ຫົວໜ້າຄະນະສະເພາະກິດປ້ອງກັນໂຄວິດ-19 ຢ້ຽມາມສູນກັກກັນແຮງງານ ຫລັກ 27

ຫົວໜ້າຄະນະສະເພາະກິດປ້ອງກັນໂຄວິດ-19 ຢ້ຽມາມສູນກັກກັນແຮງງານ ຫລັກ 27 - 54 - ຫົວໜ້າຄະນະສະເພາະກິດປ້ອງກັນໂຄວິດ-19 ຢ້ຽມາມສູນກັກກັນແຮງງານ ຫລັກ 27
ຫົວໜ້າຄະນະສະເພາະກິດປ້ອງກັນໂຄວິດ-19 ຢ້ຽມາມສູນກັກກັນແຮງງານ ຫລັກ 27 - Untitled design - ຫົວໜ້າຄະນະສະເພາະກິດປ້ອງກັນໂຄວິດ-19 ຢ້ຽມາມສູນກັກກັນແຮງງານ ຫລັກ 27

ໃນວັນທີ 4 ສິງຫານີ້, ທ່ານ ສົມດີ ດວງດີ ຮອງນາຍົກລັດຖະມົນຕີ, ລັດຖະມົນຕີກະຊວງການເງິນ ທັງເປັນຫົວໜ້າຄະນະສະເພາະກິດຕ້ານ​ການລະບາດ​ຂອງ​ພະຍາດ​ໂຄ​ວິດ-19 ໄດ້ລົງໄປຢ້ຽມຢາມ ແລະ ຊຸກຍູ້ວຽກງານຢູ່ສູນກັກກັນແຮງງານທີ່ກັບມາຈາກຕ່າງປະເທດ ທີ່ຫລັກ 27 ເມືອງໄຊທານີ ນະຄອນຫລວງວຽງຈັນ.

ທ່ານ ນາງ ດຣ. ນາລີ ຂັນທະລັກ ຫົວໜ້າສູນດັ່ງກ່າວ ໄດ້ລາຍງານ​ໃຫ້​ຮູ້ວ່າ: ສູນ​ກັກ​ກັນ​ແຫ່ງ​ນີ້​ໄດ້​ປະຕິບັດ​ການກັກກັນແຮງງານທີ່ກັບມາຈາກຕ່າງປະເທດນັບແຕ່ເດືອນພຶດສະພາເປັນຕົ້ນມາ ເຫັນວ່າໄດ້ມີແຮງງານ ແລະ ນັກສຶກສາຫລາຍພັນຄົນທີ່ກັບມາຈາກຕ່າງປະເທດໄດ້ເຂົ້າມາກັກຕົວຢູ່ສູນແຫ່ງນີ້ເປັນເວລາ 14 ວັນ ໂດຍມີອາຄານທັງໝົດ 6 ຫລັງ ລວມມີ 240 ຫ້ອງນອນ ຊຶ່ງຈັດສັນໃຫ້ເຂົ້າພັກ 2-3 ຄົນຕໍ່ຫ້ອງ ແລະ ມີພະນັກງານແພດໝໍຈາກພະແນກສາທາລະນະສຸກ ນະຄອນຫລວງວຽງຈັນ ສົມທົບກັບແພດໝໍຈາກໂຮງໝໍເມືອງໄຊເສດຖາ ແລະ ເມືອງໄຊທານີ ໄດ້ຜັດປ່ຽນກັນມາປະຈໍາການ ເພື່ອຕິດຕາມອາການຂອງແຮງງານທັງໝົດ. ນອກຈາກນີ້​ ຍັງມີກໍາລັງເຈົ້າໜ້າທີ່ ປກສ-ປກຊ ນະຄອນຫລວງວຽງຈັນ ໄດ້ມາປະຈໍາການເພື່ອຊ່ວຍປ້ອງກັນ ແລະ ຕິດຕາມແຮງງານພາຍໃນສູນຕະຫລອດ 24 ຊົ່ວໂມງ. ສ່ວນ​ງົບປະມານ​ການ​ໃຊ້​ຈ່າຍ​ຕ່າງໆ ນອກຈາກ​ງົບ​ຂອງ​ລັດຖະບານ​ແລ້ວ ຍັງໄດ້ຮັບການອຸປະຖໍາຈາກບັນດາບໍລິສັດ-ຫ້າງຮ້ານ ແລະ ຫົວໜ່ວຍທຸລະກິດພາຍໃນນະຄອນຫລວງວຽງຈັນອີກຈໍານວນໜຶ່ງ.

ໃນໂອກາດນີ້, ທ່ານຮອງ​ນາຍົກ ໄດ້ໂອ້ລົມຊີ້ນໍາຕໍ່ຄະນະຮັບພິຊອບສູນດັ່ງກ່າວ ​ເພື່ອສະແດງຄວາມຍ້ອງຍໍພະນັກງານແພດໝໍ ແລະ ເຈົ້າໜ້າທີ່ທຸກພາກສ່ວນທີ່ໄດ້ເອົາໃຈໃສ່ປະຕິບັດໜ້າທີ່ດ້ວຍຄວາມຮັບຜິດຊອບສູງ ເພື່ອດູແລເບິ່ງແຍງແຮງງານດ້ວຍຄວາມອົດທົນ ແລະ ເສຍສະຫລະ ເຖິງວ່າມີຄວາມຫຍຸ້ງຍາກດ້ານງົບປະມານ ເພື່ອປ້ອງກັນບໍ່ໃຫ້ພະຍາດດັ່ງກ່າວມີການລະບາດໃໝ່ໃນປະເທດເຮົາ,​ ພ້ອມທັງເນັ້ນໃຫ້ສືບຕໍ່ເອົາໃຈໃສ່ວຽກງານຕິດຕາມກວດກາເກັບຕົວຢ່າງຊອກຫາເຊື້ອພະຍາດເປັນປົກກະຕິ ລວມເຖິງບັນຫາຄວາມເປັນລະບຽບຮຽບຮ້ອຍ ແລະ ສະອາດຈົບງາມຂອງສູນ ແລະ ອັນສໍາຄັນແມ່ນໃຫ້ນໍາໃຊ້ງົບປະມານທີ່ມີຈໍາກັດນີ້ໃຫ້ມີປະສິດທິຜົນ. ສ່ວນບັນຫາອື່ນໆທີ່ທາງສູນໄດ້ສະເໜີຜ່ານຄະນະສະເພາະກິດໃນຄັ້ງນີ້ແມ່ນຈະໄດ້ນໍາໄປປຶກສາຫາລືກັບລັດຖະບານ ເພື່ອຄົ້ນຄວ້າພິຈາລະນາການຊ່ວຍເຫລືອຕາມຄວາມເໝາະສົມ.

ຫົວໜ້າຄະນະສະເພາະກິດປ້ອງກັນໂຄວິດ-19 ຢ້ຽມາມສູນກັກກັນແຮງງານ ຫລັກ 27 - Wave100S AD to Website 2020 0 - ຫົວໜ້າຄະນະສະເພາະກິດປ້ອງກັນໂຄວິດ-19 ຢ້ຽມາມສູນກັກກັນແຮງງານ ຫລັກ 27
ຫົວໜ້າຄະນະສະເພາະກິດປ້ອງກັນໂຄວິດ-19 ຢ້ຽມາມສູນກັກກັນແຮງງານ ຫລັກ 27 - WhatsApp Image 2020 05 27 at 5 - ຫົວໜ້າຄະນະສະເພາະກິດປ້ອງກັນໂຄວິດ-19 ຢ້ຽມາມສູນກັກກັນແຮງງານ ຫລັກ 27
ຫົວໜ້າຄະນະສະເພາະກິດປ້ອງກັນໂຄວິດ-19 ຢ້ຽມາມສູນກັກກັນແຮງງານ ຫລັກ 27 - WhatsApp Image 2020 05 27 at 5 - ຫົວໜ້າຄະນະສະເພາະກິດປ້ອງກັນໂຄວິດ-19 ຢ້ຽມາມສູນກັກກັນແຮງງານ ຫລັກ 27
error: Alert: ເນື້ອຫາຂ່າວມີລິຂະສິດ !!