ຈີນຈະບໍ່ອະນຸຍາດໃຫ້ອາເມລິກາ ເຂົ້າຊື້ກິດຈະການຂອງ TikTok

ຈີນຈະບໍ່ອະນຸຍາດໃຫ້ອາເມລິກາ ເຂົ້າຊື້ກິດຈະການຂອງ tiktok - 50 - ຈີນຈະບໍ່ອະນຸຍາດໃຫ້ອາເມລິກາ ເຂົ້າຊື້ກິດຈະການຂອງ TikTok
ຈີນຈະບໍ່ອະນຸຍາດໃຫ້ອາເມລິກາ ເຂົ້າຊື້ກິດຈະການຂອງ tiktok - AGL banner - ຈີນຈະບໍ່ອະນຸຍາດໃຫ້ອາເມລິກາ ເຂົ້າຊື້ກິດຈະການຂອງ TikTok

ສຳນັກ​ຂ່າວ China Daily ຂອງ​ລັດຖະບານ​ຈີນ ກ່າວ​ວ່າ: ພວກ​ເຂົາ​ຈະ​ບໍ່​ຍອມຮັບ​ການ​ເຂົ້າຍຶດຄອງ TikTok ​ໂດຍ​ອາ​ເມ​ລິ​ກາ ​ແລະ Microsoft ​ແລະ ອາດ​ກະທຳ​ການ​ຕອບ​ໂຕ້ ຖ້າ​ວໍ​ຊິງ​ຕັນ​ບັງຄັບ​ໃຫ້​ພວກ​ເຂົາ​ຂາຍ​ກິດຈະການ TikTok ພາ​ຍ​ໃນ​ອາ​ເມ​ລິ​ກາ.

ນີ້​ເປັນ​ການ​ປົກ​ປ້ອງ​ທີ່​ແຂງ​ແຮງ​ທີ່​ສຸດ​ຂອງ​ປັກ​ກິ່ງ​ຕໍ່ ByteDance Ltd. ຂະນະ​ທີ່​ປະທານາທິບໍດີ ​ໂດ​ນັລ ທຣຳ ກ່າວ​ວ່າ: ທ່ານ​ຈະ​ສັ່ງ​ຫ້າມ TikTok ຢູ່​ອາ​ເມ​ລິ​ກາຢ່າງ​ແນ່ນອນ ຖ້າ ByteDance ບໍ່​ຍອມ​ຕົກລົງ​ຂາຍ​ໃຫ້ Microsoft ຫລື ບໍລິສັດ​ອື່ນໆ​ຂອງ​ອາ​ເມ​ລິ​ກາ ພາຍ​ໃນ​ວັນ​ທີ 15 ກັນຍາ​ນີ້.

ຄວາມ​ເຄັ່ງ​ຕຶງ​ຂອງ​ທັງ 2 ປະ​ເທດ​ຮຸນ​ແຮງ​ຂຶ້ນ​ເລື້ອຍໆ. ຂະນະ​ທີ່​ສື່​ໃຫຍ່​ຫລາຍ​ແຫ່ງ​ຂອງ​ຈີນ ​ໂດຍ​ສະ​ເພາະ The Global Times ປະນາມ​ວ່າການ​ກະທຳ​ດັ່ງກ່າວ​ຂອງ​ອາ​ເມ​ລິ​ກາ​ປຽບ​ເໝືອນ​ການ​ປຸ້ນ​ກັນ​ໜ້າ​ຕໍ່ໜ້າ.

ByteDance ​ໄດ້​ກາຍ​ເປັນ​ບໍລິສັດ Startup ​ໃຫຍ່​ທີ່​ສຸດ​ໃນ​ໂລກ ​ເຊິ່ງຕ້ອງ​ຂອບ​ໃຈ​ຜົນສຳ​ເລັດ​ຂອງ TikTok ​ຢູ່​ຕ່າງປະ​ເທດ. ຂະນະ​ທີ່​ອອກ​ກົດໝາຍ ຊາວ​ອາ​ເມ​ລິ​ກາ​ກ່າວ​ຫາ​ວ່າ​: ນີ້​ຄື​ການ​ຄຸກ​ຄາມ​ຄວາມ​ໝັ້ນຄົງ​ແຫ່ງ​ຊາດ​ຂອງ​ອາ​ເມ​ລິ​ກາ ​ໂດຍ​ການ​ເກັບ​ຮວບ​ຮວມຂໍ້​ມູນ​ຕ່າງໆ​ເຂົ້າສູ່​ປະ​ເທດ​ຈີນ.

ຕອນ​ນີ້​ທ່ານ ທຣຳ ມີ​ອຳນາດ​ຈະ​ທຳລາຍ​ຊັບ​ສິນ​ອັນ​ມີຄ່າ​ຂອງ ByteDance ​ໂດຍ​ການ​ເພີ່ມ​ເຂົ້າສູ່​ບັນຊີ​ດຳ ​ເຊິ່ງຈະ​ເປັນ​ການ​ບັງຄັບ​ໃຫ້​ບໍລິສັດ​ສັນຊາດ​ອາ​ເມ​ລິ​ກາ​ເຊັ່ນ: Apple Inc. ​ແລະ Alphabet Inc. ຈຳ​ເປັນ​ຕ້ອງ​ລົບ TikTok ອອກ​ຈາກ App Store ຂອງ​ພວກ​ເຂົາ.

ຈີນຈະບໍ່ອະນຸຍາດໃຫ້ອາເມລິກາ ເຂົ້າຊື້ກິດຈະການຂອງ tiktok - Wave100S AD to Website 2020 0 - ຈີນຈະບໍ່ອະນຸຍາດໃຫ້ອາເມລິກາ ເຂົ້າຊື້ກິດຈະການຂອງ TikTok

ການ​ປາບ​ປາມ​ຂອງ​ອາ​ເມ​ລິ​ກາ​ໃນ​ຄັ້ງນີ້ ສົ່ງ​ຜົນ​ໃຫ້​ເກີດ​ການ​ແຍກ​ຕົວ​​ໃນ​ຫລາຍ​ອຸດສາຫະກຳ ​ໂດຍ​ບາງ​ຄົນ​ປະນາມ​ວ່າ​ນີ້​ຄື​ການ​ທໍລະ​ຍົດ​ຕໍ່​ຄ່າ​ນິຍົມ​ແຫ່ງ​ເສລີ ​ແລະ ການ​ເປັນ​ທຶນ​ນິຍົມ​ຂອງ​ໂລກ. ຂະນະ​ທີ່​ຄົນ​ອື່ນໆ​ສະໜັບສະໜູນ​ໃຫ້​​ເຮັດ​ທຸກ​ວິທີ​ທາງ​ເພື່ອ​ປາບ​ຄູ່​ແຂ່ງ​ທາງ​ການ​ເມືອງ ​ແລະ ອຸດສາຫະກຳ​ເຕັກ​ໂນ​ໂລ​ຊີ​ທີ່​ສຳຄັນ​ຂອງ​ປະ​ເທດ.

ທ່ານ ​ໂດ​ນັລ ທຣຳ ຢືນຢັນ​ຫລາຍ​ເທື່ອ​ວ່າ: ການ​ເຂົ້າຊື້ກິດຈະການຄັ້ງນີ້ຈະສ້າງກຳໄລໃຫ້ອາເມລິ ກາຢ່າງມະຫາສານ. ຂະນະທີ່ The Global Times ລາຍ​ງານ​ວ່າ: ມາດ​ຕະການ​ຕອບ​ໂຕ້​ຂອງ​ຈີນ​ນັ້ນຍັງ​ບໍ່​ແນ່ນອນ​ວ່າ​ຈະ​ອອກ​ມາ​ໃນ​ຮູບ​ແບບ​ໃດ ​ເນື່ອງ​ຈາກລັດຖະບານ​ຍັງ​ມີ​ຄວາມ​ສາມາດ​ທີ່​ຈຳກັດ​ໃນ​ການ​ປ້ອງ​ກັນ​ບໍລິສັດ​ທາງ​ດ້ານ​ເຕັກ​ໂນ​ໂລ​ຊີ​ຂອງ​ຕົນ​ເອງ ​ແລະ ​ໂດຍ​ລວມ​ແລ້ວ ອາ​ເມ​ລິ​ກາ​ຍັງ​ມີ​ຄວາມ​ສາມາດ​ເໜືອກ​ວ່າ​ຈີນ​ໃນ​ດ້ານ​ນີ້.

ຈີນຈະບໍ່ອະນຸຍາດໃຫ້ອາເມລິກາ ເຂົ້າຊື້ກິດຈະການຂອງ tiktok -    AD conten website - ຈີນຈະບໍ່ອະນຸຍາດໃຫ້ອາເມລິກາ ເຂົ້າຊື້ກິດຈະການຂອງ TikTok
ຈີນຈະບໍ່ອະນຸຍາດໃຫ້ອາເມລິກາ ເຂົ້າຊື້ກິດຈະການຂອງ tiktok - lattana banner - ຈີນຈະບໍ່ອະນຸຍາດໃຫ້ອາເມລິກາ ເຂົ້າຊື້ກິດຈະການຂອງ TikTok
ຈີນຈະບໍ່ອະນຸຍາດໃຫ້ອາເມລິກາ ເຂົ້າຊື້ກິດຈະການຂອງ tiktok - lattana banner 1 - ຈີນຈະບໍ່ອະນຸຍາດໃຫ້ອາເມລິກາ ເຂົ້າຊື້ກິດຈະການຂອງ TikTok
error: Alert: ເນື້ອຫາຂ່າວມີລິຂະສິດ !!