ເສດຖະກິດສູ້ໂຄວິດບໍ່ໄຫວ ລາຄາຄຳຈະແພງຂຶ້ນອີກ

ເສດຖະກິດສູ້ໂຄວິດບໍ່ໄຫວ ລາຄາຄຳຈະແພງຂຶ້ນອີກ - 33 - ເສດຖະກິດສູ້ໂຄວິດບໍ່ໄຫວ ລາຄາຄຳຈະແພງຂຶ້ນອີກ
ເສດຖະກິດສູ້ໂຄວິດບໍ່ໄຫວ ລາຄາຄຳຈະແພງຂຶ້ນອີກ - AGL banner - ເສດຖະກິດສູ້ໂຄວິດບໍ່ໄຫວ ລາຄາຄຳຈະແພງຂຶ້ນອີກ

ບົດ​ວິ​ເຄາະ​ທິດ​ທາງ​ຄຳ​ໃນ​ຕະຫລາດ​ໂລກ ຫລັງ​ກຽມຂຶ້ນຮອດ 2.000 ​ໂດ​ລາຕໍ່​ອອນ ​ໂດຍ​ໃນ​​ຕອນ​ເຊົ້າວັນ​ທີ 3 ສິງຫາ ລາຄາ​ຂຶ້ນມາ​ຢູ່ 1.984 ​ໂດ​ລາ​ສະຫະລັດ ​ເຊິ່ງສະ​ເພາະ​ໃນ​ເດືອນ​ກໍລະກົດ​ຜ່ານ​ມາ ລາຄາ​ຄຳ​​ເພີ່ມ​ຂຶ້ນ​ເຖິງ 11% ​ແລ້ວ ຖື​ເປັນ​ອັດຕາ​ເພີ່ມ​ຂຶ້ນ​ແຕ່ລະ​ເດືອນ​ສູງ​ທີ່​ສຸດ​ນັບ​ແຕ່​ປີ 2012.

ສໍານັກ​ຂ່າວ Reuters ​ເບິ່ງ​ວ່າ ​ເພາະ​ການ​ແຜ່​ກະຈາຍ​ຂອງ​ໂຄ​ວິດ-19 ທີ່​ທະວີ​ຄວາມ​ຮຸນ​ແຮງ​ຂຶ້ນ ​ແລະ ຄວາມ​ເຄັ່ງ​ຕຶງ​ລະຫວ່າງ ອາ​ເມ​ລິ​ກາ-ຈີນ ບັນ​ທອນ​ຄວາມ​ຫວັງ​ທີ່​ຈະ​ເຫັນ​ການ​ຟື້ນຕົວ​ທາງ​ເສດຖະກິດ ​ແລະ ​ເຮັດ​ໃຫ້​ນັກ​ລົງທຶນ​ຕ້ອງ​ຫັນ​ເຂົ້າຫາ​ສິນ​ຊັບ​ທີ່​ປອດ​ໄພ​ເຊັ່ນ: ຄຳ ​ເຮັດ​ໃຫ້​ລາຄາ​ຄຳ​​ເພີ່ມ​ສູງ​ຂຶ້ນຫລາຍ​ກວ່າ 28% ​ໃນ​ປີ​ນີ້.

ອີກ​ປັດ​ໄຈ​ໜຶ່ງ​ຄື: ຜົນ​ຕອບ​ແທນ​ພັນທະບັດ 10 ປີ​ຂອງ​ອາ​ເມ​ລິ​ກາ​ທີ່​ໜ້ອຍ​ລົງ ​ແລະ ອັດຕາ​ດອກ​ເບ້ຍ​ຂອງ​ອາ​ເມ​ລິ​ກາ​ທີ່​ຕໍ່າ ​ເຊິ່ງຄຳ​ມັກ​ຈະ​ມີ​ລາຄາ​ສູງ​ຂຶ້ນ​ເມື່ອ​ດອກ​ເບ້ຍ​ຢູ່​ໃນ​ລະດັບ​ຕໍ່າ ​ແລະ ການ​ທີ່​ຄວາມ​ຕ້ອງການ​ຄຳ​ຍັງ​ເປັນ​ການ​ຮັກສາ​ມູນ​ຄ່າ​ສິນ​ຊັບ​ຈາກ​ອັດຕາ​ເງິນ​ເຟີ້ ​ແລະ ຈາກ​ຄ່າ​ເງິນ​ທີ່​ອ່ອນ​ລົງ ​ເພາະ​ມີ​ເງິນ​ໃນ​ລະບົບ​ເປັນ​ຈຳນວນ​ຫລາຍ.

ຈະ​ເຫັນ​ໄດ້​ວ່າ​ເງິນ​ໂດ​ລາ​ສະຫະລັດ​ອ່ອນ​ຄ່າ​ລົງ ຄວາມ​ຕ້ອງການ​ຄຳ​ກໍ​ສູງ​ຂຶ້ນ ສາ​ເຫດ​ທີ່​ຄ່າ​ເງິນ​ໂດ​ລາ​ສະຫະລັດ​ອ່ອນ​ລົງ ​ເພາະ​ມາດ​ຕະການ​ກະ​ຕຸ້ນ​ເສດຖະກິດ​ຂອງ​ທະນາຄານ​ກາງ​ອາ​ເມ​ລິ​ກາ (​ເຟດ) ທີ່​ອັດ​ເງິນ​ເຂົ້າລະບົບ​ເປັນຈຳນວນ​ຫລາຍ ​ແລະ ມີ​ໂອກາດ​ທີ່​ເຟດຈະ​ໃຊ້​ມາດ​ຕະການ​ກະ​ຕຸ້ນ​ຫລາຍ​ກວ່າ​ນີ້ ​ເພາະ​ສະຖານະ​ການ​ຢູ່​ອາ​ເມ​ລິ​ກາ​ຍັງ​ໜ້າ​ເປັນ​ຫ່ວງ.

ກ່ອນ​ໜ້າ​ນີ້ ​ເຟດຈະ​ຕັດສິນ​ໃຈ​ເລື່ອງ​ອັດຕາ​ດອກ​ເບ້ຍ​ຕະຫລາດ​ຄາດ​ວ່າ​ຈະ​ບໍ່​ປ່ຽນ​ແປງ​ອັດຕາ​ດອກ​ເບ້ຍ​ ​ເຮັດ​ໃຫ້​ຄຳ​ເພີ່ມ​ຂຶ້ນມາ 9 ມື້ຕິດ​ຕໍ່​ກັນ, ​ແຕ່​ຫລັງ​ຈາກ​ການ​ປະກາດ​ຂອງ​ເຟດ ລາຄາ​ຄຳ​ຢຸດ​ຊົ່ວຄາວ ​ແລະ ​ເງິນ​ໂດ​ລາ​ສະຫະລັດຢຸດ​ອ່ອນ​ຄ່າ​ຊົ່ວຄາວ​ເຊັ່ນ​ກັນ ​ແຕ່​ນີ້​ເປັນ​ປະຕິກິລິຍາ​ສັ້ນໆ ​ເພາະ​ຫລັງ​ຈາກ​​ເປີດ​ຕະຫລາດ​ອີກ ຄຳ​ກໍ​ປັບ​ລາຄາ​ຂຶ້ນມາ​ອີກ.

ສາ​ເຫດ​ທີ່​ຄຳ​ຢຸດ​ຂຶ້ນ​ໄລຍະ​ສັ້ນໆ ​ເພາະ​ເຟດຢືນຢັນ​ຈະ​ຮັກສາ​​ເສດຖະກິດ​ຕໍ່​ໄປ​ຈົນ​ກວ່າ​ເສດຖະກິດ​ຈະ​ຕ້ານທານ​ຜົນ​ກະທົບ​ຈາກ​ການລະບາດ​ໄດ້ ຫລື ມີ​ການ​ຈ້າງ​ງານ​ຢ່າງ​ເຕັມ​ສ່ວນ, ​ແຕ່​ໃນ​ເວລາ​ດຽວ​ກັນ ​ເຈີ​ໂຣມ ພາວ​ເວລ ປະທານ​ເຟດ ບອກ​ວ່າ: ວິ​ກິດ​ຄັ້ງນີ້​ຮຸນ​ແຮງ​ໃນ​ລະດັບ “ຊົ່ວ​ຊີວິດ​ໜຶ່ງ​ຫາ​ກໍ​ເຄີຍ​ເຫັນ” ​ແນ່ນອນ​ວ່າ​ໃຜ​ທີ່​ໄດ້​ຍິນ​ຕ້ອງ​ຄິດ​ໜັກ. ດັ່ງນັ້ນ ຕະຫລາດ​ຈຶ່ງ​ຍັງ​ບໍ່​ໝັ້ນ​ໃຈ ​ແລະ ຍັງ​ມີ​ຄວາມ​ກັງວົນ​ເລື່ອງ​ຄວາມ​ຂັດ​ແຍ່ງ​ລະຫວ່າງ​ຈີນ​ກັບ​ອາ​ເມ​ລິ​ກາ​ທີ່​ແກ່ຍາວ ​ແລະ ໜັກ​ຂຶ້ນ​ເລື້ອຍໆ.

ເສດຖະກິດສູ້ໂຄວິດບໍ່ໄຫວ ລາຄາຄຳຈະແພງຂຶ້ນອີກ - Wave100S AD to Website 2020 0 - ເສດຖະກິດສູ້ໂຄວິດບໍ່ໄຫວ ລາຄາຄຳຈະແພງຂຶ້ນອີກ

ສຳນັກ​ຂ່າວ Bloomberg ຕັ້ງຂໍ້​ສັງ​ເກດ​ວ່າ: ຜູ້​ຊື້ຄຳ​ໃນ​ເວລາ​ນີ້​ມີ​ຫລວງຫລາຍ ​ແຕ່​ລູກ​ຄ້າ​ລາຍ​ໃຫຍ່​ຄື​ຈີນ ​ແລະ ອິນ​ເດຍຍັງ​ບໍ່​ຫລາຍ ສາ​ເຫດ​ສຳຄັນ​ຄື​ນັກ​ລົງທຶນ​ບໍ່​ໄດ້​ຫວັງສູງ​ກັບ​ພັນທະບັດ​ລັດຖະບານ​ຄື​ເຄີຍ​ເປັນ​ມາ. ຕາມ​ປົກກະຕິ​ໃນ​ເວລາ​ວິ​ກິດ​ແບບ​ນີ້ ນັກ​ລົງທຶນ​ຈະ​ຫັນ​ເຂົ້າຫາບ​ອນ ​ເພື່ອ​ກະຈາຍ​ຄວາມ​ສ່ຽງ ​ແຕ່​ເພາະ​ຜົນ​ຕອບ​ແທນ​ໜ້ອຍ ນັກ​ລົງທຶນ​ຈຶ່ງ​ບໍ່​ເຫັນ​ຜົນ​ປະ​ໂຫຍ​ດທີ່​ຈະ​ຖື​ບອນ.

ຕາມ​ປົກກະຕິ​ແລ້ວ ຄຳ​ບໍ່​ກໍ່​ໃຫ້​ເກີດ​ລາຍ​ໄດ້​ ອີກ​ທັງ​ຍັງ​ຕ້ອງ​ເສຍ​ເງິນ​ໃຫ້ການ​ເບິ່ງ​ແຍງ​ຮັກສາ ​ແຕ່​ເພາະ​ສະຖານະ​ການບີບ​ບັງຄັບ​ໃນທຸກ​ດ້ານ ​ໂດຍ​ສະ​ເພາະ​ຄວາມ​ບໍ່​ແນ່ນອນ ​ເຮັດ​ໃຫ້​ນັກ​ລົງທຶນ​ຕ້ອງ​ຫັນ​ເຂົ້າຫາ​ຄຳ​ໃນ​ຖານະ​ການ​ລົງທຶນ​ທີ່​ປອດ​ໄພ​ທີ່​ສຸດ​ແລ້ວ​ໃນ​ຕອນ​ນີ້.

​ເຖິງ​ຢ່າງ​ໃດ​ກໍ​ຕາມ, ມີ​ເລື່ອງ​ຕ້ອງ​ລະວັງ ​ເພາະ​ທາງ​ການ​ຈີນ​ກຽມ​ໃຊ້​ມາດ​ຕະການ​ເພື່ອ​ຄວບ​ຄຸມ​ການ​ຊື້ຂາຍ​ຄຳ​ໃນ​ປະ​ເທດ ​ເພາະ​ຕອນ​ນີ້​ມີ​ຄວາມ​ຕ້ອງການ​ໃນ​ຈີນ​ສູງຫລາຍ ​ແຕ່​ຈີນ​ຢ້ານ​ວ່າ​ຈະ​ເກີດ​ປະຫວັດສາດ​ຊ້ຳຮອຍ​ແບບ​ດຽວ​ກັບ​ຕອນ​ທີ່​​ເກີດ​ການ​ເກັງ​ກຳ​ໄລລາ​ຄານໍ້າມັນ​ຈົນ​ສົ່ງ​ຜົນ​ກະທົບ​ຕໍ່​ສະ​ຖາ​ບັນ​ການ​ເງິນ​ຢູ່​ຈີນ.

ເສດຖະກິດສູ້ໂຄວິດບໍ່ໄຫວ ລາຄາຄຳຈະແພງຂຶ້ນອີກ - lattana banner 1 - ເສດຖະກິດສູ້ໂຄວິດບໍ່ໄຫວ ລາຄາຄຳຈະແພງຂຶ້ນອີກ
ເສດຖະກິດສູ້ໂຄວິດບໍ່ໄຫວ ລາຄາຄຳຈະແພງຂຶ້ນອີກ -    AD conten website - ເສດຖະກິດສູ້ໂຄວິດບໍ່ໄຫວ ລາຄາຄຳຈະແພງຂຶ້ນອີກ
ເສດຖະກິດສູ້ໂຄວິດບໍ່ໄຫວ ລາຄາຄຳຈະແພງຂຶ້ນອີກ - lattana banner - ເສດຖະກິດສູ້ໂຄວິດບໍ່ໄຫວ ລາຄາຄຳຈະແພງຂຶ້ນອີກ
error: Alert: ເນື້ອຫາຂ່າວມີລິຂະສິດ !!