ອົງການອຸຍນີເຊັບ ຊົມເຊີຍແຂວງບໍລິຄຳໄຊ ປະກາດເປັນແຂວງຢຸດຕິການຖ່າຍຊະຊາຍ

ອົງການອຸຍນີເຊັບ ຊົມເຊີຍແຂວງບໍລິຄຳໄຊ ປະກາດເປັນແຂວງຢຸດຕິການຖ່າຍຊະຊາຍ - 32 - ອົງການອຸຍນີເຊັບ ຊົມເຊີຍແຂວງບໍລິຄຳໄຊ ປະກາດເປັນແຂວງຢຸດຕິການຖ່າຍຊະຊາຍ
ອົງການອຸຍນີເຊັບ ຊົມເຊີຍແຂວງບໍລິຄຳໄຊ ປະກາດເປັນແຂວງຢຸດຕິການຖ່າຍຊະຊາຍ - Untitled design - ອົງການອຸຍນີເຊັບ ຊົມເຊີຍແຂວງບໍລິຄຳໄຊ ປະກາດເປັນແຂວງຢຸດຕິການຖ່າຍຊະຊາຍ

ອົງການອຸຍນີເຊັບ ປະຈໍາ ສປປ ລາວ ຊົມເຊີຍຕໍ່ການນໍາພາ ຂອງອໍານາດການປົກຄອງແຂວງບໍລິຄຳໄຊ ແລະ ບັນດາເມືອງຕ່າງໆ ລວມທັງຄວາມພະຍາຍາມຂອງທຸກພາກສ່ວນ ທີ່ໄດ້ປະກອບ ສ່ວນເຮັດໃຫ້ແຂວງບໍລິຄຳໄຊ ກາຍເປັນແຂວງຢຸດຕິການຖ່າຍຊະຊາຍທຳອິດຂອງ ສປປ ລາວ ຢ່່າງເປັນທາງການ.

ໃນພິທີປະກາດການຮັບຮອງແຂວງບໍລິຄຳໄຊ ເປັນແຂວງຢຸດຕິການຖ່າຍຊະຊາຍ ໃນວັນທີ 31 ກໍລະກົດ 2020, ທ່ານ ນາງ ບີອາເຕ ດັດສະເຕລ ຮັກສາການຜູ້ຕາງໜ້າອົງການອຸຍນີເຊັບ ປະຈຳ ສປປ ລາວ ໄດ້ສະແດງຄວາມຊົມເຊີຍທຸກໆພາກສ່ວນທີ່ກ່ຽວຂ້ອງ ທີ່ໄດ້ປະກອບສ່ວນເຮັດໃຫ້ແຂວງບໍລິຄຳໄຊ ໄດ້ຮັບສະຖານະພາບ ເປັນແຂວງຢຸດຕິການຖ່າຍຊະຊາຍ ແລະ ໄດ້ກາຍເປັນແຂວງທຳອິດຂອງປະເທດທີ່ຈະບໍ່ມີການຖ່າຍທີ່ບໍ່ປອດໄພອີກຕໍ່ໄປແລ້ວ.

ນັບແຕ່ປີ 2015 ເປັນຕົ້ນມາ, ບັນດາຄູ່ຮ່ວມງານຢູ່ແຂວງບໍລິຄຳໄຊ ໄດ້ເຮັດວຽກຢ່າງໜັກໜ່ວງເພື່ອເອົາຊະນະບັນດາອຸປະສັກ ແລະ ສິ່ງທ້າທາຍຢ່າງຫລວງຫລາຍ ເພື່ອບັນລຸເປົ້າໝາຍຢຸດຕິການຖ່າຍຊະຊາຍ ໂດຍໄດ້ປະຕິບັດໜ້າທີ່ຢ່າງຫ້າວຫັນ ໃນການເຮັດວຽກຮ່ວມກັບນາຍບ້ານ, ຜູ້ນຳຊຸມຊົນ, ຊາວໜຸ່ມ, ເດັກນ້ອຍ, ປະຊາຊົນ ໃນການຢຸດຢັ້ງການຖ່າຍຊະຊາຍ ແລະ ປັບປຸງສະພາບແວດລ້ອມອ້ອມຂ້າງ.ການສິ້ນສຸດການຖ່າຍຊະຊາຍ ແມ່ນບາດກ້າວທຳອິດ ຂອງການກ້າວໄປສູ່ການມີສຸຂະອະນາໄມຮອບດ້ານ ແລະ ອົງການອຸຍນີເຊັບ ມີຄວາມພາກພູມໃຈທີ່ໄດ້ເປັນສ່ວນໜຶ່ງຂອງພາລະກິດນີ້, ໂດຍມີຊຸມຊົນເປັນເຈົ້າການ ແລະ ອຳນາດການປົກຄອງແຂວງບໍລິຄຳໄຊ ໃຫ້ການສະໜັບສະໜູນ.

ຫລັງຈາກການປະກາດທີ່ມີຄວາມໝາຍໃນຄັ້ງນີ້, ພວກເຮົາຈະຕ້ອງໄດ້ສືບຕໍ່ການຈັດຕັ້ງປະຕິບັດວຽກສຸຂາອະນາໄມ ແລະ ຮັກສາສະຖານະພາບຢຸດຕິການຖ່າຍຊະຊາຍນີ້, ເຊິ່ງຈະຊ່ວຍໃຫ້ແຂວງບັນລຸເປົ້າໝາຍສຸຂະອະນາໄມຮອບດ້ານ ໂດຍທຸກຄອບຄົວມີ ແລະ ນຳໃຊ້ວິດຖ່າຍຂອງຕົນເອງ, ພ້ອມດຽວກັນນັ້ນ ຍັງຈະຕ້ອງໄດ້ສືບຕໍ່ປຸກລະດົມໂຄສະນາ ກ່ຽວກັບວຽກງານສຸຂາອະນາໄມ ເປັນຕົ້ນ ການລ້າງມືໃສ່ສະບູ, ອະນາໄມເຮືອນຊານ ແລະ ສິ່ງແວດລ້ອມອ້ອມຂ້າງ. ເຖິງຢ່າງໃດກໍຕາມ, ປັດຈຸບັນຍັງມີຫລາຍແຫ່ງໃນ ສປປ ລາວ ທີ່ມີບັນຫາດ້ານສຸຂະອະນາໄມ, ເຊິ່ງຜົນສໍາຫລວດດັດສະນີໝາຍສັງຄົມ-II ຊີ້ໃຫ້ເຫັນວ່າ 1,5 ລ້ານຄົນ ໃນ ສປປ ລາວ ຍັງຖ່າຍຊະຊາຍ. ຕໍ່ບັນຫານີ້, ອົງການອຸຍນີເຊັບ ມີຄວາມກັງວົນເປັນພິເສດ ກ່ຽວກັບເຂດຊົນນະບົດ ແລະ ຫ່າງໄກສອກຫລີກ ທີ່ມີເດັກນ້ອຍຫລາຍຄົນເປັນພະຍາດຖອກທ້ອງຊ້ຳເຮື້ອ, ເຊິ່ງເປັນສາເຫດທີ່ພາໃຫ້ມີອັດຕາເດັກເຕ້ຍສູງ.

ອົງການອຸຍນີເຊັບ ຊົມເຊີຍແຂວງບໍລິຄຳໄຊ ປະກາດເປັນແຂວງຢຸດຕິການຖ່າຍຊະຊາຍ - Wave100S AD to Website 2020 0 - ອົງການອຸຍນີເຊັບ ຊົມເຊີຍແຂວງບໍລິຄຳໄຊ ປະກາດເປັນແຂວງຢຸດຕິການຖ່າຍຊະຊາຍ

ທ່ານ ນາງ ບີອາເຕ ດັດສະເຕລ ຫວັງເປັນຢ່າງຍິ່ງວ່າ: ຜົນສໍາເລັດຂອງແຂວງບໍລິຄຳໄຊ ຈະເປັນແຮງບັນດານໃຈໃຫ້ແຂວງອື່ນໆ ແລະ ເປັນຈຸດເລີ່ມຕົ້ນ ເພື່ອກ້າວໄປບັນລຸເປົ້າໝາຍຢຸດຕິການຖ່າຍຊະ ຊາຍແຫ່ງຊາດ, ພ້ອມເຊື່ອໝັ້ນວ່າ ບັນດາແຂວງອື່ນໆ ຈະມາຖອດຖອນບົດຮຽນນຳແຂວງບໍລິຄຳໄຊ ເພື່ອນຳໄປຈັດຕັ້ງປະຕິບັດ ຢູ່ແຂວງຂອງຕົນໃຫ້ບັນລຸຕາມຈຸດປະສົງຄາດໝາຍ.

ອົງການອຸຍນີເຊັບ ຊົມເຊີຍແຂວງບໍລິຄຳໄຊ ປະກາດເປັນແຂວງຢຸດຕິການຖ່າຍຊະຊາຍ - WhatsApp Image 2020 05 27 at 5 - ອົງການອຸຍນີເຊັບ ຊົມເຊີຍແຂວງບໍລິຄຳໄຊ ປະກາດເປັນແຂວງຢຸດຕິການຖ່າຍຊະຊາຍ
ອົງການອຸຍນີເຊັບ ຊົມເຊີຍແຂວງບໍລິຄຳໄຊ ປະກາດເປັນແຂວງຢຸດຕິການຖ່າຍຊະຊາຍ - WhatsApp Image 2020 05 27 at 5 - ອົງການອຸຍນີເຊັບ ຊົມເຊີຍແຂວງບໍລິຄຳໄຊ ປະກາດເປັນແຂວງຢຸດຕິການຖ່າຍຊະຊາຍ
error: Alert: ເນື້ອຫາຂ່າວມີລິຂະສິດ !!