IS ລະເບີດທຳລາຍມັດສະຢິດສັນຍາລັກແຫ່ງເມືອງໂມຊູລ

- advert banner 728 90 728x90 - IS ລະເບີດທຳລາຍມັດສະຢິດສັນຍາລັກແຫ່ງເມືອງໂມຊູລ

- mosque large trans NvBQzQNjv4BqqVzuuqpFlyLIwiB6NTmJwfSVWeZ vEN7c6bHu2jJnT8 - IS ລະເບີດທຳລາຍມັດສະຢິດສັນຍາລັກແຫ່ງເມືອງໂມຊູລ

ກອງທັບ​ອີຣັກລະບຸ​ວ່າ: ກຸ່ມ​ທີ່​ເອີ້ນ​ຕົນ​ເອງ​ວ່າ​ລັດ​ອິສລາມ (IS) ​ໄດ້​ລະ​ເບີດ​ທຳລາຍ​ມັດສະ​ຢິດອັດ-ນູຣີ ​ໃນ​ເມືອງ​ໂມ​ຊູ​ລ ​ເຊິ່ງ​ເປັນ​ສະຖານ​ທີ່​ສຳຄັນ​ທາງ​ປະຫວັດສາດ ທີ່​ທ່ານ ອາ​ບູ ບາ​ກາ ອັດ ບັດ​ດາ​ດີ ຜູ້ນຳ​ກຸ່ມ IS ​ເຄີຍ​ໃຊ້​ເປັນ​ເວທີ​ປະກາດ​ຕັ້ງລັດ​ອິສລາມ ​ໃນ​ປີ 2014.

​ເຖິງ​ຢ່າງ​ໃດ​ກໍ​ຕາມ, ກຸ່ມ​ທີ່​ເອີ້ນ​ຕົນ​ເອງ​ວ່າ​ລັດ​ອິສລາມ ອ້າງ​ຜ່ານ​ສຳນັກ​ຂ່າວ​ອາ​ມັກ​ວ່າ: ​ເຮືອບິນ​ຮົບ​ຂອງ​ອາ​ເມ​ລິ​ກາ​ເປັນ​ຝ່າຍ​ທຳລາຍ​ມັດສະ​ຢິດ​ເກົ່າ​ແກ່​ນີ້.

- 95260143 mediaitem95260142 - IS ລະເບີດທຳລາຍມັດສະຢິດສັນຍາລັກແຫ່ງເມືອງໂມຊູລ

ນາຍົກລັດຖະມົນຕີ ​ໄຮ​ເດີ ອັດ​ອະ​ບາ​ດີ ຂອງ​ອີຣັກ ກ່າວ​ວ່າ: ກາ​ນລະ​ເບີດ​ທຳລາຍ​ມັດສະ​ຢິດ​ເປັນ “ການ​ປະກາດ​ການ​ເສຍ​ໄຊ​ຢ່າງ​ເປັນ​ທາງ​ການ” ຂອງ​ທາງ​ຝ່າຍ IS ​ໂດຍ​ໄດ້​ເຜີຍ​ແຜ່​ຮູບ​ຖ່າຍ​ທາງ​ອາກາດ ສະ​ແດງ​ໃຫ້​ເຫັນ​ມັດສະ​ຢິດ ​ແລະ ຫໍຄອຍ​ທີ່​ໄດ້​ຮັບ​ຄວາມ​ເສຍ​ຫາຍ​ໜັກ ​ເຊິ່ງຜູ້​ບັນຊາ​ການ​ໜ່ວຍ​ຮົບ​ຂອງ​ກອງທັບ​ອີຣັກທີ່​ກຳລັງ​ໂຈມ​ຕີ ​ເພື່ອ​ຢຶດ​ເມືອງ​ໂມ​ຊູ​ລຄືນ ລະບຸ​ວ່າ: ທະຫານ​ຢູ່​ໃນ​ໄລຍະ 50 ​ແມັດ ຈາກ​ມັດ​ສະ​ຢິດຕອນ​ທີ່ IS “ກໍ່​ອາດຊະຍາ​ກຳ​ຕໍ່​ປະຫວັດສາດ​ອີກ”.

- untitled design 1 20170621074400 1170x645 - IS ລະເບີດທຳລາຍມັດສະຢິດສັນຍາລັກແຫ່ງເມືອງໂມຊູລ

ພົນ​ຕີ ​ໂຈ​ເຊ​ຟ ມາຣຕິນ ຜູ້​ບັນຊາ​ການ​ທະຫານ​ຂອງ​ອາ​ເມ​ລິ​ກາ​ໃນ​ອີຣັກ ກ່າວ​ວ່າ: IS ​ໄດ້​ທຳລາຍ “ສົມບັດ​ລ້ຳຄ່າ​ແຫ່ງ​ໜຶ່ງ​ຂອງ​ເມືອງ​ໂມ​ຊູ​ລ ​​ແລະ ຂອງ​ອີຣັກ” ​ເຊິ່ງ “ຖື​ເປັນ​ອາຊະຍາ​ກຳ​ຕໍ່​ຊາວ​ເມືອງ​ໂມ​ຊູ​ລ ​ແລະ ຊາວ​ອີຣັກທຸກ​ຄົນ ​ແລະ ​ເປັນ​ເຫດຜົນ​ວ່າ​ເປັນ​ຫຍັງ ພວກ​ເຮົາ​ຕ້ອງ​ກວາດ​ລ້າງ​ກຸ່ມ​ທີ່​ໂຫດຮ້າຍ​ນີ້”.

ຜ່ານ​ມາ​ກຸ່ມ​ທີ່​ເອີ້ນ​ຕົນ​ເອງ​ວ່າ​ລັດ​ອິສລາມ​ໄດ້​ທຳລາຍ​ສະຖານ​ທີ່​ສຳຄັນ​ທາງ​ປະຫວັດສາດ​ຫລາຍ​ແຫ່ງ​ໃນ​ອີຣັກ ​ແລະ ຊີຣີ, ຂະນະ​ທີ່​ອົງການ​ສະຫະ​ປະຊາ​ຊາດ​ລະບຸ​ວ່າ: IS ອາດ​ຈະ​ກຳລັງ​ຈັບ​ປະຊາຊົນ​ກວ່າ 1 ​ແສນ​ຄົນ​ໃນ​ເມືອງ​ໂມ​ຊູ​ລ​ເອົາ​ໄວ້​ເປັນ​ເກາະ​ຄຸ້ມ​ກັນ.

- grand mosque759 - IS ລະເບີດທຳລາຍມັດສະຢິດສັນຍາລັກແຫ່ງເມືອງໂມຊູລ

- 1 1 - IS ລະເບີດທຳລາຍມັດສະຢິດສັນຍາລັກແຫ່ງເມືອງໂມຊູລ
- Tiger Head 728x90 - IS ລະເບີດທຳລາຍມັດສະຢິດສັນຍາລັກແຫ່ງເມືອງໂມຊູລ

ຖະ​ແຫລ​ງການ​ຈາກ​ລັດຖະບານ​ອີຣັກລະບຸ​ວ່າ: ຕຶກ​ອາຄານ​ຂອງ​ມັດສະ​ຢິດ ​ແລະ ຫໍຄອຍ​ເອນ ຫລື ຮັດ​ບາ ​ເຊິ່ງ​ເປັນ​ສັນຍາ​ລັກ​ສຳຄັນ​ຂອງ​ມັດ​ສະ​ຢິດທີ່​ສ້າງ​ຂຶ້ນ​ໃນ​ປີ 1172 ຖືກ​ລະ​ເບີດ​ທຳລາຍ.

​ແຕ່​ມັດສະ​ຢິດ​ແຫ່ງ​ນີ້​ຖື​ວ່າ​ມີ​ຄວາມ​ສຳຄັນ​ຕໍ່ IS ນຳ ​ໂດຍ​ພຽງ 1 ​ເດືອນ​ພາຍຫລັງ​ທີ່ຢຶດ​ເມືອງ​ໂມ​ຊູ​ລ​ໄດ້​ໃນ​ເດືອນ​ມິຖຸນາ 2014, ທ່ານ ອາ​ບູ ບາ​ກາ ອັດ ບັກ​ດາ​ດີ ຜູ​້ນຳ IS ​ໄດ້​ອອກ​ມາ​ປາກົດ​ຕົວ​ເພື່ອ​ກ່າວ​ຄຳ​ສອນ​ປະຈຳ​ວັນ​ສຸກ ​ແລະ ປະກາດ​ຕັ້ງລັດ​ອິສລາມ​ຂຶ້ນ ​ເຊິ່ງປັດຈຸບັນ​ເຂດ​ເມືອງ​ເກົ່າ​ແຫ່ງ​ນີ້​ເປັນ​ຖານ​ທີ່​ໝັ້ນສຸດ​ທ້າຍ​ຢູ່​ພາຍ​ໃຕ້​ການ​ຄວບ​ຄຸມ​ຂອງ​ກຸ່ມ IS ​ໃນ​ເມືອງ​ໂມ​ຊູ​ລຂອງ​ອີຣັກ.

- 96587058 03246cc4 3ad2 423e 8a68 a451112704c8 - IS ລະເບີດທຳລາຍມັດສະຢິດສັນຍາລັກແຫ່ງເມືອງໂມຊູລ

​ໃນ​ວັນ​ທີ 18 ມິຖຸນາ, ຜູ້​ບັນຊາ​ການ​ກອງ​ກຳລັງ​ປາບ​ປາມ​ການ​ກໍ່​ການ​ຮ້າຍ ​ແລະ ຕຳຫລວດ​ອີຣັກປະກາດ​ວ່າ: ​ໄດ້​ເລີ່​ມ​ໂຈມ​ຕີ​ເປັນ​ເທື່ອ​ສຸດ​ທ້າຍ​ຈາກ​ທຸກ​ທິດ​ອ້ອມ​ເຂດ​ເມືອງ​ເກົ່າ.

ກອງທັບ​ອີຣັກ​ເຊື່ອ​ວ່າ: ປັດຈຸບັນ​ຍັງ​ມີ​ສະມາຊິກ​ກຸ່ມ​ຕິດ​ອາວຸດ​ເຫລືອ​ຢູ່​ໃນ​ເມືອງ​ໂມ​ຊູ​ລບໍ່​ຮອດ 300 ຄົນ ຈາກ​ກ່ອນ​ໜ້າ​ນີ້​ທີ່​ມີ​ຢູ່ 6.000 ຄົນ ຕອນ​ເລີ່​ມປະຕິບັດ​ການ​ໂຈມ​ຕີ​ໃນ​ເດືອນ​ຕຸລາ​ຜ່ານ​ມາ.

- 96587060 aeddef9a f7ef 4d40 856a 00df4eae8b62 - IS ລະເບີດທຳລາຍມັດສະຢິດສັນຍາລັກແຫ່ງເມືອງໂມຊູລ

​ແຕ່​ກາ​ແດງ​ສາກົນ​ໄດ້​ອອກ​ມາ​ເຕືອນ​ໃນ​ວັນ​ທີ 20 ມິຖຸນາ​ວ່າ: ກຳລັງ​ມີ​ປະຊາຊົນ​ໄດ້ບາດ​ເຈັບ ​ແລະ ອົບ​ພະຍົບອອກ​ຈາກ​ເມືອງ​ໂມ​ຊູ​ລ​ເພີ່ມ​ຂຶ້ນ ​ໂດຍ​ມີ​ທັງ​ຜູ້​ທີ່​ຖືກ​ລູກປືນ, ສະ​ເກັດ​ລະ​ເບີດ​ທາງ​ອາກາດ ​ແລະ ຖືກ​ລະ​ເບີດ​ໂຈມ​ຕີ. ຂະນະ​ທີ່​ກ່ອນ​ໜ້າ​ນັ້ນມີ​ການ​ສົ່ງ​ເຮືອບິນ​ຖິ້ມ​ໃບ​ປິວ​ໃຫ້​ຂໍ້​ມູນ​ປະຊາຊົນ​ວ່າ: ຄວນ​ຫາ​ໂອກາດ​ຫລົບໜີ​ອອກ​ຈາກ​ເມືອງ ພ້ອມ​ທັງ​ຫລີກ​ເວັ້ນການ​ຢູ່​ໃນພື້ນທ່ີ​ກາງ​ແຈ້ງ.

- 96587059 335099b4 3750 4250 9d30 d7e05ee40caa - IS ລະເບີດທຳລາຍມັດສະຢິດສັນຍາລັກແຫ່ງເມືອງໂມຊູລ

error: Content is protected !!