ນາຍົກລັດຖະມົນຕີ ໃຫ້ກຽດຕ້ອນຮັບການເຂົ້າຢ້ຽມຂ່ຳນັບຂອງອາສາສະໝັກຍີ່ປຸ່ນ

- advert banner 728 90 728x90 - ນາຍົກລັດຖະມົນຕີ ໃຫ້ກຽດຕ້ອນຮັບການເຂົ້າຢ້ຽມຂ່ຳນັບຂອງອາສາສະໝັກຍີ່ປຸ່ນ

ທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ໄດ້ໃຫ້ກຽດຕ້ອນຮັບການເຂົ້າຢ້ຽມຂ່ຳນັບຂອງອາສາສະໝັກຍີ່ປຸ່ນ, ຊຶ່ງນຳໂດຍທ່ານ ຕະເກະຊິ ຮິກິຣາລະ ເອກອັກຄະຣາຊະທູດວິສາມັນຜູ້ມີອຳນາດເຕັມ ແຫ່ງ ປະເທດຍີ່ປຸ່ນ ປະຈຳ ສປປ ລາວ, ໃນວັນທີ 21 ມິຖຸນາ 2017 ຢູ່ ສໍານັກງານນາຍົກລັດຖະມົນຕີ, ໃນໂອກາດທີ່ມາເຄື່ອນໄຫວເຮັດວຽກງານຢູ່ ສປປ ລາວ ເປັນເວລາ 2 ປີກວ່າ.

- new3 - ນາຍົກລັດຖະມົນຕີ ໃຫ້ກຽດຕ້ອນຮັບການເຂົ້າຢ້ຽມຂ່ຳນັບຂອງອາສາສະໝັກຍີ່ປຸ່ນ

ໃນໂອກາດດັ່ງກ່າວ, ທ່ານນາຍົກລັດຖະມົນຕີ ໄດ້ສະແດງຄວາມຍ້ອງຍໍຊົມເຊີຍອາສາສະໝັກຍີ່ປຸ່ນ ທີ່ໄດ້ອຸທິດເຮື່ອແຮງ ແລະ ສະຕິປັນຍາ ເພື່ອປະກອບສ່ວນເຂົ້າໃນວຽກງານພັດທະນາບຸກຄະລາກອນ ແລະ ຊຸມຊົນໃນທ້ອງຖີ່ນຕ່າງໆຂອງລາວ ແລະ ໄດ້ປະກອບສ່ວນອັນສຳຄັນເຂົ້າ ໃນການເສີມຂະຫຍາຍສາຍພົວພັນມິດຕະພາບ ແລະ ການຮ່ວມມື ລະຫວ່າງ ສອງປະເທດລາວ-ຍີ່ປຸ່ນ ໃຫ້ແໜ້ນແຟ້ນຍິ່ງໆຂຶ້ນ.

ພ້ອມດຽວກັນນີ້, ທ່ານ ນາງ ຣິສາ ຊູຊູກິ ຕາງໜ້າອາສາສະໜັກຍີ່ປຸ່ນ ກໍໄດ້ສະແດງຄວາມຂອບອົບຂອບໃຈຕໍ່ທ່ານນາຍົກລັດຖະມົນຕີ ທີ່ໄດ້ສະຫລະເວລາອັນມີຄ່າໃຫ້ກຽດຕ້ອນຮັບອັນອົບອຸ່ນໃນຄັ້ງນີ້, ພ້ອມທັງແຈ້ງຈຸດປະສົງຂອງການມາເຄື່ອນໄຫວເຮັດວຽກງານຢູ່ ສປປ ລາວ ໃຫ້ທ່ານ ນາຍົກຮັບຊາບຄື: ນັບແຕ່ປີ 1965 ມາເຖິງປັດຈຸບັນ ໄດ້ມີອາສາສະໝັກຍີ່ປຸ່ນ 953 ຄົນ, ຊຶ່ງໄດ້ເຂົ້າມາຊ່ວຍເຫລືອ ແລະ ເຮັດວຽກຢູ່ລາວໃນຫລາຍໆດ້ານ ເຊັ່ນ: ດ້ານສາທາລະນະສຸກ, ສຶກສາ, ກິລາ, ກະສິກຳ, ວັດທະນະທຳ, ສະພາບແວດລ້ອມ ແລະ ພັດທະນາຊຸມຊົນ.

- lattana 1 - ນາຍົກລັດຖະມົນຕີ ໃຫ້ກຽດຕ້ອນຮັບການເຂົ້າຢ້ຽມຂ່ຳນັບຂອງອາສາສະໝັກຍີ່ປຸ່ນ

ໃນໂອກາດນີ້, ທ່ານນາຍົກລັດຖະມົນຕີ ທອງລຸນ ສີສຸລິດ ໄດ້ຮ່ວມກັບຄະນະອາສາສະໝັກດັ່ງກ່າວ ປູກຕົ້ນຊະກຸຣະ ແລະ ຕົ້ນຈໍາປາ ຢູ່ທີ່ສຳນັກງານນາຍົກລັດຖະມົນຕີແຫ່ງ ສປປ ລາວ ເພື່ອເປັນສັນຍາລັກຂອງສອງຊາດອີກດ້ວຍ.

error: Content is protected !!