ້ອງເຊີດຊູປະຫວັດສາດລາວໃຫ້ຍິ່ງໃຫ່ຍ

3. ເພື່ອໃຫ້ປະຊາຊົນລາວທັງຊາດເວົ້າລວມ, ຄົນລາວຮຸ່ນໜຸ່ມເວົ້າສະເພາະ ໄດ້ຮູ້ໄວ້ຄຸນງາມຄວາມດີຂອງທ່ານໃນການຕີຕ້ານສັດຕູຜູ້ຮຸກຮານເພື່ອປົກປັກຮັກສາ ແລະ ສ້າງສາຊາດລາວໃຫ້ມີຄວາມຮຸ່ງເຮືອງສະໄໝໜຶ່ງໃນອະດີ.

4. ເພື່ອເປັນການເຊີດຊູນໍ້າໃຈຮັກຊາດ ຮັກບ້ານເກີເມືອງນອນ, ເຊີດຊູສະຕິຊາດ, ຄວາມເປັນຊາດ ແລະ ຄວາມຮັກຊາດ ຂອງຄົນລາວ ໃຫ້ນັບມື້ສູງຂຶ້ນ. ສືບທອດເອົານໍ້າໃຈຮັກຊາດອັນສູງສົ່ງຂອງທ່ານໄວ້ໃຫ້ແກ່ລູກຫຼານລາວ. ພະເຈົ້າໄຊຍະເຊດຖາທິຣາດ ນັບວ່າເປັນກະສັດລາວຄົນໜຶ່ງທີ່ມີຄວາມຮູ້ຄວາມສາມາດອັນສູງສົ່ງ ອົງອາດກ້າຫານຊານໄຊ, ມີສິລະປະຍຸດ ຍຸດທະວິທີ, ມີພິກໄຫວປັນຍາທີ່ສະຫຼາດສ່ອງໃສ ໃນສະໄໝໜຶ່ງໃນປະຫວັດສາດປົກປັກຮັກສາ ແລະ ພັດທະນາປະເທດຊາດທີ່ແສນຮັກຂອງຄົນລາວ. ທ່ານຄືຈີດວິນຍານຈອງປະຊາຊົນລາວທັງຊາດພ້ອມໆກັບພຣະມະກາກະສັດເຈົ້າຟ້າງຸ່ມຊຶ່ງເປັນອົງເຕົ້າໂຮມປະເທດຊາດລາວລ້ານຊ້າງ ແລະ ເຈົ້າອະນຸວົງ ຜູ້ຊົງອຳນາດໃນການປາບສັດຕູຜູ້ຮຸກຮານ. ທັງ 3 ພະອົງລ້ວນແຕ່ເປັນກະສັດລາວທີ່ເກັ່ງກ້າສາມາດໃນການປົກປັກຮັກສາຜືນດິນລາວ ແລະ ເຊື້ອຊາດລາວທີ່ຍັງເຫຼືອໄວ້ໃຫ້ພວກເຮົາເທົ້າທຸກວັນນີ້.

ຄົນລາວຕ້ອງເຊີດຊູປະຫວັດສາດລາວໃຫ້ຍິ່ງໃຫ່ຍ - WhatsApp Image 2020 05 27 at 5 - ຄົນລາວຕ້ອງເຊີດຊູປະຫວັດສາດລາວໃຫ້ຍິ່ງໃຫ່ຍ
ຄົນລາວຕ້ອງເຊີດຊູປະຫວັດສາດລາວໃຫ້ຍິ່ງໃຫ່ຍ - WhatsApp Image 2020 05 27 at 5 - ຄົນລາວຕ້ອງເຊີດຊູປະຫວັດສາດລາວໃຫ້ຍິ່ງໃຫ່ຍ
ຄົນລາວຕ້ອງເຊີດຊູປະຫວັດສາດລາວໃຫ້ຍິ່ງໃຫ່ຍ - WhatsApp Image 2020 05 27 at 5 - ຄົນລາວຕ້ອງເຊີດຊູປະຫວັດສາດລາວໃຫ້ຍິ່ງໃຫ່ຍ
ຄົນລາວຕ້ອງເຊີດຊູປະຫວັດສາດລາວໃຫ້ຍິ່ງໃຫ່ຍ - WhatsApp Image 2020 05 27 at 5 - ຄົນລາວຕ້ອງເຊີດຊູປະຫວັດສາດລາວໃຫ້ຍິ່ງໃຫ່ຍ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: Content is protected !!