ທັດສະນະຄະຕິ ແລະ ວິທີຄິດສາມາດບົ່ງບອກເຖິງຄຸນນະພາບຊີວິດຂອງທ່ານໄດ້

ທັດສະນະຄະຕິ ແລະ ວິທີຄິດສາມາດບົ່ງບອກເຖິງຄຸນນະພາບຊີວິດຂອງທ່ານໄດ້ - 555 9 - ທັດສະນະຄະຕິ ແລະ ວິທີຄິດສາມາດບົ່ງບອກເຖິງຄຸນນະພາບຊີວິດຂອງທ່ານໄດ້
ທັດສະນະຄະຕິ ແລະ ວິທີຄິດສາມາດບົ່ງບອກເຖິງຄຸນນະພາບຊີວິດຂອງທ່ານໄດ້ - AGL banner - ທັດສະນະຄະຕິ ແລະ ວິທີຄິດສາມາດບົ່ງບອກເຖິງຄຸນນະພາບຊີວິດຂອງທ່ານໄດ້

ຖ້າທ່ານຄິດແຕ່ເລື່ອງບໍ່ດີ ຫລື ເລື່ອງລົບໆ ທຸລະກິດຂອງທ່ານອາດພັງໄດ້ ເຊິ່ງ 4 ເລື່ອງບໍ່ດີຕໍ່ໄປນີ້ ສາມາດແກ້ໄຂໄດ້ດ້ວຍການປັບທັດສະນະຄະຕິໃໝ່. ໃນການເປັນນັກທຸລະກິດ ຫລື ເຈົ້າຂອງກິດຈະການ ບາງເທື່ອທ່ານອາດຈະຕ້ອງພົບພໍ້ກັບຫຍັງທີ່ມາກະທົບຈິດໃຈ ບາງເລື່ອງກໍອາດຈະຄວບຄຸມບໍ່ໄດ້, ແຕ່ບາງເລື່ອງກໍສາມາດພິກປີ້ນເກມໄດ້ໂດຍການປ່ຽນທັດສະນະຄະຕິ ຫລື Attitudeຂອງທ່ານ ໃນບາງການປ່ຽນແປງແນວຄິດອາດຈະເຮັດໃຫ້ທ່ານຄົ້ນພົບຫົນທາງໃໝ່ ຫລື ເບິ່ງເຫັນຫຍັງທີ່ຕ່າງໄປຈາກເກົ່າ, ເຄີຍຫລືບໍ່ທີ່ພົບບັນຫາແລ້ວກໍນັ່ງຄິດຢູ່ແບບນັ້ນ ຍິ່ງເຄັ່ງຄຽດ ຍິ່ງຄິດບໍ່ອອກ, ລອງຍ່າງອອກຈາກບັນຫານັ້ນເບິ່ງຈັກກ້າວ ແລ້ວທ່ານຈະພົບວ່າມັນແມ່ນເສັ້ນຜົມບັງພູເຂົາ ດັ່ງ 4 ເລື່ອງນີ້ທີ່ແກ້ໄຂໄດ້ງ່າຍດ້ວຍ ທັດສະນະຄະຕິ :

ທັດສະນະຄະຕິ ແລະ ວິທີຄິດສາມາດບົ່ງບອກເຖິງຄຸນນະພາບຊີວິດຂອງທ່ານໄດ້ - Wave100S AD to Website 2020 0 - ທັດສະນະຄະຕິ ແລະ ວິທີຄິດສາມາດບົ່ງບອກເຖິງຄຸນນະພາບຊີວິດຂອງທ່ານໄດ້
  1. ໂຊກເປັນຫຍັງບໍ່ເຂົ້າຂ້າງເຮົາແດ່ :ເລື່ອງຂອງໂຊກຊະຕາ ເປັນຫຍັງທີ່ຢູ່ຄູ່ກັບຄົນເຮົາມາດົນນານ ດ້ວຍຄວາມເຊື່ອຂອງຄົນລາວ ທີ່ບາງເທື່ອເຮັດຫຍັງກໍຍຶດຕິດຢູ່ກັບໂຊກ ຢູ່ກັບດວງ ບາງເທື່ອພົບເລື່ອງຫຍັງບໍ່ດີກໍໂທດດວງໄວ້ກ່ອນ “ຂາຍບໍ່ໄດ້ເລີຍ ສົງໄສດວງບໍ່ດີ”, “ມື້ນີ້ກ້າວຂາອອກເຮືອນຜິດເບື້ອງຫລືບໍ່ ເຮັດຫຍັງກໍຕິດຂັດໄປໝົດ”…. ເວລາທີ່ທ່ານພົບເລື່ອງບໍ່ດີ ລອງປ່ຽນແນວຄິດໃໝ່ເບິ່ງວ່າ ອາດຈະບໍ່ແມ່ນເລື່ອງຂອງດວງສະເໝີໄປ, ຢ່າໂທດດວງໂທດຟ້າ ແລ້ວລົງມືແກ້ໄຂດ້ວຍຕົນເອງ, ຖ້າຂາຍດີ ເບິ່ງວ່າຕິດຂັດບ່ອນໃດ ສິນຄ້າບໍ່ດີ ຫລື ວ່າພະນັກງານບໍລິການບໍ່ຖືກໃຈ, ປ່ຽນນຳຕົນເອງ ກ່ອນຈະໂທດໂຊກຊະຕາ.
  2. ຍັງບໍ່ລົງມືເຮັດ ຢ່າຟ້າວຕັດສິນຕົນເອງ :ຫລາຍຄົນມັກຈະເບິ່ງຕົນເອງໃນດ້ານລົບສະເໝີ, ເບິ່ງວ່າເລື່ອງຍາກປານນີ້ແນວໃດກໍເຮັດບໍ່ໄດ້. ເມື່ອໃຈທ່ານຄິດວ່າເຮັດບໍ່ໄດ້ ກໍຈະສົ່ງຜົນໃຫ້ສະໝອງ, ຈິດໃຈ ແລະ ຮ່າງກາຍຮູ້ສຶກວ່າເຮັດບໍ່ໄດ້ໄປນຳ ເຊິ່ງຄວາມຈິງແລ້ວສັກກະຍະພາບຂອງຄົນເຮົາມີຫລາຍກ່ວານັ້ນຫລາຍເທົ່າ ເຄີຍໄດ້ຍິນບໍ່ວ່າ “It seem impossible until it’s done” ຫລາຍເລື່ອງມັນເບິ່ງຄືຈະເປັນໄປບໍ່ໄດ້ ຈົນກະທັ້ງມັນໄປເຖິງຈຸດນັ້ນແລ້ວ ທ່ານເອງກໍເຊັ່ນກັນ ລອງປ່ຽນຈາກຄຳເວົ້າຢ້ານໆ ດູໝິ່ນຕົນເອງ ມາເປັນການຊຸກຍູ້ຕົນເອງດ້ວຍຄຳວ່າ “ຂ້ອຍເຮັດໄດ້, ມັນຍາກ ແຕ່ຂ້ອຍຈະເຮັດມັນໃຫ້ໄດ້” ຮູ້ຫລືບໍ່ວ່າພາກສ່ວນໃດຂອງຮ່າງກາຍທີ່ແຂງແກ່ນທີ່ສຸດ ? ມັນແມ່ນຈິດໃຈທີ່ປ່ຽມດ້ວຍພະລັງນັ້ນເອງ.
  3. ຢ່າເມົາແຕ່ຈົ່ມວ່າ ຮ້ານນັ້ນເປັນຫຍັງຈຶ່ງຂາຍດີແທ້ : ເຄີຍເປັນຫລືບໍ່ ເວລາທີ່ເຮົາເຫັນຄົນອື່ນດີກ່ວາ ບາງເທື່ອກໍຈະເກີດຄວາມຮູ້ສຶກອິດສາໃນໃຈເລິກໆ ວ່າເປັນຫຍັງເຮົາຈຶ່ງບໍ່ດີແບບເຂົາ ຮ້ານນັ້ນຂາຍດີ ເປັນຫຍັງເຮົາຈຶ່ງຂາຍບໍ່ດີ, ທຸລະກິດນັ້ນເບິ່ງຄືຈະຮຸ່ງເຮືອງ ແຕ່ເປັນຫຍັງເຮົາຈຶ່ງບໍ່ຮຸ່ງເຮືອງແບບເຂົາ ມັນເປັນຍ້ອນຫຍັງ ? ສິ່ງເຫລົ່ານີ້ອາດຈະເກີດຈາກການທີ່ທ່ານເອົາຄວາມຮູ້ສຶກໃນດ້ານລົບມາບັ່ນທອນກຳລັງໃຈ ຍິ່ງຄົນອື່ນໄດ້ດີ ຍິ່ງຮູ້ສຶກບໍ່ດີ ໂດຍທີ່ຈິງແລ້ວທ່ານເອງກໍອາດຈະເຮັດໄດ້ດີກ່ວາເຂົາກໍມີ ພຽງແຕ່ທ່ານຕ້ອງພັດທະນາຕົນເອງ ລອງເບິ່ງວ່າຄົນອື່ນເຂົາເຮັດໄດ້ດີຍ້ອນຫຍັງ ? ໃຊ້ຂໍ້ດີມາປັບໃຫ້ເຂົ້າກັບຕົນເອງ ແຕ່ຢ່າປ່ຽນແປງຕົນເອງທັງໝົດ ແລະ ເມື່ອທ່ານພັດທະນາຕົນເອງ, ພັດທະນາທຸລະກິດ, ພັດທະນາສິນຄ້າ ເຊື່ອວ່າມື້ໜຶ່ງທ່ານກໍຈະເປັນຄົນທີ່ຄົນອື່ນຊື່ນຊົມເຊັ່ນກັນ.
  4. ເບິ່ງແຕ່ຕົນເອງ ໃຜເຮັດຫຍັງກໍບໍ່ຖືກໃຈໄປໝົດ : ຄວາມອັກຄະຕິໃນໃຈ ໃຜໆກໍຄົງເຄີຍມີ ເວລາທີ່ທ່ານຕ້ອງເຮັດວຽກກັບພະນັກງານຫລາຍຄົນ ບາງຄົນອາດເປັນພະນັກງານທີ່ຮັກ, ເຮັດຫຍັງກໍດີ ແລະ ຖືກໃຈ, ແຕ່ສຳລັບບາງຄົນເຮັດຫຍັງກໍບໍ່ດີ, ຂັດຫູຂັດຕາໄປໝົດ. ກ່ອນອື່ນເລີຍນັ້ນ ຢາກໃຫ້ທ່ານເບິ່ງວ່າບັນຫາທີ່ເກີດຂຶ້ນມາຈາກຫຍັງກັນແທ້ ? ມາຈາກໂຕພະນັກງານເອງ ຫລື ມາຈາກຄວາມຄິດຂອງທ່ານ ເຊັ່ນ : ພະນັກງານບາງຄົນເປັນຄົນເວົ້າຈາອວດອົ່ງທໍລະນົງ, ບໍ່ຍອມໃຜ ແຕ່ຄວາມຈິງແລ້ວເຂົາເປັນຄົນເຮັດວຽກດີ, ມັກຄວາມຖືກຕ້ອງ, ແຕ່ທ່ານຊຳ້ພັດບໍ່ມັກ ບໍ່ຖືກໃຈໃນຄຳເວົ້າຂອງເຂົາ, ລອງແຍກເລື່ອງການເຮັດວຽກ ແລະ ເລື່ອງສ່ວນໂຕໃຫ້ອອກຈາກກັນ ຖ້າເລື່ອງວຽກເຂົາເຮັດດີ ແຕ່ເລື່ອງສ່ວນໂຕບໍ່ຖືກໃຈ ບາງເທື່ອກໍອາດຈະຕ້ອງຍອມກັນໄປ, ແຕ່ຖ້າສຸດທ້າຍແລ້ວນິໄສບາງຢ່າງຂອງພະນັກງານເຮັດໃຫ້ທ່ານບໍ່ພໍໃຈ ຄົງຕ້ອງເອີ້ນເຂົາມາປັບທັດສະນະຄະຕິ ຖ້າບໍ່ລົງໂຕແທ້ໆ ກໍຄົງຕ້ອງກ່າວຄຳອຳລາ ເພື່ອຄວາມສຸກຂອງອົງກອນ.
ທັດສະນະຄະຕິ ແລະ ວິທີຄິດສາມາດບົ່ງບອກເຖິງຄຸນນະພາບຊີວິດຂອງທ່ານໄດ້ -    AD conten website - ທັດສະນະຄະຕິ ແລະ ວິທີຄິດສາມາດບົ່ງບອກເຖິງຄຸນນະພາບຊີວິດຂອງທ່ານໄດ້
ທັດສະນະຄະຕິ ແລະ ວິທີຄິດສາມາດບົ່ງບອກເຖິງຄຸນນະພາບຊີວິດຂອງທ່ານໄດ້ - lattana banner - ທັດສະນະຄະຕິ ແລະ ວິທີຄິດສາມາດບົ່ງບອກເຖິງຄຸນນະພາບຊີວິດຂອງທ່ານໄດ້
ທັດສະນະຄະຕິ ແລະ ວິທີຄິດສາມາດບົ່ງບອກເຖິງຄຸນນະພາບຊີວິດຂອງທ່ານໄດ້ - lattana banner 1 - ທັດສະນະຄະຕິ ແລະ ວິທີຄິດສາມາດບົ່ງບອກເຖິງຄຸນນະພາບຊີວິດຂອງທ່ານໄດ້
error: Alert: ເນື້ອຫາຂ່າວມີລິຂະສິດ !!