ຈີນອອກຄຳເຕືອນສີຟ້າ ໄຕ້ຝຸ່ນ “ຊິນລາກູ” ຝົນຕົກທາງຕອນໃຕ້ຍາວຈົນຮອດວັນທີ 6 ສິງຫາ

ຈີນອອກຄຳເຕືອນສີຟ້າ ໄຕ້ຝຸ່ນ “ຊິນລາກູ” ຝົນຕົກທາງຕອນໃຕ້ຍາວຈົນຮອດວັນທີ 6 ສິງຫາ - 31 - ຈີນອອກຄຳເຕືອນສີຟ້າ ໄຕ້ຝຸ່ນ “ຊິນລາກູ” ຝົນຕົກທາງຕອນໃຕ້ຍາວຈົນຮອດວັນທີ 6 ສິງຫາ
ຈີນອອກຄຳເຕືອນສີຟ້າ ໄຕ້ຝຸ່ນ “ຊິນລາກູ” ຝົນຕົກທາງຕອນໃຕ້ຍາວຈົນຮອດວັນທີ 6 ສິງຫາ - AGL banner - ຈີນອອກຄຳເຕືອນສີຟ້າ ໄຕ້ຝຸ່ນ “ຊິນລາກູ” ຝົນຕົກທາງຕອນໃຕ້ຍາວຈົນຮອດວັນທີ 6 ສິງຫາ

ວັນ​ທີ 3 ສິງຫາ, ຫໍ​ສັງ​ເກດ​ການ​ແຫ່ງ​ຊາດ​ຂອງ​ຈີນ ອອກ​ຄຳ​ເຕືອນ​ພາຍຸ​ໄຕ້​ຝຸ່ນ​ຊິນ​ລາ​ກູ ລະດັບ​ສີຟ້າ ​ໃນ​ວັນ​ທີ 1 ສິງຫາ​ຜ່ານ​ມາ ​ເຊິ່ງອິດ​ທິພົນ​ຂອງ​ໄຕ້​ຝຸ່ນ​ຫົວ​ນີ້​ເຮັດ​ໃຫ້​ເກີດ​ລົມພາຍຸ ​ແລະ ຝົນຕົກ​ໜັກ​ໃນ​ບໍລິ​ເວນ​ຕອນ​ໃຕ້​ຂອງ​ຈີນ.

ຂະນະ​ທີ່​ສູນ​ອຸຕຸນິຍົມ​ວິທະຍາ​ແຫ່ງ​ຊາດ​ຂອງ​ຈີນ ລະບຸ​ວ່າ: ພາຍຸ​ໄຕ້​ຝຸ່ນ​ຫົວທີ 3 ຂອງ​ປີ​ຫົວ​ນີ້ ກໍ່​ຕົວ​ຮຸນ​ແຮງ​ຂຶ້ນຈາກ​ພາຍຸ​ເຂດ​ຮ້ອນ​ໃນ​ຕອນ​ບ່າຍ​ວັນ​ທີ 1 ສິງຫາ ພັດ​ຜ່ານ​ນ່ານນ້ຳບໍລິ​ເວນ​ແຄມ​ຝັ່ງ​ທາງ​ຕອນ​ໃຕ້​ຂອງ​ເມືອງ​ຊານ​ຢາ ມົນ​ຫົນ​ໄຫ່ໜານ​ທາງ​ຕອນ​ໃຕ້​ຂອງ​ຈີນ ກ່ອນ​ຈະ​ມຸ່ງ​ໜ້າ​ໄປ​ອ່າວ​ເປີ​ຍປູ້.

ສູນ​ດັ່ງກ່າວ ລະບຸ​ວ່າ: ພາຍຸ​ໄຕ້​ຝຸ່ນ​ຈະ​ເຄື່ອນ​ທີ່​ໄປ​ທາງ​ຕາ​ເວັນ​ຕົກ​ສຽງ​ເໜືອ​ຢ່າງ​ຕໍ່​ເນື່ອງ​ດ້ວຍ​ຄວາມ​ໄວ 15 ກິ​ໂລ​ແມັດ​ຕໍ່​ຊົ່ວ​ໂມງ ​ແລະ ​ເຮັດ​ໃຫ້​ເກີດ​ດິນ​ເຈື່​ອນຢູ່​ບໍລິ​ເວນ​ແຄມ​ຝັ່ງ​ຕອນ​ເໜືອ​ຂອງ​ຫວຽດນາມ​ໃນ​ຕອນ​ບ່າຍ​ວັນ​ທີ 2 ສິງຫາ​ຜ່ານ​ມາ, ຈາກ​ນັ້ນຈະ​ເລີ່​ມອ່ອນ​ກຳລັງ​ລົງ.

ຂະນະ​ດຽວ​ກັນ, ສູນ​ດັ່ງກ່າວ​ເຕືອນ​ວ່າ: ພາຍຸ​​ເຂດ​ຮ້ອນ​ອີກ​ຫົວ​ໜຶ່ງ​ທີ່ຢູ່​ທາງ​ຕາ​ເວັນ​ອອກສຽງ​ໃຕ້​ຂອງ​ມົນທົນ​ເຈີ​ຈຽງ​ໃນ​ປັດຈຸບັນ ມີ​ທ່າ​ອ່ຽງ​ເຄື່ອນ​ທີ່​ໄປ​ທາງ​ຕາ​ເວັນ​ຕົກ​ສຽງ​ເໜືອ​ດ້ວຍ​ຄວາມ​ໄວ 20 ກິ​ໂລ​ແມັດ​ຕໍ່​ຊົ່ວ​ໂມງ ​ແລະ ກໍ່​ຕົວ​ເປັນ​ໄຕ້​ຝຸ່ນ​ຫົວທີ 4 ພາຍ​ໃນ​ເວລາ 24 ຊົ່ວ​ໂມງ.

ສູນ​ດັ່ງກ່າວ​ຄາດ​ວ່າ​ພາຍຸ​ໄຕ້​ຝຸ່ນ​ຫົວທີ 4 ຈະ​ພັດ​ຂຶ້ນບໍລິ​ເວນ​ແຄມ​ຝັ່ງ​ຂອງ​ເຈີ​ຈຽງ ​ແລະ ຝູຈ້ຽນ​ໃນ​ຄືນ​ວັນ​ທີ 3 ສິງຫາ ກ່ອນ​ຈະ​ອ່ອນ​ກໍາລັງ​ລົງ​ໃນ​ອີກ​ບໍ່​ດົນ

ນັບ​ແຕ່​ແລງ​ວັນ​ທີ 2 ສິງຫາ ຫາ​ແລງ​ວັນ​ທີ 3 ສິງຫາ ພາຍຸ​ພັດ​ຖະຫລົ່ມ​ຊ່ອງ​ແຄບ​ຍົງ​ໂຈ, ອ່າວ​ເປີ​ຍປູ້, ພື້ນທີ່​ບາງ​ສ່ວນ​ຂອງ​ທະ​ເລ​ຈີນ​ຕາ​ເວັນ​ອອກ ​ແລະ ທະ​ເລ​ຈີນ​ໃຕ້ ລວມທັງ​ພື້ນທີ່ທະ​ເລ​ບາງ​ແຫ່ງ​ໃກ້​ເກາະ​ໄຕ້​ຫວັນ, ​ເກາະ​ຊີ​ຊາ, ​ໄຫ່ໜານ, ກວາງ​ຕົງ ​ແລະ ກວາງຊີ.

ຈີນອອກຄຳເຕືອນສີຟ້າ ໄຕ້ຝຸ່ນ “ຊິນລາກູ” ຝົນຕົກທາງຕອນໃຕ້ຍາວຈົນຮອດວັນທີ 6 ສິງຫາ - Wave100S AD to Website 2020 0 - ຈີນອອກຄຳເຕືອນສີຟ້າ ໄຕ້ຝຸ່ນ “ຊິນລາກູ” ຝົນຕົກທາງຕອນໃຕ້ຍາວຈົນຮອດວັນທີ 6 ສິງຫາ

​ໃນ​ໄລຍະ​ເວລາ​ດຽວ​ກັນ ​ເກາະ​ຊີ​ຊາ ​ແລະ ພື້ນທີ່​ບາງ​ສ່ວນ​ຂອງ​ໄຫ່ໜານ, ກວາງ​ຕົງ ​ແລະ ກວາງຊີ ຈະ​ຜະ​ເຊີນ​ຝົນຕົກ​ໜັກ ​ແລະ ມີ​ປະລິມານ​ຝົນ​ເຖິງ 150 ມິນ​ລີ​ແມັດ​ໃນ​ບາງ​ພື້ນທີ່.

ກະຊວງ​ແກ້​ໄຂ​ເຫດ​ສຸກ​ເສີນ ກຳລັງ​​ຊ່ວຍ​ເຫລືອ​ບັນ​ເທົາ​ສາທາລະນະ​ໄພ​ອັນ​ເນື່ອງ​ມາ​ຈາກ​ພາຍຸ​ໄຕ້​ຝຸ່ນ​ຊິນ​ລາ​ກູ ​ແລະ ​ເຜີຍ​ວ່າ: ພາຍຸ​ຝົນ​ໃນ​ຕອນ​ໃຕ້​ຂອງ​ຈີນ​ອາດ​ດຳ​ເນີນ​ຕໍ່​ໄປ​ຈົນ​ຮອດ​ວັນ​ທີ 6 ສິງຫາ ​ແລະ ສົ່ງ​ຜົນ​ກະທົບ​ຕໍ່​ສ່ວນ​ອື່ນໆ​ຂອງ​ປະ​ເທດ.

ສ່ວນ​ກະຊວງ​ກະ​ຕຸ້ນ​ໃຫ້​ໜ່ວຍ​ງານ​ທ້ອງ​ຖິ່ນ ​ໃຫ້​ຄວາມ​ສົນ​ໃຈ​ຕໍ່​ວຽກ​ປ້ອງ​ກັນນ້ຳຖ້ວມ ​ແລະ ພາຍຸ​ໄຕ້​ຝຸ່ນຢ່າງ​ແຂງ​ແຮງ, ຈັດ​ລະບົບ​ການ​ເຝົ້າລະວັງ ​ແລະ ​ເຕືອນ​ໄພ​ລ່ວງ​ໜ້າ​ໃຫ້​ດີ​ຂຶ້ນ ກຽມ​ຄວາມ​ພ້ອມ​ສຳລັບ​ການ​ຍ້າຍ​ຖິ່ນ​ຖານ​ຜູ້​ປະສົບ​ໄພ ​ແລະ ອັດ​ຊ່ອງ​ວ່າງ​ດ້ານ​ຄວາມ​ປອດ​ໄພ​ເພື່ອ​ປົກ​ປ້ອງ​ຊີວິດ​ປະຊາຊົນ.

ທັງ​ນີ້ ຈີນ​ມີ​ລະບົບ​ແຈ້ງ​ເຕືອນ​ສະພາບ​ອາກາດ​ແບ່ງ​ອອກ​ເປັນ 4 ສີ ​ໂດຍ​ສີ​ແດງ ໝາຍ​ເຖິງ​ສະພາບ​ອາກາດ​ຮ້າຍ​ແຮງ​ທີ່​ສຸດ, ຮອງ​ລົງ​ມາ​ຄື​ສີສົ້ມ, ສີ​ເຫລືອງ​​ ​ແລະ ສີຟ້າ.

ຈີນອອກຄຳເຕືອນສີຟ້າ ໄຕ້ຝຸ່ນ “ຊິນລາກູ” ຝົນຕົກທາງຕອນໃຕ້ຍາວຈົນຮອດວັນທີ 6 ສິງຫາ - lattana banner 1 - ຈີນອອກຄຳເຕືອນສີຟ້າ ໄຕ້ຝຸ່ນ “ຊິນລາກູ” ຝົນຕົກທາງຕອນໃຕ້ຍາວຈົນຮອດວັນທີ 6 ສິງຫາ
ຈີນອອກຄຳເຕືອນສີຟ້າ ໄຕ້ຝຸ່ນ “ຊິນລາກູ” ຝົນຕົກທາງຕອນໃຕ້ຍາວຈົນຮອດວັນທີ 6 ສິງຫາ - lattana banner - ຈີນອອກຄຳເຕືອນສີຟ້າ ໄຕ້ຝຸ່ນ “ຊິນລາກູ” ຝົນຕົກທາງຕອນໃຕ້ຍາວຈົນຮອດວັນທີ 6 ສິງຫາ
ຈີນອອກຄຳເຕືອນສີຟ້າ ໄຕ້ຝຸ່ນ “ຊິນລາກູ” ຝົນຕົກທາງຕອນໃຕ້ຍາວຈົນຮອດວັນທີ 6 ສິງຫາ -    AD conten website - ຈີນອອກຄຳເຕືອນສີຟ້າ ໄຕ້ຝຸ່ນ “ຊິນລາກູ” ຝົນຕົກທາງຕອນໃຕ້ຍາວຈົນຮອດວັນທີ 6 ສິງຫາ
error: Alert: ເນື້ອຫາຂ່າວມີລິຂະສິດ !!