ມີເຮືອບິນໃນທົ່ວໂລກ 10.000 ລຳ ນອນກາງມຸ້ງຢູ່ລ້າ

ສຳນັກຂ່າວ South China Morning Post ອ້າງອີງຈາກ ບໍລິສັດ ຂໍ້ມູນດ້ານອາວະກາດ Cirium ໃຫ້ຮູ້ວ່າ: ສະໜາມບິນສາກົນ ຮົງກົງ ແລະ ສະໜາມບິນສາກົນ Changi ສິງກະໂປ ຊຶ່ງເປັນສອງສະໜາມບິນທີ່ນອນຢູ່ໃນ 10 ສະໜາມບິນທີ່ມີເຮືອບິນ “ນອນຢູ່ລ້າ” ຫຼາຍທີ່ສຸດໃນໂລກ. ໃນນັ້ນສະໜາມບິນສາກົນ ຮົງກົງຢູ່ອັນດັບທີ 6  ແລະ ສະໜາມບິນສາກົນ Changi ຂອງສິງກະໂປຢູ່ອັນດັບທີ 9 ຂອໂລກ ທີ່ມີເຮືອບິນນອນຢູ່ລ້າ ຕາມລຳດັບ 131 ແລະ 124.

ນອກຈາກນັ້ນຍັງມີສະໜາມບິນສາກົນຂະໜາດໃຫ່ຍເຊັ່ນ: Soekarno-Hatta (ອີນໂດເນເຊຍ) ຢູ່ອັນດັບທີ 5, ມີເຮືອບິນ 141 ລຳ, ສະໜາມບິນສາກົນ Tucson (ສະຫະລັດ) ຢູ່ອັນດັບ 7, ມີເຮືອບິນ 128 ລຳ. ອັນດັບທີ 8 ແມ່ນສະໜາມບິນສາກົນ  O. R. Tambo (ອາຟຣິກກາໃຕ້) ມີເຮືອບິນ 126 ລຳ ທີ່ນອນກາງມຸ້ງຢູ່ລ້າ.

ອັນດັບໜຶ່ງແມ່ນສູນກາງອາວະກາດສາກົນ Roswell, New ແມັກຊິກໂກ. ຢູ່ທີ່ນີ້ມີເຮືອບິນ 374 ນອນຢູ່ລຳ ແລະ ບໍ່ຮູ້ວ່າປານໃດຈຶ່ງຈະໄດ້ບິນ. ລານຈອດ Marana Pinal ແລະ ສະໜາມບິນພາລາທິການທາງພາກໃຕ້ California ຢູ່ອັນດັບ 2 ແລະ ອັນດັບ 3 ທີ່ມີເຮືອບິນນອນຢູ່ລ້າຕາມລຳດັບ 285 ແລະ 219.

ວັນທີ 28 ກໍລະກົດຜ່ານມາ, ທາງສະມາຄົມການຂົນສົ່ງທາງອາກາດສາກົນ(IATA) ກ່າວເຕືອນວ່າ: ເຖິງປີ 2024 ການຄົມມະນາຄົມທາງອາກາດ ຈຶ່ງຈະກັບຄືນມາເປັນປົກກະຕິໄດ້.

ຂ່າວ: ລູກເມືອງພວນ

error: Alert: Content is protected !!