15 ຂໍ້ຄິດ ເຮັດກ່ອນອາຍຸ 45 ປີ ທ່ານຈະມີກິນມີໃຊ້ ບໍ່ຂັດສົນ

15 ຂໍ້ຄິດ ເຮັດກ່ອນອາຍຸ 45 ປີ ທ່ານຈະມີກິນມີໃຊ້ ບໍ່ຂັດສົນ - 555 7 - 15 ຂໍ້ຄິດ ເຮັດກ່ອນອາຍຸ 45 ປີ ທ່ານຈະມີກິນມີໃຊ້ ບໍ່ຂັດສົນ
15 ຂໍ້ຄິດ ເຮັດກ່ອນອາຍຸ 45 ປີ ທ່ານຈະມີກິນມີໃຊ້ ບໍ່ຂັດສົນ - Untitled design - 15 ຂໍ້ຄິດ ເຮັດກ່ອນອາຍຸ 45 ປີ ທ່ານຈະມີກິນມີໃຊ້ ບໍ່ຂັດສົນ
  1. ທ້ອນເງິນກ້ອນ 10 ລ້ານໃຫ້ໄດ້ ແລ້ວ 10 ລ້ານກ້ອນຕໍ່ໄປຈະງ່າຍຂຶ້ນ : ປະໂຫຍກນີ້ແມ່ນຄວາມຈິງ ເພະາເມື່ອເຮົາຮຽນຮູ້ວິທີການບໍລິຫານເງິນທີ່ຖືກຕ້ອງຈົນມີ 10 ລ້ານກ້ອນທຳອິດໄດ້ແລ້ວ 10 ລ້ານກ້ອນຕໍ່ໄປກ້ອນຕໍ່ໄປກໍຈະບໍ່ແມ່ນເລື່ອງຍາກຫລາຍປານໃດ ບວກກັບການມີທຶນ 10 ລ້ານກ້ອນທຳອິດໄປຕໍ່ຍອດຄວາມຮັ່ງມີ.
  2. ຈົ່ງເກັບເງິນໂບນັດໄວ້ໃຫ້ດີ : ມັນເປັນເງິນກ້ອນທີ່ເອົາໄປລົງທຶນໄດ້ ທ່ານຄວນໃຫ້ລາງວັນຕົນເອງໃນແຕ່ລະປີບໍ່ເກີນ 30% ຂອງເງິນໂບນັດ ແລ້ວໃນສ່ວນທີ່ເຫລືອກໍເອົາໄປລົງທຶນ ເຊິ່ງຫາກທ່ານເຮັດແບບນີ້ໄດ້ ທ່ານຈະມີຄວາມສຸກກັບການທ້ອນເງິນຫລາຍກ່ວາການໃຊ້ເງິນ.
  3. ທ້ອນເງິນຕັ້ງແຕ່ອາຍຸຍັງນ້ອຍ : ຂຶ້ນຢູ່ກັບການຄວບຄຸມຄວາມຢາກຂອງຕົນເອງ ໂດຍທະຍອຍຊື້ສິ່ງທີ່ຢາກໄດ້ ຢ່າຊື້ເທື່ອດຽວຕິດໆກັນ ເຊັ່ນ : ໂທລະສັບມືຖື, ແພັກເກັດທ່ອງທ່ຽວ ແລະ ລົດ, ໃຫ້ເວັ້ນໄລຍະຫ່າງໆກັນ ເພາະຄວາມຢາກຂອງຄົນເຮົາບໍ່ມີບ່ອນສິ້ນສຸດ ເຮົາຄວນຊື້ສິ່ງຂອງທີ່ມີໂອກາດໄດ້ແທ້ ສິ່ງຂອງທີ່ບໍ່ຄິດຈະໃຊ້ກໍຢ່າໄປຊື້ມັນ.
  4. ຈົ່ງເລືອກເຮັດວຽກທີ່ຕົນເອງມັກ ແລະ ຊຳນານ : ການຫາຈຸດຢືນທີ່ເໝາະສົມກັບຕົນເອງມັນຊ່ວຍເຮັດໃຫ້ເງິນເດືອນ ແລະ ຕຳແໜ່ງເຕີບໃຫຍ່ໄດ້ໄວ ສິ່ງສຳຄັນຄວນເລືອກເຮັດວຽກກັບຫົວໜ້າສະຫລາດໆ ຈະຊ່ວຍສົ່ງເສີມໃຫ້ເຮົາກ້າວໜ້າໄດ້ໄວຂຶ້ນ.
  5. ຝຶກລົງທຶນເພື່ອໃຫ້ມີລາຍໄດ້ເສີມຢູ່ສະເໝີ : ອະນາຄົດອາດກາຍເປັນລາຍໄດ້ຫລັກກໍເປັນໄດ້ ເຊັ່ນ : ລົງທຶນໃນຫຸ້ນກອງທຶນກຸ່ມບ້ານ, ຫ້ອງເຊົ່າ, ຄອນໂດ ແລະ ຂາຍເຄື່ອງອອນລາຍ ເປັນຕົ້ນ, ແຕ່ກ່ອນຈະລົງທຶນຫຍັງຄວນສຶກສາໃຫ້ຮູ້ກ່ອນ ແລະ ຈະຮັບຄວາມສ່ຽງໄດ້ຫລາຍປານໃດ, ທ່ານຕ້ອງລອງຫລາຍໆຢ່າງ ເນັ້ນລົງທຶນກັບສິ່ງທີ່ເບິ່ງແລ້ວເປັນໄປໄດ້ແທ້.
  6. ຫລຸດຄ່າໃຊ້ຈ່າຍທີ່ເຮັດໄດ້ງ່າຍ ແລະ ເຫັນຜົນແທ້ :ຫລາຍຄົນເຄີຍເຮັດສຳເລັດມາແລ້ວ ເຊັ່ນ : ການຣີໄຟແນນເຮືອນ ຫລື ລົດເພື່ອຫລຸດດອກເບ້ຍ, ລອງປ່ຽນເຄເບິ້ນເປັນແບບບໍ່ມີຄ່າລາຍເດືອນ ມັນຊ່ວຍປະຢັດໄປປີລະຫລາຍແສນກີບ.
  7. ໃຊ້ບັດເຄຣດິດເປັນເຄື່ອງມືຫລຸດຄ່າໃຊ້ຈ່າຍໃຫ້ກັບເຮົາ :ຢ່າໃຊ້ຈ່າຍເກີນໂຕ ສາເຫດທີ່ແນະນຳຈ່າຍດ້ວຍບັດເຄຣດິດ ຍ້ອນໄດ້ສ່ວນຫລຸດຄະແນະສະສົມ ໄດ້ເງິນກັບຄືນມາ ດີກ່ວາການໃຊ້ເງິນສົດ ໂດຍຫລາຍທ່ານກໍໃຊ້ຫລາຍບັດ ໂດຍຊຳລະເຕັມຈຳນວນ ແລະ ເລືອກໃຊ້ບັດທີ່ໃຫ້ສ່ວນຫລຸດຫລາຍໆ.
  8. ເລີ່ມບັນທຶກການເຕີບໃຫຍ່ຂອງຊັບສິນ ແລະ ລາຍຮັບທຸກໆປີ : ການບັນທຶກຊ່ວຍໃຫ້ເຮົາເຫັນຈຸດບົກພ່ອງວ່າຄວນປັບປຸງພາກສ່ວນໃດ ແລະ ໃຊ້ກຳນົດແນວທາງໄປສູ່ເປົ້າໝາຍ ໄດ້ແກ່ : ການເຕີບໃຫຍ່ຂອງຊັບສິນ ແລະ ຜົນຕອບແທນຈາກການລົງທຶນ ເພື່ອໃຫ້ບັນລຸອິດສະຫລະພາບທາງການເງິນ.
  9. ທ້ອນເງິນແບບອື່ນ ນອກຈາກຝາກເງິນກັບທະນາຄານ : ການທ້ອນເງິນທາງເລືອກ ໄດ້ແກ່ : ພັນທະບັດ, ຫຸ້ນກູ້ກອງທຶນລວມ ແລະ ປະກັນຊີວິດ ເປັນຕົ້ນ ຢາກແນະນຳໃຫ້ລອງ ເພາະຜົນຕອບແທນທີ່ເພີ່ມຂຶ້ນຈະເຮັດໃຫ້ເຖິງເປົ້າໝາຍໄດ້ໄວ.
  10. ລະວັງວິກິດເສດຖະກິດໃຫ້ດີ : ເພາະອາດເຮັດໃຫ້ຄົນຮັ່ງມີສາມາດທຸກຈົນລົງໄດ້, ຄວາມຮູ້ເສດຖະສາດເປັນເລື່ອງສຳຄັນ ເຮັດໃຫ້ເຂົ້າໃຈວົງຈອນເສດຖະກິດທີ່ມີ ທັງເຕີບໃຫຍ່ ແລະ ຕົກຕໍ່າສະຫລັບກັນຕະຫລອດ ການສັງເກດດັດຊະນີວັດແທກທາງເສດຖະກິດມັນຊ່ຍໃຫ້ລົງທຶນຖືກຈັງຫວະ ແລະ ຄວາມສ່ຽງບໍ່ສູງ.
  11. ຈົ່ງເລືອກຊັບສິນທີ່ບໍ່ແມ່ນການລົງທຶນໃຫ້ດີ ເຊັ່ນ : ເຮືອນ ແລະ ລົດຍົນທີ່ເຮົາໃຊ້ຢູ່ ເພາະບໍ່ໄດ້ປ່ຽນກັນເລື້ອຍໆ ມັນຖືວ່າເປັນຕົນທຶນຈົມຈົນກ່ວາຈະຂາຍອອກ ໂຕຢ່າງ : ຄວນເລືອກເຮືອນໃນທຳເລດີ, ລາຄາກຸ້ມຄ່າ ອີກຢ່າງແມ່ນໄປເຮັດວຽກສະດວກ ໂດຍທ່ານສາມາດເລາະເບິ່ງໂຄງການຂອງເຮືອນໄດ້ຫລາຍໆໂຄງການກ່ອນຕັດສິນໃຈຊື້, ເລືອກລົດລຸ້ນທີ່ເປັນທີ່ນິຍົມຂອງຕະຫລາດ, ກຸ້ມຄ່າ ແລະ ບໍ່ເປ່ເພງ່າຍ ເປັນຕົ້ນ.
  12. ຮຽນຮູ້ການລົງທຶນໂດຍໃຊ້ເງິນຜູ້ອື່ນ :ເປັນຕົ້ນແມ່ນການກູ້ເງິນຊື້ຫ້ອງເຊົ່າ, ຄອນໂດ, ອະພາດເມັນ ເຮົາຈະໄດ້ກຳໄລຫລາຍຈາກເງິນລົງທຶນໜ້ອຍ ເຊິ່ງໝາຍຄວາມວ່າທ່ານມີທຶນຢູ່ບໍ່ຫລາຍ, ແຕ່ໄປກູ້ຢືມມາຕື່ມ ເພື່ອຊື້ອະສັງຫາລິມະຊັບນີ້ມາໃຫ້ຄົນເຊົ່າ ແລະ ເກັບເງິນເພື່ອສົ່ງທະນາຄານແດ່ ແລະ ເກັບກຳໄລແດ່ ເຊິ່ງຫລາຍປີໃນຕໍ່ໜ້າລາຄາຂອງອະສັງຫາລິມະຊັບນີ້ຍ່ອມສູງຂຶ້ນແນ່ນອນ ເມື່ອນັ້ນ ບໍ່ວ່າທ່ານຈະໃຫ້ຄົນເຊົ່າ, ຜ່ອນ ຫລື ຂາຍ ທ່ານກໍຍ່ອມມີກຳໄລຢູ່ໃນນັ້ນ.
  13. ສຶກສາຫາຄວາມຮູ້ການເງິນໃຫ້ສະໝໍ່າສະເໝີ : ຄວາມຮູ້ຫາໄດ້ຈາກໜັງສື ຫລື ເຂົ້າຝຶກອົບຮົມ, ບອດ, ຢູທູບ ແລະ ໝູ່ເພື່ອນ ຊ່ອງທາງເຂົ້າເຖິງຄວາມຮູ້ມີຫລວງຫລາຍ ເຮັດໃຫ້ເຮົາມີຄວາມຮູ້ເລິກເຊິ່ງຫລາຍຂຶ້ນໃນປັດຈຸບັນນີ້.
  14. ຮຽນຮູ້ຈາກການລົງທຶນຂອງເຮົາທີ່ຜິດພາດ : ທຸກຄົນທີ່ເຄີຍລົງທຶນຕ້ອງເຄີຍຂາດທຶນເປັນເລື່ອງປົກກະຕິ ເຊິ່ງທຸກການລົງທຶນທີ່ຂາດທຶນນັ້ນລ້ວນເປັນການຮຽນຮູ້ໃຫ້ເຮົາມີບົດຮຽນ ເພື່ອຈະບໍ່ໃຫ້ຜິດພາດຊຳ້ອີກ.
  15. ຈົ່ງເລືອກເອົາເງິນໄປລົງທຶນສະເພາະເງິນເຢັນ :ການລົງທຶນຕ້ອງໃຊ້ເວລາ ແລະ ມີໂອກາດຂາດທຶນ ແລະ ຖ້າຂາດທຶນແທ້ ເຮົາຈະໄດ້ບໍ່ເດືອດຮ້ອນຫລາຍປານໃດ ເຊິ່ງຄວນກຳນົດເງິນສົດຂັ້ນຕໍ່າທີ່ເອົາໄວ້ໃຊ້ຈ່າຍຢ່າງໜ້ອຍ 12 ເດືອນ ສ່ວນທີ່ເຫລືອກໍເອົາໄປລົງທຶນໄດ້ ຈັກມື້ໜຶ່ງການມີອິດສະລະພາບທາງການເງິນຕ້ອງເກີດຂຶ້ນ, ການຢາກຈະເຮັດຫຍັງກໍໄດ້ທີ່ເຮົາຢາກເຮັດ ໂດຍທີ່ຍັງມີລາຍຮັບເຂົ້າມາຢ່າງສະໝໍ່າສະເໝີ ເຖິງຈະບໍ່ຕ້ອງເຮັດວຽກ ເຊື່ອວ່າທຸກຄົນເຮັດໄດ້.
15 ຂໍ້ຄິດ ເຮັດກ່ອນອາຍຸ 45 ປີ ທ່ານຈະມີກິນມີໃຊ້ ບໍ່ຂັດສົນ - Wave100S AD to Website 2020 0 - 15 ຂໍ້ຄິດ ເຮັດກ່ອນອາຍຸ 45 ປີ ທ່ານຈະມີກິນມີໃຊ້ ບໍ່ຂັດສົນ
15 ຂໍ້ຄິດ ເຮັດກ່ອນອາຍຸ 45 ປີ ທ່ານຈະມີກິນມີໃຊ້ ບໍ່ຂັດສົນ - WhatsApp Image 2020 05 27 at 5 - 15 ຂໍ້ຄິດ ເຮັດກ່ອນອາຍຸ 45 ປີ ທ່ານຈະມີກິນມີໃຊ້ ບໍ່ຂັດສົນ
15 ຂໍ້ຄິດ ເຮັດກ່ອນອາຍຸ 45 ປີ ທ່ານຈະມີກິນມີໃຊ້ ບໍ່ຂັດສົນ - WhatsApp Image 2020 05 27 at 5 - 15 ຂໍ້ຄິດ ເຮັດກ່ອນອາຍຸ 45 ປີ ທ່ານຈະມີກິນມີໃຊ້ ບໍ່ຂັດສົນ
error: Alert: ເນື້ອຫາຂ່າວມີລິຂະສິດ !!