ປູກແຂມສ້າງລາຍຮັບໃຫ້ຄອບຄົວ ທັງຊ່ວຍຮັກສາດິນ

ປູກແຂມສ້າງລາຍຮັບໃຫ້ຄອບຄົວ ທັງຊ່ວຍຮັກສາດິນ - 30 - ປູກແຂມສ້າງລາຍຮັບໃຫ້ຄອບຄົວ ທັງຊ່ວຍຮັກສາດິນ
ປູກແຂມສ້າງລາຍຮັບໃຫ້ຄອບຄົວ ທັງຊ່ວຍຮັກສາດິນ - Untitled design - ປູກແຂມສ້າງລາຍຮັບໃຫ້ຄອບຄົວ ທັງຊ່ວຍຮັກສາດິນ

ການ​ປູກ​ແຂມ​ສຳລັບ​ປະຊາຊົນ​ໃນ​ເຂດ​ຊົນ​ນະ​ບົດ ມັນ​ໄດ້​ຕິດ​ພັນ​ກັບ​ການ​ດຳລົງ​ຊີວິດ​ຂອງ​ເຂົາ​ເຈົ້າມາ​ແຕ່​ດົນ​ນານ​ແລ້ວ ​ໂດຍ​ສະ​ເພາະ​ແມ່ນ​ການ​ເຮັດ​ຟອຍ​ປັດກວາດ​ເຮືອນ​ຊານ ​ແລະ ທັງ​ສາມາດ​ຂາຍ​ອອກ​ສູ່​ສັງຄົມ ​ເພື່ອ​ປະກອບສ່ວນ​ສ້າງ​ລາຍ​ຮັບ​ໃຫ້​ຄອບຄົວ ​ແລະ ທັງ​ຊ່ວຍ​ປົກ​ປັກ​ຮັກສາ​ດິນ ​ເພື່ອ​ບໍ່​ໃຫ້​ເຊາະ​ເຈື່ອນ​ອີກ​ດ້ວຍ.

ດັ່ງນັ້ນ, ​ເນື່ອງ​ຈາກ​ສະພາບ​ການ​ປ່ຽນ​ແປງ​ທາງ​ດ້ານ​ດິນ​ຟ້າ​ອາກາດ​ໄດ້​ສົ່ງ​ຜົນ​ກະທົບ​ຕໍ່​ລະບົບ​ການ​ຜະລິດ ​ແລະ ຊີວິດ​ການ​ເປັນ​ຢູ່​ຂອງ​ປະຊາຊົນ​ໃນ​ທ້ອງ​ຖິ່ນ​ຊົນນະບົດ​ເປັນ​ບໍ່​ໜ້ອຍ ​ເປັນຕົ້ນ​ແມ່ນ​ເຂດ​ເມືອງ​ພູດ​ອຍຄື: ​ເມືອງ​ເຊ​ໂປ​ນ, ​ເມືອງ​ນອງ, ວິລະ​ບູລີ ​ແຂວງ​ສະຫວັນ​ນະ​ເຂດ ​ເກີດ​ມີ​ຝົນຕົກ​ໜັກ ​ແລະ ​ແກ່ຍາວ​ຫລາຍ​ວັນ​ຕິດ​ຕໍ່​ກັນ ​ໂດຍ​ສະ​ເພາະ​ແມ່ນ​ໃນ​ລະຫວ່າງ​ເດືອນ 7, 8, 9 ​ແລະ ສົ່ງ​ຜົນ​ເຮັດ​ໃຫ້​ດິນ​ມີ​ການ​ເຊາະ​ເຈື່ອນ​ໃນ​ເຂດ​ມີ​ຄວາມ​ຄ້ອຍ​ຊັນ. ດັ່ງນັ້ນ ​ແຂວງ​ຈຶ່ງ​ມີ​ນະ​ໂຍບາຍ​ຊຸກຍູ້​ໃຫ້​ປະຊາຊົນ​ຫັນ​ມາ​ປູກ​ແຂມ ທັງ​ຊ່ວຍ​ສ້າງ​ລາຍ​ຮັບ​ໃຫ້​ປະຊາຊົນ ​ແລະ ປ້ອງ​ກັນ​ການ​ເຊາະ​ເຈື່ອນ​ຂອງ​ດິນ​ອີກ​ດ້ວຍ​ ຄື​ໃນ​ປີ 2020 ນີ້ ປະຊາຊົນ​ຊາວ​ເມືອງ​ນອງ ​ໄດ້​ທົດ​ລອງ​ປູກ​ແຂມ​ໃສ່​ດິນ​ໄຮ່, ດິນ​ສວນ​ທີ່​ດິນ​ວ່າງ​ເປົ່າ​ທີ່​ເປັນ​ເຂດ​ຄ້ອຍ​ຊັນ ບໍລິ​ເວນ​ທີ່​ມີ​ດິນ​ເຊາະ​ເຈື່ອນ ​ເພື່ອ​ປ້ອງ​ກັນ​ດິນ ​ເຊິ່ງອາດ​ເປັນ​ຜົນ​ກະທົບ​ຕໍ່​ເນື້ອທີ່​ການ​ຜະລິດ. ​ໃນ​ເວລາ​ດຽວ​ກັນ​ນີ້ ກໍ​ງ່າຍ​ຕໍ່​ການ​ເກັບ​ມ້ຽນ​ດອກ​ແຂມ​ໃນ​ພື້ນທີ່​ດິນ​ຂອງ​ຕົນ​ເອງ.

ຜູ້​ຊ່ຽວຊານ​ທາງ​ດ້ານ​ກະສິກຳ​ເປີດ​ເຜີຍ​ວ່າ: ການ​ປູກ​ແຂມ​ແມ່ນ​ມີ​ຜົນ​ດີ​ຫລາຍ ທັງ​ສາມາດ​ປ້ອງ​ກັນ​ບໍ່​ໃຫ້​ເກີດ​ມີ​ດິນ​ເຊາະ​ເຈື່ອນ ​ແລະ ຍັງ​ເປັນ​ການ​ສ້າງ​ລາຍ​ຮັບ​ໃຫ້​ແກ່​ປະຊາຊົນ​ອີກ​ດ້ວຍ ​ເນື່ອງ​ຈາກ​ຕະຫລາດ​ມີ​ຄວາມ​ຕ້ອງການ​ຫລາຍ ​ໂດຍ​ສະ​ເລ່ຍ​ເນື້ອທີ່​ປູກ​ແຂມ 1,5 ​ເຮັກຕາ ຈະ​ມີ​ລາຍ​ຮັບ​ຈາກ​ການ​ຂາຍ​ດອກ​​ແຂມ​ປະມານ 2 ລ້ານ​ກີບ/​ໂຕນ ປັດຈຸບັນ​ນີ້​ແຂມ​ໄດ້​ນຳ​ໃຊ້​ເຂົ້າ​ໃນ​ການ​ເຮັດ​ຟອຍ ​ແລະ ​ເຄື່ອງ​ຈັກສານ​ອື່ນໆ ​ເຊິ່ງສາມາດ​ຂາຍສົ່ງ​ອອກ​ໄດ້.

ປູກແຂມສ້າງລາຍຮັບໃຫ້ຄອບຄົວ ທັງຊ່ວຍຮັກສາດິນ - Wave100S AD to Website 2020 0 - ປູກແຂມສ້າງລາຍຮັບໃຫ້ຄອບຄົວ ທັງຊ່ວຍຮັກສາດິນ
ປູກແຂມສ້າງລາຍຮັບໃຫ້ຄອບຄົວ ທັງຊ່ວຍຮັກສາດິນ - WhatsApp Image 2020 05 27 at 5 - ປູກແຂມສ້າງລາຍຮັບໃຫ້ຄອບຄົວ ທັງຊ່ວຍຮັກສາດິນ
ປູກແຂມສ້າງລາຍຮັບໃຫ້ຄອບຄົວ ທັງຊ່ວຍຮັກສາດິນ - WhatsApp Image 2020 05 27 at 5 - ປູກແຂມສ້າງລາຍຮັບໃຫ້ຄອບຄົວ ທັງຊ່ວຍຮັກສາດິນ
error: Alert: ເນື້ອຫາຂ່າວມີລິຂະສິດ !!