ຜົນກະທົບຈາກການຂາດການອອກກຳລັງກາຍ

- advert banner 728 90 728x90 - ຜົນກະທົບຈາກການຂາດການອອກກຳລັງກາຍ

ເຊື່ອຫລືບໍ່ວ່າການຢູ່ລ້າໆ ບໍ່ມັກເຄື່ອນໄຫວຮ່າງກາຍນັ້ນອັນຕະລາຍຄືກັນ ການບໍ່ອອກກຳລັງກາຍບໍ່ໄດ້ມີຜົນເສຍສະເພາະແຕ່ ເຮັດໃຫ້ເຮົາຕຸ້ຍເທົ່ານັ້ນ, ແຕ່ແພດຍັງໄດ້ເຕືອນວ່າມີອັນຕະລາຍຕໍ່ສຸຂະພາບອີກຫລາຍຢ່າງ.

- new3 - ຜົນກະທົບຈາກການຂາດການອອກກຳລັງກາຍ

ດຣ. ຈາເຣດ ເບີຣີ ຜູ້ຊ່ຽວຊານຈາກສູນການແພດມະຫາວິທະຍາໄລເທັກຊັສ ສະຫະລັດອາເມລິກາ ໄດ້ສຶກສາພົບອັນຕະລາຍ ຈາກພຶດຕິກຳ ຊີເດນທາຣີ ຫລື ວິຖີການໃຊ້ຊີວິດຂອງຄົນທ່ີຂາດການອອກກຳລັງກາຍ ໄດ້ແກ່ : ຄົນທີ່ມັກນັ່ງດົນໆ, ນັ່ງເບິ່ງໂທລະພາບ, ນັ່ງອ່ານໜັງສື, ຫລິ້ນເກມ ແລະ ອີກສາລະພັດອຸປະກອນໄຮເທັກ.

ຈາກການຕິດຕາມພຶດຕິກຳການອອກກຳລັງກາຍ ແລະ ສຸຂະພາບຂອງໄວໜຸ່ມອາຍຸລະຫ່ວາງ12 – 18 ປີ ຈຳນວນ 2.223 ຄົນ  ປະກົບວ່າ : ການນັ່ງຢູ່ລ້າໆ ບໍ່ເຮັດຫຍັງເປັນເວລາ 6 ຊົ່ວໂມງນັ້ນ ມີຜົນໃນທາງກົງກັນຂ້າມ ເມື່ອປຽບທຽບກັບປະໂຫຍດທີ່ຈະໄດ້ຈາກການອອກກຳລັງກາຍເຖິງ 1 ຊົ່ວໂມງ ສົ່ງຜົນໃຫ້ຮ່າງກາຍເສື່ອມຊາ, ບໍ່ສົດຊື່ນຫ້າວຫັນ, ຂາດຄວາມຄ່ອງແຄ້ວ, ຄວາມແຂງແຮງ ແລະ ອັນຕະລາຍໄປກ່ວານັ້ນແມ່ນສະມັດຕະພາບຂອງປອດ ແລະ ຫົວໃຈຈະເຮັດວຽກບົກພ່ອງລົງເລື້ອຍໆ.

- lattana 1 - ຜົນກະທົບຈາກການຂາດການອອກກຳລັງກາຍ

ວິທີແກ້ໄຂທີ່ດີສຸດແມ່ນໝັ່ນອອກກຳລັງກາຍເປັນປະຈຳ ປ່ຽນການຂຶ້ນລິຟມາເປັນການຂຶ້ນ – ລົງຂັ້ນໄດ, ລຸກຍ່າງ ຫລື ເຄື່ອນໄຫວແຂນຂາໃນເວລາເຮັດວຽກ ຫລື ຮຽນໜັງສື ແລະ ຍ່າງຫລັງຈາກກິນເຂົ້າແລ້ວ ງ່າຍໆພຽງເທົ່ານີ້ກໍສາມາດຫລຸດອັນຕະລາຍຈາກ ການຂາດການອອກກຳລັງກາຍໄດ້ແລ້ວ.

error: Content is protected !!