ສື່ມວນຊົນລາວ ເຕີບໃຫຍ່ເຂັ້ມແຂງ (ລະນຶກວັນສ້າງຕັ້ງສື່ມວນຊົນ ແລະ ພິມຈຳໜ່າຍ ຄົບຮອບ 70 ປີ)

ສື່ມວນຊົນລາວ ເຕີບໃຫຍ່ເຂັ້ມແຂງ (ລະນຶກວັນສ້າງຕັ້ງສື່ມວນຊົນ ແລະ ພິມຈຳໜ່າຍ ຄົບຮອບ 70 ປີ) - 555 - ສື່ມວນຊົນລາວ ເຕີບໃຫຍ່ເຂັ້ມແຂງ (ລະນຶກວັນສ້າງຕັ້ງສື່ມວນຊົນ ແລະ ພິມຈຳໜ່າຍ ຄົບຮອບ 70 ປີ)
ສື່ມວນຊົນລາວ ເຕີບໃຫຍ່ເຂັ້ມແຂງ (ລະນຶກວັນສ້າງຕັ້ງສື່ມວນຊົນ ແລະ ພິມຈຳໜ່າຍ ຄົບຮອບ 70 ປີ) - AGL banner - ສື່ມວນຊົນລາວ ເຕີບໃຫຍ່ເຂັ້ມແຂງ (ລະນຶກວັນສ້າງຕັ້ງສື່ມວນຊົນ ແລະ ພິມຈຳໜ່າຍ ຄົບຮອບ 70 ປີ)

ໂດຍ:ລູກເມືອງພວນ

ສື່ມວນຊົນລາວ ຖືກສ້າງຂຶ້ນໃນວັນທີ 13 ສິງຫາ ປີ 1950 ແລະມາຮອດປັດຈຸບັນໄດ້ມີອາຍຸ 70 ປີພໍດີ ພາຍຫລັງໄດ້ເລີ່ມຈາກການ ເກີດມີໃບປິວຂອງແນວລາວອິດສະຫຼະເພື່ອຕໍ່ຕ້ານການຮຸກຮານຂອງພວກຈັກກະພັດຝຣັ່ງ.  ເມື່ອປີ 1940 ເຊິ່ງເນື້ອໃນຕົ້ນຕໍຂອງໃບປິວນັ້ນ ແມ່ນຮຽກຮ້ອງໃຫ້ປະຊາຊົນລາວບັນດາເຜົ່າໃນທົ່ວປະເທດສາມັກຄີກັນລຸກຂຶ້ນໂຄ່ນລົ້ມພວກລ່າເມືອງຂຶ້ນຝຣັ່ງ ແລະ ຂັບໄລ່ຍີ່ປຸ່ນ.

ຈາກນັ້ນມາ ເມື່ອປີ 1945 ຂະບວນການລຸກຮືຂຶ້ນຂອງປະຊາຊົນລາວບັນດາເຜົ່າຕ້ານພວກລ່າເມືອງຂຶ້ນຝຣັ່ງ ແລະ ພວກຟາດສິດຍີ່ປຸ່ນ ໄດ້ກາຍເປັນກະແສຟອງຢູ່ຕາມຫົວເມືອງຕ່າງໆໃນປະເທດລາວ. ຢູ່ໃນໃບປິວນັ້ນໄດ້ຕິດທຸງຊາດປະຕິວັດ 3 ສີ ມີວົງເດືອນຢູ່ກາງ ໄດ້ຖືກຫວ່ານໄປທົ່ວຫົວເມືອງໃຫຍ່ໆໃນເວລານັ້ນເຊັ່ນ: ເມືອງວຽງຈັນ, ສະຫວັນນະເຂດ ແລະ ຫົວເມືອງອື່ນໆ ເພື່ອໂຄສະນາປຸກລະດົມປະຊາຊົນລາວລຸກຮືຂຶ້ນຢຶດເອົາເອກະລາດ. ໃບປິວດັ່ງກ່າວພິມເປັນທັງພາສາລາວ ແລະ ພາສາຝຣັ່ງ ໂດຍໄດ້ຮັບການຊີ້ນຳຈາກພັກແຄວ້ນລາວ.ຢູ່ສະຫວັນນະເຂດແມ່ນທ່າໄກສອນ ພົມວິຫານ ເປັນຫົວໜ້າ ແລະ ທ່ານ ສີຊະນະ ສີສານ ເປັນຮອງສຳນັກໂຄສະນາ.

ປີ 1946 ຝຣັ່ງໄດ້ກັບຄືນມາຮຸກຮານປະເທດລາວເປັນຄັ້ງທີສອງ. ໃນເວລານັ້ນໃນແຕ່ລະເຂດແຂວງໃນປະເທດລາວແຕ່ເໜືອເຖິງໃຕ້ ໄດ້ ມີໃບປິວຂອງແຕ່ລະທ້ອງຖິ່ນເກີດຂຶ້ນ ເພື່ອຕໍ່ຕ້ານການຮຸກຮານຂອງພວກຈັກກະພັກຝຣັ່ງ. ເຖິງເປັນພຽງແຕ່ໃບປິວແຕ່ກໍໄດ້ຮັບຄວາມສົນໃຈຕິດຕາມຈາກປະຊາຊົນຢ່າງຫຼວງຫຼາຍ. ບາງຄົນອ່ານແລ້ວກໍເອົາເຊື່ອງໄວ້ ເພື່ອສົ່ງຕໍ່ໃຫ້ກຳລັງປະຕິວັດບ່ອນອື່ນ ຫຼື ຜູ້ທີ່ບໍ່ທັນໄດ້ອ່ານຕໍ່ໆກັນໄປ.ໃບປິວ ຫຼື ໃບຂ່າວດັ່ງກ່າວໄດ້ກາຍເປັນສື່ສິ່ງພິມທີ່ສຳຄັນໃນການປະກອບສ່ວນ ປຸກລະດົມຂະບວນການປະຕິວັດຂອງປະຊາຊົນລາວບັນດາເຜົ່າ.

ເພື່ອປະຕິບັດແຜນນະໂຍບາຍ“ເປີດກວ້າງຂະຫຍາຍແນວໂຮມ,ຂະຫຍາຍສົງຄາມປະຊາຊົນໃຫ້ແຂງແຮງ ເພື່ອໜີບຮັດກຳລັງຂອງສັດຕູ”. ພັກເຮົາໄດ້ຮຽກໂຮມກອງປະຊຸມໃຫ່ຍຜູ້ແທນທົ່ວປະເທດໃນວັນທີ 13 ສິງຫາ 1950, ໂດຍມີຜູ້ແທນເຂົ້າຮ່ວມທັງໝົດ 150 ທ່ານ ຕາງໜ້າໃຫ້ກຳລັງປະກອບອາວຸດ, ອົງການຈັດຕັ້ງມະຫາຊົນ, ສາສະໜາ ແລະ ປະຊາຊົນບັນດາເຜົ່າຈາກເຂດຕ່າງໆ. ກອງປະຊຸມໃຫ່ຍໄດ້ຕົກລົງສ້າງຕັ້ງ “ແນວລາວອິດສະຫຼະ ແລະ ລັດຖະບານລາວຕໍ່ຕ້ານ” ໂດຍແມ່ນສະເດັດເຈົ້າສຸພານຸວົງເປັນປະທານແນວລາວອິດສະຫຼະ ແລະ ນາຍົກລັດຖະມົນຕີລາວຕໍ່ຕ້ານ ພ້ອມໄດ້ວາງໂຄງການການເມືອງ 12 ຂໍ້.

ເພື່ອຮັບໃຊ້ໃຫ້ແກ່ການໂຄສະນາດຳເນີນພາລະກິດປະຕິວັດໃນໄລຍະໃໝ່, ມື້ວັນທີ 13 ສິງຫາປີ 1950 ຊຶ່ງເປັນມື້ດຽວກັນກັບການສ້າງຕັ້ງແນວລາວອິດສະຫຼະ ແລະ ລັດຖະບານລາວຕໍ່ຕ້ານນັ້ນ, ພັກເຮົາໄດ້ຕົກລົງສ້າງຕັ້ງໜັງສືພິມ “ລາວອິດສະຫຼະ” ຂຶ້ນຢ່າງເປັນທາງການ. ໜັງສືພິມນີ້ຮູບນອກແມ່ນເປັນກະບອກສຽງຂອງແນວລາວອິດສະຫຼະ ແລະ ລັດຖະບານລາວຕໍ່ຕ້ານ ແຕ່ເນື້ອແທ້ແມ່ນໜັງສືພິມຂອງພັກ, ໜັງສືພິມປະຕິວັດຂອງລາວສະບັບທຳອິດ ທີ່ເກີດຂຶ້ນໃນເງື່ອນໄຂມີຄວາມຫຍຸ້ງຍາກທີ່ສຸດ, ຊຶ່ງເວລານັ້ນຍັງພິມດ້ວຍລິບົບ ລີໂຕ ຍອດພິມສູງສຸດ 2.000 ສະບັບຕໍ່ໜຶ່ງຄັ້ງ ແລະ ເດືອນໜຶ່ງຈຳໜ່າຍ 2 ເທື່ອ. ກອງບັນນາທິການຕັ້ງຢູ່ເຂດປົດປ່ອຍ, ຫົວໜ້າບັນນາທິການເວລານັ້ນແມ່ນທ່ານ ສີຊະນະ ສີສານ ທັງເປັນຫົວໜ້າໂຄສະນາອົບຮົມ ແລະ ວັດທະນະທຳ (ຄອວ).

ການກຳເນີດໜັງສືພິມ “ລາວອິດສະຫຼະ” ໃນວັນທີ 13 ສິງຫາປີ 1950 ນັ້ນ ເປັນຈຸດເລີ່ມຕົ້ນຂອງການຂະຫຍາຍຕົວຂອງສື່ມວນຊົນລາວ. ນັບແຕ່ມື້ສ້າງຕັ້ງພັກປະຊາຊົນລາວໃນວັນທີ 22 ມີນາ 1955 ເປັນຕົ້ນມາ ພັກໄດ້ມີການຊີ້ນຳນຳພາຢ່າງເອົາໃຈໃສ່ ແລະ ໃກ້ສິດທີ່ສຸດ. ມາຮອດວັນທີ 6 ມັງກອນປີ 1956 ກອງປະຊຸມໃຫ່ຍຜູ້ແທນທົ່ວປະເທດຂອງ ‘ແນວລາວອິດສະຫຼະ’ ໄດ້ປ່ຽນຊື່ມາເປັນ “ແນວລາວຮັກຊາດ” ແລະ ພ້ອມທັງຕົກລົງປ່ຽນຊື່ໜັງສືພິມ “ແນວລາວອິດສະຫຼະ” ມາເປັນໜັງສືພິມ “ລາວຮັກຊາດ” ພາຍໃຕ້ຮູບການເປັນກະບອກສຽງຂອງສູນກາງແນວລາວຮັກຊາດ. ມາຮອດວັນທີ 11 ສິງຫາປີ 1975 ກໍຖືກປ່ຽນຊື່ຈາກໜັງສືພິມ “ລາວຮັກຊາດ” ມາເປັນໜັງສືພິມ“ສຽງປະຊາຊົນ”.

ສື່ມວນຊົນລາວ ເຕີບໃຫຍ່ເຂັ້ມແຂງ (ລະນຶກວັນສ້າງຕັ້ງສື່ມວນຊົນ ແລະ ພິມຈຳໜ່າຍ ຄົບຮອບ 70 ປີ) - Wave100S AD to Website 2020 0 - ສື່ມວນຊົນລາວ ເຕີບໃຫຍ່ເຂັ້ມແຂງ (ລະນຶກວັນສ້າງຕັ້ງສື່ມວນຊົນ ແລະ ພິມຈຳໜ່າຍ ຄົບຮອບ 70 ປີ)

ພາຍຫຼັງການກຳເນີດໜັງສືພິມ ລາວອິດສະຫຼະ ໄດ້ 10 ປີ, ມາເຖິງວັນທີ 13 ສິງຫາ 1960 ວີທະຍຸກະຈາຍສຽງຂອງຝ່າຍປະເທດລາວ, ສຽງຂອງສູນກາງແນວລາວຮັກຊາດ ກໍໄດ້ຮັບການສ້າງຕັ້ງຂຶ້ນຢູ່ທີ່ເຂດທີ່ໝັ້ນການປະຕິວັດທີ່ແຂວງຫົວພັນ ເພື່ອເຮັດໜ້າທີ່ໂຄສະນາປຸກລະດົມຂະບວນການຕໍ່ສູ້ຍາດເອົາໄຊຊະນະໃນແຕ່ລະບັ້ນຮົບໃນສົງຄາມປະຊາຊົນ ຕ້ານກັບການຮຸກຮານກັບພວກລ່າເມືອງຂຶ້ນແບບໃໝ່ ແລະ ລູແຫຼ້ງຕີນມືຂອງພວກມັນ ພ້ອມທັງໂຄສະນາປຸກລະດົມຂົນຂວາຍຂະບວນການສ້າງຊີວິດໃໝ່, ການເພີ່ມພູນຜະລິດຜົນຂອງປະຊາຊົນເຂດປົດປ່ອຍ.

ອີງຕາມຄວາມຮຽກຮ້ອງຕ້ອງການໃນໄລຍະໃໝ່ຂອງການປະຕິວັດ, ສູນກາງແນວລາວຮັກຊາດໄດ້ຕົກລົງສ້າງຕັ້ງ “ສຳນັກຂ່າວສານປະເທດລາວ” ຂຶ້ນໃນວັນທີ 6 ມັງກອນ ປີ 1968 ຢູ່ເຂດທີ່ໝັ້ນການປະຕິວັດແຂວງຫົວພັນ.

ພາຍຫຼັງກອງປະຊຸມໃຫ່ຍຂອງພັກໃນວັນທີ 22 ມີນາ 1983 ສຳເລັດລົງ, ຄະນະບໍລິຫານພັກປະຊາຊົນປະຕິວັດລາວໄດ້ຕົກລົງປ່ຽນຊື່ໜັງສືພິມ “ສຽງປະຊາຊົນ” ມາເປັນໜັງສືພິມ “ປະຊາຊົນ”.

ວັນທີ 1 ທັນວາ ປີ 1983 ໂທລະພາບແຫ່ງຊາດໄດ້ຮັບການສ້າງຕັ້ງຂຶ້ນດ້ວຍການກະຈາຍ ລາຍການ 3 ວັນຕໍ່ອາທິດ ໃນຂອບເຂດນະຄອນຫຼວງວຽງຈັນເທົ່ານັ້ນ. ຈາກນັ້ນປີ 1984 ໂທລະພາບແຂວງສະຫວັນນະເຂດກໍໄດ້ຮັບການສ້າງຕັ້ງຂຶ້ນ. ປັດຈຸບັນທຸກແຂວງໃນທົ່ວປະເທດລ້ວນແຕ່ມີສະຖານີໂທລະພາບເປັນຂອງຕົນເອງ.

ວັນທີ່ 7 ເມສາ ປິ 1984, ໜັງສືພິມລາວວັນພາສາອັງກິດ ວຽງຈັນທາມ(Vientiane Times) ໄດ້ຮັບການສ້າງຕັ້ງເພື່ອໂຄສະນາຕໍ່ຕ່າງປະເທດກ່ຽວກັບແນວທາງນະໂຍບາຍຂອງພັກ ແລະ ລັດຖະບານລາວໃນການປົກປັກຮັກສາ ແລະ ສ້າງສາພັດທະນາປະເທດຊາດໃນແຕ່ລະໄລຍະ. ສະເໜີໃຫ້ຊາວໂລກຮັບຮູ້ປະເທດລາວ, ຄົນລາວໃຫ້ນັບມື້ນັບຫຼາຍຂຶ້ນ.

ສື່ມວນຊົນລາວ ເຕີບໃຫຍ່ເຂັ້ມແຂງ (ລະນຶກວັນສ້າງຕັ້ງສື່ມວນຊົນ ແລະ ພິມຈຳໜ່າຍ ຄົບຮອບ 70 ປີ) - lattana banner 1 - ສື່ມວນຊົນລາວ ເຕີບໃຫຍ່ເຂັ້ມແຂງ (ລະນຶກວັນສ້າງຕັ້ງສື່ມວນຊົນ ແລະ ພິມຈຳໜ່າຍ ຄົບຮອບ 70 ປີ)
ສື່ມວນຊົນລາວ ເຕີບໃຫຍ່ເຂັ້ມແຂງ (ລະນຶກວັນສ້າງຕັ້ງສື່ມວນຊົນ ແລະ ພິມຈຳໜ່າຍ ຄົບຮອບ 70 ປີ) -    AD conten website - ສື່ມວນຊົນລາວ ເຕີບໃຫຍ່ເຂັ້ມແຂງ (ລະນຶກວັນສ້າງຕັ້ງສື່ມວນຊົນ ແລະ ພິມຈຳໜ່າຍ ຄົບຮອບ 70 ປີ)
ສື່ມວນຊົນລາວ ເຕີບໃຫຍ່ເຂັ້ມແຂງ (ລະນຶກວັນສ້າງຕັ້ງສື່ມວນຊົນ ແລະ ພິມຈຳໜ່າຍ ຄົບຮອບ 70 ປີ) - lattana banner - ສື່ມວນຊົນລາວ ເຕີບໃຫຍ່ເຂັ້ມແຂງ (ລະນຶກວັນສ້າງຕັ້ງສື່ມວນຊົນ ແລະ ພິມຈຳໜ່າຍ ຄົບຮອບ 70 ປີ)
error: Alert: ເນື້ອຫາຂ່າວມີລິຂະສິດ !!